رواية لا انجب
الفصل الثالث3
بقلم ساره محمد
عدا اسبوع وعلاقة مراد وشهد حلوه وشهد تاني م فتحت الموضوع بت خالت مراد ولدت وأم مراد قالت لمراد نمشي انا وانت وشهد للسمايه وفعلا اتجهزو ومشو مراد مشا محل الرجال وشهد وأم مراد مشو محل النسوان في الاول الجو كان حلو ام مراد قالت لشهد ارح نبارك ليها بس وقفت خالتهم قال ليها مرت ولدك م تخش لأنها عاقر وبتكبس النفساء طبعا شهد اضايقت وقالت لام مراد خشي انتي انا اتزكرت امي قالت عاوزاني انا حامشي ليها وطوالي طلعت ولا كلمت مراد ركبت ليها ركشه ومشت بيتهم وامها من شافتها اتخلعت وشهد بقت تبكي لمن مصرانها قام عليها امها هدتها ونامت مراد رسل لامو عشان يطلعو وطلعت امو براها
مراد: أمي وينه شهد
ام مراد: شهد مشت أهلها م كلمتك
مراد: لا انا مفتكرها معاك
ام مراد: والله با ولدي ....وحكت ليهو الحاصل مراد اضايق شديد اتصل علي امها وحكت ليو حالتها وقالت ليو خليها ترتاح معانه اليله مراد وافق بس نفسو يشوفها مشا البيت نزل امو وطلع مشا لصحبو علي لانو بفضفض معاو رجع البيت للساعه ١١ وطوالي نام
شهد صحت بصداع فتحت تلفونها لقت كمية رسائل من مراد اتصلت عليو وكان نايم
شهد: حبيبي أصبحت
مراد: ممم حبيبتي انتي كويسه
شهد: اممم كويسه معليش امبارح نمت بدري
مراد: حاجيك العصر نمام
شهد: تمام حبيبي
شهد عدت اليوم مع أهلها والعصر مراد جا اتونس معاهم شويه وطلعو مشو اتعشو بره ورجعو البيت واليومين عدو عادي ام مراد بدت تفكر ف موضوع العرس ويوم مراد حا بدري قالت ليو عايزاك ف موضوع
ام مراد: يا ولدي لمتين حتكابر
مراد: ف شنو يا امي
ام مراد؛ انا عايزه اشوف جناك
مراد" يا أمي لسه الله م اراد
ام: يا ولدي انا حاسه ايامي قربت ونفسي اشوف ليك جنا وكمان تسكت الناس من شهد
مراد: أمي أنا مستحيل ابدل شهد بمرا تانيه
ام مراد: احنا م قلنا بدلها بس اتزوج وحده تجيب ليك الجنا وتكون اخت لشهد
مراد: أمي ماف ضرة بتكون اخت وكمان م داير اظلم شهد اسي لو العيب مني هي بتعرس
ام : لالا م بتعملها والله
مراد: طيب انا اجازيها كده
ام مراد: خير يا ولدي
مراد بأس راس امو وطلع لقا شهد بتقرا ف القرآن قعد جنبها وخت راسو ف كتفها وهي بتقرا وجس روحو مرتاح