الفصل الرابع
مني قالت لي نوسه صحي انتي حامل 🤰 قلت ليها شنو شنو قالت لي ناس المدرسه قالو انتي حامل ويوم دقاك اخوك داك عرف بي حملك انا قلبي بقا ادق والمدرسه بقت لافه بي وشايفه طشاش طشاش حتي لو بررت لمني موقفي ابرر للناس كيف وناس الحله كيف قلت ليها بخلعه مني احمل كيف معقوله الناس تقول فيني كلام للدرجه دي قالت لي نوسه الناس م قالت كلام الناس شافت عديل قلت ليها شافت شنو الناس قالت لي نوسه م تستهبلي انتي عارفه غلطك العملتيهو انا جيت اقول ليك ليه ي نوسه تعملي كده الخلاك تصلي للمرحله دي شنو والولد قدر يغشك كيف وليه سلمتي ليهو نفسك كان تمنعيهو يا نوسه نحنا ناس غلبانين م عندنا شي نحافظ عليهو غير شرفنا كلمه شرفنا دي انا بقت تتردد في راسي لمن اغمي علي م وعيت الا وانا ف المستشفى جنبي هناء انخلعت قلت ليها هناء فشنو قالت لي ماف شي ي نوسه م تهمي بنحاول نتستر عليك طلعت الدرب من يدي قلت ليها هناء تتستري علي منو انتي عارفاني كويس ماف زول بعرفني غيرك فشنو قولي قالت لي اقول شنو ي نوسه ربنا يهون فجاه جا الولد البحبو اسمو قتيبه قلت ليهو قتيبه فشنو قال لي نوسه انا اسف اني غلطت معاك كده بس انتي م سمعتي كلامي قلت ليهو ي استاذ اسف فشنو وغلطت فشنو انا وريني و اتكلم م تجنوني قال لي نوسه انا مستعد اتزوجك واصلح غلطي قلت ليهو غلط شنو انتو بتتكلمو عن نوسه انا ولا نوسه دي واحده تانيه صنعتوها انتو قال لي عنك انتي قلت ليهو ياتو غلط الغلطتو انا وانا مالي قال لي للاسف انتي حامل قعدت اضحك ضحك ولسه مواصله ف الضحك قلت ليهم انتو كان جنيتو انا واعيه انتو اغبياء ولا شنو احمل كيف بالعقل كده بمسكت ايدك ديك انا احمل انت مجنون ولا شنو انا اشرف منكم وانا ما البت البتحمل بالحرام انا والله لو اتزوجت شده م عفيفه وشريفه م احمل سريع انتو موهومين ولا شنو وهم عايشين في دور كده عجيب ياخ هناء ف اللحظه ديك من شده التمثيل بقت لي فايزه عما سيب والعجب قتيبه عادل امام م مثل زيو كده دايره اطلع بره الغرفه بتاعت المستشفى البت الممرضه شبكتهم ليك البت دي محتاجه تغذيه عشان الجنين م يضيع قلت ليها الجنين دا في بطن امك انتي كلبه ولا شنو وجاتني ليك قوه مسكتها ضربتها ضرب قلت ليها ديل عفنين ووسخانين ونجسين انتي ممرضه مفترض تكوني ملاك رحمه مش تجي في سكتهم وتلبسوني حاجه انا ما بتشبهني قالت لي اصلا الحمل ف الشهور الاولي بجنن عديل وتاني مسكتها ضربتها والناس كلها اتلمت فينا وانا خلاص خبري اتذاع ف الحله ولي امي الخبر اكون وصلها دخلت البيت وقنعانه من نفسي لقيت امي عاديه ما شاكلتني ولا اي شي حسيت انها م عرفت بس ناس الحله عرفو اكيد امي ح تعرف وانا لازم اتصرف اشوف حلل للموضوع دا واليوم كلو سرحانه وروحي ح تطلع نهي قالت لي انتي مالك فشنو قلت ليها ماف شي ونهي شكلها برضها الوحيده الفي المدرسه م عارفه اتزكرت كلام مني قالت لي شفت شوف م قول حسيت في حاجه غريبه وهي المخليه هناء وقتيبه اتهموني في شرفي بس لازم انا اعرفها لبست عبايتي قلت امشي لي مني امي قدر م حنستها عشان اطلع رفضت مشيت نومتا ومنتظره اليوم يخلص عشان امش المدرسه صحيت من الصبح صليت وادعيت قدرتي ودموعي عشره عشره امي لمن لقتني ف الصلايه انخلعت قالت لي غريبه صحيتي قبلينا ربنا اثبتك ويقوي قلبك بالايمان قلت ليها امين قامت صلت قلت ليها يمه ادعي لي ربنا يقويني ويحفظني امي بقت تدعي لي دعوات حلوه وانا دموعه نازله بس دسيتهم منها
