رواية ليس نهاية طريق
الفصل الثالث3
بقلم ساره محمد
حازم : اسوي ليك قهوه ؟؟
شهد: يا ريت
شهد دخلت غرفتها استحمت ولبست ردا وتشيرت وفكت شعرها ورقدت
حازم: شوشو ادخل
شهد: خش حزومي
حازم: قهوتك
شهد: شكرا
حازم: انا ماشي انوم عاوزه حاجه
شهد: بكره حاطلع بدري تمام
حازم: تمام
خالد مشا غرفتو وشهد شربت القهوه وعندها حسابات راجعتها ونامت
شهد صحت بدري قامت استحمت وصلت ولبست ليها فستان جينز طقمتو بالكبدي ونزلت عملت نسكافيه وطلعت مشت الكافي
حازم صحا من النوم استحم وصلي ونزل عمل شاي وفتح التلفزيون ولما نايمه م صحت
شهد : انتهت من شغلها ومشت لأمها
شهد: هااااي
ماما: شوشو مشتاقين
شهد: بالاكتر يا ماما
ماما: جعانه ؟؟؟
شهد: شديد كنت ف الكافي وقلت اجي اشوفك
ماما: كافي شنو وانتي ف شهر العسل
شهد: ماما انتي عارفه طبيعة زواجنا وانا اتزوجت لي
ماما: لكن يا شوشو حازم شكلو كويس
شهد: هو كويس واحنا اصحاب م تخافي
ماما: انتي م قادرة تنسي صاح
شهد: هو م بتنسي يا ماما انا اصلا عايشه بدون قلب
ماما: معليش بكره كلو بهون
شهد: يا ماما جعاااااانه
ماما؛ مفجوعه
ام شهد ختو الفطور وفطرو ام شهد. منفصلا من ابوها وكل واحد متزوج
ماما: اها ابوك اتصل عليك
شهد: حتي لو اتصل بحصل شنو
ماما: علي قولك بتكون العروس الجديده ماخذه عقلو
شهد: ماما انا حيت اتونس معاك يعني ماف داعي
ماما : طيب طيب
شهد اتونست مع امها وسو القهوه وقعدت معاها للعصر
حازم كان مالي ولما صحت اكلت ونامت اتصل علي شهد
شهد: حزوووومي
حازم: وين ياخ انا زهجان
شهد: مع ماما تعال علينا
حازم: طيب شويه كده وبجيك
شويه كده وحازم جا وسلم علي ماما ولقانا عاملين القهوه شرب معانا واتونسنا للمغرب وطلعنا مشا معاي الكافي ورجعنا البيت الساعه ١١
شهد طلعت غرفتها استحمت وغيرت ملابسها
حازم مشا لقا لما قافله الباب م اشتغل بيها اصلا هو زهجان منها مشا لشهد ف الغرفه
حازم: شوشو نمتي
شهد: لا اتفضل
حازم بتعملي ف شنو؟؟
شهد: بحضر ف فلم انت لي هنا
حازم: لما قافله الباب
شهد؛ هههههههههه شكلك م مسيطر
حازم: هههههه مسيطر بس م بحب النقه
شهد: طيب الفلم يدا
حازم وشهد تمو الفلم للساعه ٢ص
نامو وشهد صحت الساعه ١٠ قامت استحمت وصلت وحازم لسه نايم شألت كباية مويه وكبتها فيو
حازم: ااخخخخخ انتي جاده
شهد: عجبتني نومتك وقلت اخربها ليك
حازم : كويس ليك يوم
يلا قوم انا ماشه اجهز النسكافيه
حازم: تمام
شهد نزلت المطبخ ولاقتها لما وكانت صاره وشها م اشتغلت بيها ودخلت عملت نسكافيه ليها ولحازم حازم جا نازل صبح علي لما وشال النسكافيه وقعدنا ف الصاله
حازم: شوشو طالعه اليله
شهد: والله عندي غشوه للكافي عاوز حاجه
حازم: اي ابوي قال نجي عليهم عازمنا غدا
