رواية حياة ليان الفصل الرابع4بقلم ليان
صحيت قمت استحميت وصليت وجهزت الشاي وخالد جانا وشربنا الشاي وهو مشا شغلو انا نضفت البيت وسويت الفطور
ليان: يا أمي خالد قال عاوز ملاح قرع اليله
عمتي: اها القرع نجيبو من وين
ليان: جارتنا التحت سودانيه حامشي ليها توصف لي ماركت قريب اجيب منو القرع
عمتي: طيب م تتأخري
لبست عبايتي ونقابي ونزلت لجارتنا اسمها هبه قلت ليها عايزه محل ببيع خضار لقيتها هي زاتها طالعه مشينا اشتريت القرع وف حاجات ناقصه ف البيت جبتها وعزمت هبه وطلعت معاي دخلنا سلمنا علي امي وسويت لهبه العصير وخليتا تتونس امي وانا جهزت الملاح وعست الكسره هبه رجعت شقتها ظريفة ووناسه انتهيت من الغدا دخلت استحميت وصليت العصر وبقيت بقرا ف القرآن سمعت صوت خالد جا وقعد مع امي بره
خالد: اها قيلتي كيف
عمتي: كويسه الحمدلله وين مرتك
خالد: ف الشغل
عمتي: انت لمن نحن كنا ماف كنت بتاكل وين
خالد: مرات ف الشغل ومرات ف المطعم
عمتي: ومرتك م بتطبخ
خالد: مره مره عشان شغلها بتكون مضغوطه
عمتي : اهااااا كويس
خالد: وين ليان؟؟
عمتي: بتكون بتقرا ف قران اليله مشت السوق مع جارتنا جابت القرع
خالد؛ كويس والله اتعرفتو علي الحيران يعني
عمتي: اي والله بت ظريفه
انا انتهيت من قرايتي وطلعت بره سلمت علي خالد وطوالي جهزت الغدا وخالد كالعاده اكل لمن عرق وسوينا القهوه واتونس معانا للعشاء ومشا بيتو عدت تلاته يوم ونفس البرنامج وخالد كل يوم يقول نفسو ف حاجه وانا بسويها ليو
اليله الجمعه ؛؛؛؛؛؛
قمت من الصباح استحميت وصليت وقريت قران حبه ومشيت سويت الشاي وخالد جا شرب معانا امي سالتو من مشاعل قال ليها نايمه
عمتي: ليان اليله نفسي ف ملاح روب بعصيده
ليان: طوالي يا أمي
خالد: محتاجين حاجه اجيبه لي من الماركت
عمتي: لالا كل شي في
خالد: ليان عاوزه حاجه
ليان ؛لالا شكرا
خالد: طيب انا حامشي الماركت واجي للفطور تكون مشاعل صحت
خالد طلع وانا قمت نضفت البيت وبخرتو وعملت الملاح والعصيده وعملت عصير عرديب شويه كده خالد ومشاعل جو خالد اداني كيس قال لي ده حقك انني وده امي كيس دخلت كيسي غرفتي وختيت الفطور طبعا مشاعل بتعاين للأكل بقرف
خالد: مشاعل يلا اكلي
مشاعل: انت عارفني حاجات ذي دي م بتنفع معاي
عمتي : لي م بتاكلي اكل بلدي
مشاعل : لالا يا خالتو
ليان: طيب اكلي شعيرية
مشاعل: م عاوزه باكل ف بيتي بعدين
المهم اكلنا لمن شبعنا ومشاعل تعاين لينا ساي انتهينا من الفطور وغسلت العده عملت ليهم شاي شربو وخالد استأذن عشان يتجهز للصلاة قمت جهزت الغدا ودخلت استحميت وصليت الضهر وقريت سورة الكهف ونمت شويه
عند خالد؛؛؛؛
خالد: السلام عليكم
مشاعل: وعليكم السلام حرما
خالد: جمعا
خالد: انا حانوم شويه ونمشي نتغدا مع امي
مشاعل: حبييبي ده يومي انا صاح
خالد: لكن
مشاعل: اششششش انا مشتاقه ليك حبييي
