رواية لا انجب
الفصل الخامس5
بقلم ساره محمد
مر اسبوع وخلاص طلبو العروس والعرس الجمعه بس مراد قال م عايز حوطه عقد بس وأهل العروس وافقو وشهد كانت مشرفة علي الحاجات كلها ومراد عشان م يركز نع زعلها كان بمرق بدري وبجي متاخر يلقاها نايمه هي مانت بتزعل بس تاني بتقول اخير اتعود علي كده لانو م دايما حايكون معاها عدا الاسبوع واليله الجمعه اليله عقد مراد ومرام شهد جهزت حاجات العقد مع انو امها قالت ليها م تقعد بس هي قالت بتجهز كل شي اي زول كان شايف شجاعتها بس هي ف قلبها كانو مقزوز سكين ومراد ليو يومين بايت مع صحبو عشان م يشوفها مكسوره وخلاص الناس جاطت والزغاريت والطلق وهنا شهد غلبها التسوي بس كانت بتتصبر وشايله نفسها مع الضيافه شويه كدم ومراد جاب مرام وجو داخلين شهد شافتو بالجلابيه والعمه بس م كان محنن بقت تعاين ليو وهم داخلين قعدت جمب مزن ومزن ماسكه يدها وحاسه بالرجفه الكانت فيها الناس بدت تبارك وهي قالت لمن ارح نبارك مزن مسكتها من يدها وهي ماشه علي مراد بس كرعينها تقال لحدي م وصلتو وهو بقي يعاين ليها في عيونها عشان حابسه دموعها مدت يدها
شهد : مبروك وربنا يسعدك ويهنيك
مراد: ويهنيني بيك حبيبتي
شهد: انا انا حامشي بعد ده لاني تعبانه
مراد: طيب حبيبي خلي بالك من نفسك وخلي تلفونك جنمبك
شهد: حااضر
باركت للعروس وطوالي اتحركت لقت امها واخوها واقفين حارسنها ركبت العربيه ومشت بس كانت مضايقه وصلو البيت وطوالي جرت غرفتها امها عرفتها مشت ليها لقتها قاعده ف السرير وبتهز ف رجلها لأنها عندها المصران العصبي لمن تزعل بترجف
الام: شهد شهد انتي كويسه
شهد.......
الام: يا بت ردي مالك
شهد.........
الام: يا محمد يا ساره الحقوني
محمد وساره جو جارين ولقوها كده خافو شهد كانت سرحانه وبترجف وماف دمعه نزلت منها محمد اخوها هزاها برضو ماف رد طوالي أداها كف
شهد😭😭😭😭😭😭😭
محمد: ابكي حبيبتي طلعي الجواك
شهد: 😭😭😭😭😭😭😭😭😭
امها وساره بقو يبكو علي حالها ومحمد حضنها وهو زاتو بكي بس حس بيها م تمام جسمها تقل رفع راسها لقاها غمرانه شالها وركبو العربيه وجرو المستشفي وركبو ليها درب عشان مهبطه وادوها حقنه مهدئه امها وساره ومحمد جنبها
عند مراد قلبو م كان مطمن م صدق للجرتق خلص ومشا بعيد وبقي يتصل يطمن عليها لانو عارفها لمن تزعل بتتعب بس ماف رد مراد خلاص قلق اتصل لساره
مراد: ساره شهد وين
ساره: ش ش شهد
مراد: ساره ف شنو مالو صوتك
ساره😭😭مراد شهد ف المستشفي
مراد من سمع كده نسي العروس واللمه وركب عربيتو وجرا وصل المستشفي وجرا علي الغرفه ولقا حبيبتو شهد الدايم بتضحك وشها مورم وباهت ومركبين ليها الدرب وأهلها جنبها يبكو طوالي مشا قعد جنبها ومسك يدها وببكي
مراد: حببيي م قلنا م بنزعل انا مش قلت ليك خايف علي دموعك واهو حصل يعني كده مرتاحه لي يا شهد لي
محمد: مراد روق شويه الدكتور قال كويسه
مراد: محمد انا السبب انا المفروض م اعمل معاها كده ان واخد خائن
الام: ياولدي اهدا م خلاص الحصل حصل وهي حاتبقي كويس ارجع مناسبتك
مراد: لا با امي شهد لو م صحت انا م ماش
مراد بقي ماسك يدها ويقرا ليها ف القرآن شويه كده وشهد صحت لقت مراد جنبها وعيونو مورمه
شهد: م م مراد
مراد: ولا كلمه انا زعلان منك
شهد: لي حبيبي
مراد: لأنك السبب لو م غصبتيني علي العرس م كان دي حالتك لا وكمان عامله فيها قويه
شهد: اشششششش م تكتر كلامك راسي واجعني
مراد.: شنو واجعك استني اجيب مسكن
شهد: ههههههه مراد اهدا انا كويسه
مراد: بالجد حبيبي
محمد: احم احم نحن هنا
شهد: هههههههه اسفه بس هو استلمني اسئله
محمد: ههههههههههه
الام: يلا يا مراد ارجع انت نحن حانمرقها
مراد": لا يمه شهد حاتكون معاي
شهد: مراد انت جنيت انت مفروض تكون مع مرتك
مراد: وانتي مرت الجيران
شهد: مراد م تهزر وامشي انا برحع مع امي واول م تجي من شهر العسل انا برجع