شهد: اوووكي انا حالبس وامشي الكافي وانت تعال غاشيني هناك
لما: وانا اقعد براي
حازم : امشي لصحبتك وتعالي المسا
لما: انت حتعترف بزواحنا متين
حازم: لما انتهي من المشروع
لما: طيب
شهد: حزوم انت مشروعك شنووو
حازم: والله يا شوشو عاوز اعمل ماركت
شهد: ظاابط طيب المحل الجنمبي معروض للايجار رايك شنو يكون ماركت وكافي سوا
حازم: فكره يا بت اللذينه
شهد: خلاص بكره نشوف الوضع انا ماشه اجهز وامشي الكافي
شهد مشت غرفتها لبست ليها فستان ابيض مورد بالاحمر وطقمتو بالاحمر واكتفت بالكحل والكلوس ونزلت
حازم: ممكن نتعرف
شهد: هههههههههه شهد محمد مرتك يا اهبل
حازم: احييييي انا
شهد: انا طالعه م تتأخر علي بعدين
شهد طلعت مشت الكافي وقعدت للساعه ٢ جاها عمر
عمر: شوشو خبرك
شهد: اوووو عمور اتفضل خبرك شنو
عمر: تمام والله كنت عايزك ف خدمه
شهد: مممم عرفتك احكي يلا
عمر: عاوز لي مبلغ وارجعو ليك اخر الشهر
شهد: جدا كم ؟؟
عمر: ٥ةمليون
شهد: طيب اديني رقم حسابك
شهد حولت لعمر القروش
عمر: والله تسلمي كتبر برجعو ليك
شهد: م بينا والله
عمر: ف عروس بتشتغل ف شهر عسلها ولا حازم م مسيطر
حازم جا داخل
حازم: مسيطر يا الحبيب لكن الخنقه م حلوه وانا واثق ف شوشوتي حازم قرب من شهد وباس راسها عمر قلب وشو
عمر: م القصد انا ماشي بعد ده
شهد: تمام
حازم : ماله الشخصيه دي
شهد: ده واحد غيور كان داير يكون مكانك بس انا رفضت لانو استقلالي
حازم: العاحبني فيك بتكوني بارده
شهد: هههههههه لازم
حازم: يلا طلعنا؟؟
شهد: ارح بعربيتي ولا عربيتك
حازم: خلي عربيتك هنا وبعدين نجي نسوقها
شهد: يلا
حازم وشهد مشو بيت اهل حازم حازم عندو اختين واخو اصغر منو اتغدو معاهم واتونسو واتفق مع ابوهو انو يعمل الماركت جنمب الكافي حق شهد ورجعو البيت الساعه ٩ شهد دخلت غرفتها استحمت ورقدت وحازم مشا غرفتو
عدا شهرين وحازم وشهد صحبتهم خلوه وحازم اتعود علي شهد وبدو مشروعهم سوا وحازم بقا يمل من لما عشان نقتها وغيرتها كترت
ف يوم شهد م نزلت من غرفتها ابدا حازم صحا ونزل المطبخ م لقاها شال النسكافيه ومشا غرفتها دق الباب ماف رد قال احتمال نايمه الساعه بقت١٠ وحازم امشي ويجي دق الباب
حازم: شوشو صحيتي
شهد: اي يا خازم صاحيه
حازم. : طيب افتحي الباب
شهد: عاوزه اكون براي ممكن
حازم: ف حاجه م ماشه الكافي???
شهد: لا م طالعه
حازم: طيب انا طالع لو عزتي حاجه اتصلي لي
حازم مشا الماركت وبالو كلو مع شهد اول مره تكون كده اتصل يطمن عليها تلفونه مغلق رجع البيت العصر سأل لما قالت ليو اليله م طلعت من غرفتها نهائي حازم قلق
حازم: شهد انت كويسه
شهد: ...
حازم قلق لأنها م بترد و أبت تفتح الباب حازم مشا بالبلكونه ودخل غرفتها واتصدم من شاف شهد