رواية بت انجلترا
الفصل الرابع4
بقلم نور
صباح الجمعه ؛؛؛
قمت استحميت وصليت الرقيبه والفجر ولبست بنطلون وتونك بالازرق ونزلت صبحت عليهم لقيت عمي ومرتو صاحين والباقي نايم لسه لان الجمعه شربت القهوه واتونست مع عمي ومرت عمي قالت يسو فطور بلدي خشيت معاها المطبخ اساعدها شويه كده جا حسام نازل وشكلو م كان طبيعي
حسام: صباح الخير
نور: صباحو حوسو انت كويس
حسام: مصدع ممكن تعملي لي قهوه انا طالع الجنينه
نور: طيب بجيبها ليك
سوت لحسام القهوه ومشيت لقيتو متربع ف الارض وماسك راسو
نور: حوسو قهوتك
شال القهوه وانا شايله قهوتي وحاسه بيو ما تمام
نور : اجيب ليك مسكن؟؟
حسام : بلعت بس م عمل لي شي
نور : ممكن اعمل ليك مساج بريحك
حسام : طيب
نور: تعال انا بقعد ف الكرسي وانت ف الارض
مشينا قعدنا وبديت اعمل ليو مساج حسيتو ارتاح
نور: احسن؟؟
حسام: مممممم احسن
نور: ف حاجه مضايقاك
حسام: م عارف ملخبط شويه
نور: حوسو رايك شنو تحكي لي وانا اوعدك ابقي صندوق اسرارك
حسام: يا ريت لو بقدر
نور: م حاضغط عليك لكن لو حبيت انا موجوده
حسام: طيب ولي وقفتي مساج ريحتيني
رجعت عملت ليو مساج جا توفي نادانا للفطور
حسام: امشي انتي انا م عايز
نور: كن م دخلت معاي انا م خاشه عدم الأكل م بحل للمشاكل يلا
حسام: طيب يلا
دخلنا فطرنا وانا لينا غسلنا العده والرجال طلعو يتجهزو للصلاة جاسر لبس جلابيه سمنيه وحسام جلابيه بالكحلي وتوفي بالبني وعمو جلابيه بيضاء ماشاء الله جو نازلين قعدت اشاغل فيهم واصفر ليهم قعدو يضحكوو ومرقو الصلاة واناطلعت غرفتي صليت وقعدت اقرا سورة الكهف ونعست نمت جاسر اتصل علي
جاسر: هوي انتي ميته ولا حيه
نور: حييييه عاوز شنو
جاسر.: العصر اذن والغدا جهز يلا تعالي
قمت صليت العصر ونزلت لقيت حور ااااه البت دي حاتشلني غايتو سلمت عليها واتغدينا وطبعا تتنايص وتتعابط وانا مركزه مع جاسر وتوفي عمي ومرتو طلعو فاتحه. وبقينا قاعدين شباب بس وظبطنا القعده وجهزنا فلم انا قاعده جنب جاسر ولينا وحور متلصقه جنب حسام وتوفي ف الارض الفلم بدا وكان فلم رعب طبعا لينا وحور بصرخو وانا صامده لاني متعوده شويه كده وجا مراد سلم علينا وقعد طبعا كان طول القعده بعاين لي ولمن اعاين ليو بعمل نفسو مشغول بالتلفون الفلم انتهي وبقينا نتونس ومراد يحكي ف النكت وجاسر يعمل المقالب كانت لمه حلوه
حور: اليله يا مراد عملتها كيف
مراد: شنو ؟؟
حور: يعني اتفكيت من ريم كيف
مراد: انا وريم انفصلنا
حور: ههههههههه كل مره بتقول كده وبترجع
جاسر: خلي الولد ف حالو
حور: انا قلت شنو اسي
جاسر: مراد تعال عايزك ف غرفتي
جاسر ومراد طلعو الغرفه وانا قاعده مع لينا وتوفي وحور مسكت يد حسام بس هو زحاها وتاني مسكتو قوي وبقت تعاين لي وانا م اشتغلت بيها
مصطفي: نور شوكلت كيف
نور: يا ريت
حسام: بس م تكتري
نور: م تخاف يا حوسو واحده
حور: شنو حوسو كيف تدلعي وبياتو صفه
نور: صفة اني بت عمو
حور: اسمعي وقبل م تتم كلامها حسام سكتها وقال ليها تقول التقولو م ليك دخل وهي سكتت لانو احرجها
توفي جاب لي الشكولاته وانا من التوتر اكلت اتنين وخاشه علي التالته حسام جراها مني
حسام: قلننننا شنووووو
نور. خلاص خلاص اكتفيت
حسام: ههههههههههههه
مراد وجاسر جو نازلين ومراد قعد جنمبي وبقي يتونس معاي وانا اندمجت معا. الساعه بقت ٨ مراد استأذن وحسام مشا يوصل حور وانا طلعت غرفتي بدلت ملابسي وعملت شعري ميكي ماوز وقعدت ف الابتوب
بلسان حسام؛؛؛؛؛؛؛
بعد جاسر فتح موضوع اني م سعيد مع حور وانا اضايقت وهربت مشيت غرفتي حاولت انوم بس م قدرت وقلت انا لي م بتخذ قرار لنفسي اي شي اختارو لي ابوي بقيت افكر للصباح صحيت مصدع نزلت لقيت نور ف المطبخ شغاله مع امي صبحت عليها وهي حست بي م تمام سوت لي القهوه وجابتها لي وانا راسي حايطرشق من الألم قالت لي مساج وانا وافقت طوالي بالجد وهي بتعمل لي ف المساج كنت مغمض عيوني ريحة عطرها ونفسها ياخ خلوني دايخ عديل وبقت تتكلم معاي وقالت لي فضفض لي انا كنت عايز اتكلم بس م قدرت نادونا الفطور فطرنا ومشيت اتجهزت للصلاه وتقريبا ارتحت اتصلت علي حور وقالت جايه تتغدا معانا مش قلت ليكم لصقه انا من نور جات بقيت م بحب جية حور لأنها بتحاول تضايقها اتغدينا وبدينا نحضر ف الفلم وانا بالي مع نور لأنها كانت مركزه ف الفلم م زي لينا وحور ديل صدعو بينا عديل شويه كده ومراد جا م عارف الجابو شنو بس اضايقت من جيتو ولمن عرفت انو انفصل من ريم زهجت زياده معناها برسم علي نور وانا م عارف اعمل شنو