مراد: انا حامشي لكن علي شرط تلفونك يكون جمنبك وكمان حاجيك كل يوم فاهمه
شهد: مراد برد عليك بس م تجي
مراد: وانا م شاورتك انا وريتك انا حامشي حبييي خلي مالك من نفسك
شهد: طيب حبيبي
مراد بأس راسها ويدها وطلع مشا لقا العروس واهلا منتظرين وشكلهم جايطين م اتكلم مع زول ساق مرتو من سكات ووداها الشقه القريبه من بيت ناس شهد عشان يكون قريب منها ومن دخل الشقه دخل ليها شنطتها وقال ليها انا حانوم ف الغرفه التانيه عشان تاخدي راحتك وهي وافقت طوالي دخل الغرفه بدل ملابسو واتصل علي شهد م بترد قفل التلفون ورقد
شهد رجعوها البيت وراقت شويه ودخلت غرفتها بدلت ملابسها ورقدت فتحت التلفون لقت مكالمات من مراد بس م رحعت ليو ختت تلفونها جنمبها ونامت
مراد نص اليل جاتو صحيه يفتش ف شهد م لقاها جنمبو شال التلفون واتصل عليها
مراد : حبييي
شهد: مراد مالك ف شي
مراد: فاقدك يا شهد فاقد حضنك
شهد: حبييي اسي مفروض تكون مع مرتك
مراد: م قادر يا شهد م قادر
شهد: حبييي الله يرضي عليك ارضي بالواقع
مراد: انتي لي جافيه كده
شهد: انا م جافيه بس م عايزاك تظلم بت الناس هي م عندها زنب وبعدين هي وين انت بتتكلم معاي
مراد: ف الغرفه التانيه
شهد: شنوووو
مراد: زي م سمعتي انا ف غرفه برااي
شهد: مراد بتبالغ والله
مراد: شهد انا عاوز حضنك
شهد: حبييي اهدا حاضر يلا حاول نوم
مراد: اوووف طيب تصبحي علي خير
شهد: وانت من اهل الخير خبيبي
مراد قفل وكان زهجان ونام طوالي الصباح مرام قامت لبست فستان قصير واتعطرت نظام تكسر الحاجز وسوت الشاي وختتتو ف الصاله ودخلت الغرفه براحه لقت مراد نايم قعدت جنبو عاينت ليو مسافه وباستو ف خدو مراد صحا مخلوع
مراد: شهد شهد
مرام: احم دي انا
مراد: صباح الخير
مرام: صباح النور يلا قوم استحم عشان نشرب الشاي
مراد: تمام
مرام طلعت وهو دخل الحمام استحم وصلي وطلع الصاله وهي حات قعدت جنبو وكبت ليو الشاي شرب الشاي وكان ساكت
مرام: مراد انت كويس
مراد: ممم كويس
مرام قربت منو وبدت تتحسس ف يدو لمن حسا بيها قريبه شديد غمض عيونو بس شاف شهد قدامو فتح لزاها ف الكنبه ودخل غرفتو وكان بتنفس بصعوبه طلع تلفونو واتصل علي شهد
شهد: صباح الخير حبيبي
مراد: شهد انا تعبان انا مضايق
شهد: ف شنو حبيبي انت كويس
مراد: شهد انا عاوزك
شهد: حبيبي روق م ينفع اليله صباحيتك
مراد: شهد والله م قادر افهمي وبقي يبكي وشهد اتجرست
شهد: حبيبي عليك الله روق قوم غسل وشك وصلي ركعتين وانت خاترتاح طيب
مراد: طيب حبيبي قايم
شهد: يلا انا عاوزه اكل
مراد: بالهنا علي قلبك
مراد قفل من شهد واخد تنهيده ومشا اتوضا وصلي ركعتين وحس نفسو احسن طلع من الغرفه م لقا مرام مشا غرفتها واعتذر ليها وحا راجع قفل عليو غرفتو ونام للمغرب طلع الصاله لقا مرام جهزت الغدا اتغدا معاها وكان ساكت ومرام تشيل وتتلصق وهو يبعد فجاءة شال مفتاح عربيتو وطلع لحدي م لقا نفسو ف بيت ناس شهد دخل سلم عليهم وهم استغربو من جيتو سأل من شهد قالو ليه نايمه قال ليهم عاوز اشوفه ودخل غرفتها ولقاها نايمه بس وشها بااهت كانت مغطيه وشها بيدها قرب منها نزل يدها وباسها ف راسها هي طوالي صحت
شهد: م م مراد
مراد: اشتقت ليك
شهد: وانا كمان حبيبي لكن لي جيت مش اتفقنا
مراد: م قدرت يا شهد محتاج حضنك انا
شهد: بس يا
مراد: اششششششش ممكن تسكتي
مراد رقد ف حضنها وهي تلعب ليو ف شعرو لحدي م نام وكان زي الطفل
مراد نايم ليو ساعتين وتلفونو ضرب فتح الخط لقاها مرام
مراد: مممم عاوزه حاجه
مرام: مراد انت وين
مراد: مع شهد
مرام: شنو انت خاليني ف شقه براي ومشيت ليها
مراد: م بتجيك حاجه وبعدين اي جيتها ف شي
مرام: اي في انا مضايقه تعال
مراد: اوووف
وقفل الخط
شهد: حبيبي م ينفع كده
مراد: شهد م تبدي محاضرتك انا ماشي زاتو
بس ختي ف علمك انا حاجيك كل يوم فاهمه وفتح الباب وطلع