البارت 3---4
طريق الحب
جمانه السعيدي
ثاني يوم مارحت للمدرسه كلش مستحيه من الي صار اغلب البنات عرفن كلشي من العركه
ام شهد...شهد اكعودي راح عليج وكت الدوام
شهد...عوفيني ماما اليوم ما اداوم
ام شهد...ليش
شهد...تعبانه وماليه خلك
ام شهد...مريضه اخذج للمستشفى
شهد...لا مابيه شي هسه اصير زينه
ام شهد...براحتج
عبرت الساعه ٩ واجاني اتصال من سيف
بلبدايه مارديت بس مابطل يتصل
شهد....الوووووو
سيف...صباح الخير هلووو حب
شهد...هلووووو
سيف....اليوم ماكوووووو
شهد تعبانه بسببك
سيف....بسببي ليش اني شنو سويت
شهد....وحده اسمها فاتن بلسادس هجمت عليه وتكول عوفي حبيبي
سيف....شنو منو هاي فاتن ما اعرفه
شهد...اي غشم نفسك ماتعرفه
سيف ....شلون شكله بله ذكريني
شهد...بنيه طويله بيضه بخدها شامه
سيف....يمعوده انتي كل وحدا تكول حبيبتي تصدكيه
شهد....احجي الصدك تعرفها
جمانه السعيدي
سيف...هاي وحده ساحله نفسه عليه سحل واني ما معبرها
وشافتني مهتم بيج وقررت تخرب بينا كبري عقلج يمعوده
شهد....لا كلامها كله ثقه
وحده متاكده وتعرفك كلوش زين
سيف....اي طبعا تحاجيج بثقه حتى تخرب بينا وهسه انتي زعلانه وما مداومه علمود هيج شغله تافهه
شهد...يا تافه يمعود سحلتني اياب وذهاب وفرجت المدرسه كولها عليه
سيف...هسه شتريدين اروح اكلب الدنيا عليها.
..اروح اسحلها بلشارع واخليه فرجه
اشتكي عليها بلتربيه واخليها تعتذر منج
انتي بس كولي واني تحت امرج
شهد....لا خليها سكته يمعود بلكت تعدي على خير
اني ما اريد الموضوع يكبر ويسمعون اهلي
سيف...هسه عوفي هاي فاتن مدري شنو اسمه يمته نطلع اني وياج نفتر بسيارتي
شهد...مستحيل ما اكدر اطلع وياك خاف احد يشوفني
سيف....لاهيج ازعل عليج.
..شنو انتي ماعندج ثقه بيه
شهد...مو مسئلة ثقه بس اخاف اني ابد ماطالعه ويه احد غريب كوله اطلع ويه ماما وبابا
سيف...فكري وراح تتونسين انتضر ردج مو تتاخرين عليه
فديته حبيبتي الحلو
جمانه السعيدي
شويه وسمعت صوت ماما تصيح عليه
شهد...سيف ماما تصيح عليه بعدين اخابرك اوكي
سيف...براحتج حبيبتي مو تتاخرين عليه صرتي اوكسجيني بلحياة انتي وما اكدر استغني عنج ابد
شهد رجع خابرني بليل مره ثانيه وجان يلح على موضوع
طلعتنا بس اني جنت خايفه كلوش
ثاني يوم شفته الصبح واني طالعه للدوام
من وصلت للمدرسه حسيت نضرات البنات اليه تختلف
وكاني مسويه جريمه
غلست وما اهتميت
كملت السنه وامتحنه الامتحانات النهائيه وبدت العطله
اخر يوم بلامتحانات
كذبت على ماما وكتله من نخلص امتحان نطلع اني وصديقاتي للسوك
بلبدايه رفضت بس بعدين اقتنعت
وفعلا بس كملت الامتحان طلعت ولكيته منتضرني بسيارته
وطلعنا نفتر بلسياره
وهو كل شويه ماخذ ايدي وبايسه
بعدين كعدني بكوفي
وصمم ان ناخذ صوره سويه قرب كرسيه عليه وخله ايده على جتفي واخذ صوره
اني مارتاحيت كلوش جنت خايفه
وبعدين ضجت حسيته ايريد يتقرب مني بس اني جنت ابتعد رغم اني احبه ومتعلقه بي كلوش
بعدين بديت اللح اريده يرجعني
شهد...سيف فدوه رجعني
سيف...شبيج حبيبتي ليش مضايقه
شهد...مامتعوده على هيج طلعات
سيف..تعودي منا وهيج
لعد قابل نبقى بس على التليفون
شهد...ما اكدر اطلع وياك دووووم
سيف...لاتكدرين وكلبج مراح يطاوعج متشوفيني
شهد....فدوه رجعني
سيف....اهووووو شبيج من كعدنا لهسه رجعني رجعني قابل اني راح اكلج
يله كومي خل ارجعج
وفعلا رجعنا للبيت نزلني براس الشارع وراح بدون ماينطق ولاكلمه
لليل ماخابرني اتصل علي ومايجاوب
يمكن اربعين مره اتصلت وبعدين دزيتله رساله
اسفه حبيبي رد عليه
وهم ما رد عليه بعدين تعبت ونمت
بعد بدت العطله ومراح اشوفه
زين شكو بيه اذا طلعت ويا
هو يحبني ومراح ياذيني
بعدين هو وين ماخذني
هو مكان عام وكدام الناس كولها
حقه يزعل مني اني لازم اراضي
جمانه السعيدي
اتصلت علي ما جاوب دزيتله رساله
هلو حبيبي فدوه رد عليه اني اسفه وشراح تامرني انفذ
بدون مناقشه
وين تريد اروح وياك
وفعلا شويه ورد عليه
حسيت روحي ردتلي
استمرت علاقتنا اكثر شي مخابرات وطلعنا مرتين مره عزمني بمطعم ومره كعدنا بحديقه عامه
بس اكثر شي جان يزعجني من نطلع يحاول يدحج بيه
او يحضني
ومرتين حاول يبوسني واني ما قبلت
كنت محتاره بين اسايره حتى لايزعل ويعوفني
او ارفض الاشياء الي جاي يسويها وياي
بس بلاخير استسلم الطلباته لان اخاف افقده
وهو مستمتع لان يحس نفسه كدر يفرض سيطرتة عليه
بدت المدرسه والسنه سادس ولازم اركز بمدرستي
بس شلون وهو فارض سيطرته عليه
بعدين فاجئني ان يريد يسافر شهر الايران
هو وابو
حيل ضجت لان تعودت علي بشكل موطبيعي
بس كان يخابرني بستمرار
نسيت ما كلتلكم بابا اخذ الدكتورا وجنا فرحانيين كلوش
حسينا راح يتفرغ النا
ويهتم بينا شويه بعد ماتعودنا على انشغاله عنا
وهنا اجت المفاجئه
طبعا بابا مسالم بشكل مو طبيعي وجان منتمي الحزب معين حاله حال اغلب الناس
ولمن اجت الانتخابات طالبوهم بوجوه جديده
ولان بابا عندا شهادتين الماجستير والدكتورا قررو يصعدونه
مدير عام باحدا الوزارات
وجانت مفاجئه مامتوقعه علينا
ما انكر فرحنا كلوش وخاصه من الوزاره انطته سياره حديثه وسيارة حمايه ترافقه
هنا نقلبت حياتنه راسا على عقب