رواية بعد الصبر جبر
الفصل الثالث3
بقلم اسراء عبد الكريم
في مرور الثلاثه اشهر
كل فتره بمشي المستشفى واتابع اذا ظهرت لي حمل ولا لا
بس للاسف كل يوم برجع كلي الالم وخوف من المجهول صح ان احمد كان ساندني وم بحاول يحسسني بشيء بس ضميري كان مونبني كوني اتزوجت ولي ثلاثه شهر وم ظهرت اي علامه للحمل كانت بتزيد احساسي بالذنب
احمد انتي مستعجله لي شنو كلها ثلاثه شهر يعني م حاجه بتخوف في ناس سنه حتي بجيبو اطفال علي الاقل انا ح اكتفي بتربيتك حتي اجيب اطفال اربيهم وغمز لي
منال كميه الراحه البحس بيها مع الانسان دي م بتتوصف اتذكرت كلمه اكتفي بتربيتك احمااااااااااد قاصد انا طفله صح
احمد فك الضحكه وقال م ركزتي مع الكلام اللذيذ دا كلو الا ركزتي في كلمه طفله دي والله صحي طفله وح تفضلي طفلتي المدلله
منال حرفينا احمد بمتص مني كل الطاقه السلبيه والطاقه الغير ايجابيه ح افضل احبك ❤
مرت سنه كامله
في السنه دي كان احمد ساندني ان في ناس سنه م ولدو كنت مطمئنه بالكلام دا وم قاعده اتاثر بكلام الجيران والحموات والنسابه لان حرفيا احمد بالجد وحقيقه السند الحقيقي وغير السند الطمائنينه في حياتي 🫶
كنت بجهز في الفطور عشان امشي لي نسيبتي افطر معها جهزت الفطور ومشيت ليها اسمها عوضيه ❤❤🤍 معاملتها ظريفه معي بس في الفتره دي علاقتتنا بحس بيها متوتره بحاول بقدر الامكان اكسر الحواجز بيناتنا في النهايه هي ام المحبوب 🫶
عوضيه تعالي يا بنتي الله جابك عايزه اتكلم معك مدام احمد طلع الشغل وبكده القي راحتي معك في الكلام
اسمعي يا بنتي انتي شكلك م بتنجبي اطفال انا بتكلم معك بحسن نيه
خلي ولدي يعرس يشوف حياتو الدنيا م معروفه والموت م معروف وانا عايزه اشوف اطفال ولدي قبل اموت خلي ولدي يعرس فيك وانتي تقعدي علي الاقل تربي ليه اطفالو انتي والمراءه الثانيه مدام انتي عاقر م بتلدي ولدي م عندو ذنب معك والراجل محلل ليه اربعه وانتي مومنه صح لو م عايزه براحه تطلقي منو وانا بقنعو لك يديك ورقتك ولا تقعدي مع ضرتك في بيت سوا واهم حاجه عايزه منك تكلمي مع احمد يتزوج عليك و تبقي زي النساوين الحلوين وتقنعي زوجك يعرس فيك سامعاني
منال كلامها كان زي السهم قسم قلبي نصين
فعلا صح كلامها م صح اضيع احمد لازم يشوف حياتو.
بس انا بحبو م عايزه مراءه تشاركني فيه.
بس ربنا حلل ليه اربعه زوجات
بس انا م بقدر اتحمل اشوفو مع غيري.
احتمال بعدين يكرهني ويحب مرتو.
احسن حاجه اقنعو يتزوج وانا اطلق م بقدر للمشاركه.
بس انا بحبو م بقدر اتخلي عنو 💔
اعمل شنو ياربي
عوضيه هي ها سرحتي وين ودي شنو دموع التماسيح دي يا بنت ها انتي عاقر افهمي م بتنجبي اطفال اقنعي ولدي يتزوج
منال دموعي كانت بتنزل زي قطرات المطر البتنزل بغزاره م قادره اسيطر عليهم م كان نفسي اظهر ضعفي قدامها بس هي ام احمد وعايزه مصلحتو وقفت فوق وقلت لي عوضيه حاضر ح اقنعو يتزوج 💔
م قادره امثل اني قويه تعبت من التمثيل بالقوه وقفت علي حيلي وطلعت من بيتها مشيت بيتي وقفلت الغرفه علي وانا ببكي عسي ولعلي الالم الفي قلبي يخف 💔
احمد
مرت سنه كامله وانا بطمئن في نفسي واقول ليها لسه ربنا م قال ليها كوني فتكوني
م فكره اتزوج لان انا قطعت وعد اني اسعد منال م بقدر اخلف بوعدي واجيب ليها ضره تقهر قلبها وتكسرو
امي كل يوم بتفتح معي سيره الزواج م كنت بخلي منال تمشي ليها كثير خوفا علي مشاعرها وم كنت مقصر من امي الصباح بصبح عليها واتونس معها وابوس راسها واخلل شعرها واهظر معها بس فكره اتزوج وحدي زوجه ثانيه م كانت في بالي صح امي بتحاول بقدر الامكان تقنع فيني اتزوج بس انا م قادر انا بحبها وراضي بقسمتنا كده عايزه اجرب جبر الله وعوض الله العظيم عايز اجرب شعور الانبياء في الصبر والقوه في البلاء دا السبب البخليني اكون ثابت وم اتزوج علي منال ❤
تميت دوام شغلي ورجعت البيت سلمت علي امي
عوضيه اتزوج يا ولدي الدنيا م معروفه احتمال اموت قبل اشوف اولادك
احمد يا امي كم مره قلت لك كل شيء قسمه ونصيب ربنا كريم علينا ومتاكد ان ربنا كاتب لينا الذريه الصالحه م علينا الا الصبر
عوضيه لو م اتزوجت م عافيه لك مرتك العاقر ديك كتبتك ولا شنو
ما عافيه لك يا ولدي
اختار واحد من الاثنين يا تتزوج وتقعد معي
يا م تقعد معي اصلا انت ومرتك العاقر اتفضل اطلع من بيتي اخر الزمن م تسمع كلامي
احمد امي الله يرضي عليك اجبري بخاطرنا اصبري علينا شويه بس
عوضيه اصبر كم سنه ها انا متربيه منك لا ولدي ولا بعرفك اخر الزمن اتعب عشان اربيك في النهايه تسمع كلام مرتك اتفضل اطلع من بيتي
احمد يمه استهدي بالله يا امي م بقدر اطلع واخليك الموضوع والله م مستاهل كل دا انعلي الشيطان يا امي م تخلي يدخل بيني وبينك 💔
عوضيه م عايز تطلع كويس عوضيه طلعت وجات بالشرطه وقالت ليهم دا م ولدي واعتدي علي في البيت وابي يطلع من البيت وهو مجرد شخص اجر البيت وممثل ان ابنها يعني حرفيا نكرت ولدها
احمد كان منكسر بجهتين جهه الانجاب وجهه امو بس متمسك بالامل وبالايمان بالله والايمان بالقضاء والقدر خيره وشره
شايف منال طلعت من الغرفه
امي فاتت علي منال بكل اندفاع وووو