رواية معجزة عشقي
الفصل الرابع4
بقلم مروان فرج
درت قهوة وجيت بحدا الباب وسمعت ادم يقول
ادم ....انى يا عمى نوصل في اختي ارجوان يلي تقرا معا بنتك عائشه في نفس المدرسه وطبعا اختي كانت تمشي بروحها الفتره يلي فاتت هيا وبنتك بس بما انا قاعد الفتره هادي رح نوصلها وارحوان قاتلي نبي عائشه تمشي معانا لان في نماذج في الطريق يناشبو ومش محترمين نفسهم فلو سمحت شن رايك
انا..انصدمت وطارتلي بكللل هلبااااا ومعاش قعدت نشوف في شي قدامي وخشت عليهم بقووة و ....... 🔥😱
انا...منبيييش نمشي مع حددد باااش تفهم انت !!؟؟
بوي ...طارتله بكل كيف نخش عليهم هكي عائشه سكككري فممممك وخشي داخل خير مانوضلك وتعرفي شن يصير بعدها
وانتا يا ادم بارك الله فيك وشكرا ع الكلام يلي قوتله واعتبر عائشه زي اختك معندكش مشكلة في أي حاجة ولو غلطت انت خوها وتصرف معاها 🔥
ادم.... قعد يشوفيلي وضحك بس كانت ضحكه ع الخفيف نفس الضحكة اللى ضحكتهاله في لما كنت ف حوشهم كانت ضحكه خبيثه هلباا وكان واضح انا يفكر في حاجات هلبااا 😐
انا...في خاطري والله لمااا اندمممك مش عائشه يلي جيت وادير في روحك تبي تتحكم فيها )
وطلعت رديت القهوه في المطبخ بزعتها ومشيت للدار وسكرت ع روحي الباب 🔥
صلاح....عائشه وين القهوه قعد بابا ينادي عليااا قريب 5دقائق كنت نسمع فيه بس نابيتيش نرد عليه بكل مصح وجهه جاي ويبي يتحكم فياا وينيني ندير قهوه زياده
صلاح....تحشم من ادم هلبااا خصوصا انا ليه مقعمز حصه والقهوه قاعده ماجتش
ادم....احمم هيا مالا نستادن ياعمي صلاح
صلاح...لا والله مش رح نخليك تطلع لين تشرب قهوتك
ادم....مش مشكله قهوتك مشروبه وبارك الله فيك
صلاح....استني شوي ناض صلاح من جنب ادم ومشي للمبطخ عشان يشوفني فيه ولالا بس مالقيتاش
انا...سكرت ع روحي الدار ودرت روحي راقده🔥🙂
صلاح.. سميه ياسميه جت سميه هيا وريم وقاللها ديرلي طاستين قهوه جاي ادم
ريم...فتحت عيونها ع الاخير وقاتلهم توا نا نديرها❤️😍
سميه....استغربت وين عاىشه بس مادروتش الموضوع لانا كانت اتابع في برنامج ع التلفزيون
خشت ريم للمبطخ ودارت القهوه وساوت روحها هكي ومشت جهه المربوعه عشان تعطي لبابا القهوه
ادم...كان مقعمز ويشوف بالدرقه من يلي جي يحسابها عائشه يلي جت
ريم...طقتت ع الباب وناض صلاح فتح الباب وخدي من ريم القهوه وريم كانت تشوف لادم وادم شاف لريم كان يحاسبها عائشه
صلاح ....حط القهوه وشرب هوا وادم وقعدو يحكو شوي بعدها ادم ناااض واستادن عشان يروح
انا....مشيت للمبطخ عشان نشرب ميه وكان روشن المطبخ يفتح ع طول جهه جنان الخوش🔥
ادم ....طلع من الباب وقعدت نشوفله ومشي لعند قريب للباب وفجاه وقف والتفت جهه الحوش🔥😳
انا...قعدت نشوفله بالدرقه وماخليتاش يشوفلي بكل قولت شن مزال يبي هدا
قعد ادم مصبي في مكانه والصدمه جت ريم تجري وكانت خايفه يشوفها حد 😳🔥
ادم...قعد يحكي معا ريم قريب دقيقتين قدام الحوش ونا كنت نموت ونعرف شن يحكو بس 🔥
ريم....عطت ورقه لادم وخشت تجري وادم شاف للحوش هكي وطلع