مشاعل ساقت خالد الغرفه وحصل الحصل ونامو
عند ليان:
صحيت مع أذان العصر قمت صليت وطلعت لأمي استنينا خالد للغدا م جا امي اتصلت عليو م برد قلت ليها بكون نايم اتغدينا وجهزنا القهوه امي قالت تتصل عليو تاني اتصلت المره الاول ماف رد المره التانيه ردت مشاعل
عمتي: الو خالد
مشاعل: خالد ده نايم ياريت م تزعجو
عمتي: كويس نوم العوافي
امي قفلت الخط وكانت زعلانه لانو خالد وعدها يتغدا معاها انا هديتها وقلت ليها يا أمي خلي ياخد راحتو مع مرتو اتصلت علي هبه قلت تونس امي وهبه جاتنا وعندها بنوته حلوه طلعت شربت معانا القهوه وحسيت بأمي انبسطت هبه قعدت معانا للمغرب ومشت بيتها مشينا صلينا المغرب شويه وقعدنا ف التلفزيون شويه كده والباب دقه مشيت فتحتو لقيتو خالد سلم علينا ودخل طبعا امي زعلانه منو بأس راسها وراضاها
خالد: ليان انا جعان ومصدع
عمتي: ماله مرتك المصونه م سوت ليك الاكل
خالد صحيت لقيتها ماف بتكون عند اهلها
ليان: طيب حاسخن ليك الاكل
مشيت جهزت لخالد الاكل اتغدا وشرب عصير وسويت ليو قهوه لكن شكلو لسه تعبان
عمتي: مالك يا خالد وشك كعب
خالد: والله يا أمي مصدع شدبد
ليان: حاجيب ليك مسكن
مشيت جبته لخالد مسكن بلعو ورقد ف طرف امي شويه كده وتلفونو ضرب كانت مشاعل قالت ليو انها بايته مع ناس امها وقفلت الخط وخالد من التعب نام ف طرف امي زي الطفل وامي كانت مبسوطه صحصحتو وقالت ليو بدل مرتك ماف نوم معانا هنا دخل الغرفه التانيه ونام
امي دخلت غرفتها وانا مشيت غرفتي ونمت زي الساعه ٣ص جاتني مكالمه من خالد
ليان: خالد انت كويس
خالد: ليان تعالي
قلقت لانو صوتو كعب لبست عبايتي ومشيت الغرفه لقيتو ماسك راسو قربت منو لقيتو محموم لمن عرقان مشيت جبت مويه بارده وعملت ليو مكمدات لحدي م الحمي نزلت ونام وانا من نعست رقدت ف الكرسي الجنبو ونمت م صحيت الا خالد مسك يدي
ليان: خالد بقيت كيف
خالد: كويس مالك نايمه ف الكرسي
ليان: خفت تضايق تاني م حبيت اخليك براك
انت كويس الحمي نزلت
خالد؛ م تخافي انا كويس يلا قومي تمي نومك
عاينت للساعه لقيتها ٥ ونص
ليان: لالا بعد ده نصلي اخير
طلعت منو مشيت غرفتي استحميت وصليت وقريت قران الساعه بقت ٧ طلعت عملت الشاي وهو طلع من غرفتو صبح علي امي
عمتي: اها كيف من الصداع
خالد: والله يا أمي باليل لمت فيني حمي لمن حيلي مات الا اتصلت علي ليان جات عملت لي مكمدات وحرستني للصباح
عمتي: سلامتك يا ولدي يا حليله ليان أصلها قلبها طيب وم بتحب تشوف زول عيان
ليان: المهم هو اسي كويس الحمدلله
خالد: الحمدلله يلا انا مارق معاكم سلامه
خالد طلع شغلو وانا رتبت البيت وعملت الفطور وبقيت اجهز ف حاجاتي عشان بكره حانزل جامعه لقيت كيس ده الكيس الجابو لي خالد امس فتحتو لقيتو جايب لي نوتيلا وشيبس ونودلز وانا الحاجات دي بموت فيها