رواية لا انجب
الفصل الرابع4
بقلم ساره محمد
شهد انتهت وقفلت المصحف لقت مراد نايم ف كتفها زي الطفل صحتو براحه وقامو رقدو ف السرير وكان حاضنها زي الطفل الخايف امو تبعد عنو
مر اسبوع والأمور عاديه بس ام مراد الكلام كتر عليها وبقت تفكر ف موضوع انو تعرس لمراد بس ما قادرة تفاتح شهد في الموضوع لأنها بتحبها بس بنفس الوقت عاوزه تشوف اولاد مراد في يوم شهد بعد انتهت من شغلتها ام مراد قالت ليها عاوزاك ف موضوع ومشت ليها غرفتها
شهد: اها يمه قلتي عاوزاني
ام مراد: يا بتي عاوزه افاتحك ف موضوع بس خايفاك تزعلي
شهد: أمي أنا عمري م بزعل منك وكلامك فوق راسي
ام مراد: والله يا بتي انا كبرته ورجلي والقبر نفسي اشوف اولاد مراد
شهد: بس يمه انا ما بيدي شي وكمان فاتحت مراد ف انو يتزوج مره تانيه بس زعل مني حتي اسألي مزن هي الصالحتنا
ام مراد: يعني انتي ما عندك مانع
شهد: يمه انا اي حاجه حاتسعد مراد وتسعدك انا مستعده ليها وما تخافي بس اهم شي تكون بت حلال وتبقي لي اخت ما ضره
ام مراد: الله يكملك بعقلك يا بتي
شهد: يمه انا بمشي ارتاح شويه
شهد💔
مشيت غرفتي وبقيت ابكي يعني خلاص مراد حتشاركني فيو وحده يعني ما حاكون براي ف قلبو لكن ده العايزاها عايزه مراد يكون عندو طفل ويكون سعيد استغفرت وقمت استحميت وصليت وبقيت اقرا ف سورة البقره لأنها بتريحني ❣️
عند مراد💔
كان قاعد ف مكتبو وسرحان وبفكر جاو صحبو علي هو الوحيد البفضفض ليو
علي: مرادو مالك سرحان يا زول
مراد: والله يا علي راااسي جايط
علي: نفس الموضوع
مراد: في غيرو والله زهجت من التفكير
علي: والجد شنو
مراد: أمي بقت تنق لي كتير ف موضوع اني اتزوج تاني وانا بصراحه ما بقدر
علي: مش شهد ما عندها مانع
مراد: هي بتقول كلام ساي لكن متأكد لو عملت كده بكون بظلمها
علي: مراد فكر بعقل انت اسي عمرك ٣٧ ومتزوجين ليكم ٦ سنه يعني انقطع الأمل بس انت بتقدر تجيب السعاده بنفسك
مراد: اووووف ما عارف ما عارف
علي: انت استخير وشوف البحصل واكيد شهد ما تعارض وخصوصا انت بتحبها واكيد حاتعدل بينهم صاح
مراد: ما عارف يااخ
علي: كدي استخير بس ده حلك الوحيد
مراد: خير انا طالع
مراد رجع البيت سلم علي امو وطلع غرفتو وكالعاده لقا شهد بتقرا ف القرآن بالجد برتاح نفسيا لمن يشوفها م حبه يقاطعها دخل استحم وجا صلي وبقا قاعد جنبها لمن خلصت
مراد: حبيبي العسل ربنا يقبل
شهد: منا ومنك حبيبي قيلت كيف
مراد: بعد شفتك احسن
شهد: شكلو المزاج رااايق
مراد: هههههههههههه من اشوفك بروق المهم ده انا جعاان
شهد: من عيوني حييبي ارح ننزل نتغدا تحت
مراد: ارح يا عمري
نزلنا مراد قعد مع امو وانا ومزن جهزنا الغدا واتغدينا وظبطت القهوه وجو حمياني ونسوانهم ودقينا الونسه للمغرب وبعد كده اي زول مشا بيتو وانا نظفت المطبخ ومراد امو نادتو غرفتها شكلها حاتفاتحو في الموضوع
ام مراد: يا ولدي اها قلت شنو
مراد: يا أمي انتي مصرة
ام مراد: يا ولدي انا والله ممكن اموت اسي يعني يرضيك اموت وانا متمنيه اشوف جناك
مراد: بعد الشر عليك يمه بس انا ما قادر اخد قرار