خشت ريم تجري للحوش وكان واضح عليها انها فرحانه هلباا
انا....طلعت من المطبخ وتلاقيت معاها😐وقعدت نشوفلها بنظرات غريبه
ريم....خير بلاك شن تبي مني انتي
انا...لا شي خيرك
ريم ....اقلبي وجهك من قدامي ومشت تجري لدارها وسكرت ع روحها الباب
انا....قعدت طايرتلي بكل نبي نغرف شن كانت تبي ريم من ادم بس عشان نتريح قعدت ف المطبخ وشوي وجتني موده قاتلي نبيك اديرلي طاسه عصير😕
انا...تفرجت فيها من الغضب عندك يدين ولالا
موده...قعدت خايفه مني وتشوفلي ومستغربه عشان اول مره تشوفني ونا طايرتلي هكي خشت للمطبخ بدون ماتقولي شي ودارت لروحها طاسه عصير 😂🔥
وانا مشيت خشيت لداري ورقدت وكان جوي اخخييي بكل ومفاقتش الا على صوت موده كان الوقت بعد العصر
موده....عائشه نووضي هيااا خالك عبدالجليل جاك وقالك وتي روحك عشان يرفعك معاه للحوش
انا نطيت: بالحق ؟؟
موده : والله الله
نضت بسرعه وطلعت نجري من الدار لقيت خالي برا ع طول خشيت في حضنه ( طبعا خالي عبدالجليل يحبني هلباا وهدا يلي رباني من اول ماتوفت امي وكان لما كنت نقرا ف الابتدائي ديما يجيني ويرفع فياا لحوشه نقعد معاه يوم والل يومين وبعدها يدرني لحوشناا طبعا عندي خال واحد ورفع نعرفكم ع عيله خالي،❤️
انا : خالو استحشتتتتك
عبدالجليل : حتى انى يا عيووون خالو هيا وتو حوايجك خلى نرفعك
انا حاضر هي وتيت حوايجي وطلعت نجري ركبت معا خالي ومشينا لحوشهم
واول ما وصلت نزلت نجري 😂❤️
نعرفكم بعيلة خالي
مرت خالي اسمها نورية وعندها 4 صغار زوز بنات وزوز ولاد
امير عمره 28 عام كان يشوف لعائشه من لما كانت صغيره ويحبها هلبااا لاكن حب اخ لاخته وبس لانه يشوف انها ماعندهاش ام ولاحد وعاىشه نفس الشئ زي مانقولوش كان شفقان عليها
المعتصم.. عمره 35 متجوز وعنده بنت وولد
مرح عمرها 20سنه تحب عائشه هلباا وتعامل فيها زي وخيتها ❤️🔥
واخيرها ريان عمرها17سنه الصغيره ف الحوس وجوها حلو بكل ديما تضحك وماينملش منها بكل 😂❤️
خشيت نجري للحوش لاني كنت متعوده ونعرف مرت خالي تحبني لقيت العيله كلهم ف الخوش😂🔥
المعتصم.. : اوووو عاىشه جت الدريه
انا.. ضرباته على صدره : درية في عيينك
المعتصم... ههههه تي نبصر خيرك
انا..: تستاااهل وقعدت نسلم علي العيله بالواحد قعمزنا شويه ف الصاله وبعدين خشيت انا وبالبنات للدار متاعهم
وقعدنا نهدرزو ونضحكو ولعب وبصارة لين جى الليل
ريان : تعالو نطلعو نسهرو برا ف الجنان قبل لاتروحي ي عويشه
انا...عادي اي فكره حلوه
مرح .....امشو انتو وتوا ناخد شوي حاحات من الثلاجه ونجيكم
طلعت انا وريان ومشينا درنا فرشه ف الجنان وقعمزنا عليها وقعدنا نهدرزو وكان جو حلو وشوي وجت مرح وكاينه جايبه معاها عصاير وحاجات😂🔥
قعمزنا وقعدنا نحكو وحطيتلهم ع جو مرت بوي وكيف تعامل فياا وهلباا وقعدت نحكيلهم ع ادم وشن داير اليوم ونا نحكي ماانتهتبش ع روحي لقيت خالي امير وراي ويسمع فيا😱
امير....من هدا ي عائشه يلي شادها ف جرتك ويتصلق عليك
انا...اااء اااء لا هدا صاحب صديقتي ارجوان بس يعني مره مره يحكي معاي لانا هوا يوصل فيااا معا اخته
