روايةحبيبي المغترب
الفصل الرابع4
بقلم الاء
ساقت النعمه من يدها ومشت
وعمر بقي واقف م عارف يعمل شنو رجع الحنه وقعد مع مازن وكان سرحان
مازن: مالك يا زول
عمر: فطومه شكلها زعلانه شديد
مازن: والله ليها حق جاي بعد ٧ سنه ومعاك خطيبتك ولا بعد ده كلو م عرفتها ياخ بمبالغه
عمر: والله با مازن هي شكلها اتغير
مازن: انت اسي عايز منها شنو؟؟
عمر: م عارف بس عايز اتكلم معاها حتي ان عاتبتني انا موافق
مازن: عمر انت اسي خاطب خلي فطومه ف حالها
عمر: خير انا ماشي انوم
بلسان عمر؛؛؛؛؛
انا لمن لقيت هناء بتكورك ف بت م اتوقعتها فطومه ولمن مشيت وشاكلتها وعرفت انها فطومه قلبي وجعني لاني حسيت بفطومه مكسورة قدامي واساءة هناء م أثرت فيها والا كان ردت هي اتاثرت لأنها خطيبتي باليل سعت الحنه مازن ناداها تحننو وكانت متجاهلاني شديد عرفت انها شايله ف قلبها سلمت علي ببرود ولمن مديت ليها يدي تحنني كنت عايز اتكلم معاها بس بقيت سرحان فيها لحدي م جات هناء وخربت مزاجي واقف جنب الباب شايف فطومه والنعمه مارقات حاولت اوقفهم بس فطومه صدتني انا حاليا م عارف اعمل شنو وم قادر اتقرب من فطومه لان امي ممكن تعمل مشكله
عند فطومه؛؛؛؛
رجعت البيت استحمت واتوضت وصلت بس المره دي غيرت دعاءها يا ربي زي م زرعتو ف قلبي انزعه وكانت بتبكي استغفرت كتير ونامت
صالح اليوم التاني ؛؛
الام: فطومه فطومه مالك اليله
فطومه: اممم كويسه يمه بس نعسانه
الام: قومي صلي واشربي الشاي
فطومه : طيب يمه
فطومه قامت استحمت وصلت ومشت شربت الشاي مع اخوانها وكانت سرحانه
رغد: فطومه مالك سرحانه
فطومه: ماف شي اسمعيني حاديك جلابية مازن اديها ليو
رغد: وانتي م ماشه
فطومه: مصدعه بجي المسا
رغد شالت الجلابية ومشت وفطومه ف سرحتها ديك وم عارفه تعمل شنو
رغد شالت الجلابية ولقت مازن وعمر واقفين جنب الباب
رغد: هاك يا مازن دي جلابيتك
مازن: ووين فطومه
رغد: قالت مصدعه
مازن : طيب خشي وانا بعد شويه بمشي اطمن عليها
رغد خشت ومازن قبل لقا عمر سرحان
مازن: هوووي وين
عمر: معاك
مازن: طيب انا حامشي اغير واجي داير امشي اشوف فطومه
عمر : تمام
فطومه لبست توبها وشالت الروايه ومشت البحر اكتر مكان بترتاح فيه
مازن غير جلابيتو ومشا بيت فطومه وعمر كان ماشي وراه من غير ن يحس عشان مازن م كان حايرضي انو يمشي معاها مازن وصل البيت ودقا الباب فتح ليه اخو فطومه الصغير
احمد: اووو العريس
مازن: حمودي فطومه في
احمد: لالا مرقت
مازن: مشت وين
احمد: والله شالت ليها كتاب ومرقت
مازن: ايوااا خلاص تمام
مازن طوالي عرف فطومه مشت وين طوالي مشا
عند فطومه بدت تقرأ ف الروايه بس بالها كان ف حته تانيه وفجاءة اتزكرت عمر وبقت تبكي بحرقه تاني حست بيد ف كتفها التفتت
فطومه: مازن عرفتني كيف هنا
مازن: فطومه انا بعرفك اكتر من نفسي
فطومه: انا كويسه يا مازن
مازن: تذكري يا فطومه لمن اعترفت ليك بحبي ف المكان ده بس انتي قلتي لي كلمه لحدي اسي متزكرها قلتي لي انا عندي قلب واحد وشالو عمر تتذكري
فطومه: مازن انا ماسكه نفسي بالجلاله عليك الله م تزيد علي
مازن: معليش اعفي لي
فطومه: انت زي اخوي با مازن وربنا يسعدك ف زواجك
مازن: آميييين وانتي؟؟
فطومه: انا شنو؟؟
مازن: حاتعملي شنو
فطومه: اولا حاحاول ارجع قلبي الضاع مني
قوم امشي يا مازن انا كويسه م تخاف برتاح شويه وبجي
مازن: طيب م تتأخري
ده كلو وعمر كان واقف بعيد وسامع كلامهم. وقلبو موجوع
فطومه رجعت تقرأ ف الروايه شويه كده وحست بيد ف كتفها
فطومه: يا مازن شنو الحكايه لمن رفعت راسه لقتو عمر طوالي قامت وعايزه تمشي
عمر مسك يدها
عمر: للدرجه دي م عايزه تلاقيني
فطومه: م اظن حايحصل حاجه كن اتلاقينا انت خلاص اعتبرتني من الماضي
عمر: فطومه انا م نسيتك
فطومه : هههههههه واضح لدرجة انك م عرفتني
عمر: والله شكلك اتغير
فطومه: معناها م حبيتني لو حبيتني كان قلبك دق لمن سلمت علي ببرود
عمر: فطومه انا
فطومه: اشششششش ولا كلمه انت خلاص قلبك بقي ملك واحده تانيه فما تحاول تقرب مني فاهم فطومه مشت وخلتو واقف