ام مراد: استخير وانا اوعدك تكون بت حلال وم تضايق شهد شهد زي بتي وانا زاتي ما بدور ليها الكعب
مراد: طيب يمه بستخير
ام مراد: يحصل الخير ان شاء الله
مراد: انا طالع ارتاح
مراد طلع لقا شهد ف المطبخ عاين ليها وم اتكلم ومشا غرفتوو طوالي
خلصت من شغلتي ومشيت قعدت مع مزن قلت اخلي مراد يهدا قعدت معاها شويه ومشيت غرفتي لقيت مراد بصلي دخلت استحميت واوتوضيت وجيت صليت ومراد خلص ورقد جيت رقدت جنمبو
شهد: حبييي انت كويس
مراد: اممم كويس حانوم انا تصبحي علي خير
شهد: وانت من اهل الخير حبيبي
مراد شكلو زهجان لانو م قرب مني وانا قلت اخليو براحتو وطوالي نمت
صحيت مع النباه قمت اتوضيت وصليت الرقيبه والفجر وشويه كده ومراد صحا اول مره يصحا بدري
شهد: صباح الخير حبيبي
مراد: صباح النور يا قلبي
شهد: مالك اليله بدري
مراد: م عارف بس حاسسي نفسي مرتاح
شهد: ان شاء الله دايما حبيبي
مراد: شوشه ممكن قهوه
شهد؛ بس قهوه علي الريق حبيبي
مراد: عندي ليها مزاج
شهد: عيوني حبيبي
مراد دخل الحمام وانا نزلت تحت عملت الشاي وعملت القهوه وطلعت فوق لقيت مراد صلي
شهد: حرما يا حبي
مراد: جمعا
قعدنا شربنا وهو شرب قهوتو وبقي يتونس معاي لحدي مواعيد شغلو جهز نفسو ونزل صبح علي امو
ام مراد: اها يا ولدي
مراد: خير يا أمي
ام مراد: ربنا يسعدك ويهنيك يا ولدي
مراد: انا طالع الشغل
ام مراد : عديله يا ولدي
نراد طلع وأم مراد. بدت تفتش للمسا كده جارتها رشحت ليها بت يتيمه مربياها عمتها وقالو مسكينه اسمها مرام هي حلوه ورسلت الصور وأم مراد ورتها لشهد وشهد انبسطت لأنها باين عليها مناسبه مراد جا المسا امو ورتو بس ابا يشوف الصور وطلع غرفتو لقا شهد قدام المرايه بتسرح ف شعرها جا حضنها وبقي يبوس ف رقبتها
شهد: مممممم سيد الناس ده كلو شوق
مراد: ممممممم ده حاجه بسيطه ياخ انا الشوق كاتلني
شهد: هههههههههههه وااي من قلبي
مراد: رايك شنو ف ساعه زابطة
شهد: ساعه عديل ههههههههه
مراد: ممم هههههه علي كيفك ممكن امدها يلا تعالي
شالني ورقدني في السرير واخر رومانسيات
وحصل الحصل هههههههههههه
بعد خلصنا قمنا استحمينا ورقدنا وشايفه مراد م عايز يتكلم ف موضوع العرس
شهد: حبيبي شفت الصور
مراد: اممم م ضروري
شهد: طيب انت مضايق مني
مراد: عمري م بضايق منك حبيبي بس م مهم اشوف الصور لأنك أجمل م رأت عيناي
شهد: هههههههههههه عديل كده
مراد: هههههههههههه واكتر يا حب
تلفون مراد ضرب ::
مراد: يا هلا
علي: ويين يا زول الشله ملمومه تعال
مراد: م عندي مزاج
علي: ههههههههه عديل كده ان شاء الله نص ساعه
مراد: كدي بشوف
شهد: حبيبي مالك م عايز تطلع
مراد: م حابي اخليك
شهد: هههههه انا قاعده حامشي وين اطلع فرق مع اصحابك
مراد: اول مره اشوف مره بتهدي راجلها للانطلاقه
شهد: ههههههههههه لاني بحب اشوفك راايق يلا قوم وم تتأخر عن الساعه ١٢
مراد: لا م تقولي لي بيت عديل
شهد: ههههههههه لالالاني م بقدر انوم بدون حضنك
مراد: وانا م حاتاخر حبيبي
مراد جهزنفسو وطلع وانا مشيت اتونست مع مزن لحدي للساعه ١٠ مراد جا ومشيت غرفتنا ونمنا طوالي