امير....يعني هدا هوا بس مافيش شي تاني مايضايقش فيك هوا والل شي
انا....لالا مايقدرش اصلا
امير....باهي كويس وجاه تلفونه وطلع من جنب البنات ونا حاطيت يدي ع قلبي مانبيش امير يعرف بشي وتصير مشكله من وراء راسي😂
ريان....اووووه طلعتي منها ي عائشه تعرفس امير عصبي بكل ومايحبش حد يغلط ف الدوه هادي
انا...اها ههههه نعرف من لما صغيره اصلا
ريان ....اي بكل بس نبي نعرف خيره ادم معاك هل يحبك
انا.....هههههه شنو يحنبي تي لا بس هوا هكي يفرح لما حد يغصب منه ونحس فيع يرتاح نفسيته 😐🔥
مرح....ولعند امتي بتقعدي ساكته ليه حتي انتي نرفزيه وهكي معاش يقربك بكل ولا يقدر يتقرب منك
انا.... باهي قوليلي شن ندير ي مرح
مرح.....عندي هلبا حاحات اول شي نرفزيه وبعد يعصب منك ديري روحك مش مدروتيه بكل خلي ينحرق من داخل وهكي معاش يقربك بكل😂🔥
وطبعا ديري جو هكي لروحك وتوا نعطيك شوي حاجات السيبه خليه ينحرق من داخل
انا.....ههههه حاضر قعدت مكسد انا وريان ومرح لين جت مرت خالي وقالنا تعالو كان بتعشووو❤️
نضنا وخشينا للحوش وتعشينا معا بعض وجت الساعه 12في اليل
خشيت لدار مرح وخديت من كم حاجه هكي دبش وعلمتني شوي حاجات وطلعت ركبت معا خالي في السياره السياره وروح بياا
خالي....شن غيرتي جوك ي عويشه ولالا
انا....اي ي خالو بارك الله فيك والله غيرته وجوي وله حلو بالدات بجود مرح وريان
خالي... الحوش حوشك ي عويشه وامتي ماتبي تجي اتصلي بيا او كلمي بوك يكلمني ونجيك ع طول
انا....ربي يحفظك ليا ي احلي خال في الدنياا
خالي ....حقا شن معامله مرت بوك ليك هيا وبناتها أنشاء الله احسن من قبل
انا... والله ي خالو مش رح نكدب عليك زي قبل واحرف
خالي ....والله امك قبل لاتموت وصلتني بيك وبادن الله مش رح نخليك هيا كم يوم وعندي ليك مفاجاه حلوه ووصلنا قدام حوشنا
انا.... بفرحه شن هيا المفاجاه ي خالي😍❤️
خالي ...توا نقولك عليها وقتها قاعد نحضر فيها ورح تعجبك هيا توا انزلي
انا.... باهي تمام نزلت وخديت حاجاتي وخشيت لحوشناا
حطيت حاجاتي في الدار ومشيت لدار ريم بالشوي عشان كنت نبي نعرف هل تحكي معا بالتلفون ولالا بس ريم كانت راقده
رجعت لداري بالشوي وتكيت ونا نفكر في ريم وشن كانت تبي من ادم لين خداني النوم
______________________________
تاني يوم الصبح نضت بكري عشان نوتي روحي اندير زي ماقاتلي مرح امس وطايريلي في نفس الوقت اني رح نكشي معا ادم هدأ 😕 قعدت ولبست وشاح ابيض ومعاه شوز ابيض وبخيت عطر كنت واخداته من مرح وطلعت شعري شوي 🤤
وتيت روحي وفطرت وقعدت مقعمزه ونستني في ادم امتي يجي وشوي ونسمع في كلاكس ادم
انا ....في خاطري ( انشاء الله تطربق تو نوريييك تسكييير الراس معاى كيف شكله ) قعدت مقعمزه شوي ومابتيش نطلع لعند مانزلت ارجوان ودقت عليااا الباب وطلعت ❤️😂
ارجوان....تشوفيلي وهيا ومستغربه من لبسي شن بتمشي هكي انتي
انا....وخيرني شن في
ارجوان....يستر الله من ادم مغير هيا اركبي تاخرنا 😁
انا هي ركبت من وراء وفي لحظه شفت للمرايه القدام شافني ادم
ادم....خيرك انتي بتجلطيييينى🔥