امي قامت وعملت لينا الشاي وانا بعاين ليها وقلبي مقطوع وبتكلم مع نفسي اهلي مايستاهلو سمعتهم تتشوه وبقول في قلبي يمه اعفي لي شربت الشاي وجريت المدرسه وطبعا نظره الناس لي مقرفه اخير منها الموت مشيت لي مني في فصلها وقلت ليها عايزاك جات قالت لي مالك فشنو قلت ليها مني تتزكري امس انتي قلتي لي م كلام نحنا شفنا شوف مني انتي شفتي شنو قال لي نوسه انتي عايزه تعملي فيها عبيطه وبريئه والكلام دا غلط بس امس صدمتك ف المدرسه دا اكبر دليل علي حملك قلبي وجعني قلت ليه يا ربي كل التصرفات ماشه في صالح التهمه
اكتر من برائتي قلت ليها مني انا الله وحدو البعلم بي وربنا يصخر لي قوه من فوق اتصدا بيها الموضوع دا بس انا سالتك سؤال جاوبي عليهو قالت لي نوسه الفيديو لافي المدرسه كلها قلت ليها فيديو شنو ي مني والفيديو فيهو شنو بقيت مخلوعه قالت لي فيديو انتي والولد قتيبه مع بعض انا انخلعتا وحيلي مات قلت ليها الفيديو دا عندك قالت لي انا م عندي تلفون وحاجات زي دي م بتدخل تلفوني لو عندي انا قلبي بقا مقطوع قلت ليها مني عليك الله ساعديني انا صاحبتك قالت لي اساعدك كيف ي نوسه انتي م عارفه العواقب شنو ليه سمحتي لنفسك تباري الولد دا فضحك وخرب سمعتك وفوق دا كلو دخلك ف الحرام وحملتي قلت ليها مني اقسم بالله اقسم بجلاله الله انا م حامل وعزه جلال الله الولد دا م لمسني وانا شرفي ماف زول بلمسو انا بت رجال ي مني القصه كلها عكس الشفتو انا م عارفه انتي شفتي شنو بس والله ي مني انا م خليت زول يلمسني مني انا بخاف من ضلي قالت لي للاسف انا كان نفسي اصدقك بس شفت بعيني والاكد لي ضرب اخوك ليك واهلك اتسترو عليك بس الفضيحه ما بتضارا وانا وقفتي معاك دي بتخصم من سمعتي وتاني ما تناديني معليش انا جيت هنا اتعلم سلام عليكم كلام مني دخلني في حوار مع نفسي الربط الاحداث مع بعض ديل منو والحاجه دي كانها خطه مدروسه ماف زول غير هناء اكيد دي هناء وطبعا هناء عامله فيها شريفه وما بتقيف معاي عشان انا سمعتي اتشوهت مشيت لقيتا مع بنات اول ما البنات شافني فاتن نظام انا سمعتي كعبه قعدت اضحك قلت ليها هناء الشريفه تطلعيني انا حامل ولا كمان الولد الاسمو قتيبه داك يصورني هناء انتي الوحيده العارفه القصه عملتو فيني شنو وصورتوني قالت لي هوي م تعملي فيها شريفه شوفي مكان لعبتي وامشي ارمي بلاك فيهو قلت ليها ي استاذ التمثيل البتعملي فيهو دا ليهو حد وعزه جلال الله يا هناء الغضب الجواي دا مع الكلام الطالع فيني ح يطلع جبروتي وعزه جلال الله ح اندمك انك جيتي للحياه وح اندم قتيبه انو جا الجزيره انا بديكم فرصه بس يومين يا تعترفو وزي ما فضحتوني تنفو التهمه دي مني يا لا ح ارحمك لا ح ارحم غيرك قالت لي انتي م عندك وش تتكلمي الولد الحملك عايز يصلح غلطو ويتزوجك قلت ليها طيب موافقه خلي يجي يتقدم لي قالت لي لا ي حلوه زواج ف السر قلت ليها شاطره ي بت الحرام انتو عايزين تعملو موضوع عشان تخوفوني وتخلوني اتزوج ف السر ي بت وعزه جلال الله لو فتحتي بطني دي عديل قدام الناس وطلعتي منها جنين وانا واثقه من نفسي انو الجنين الطلع من بطني دا م حقي ما ح انكسر ليكم انتو وقعتو في الزوله الغلط قالت لي حره خلي ثقتك تنفعك وعن اذنك تاني ما تناديني انا سمعتي فوق كل شي وفاتت انا الدقايق الاتكلمتها مع هناء دي بقتني نسيبه تانيه وفي اللحظه ديك خوفي من اهلي واخوي كلو راح وحسيت انو انا ح اقع ضحيه لو ما واجهت الكلام دا بثقه ومن هنا قررت اني اندمهم علي انهم جو للدنيا