رواية حياة ليان
الفصل الخامس5
بقلم ليان
بلسان خالد ؛؛؛؛؛
اليله الجمعه صحيت استحميت وصليت ومشاعل لسه نايمه حاولت اصحيها أبت مشيت لأمي لقيتهم بشربو ف الشاي شربت معاهم وامي قالت نفسها ف ملاح روب وليان م بتقصر استأذنت منهم كنت ماشي الماركت اجيب حاجات لبيتي مشيت قضيت حاجاتي واتذكرت ليان انا م عارفها بتحب شنو بالضبط اشتريت ليها نوتيلا وشيبس ونودلز واشتريت لأمي حاجات رجعت لقيت مشاعل صحت صبحت عليها وقلت ليها ارح نفطر مع امي ف الاول نقنقت تاني مشت مشينا وختو الفطور كان عباره عن ملاح روب بعصيده وشعيريه مشاعل برضو احرجتني لكن م اشتغلنا بيها ضربنا ضرب صاح وليام سوت لينا شاي ظابط شربنا واستاذنا مشيت اتجهز للصلاة مشيت الصلاه وجيت راجع قلت انوم شويه وامشي اتغدا مع امي بس مشاعل عملت لي حركات واستسلمت ليها لاني كنت مشتاق ليها برضو ونمت وصحيت المغرب مصدع وجسمي مكسر م لقيت مشاعل اتصلت عليها لقيتها مشت أهلها وكنت جعان مشيت لأمي وطبعا لقيته زعلانه لكن ببوسة راس رضت ليان سخنت لي الغدا وعملت لي قهوه وبرضو الصداع م بخف حابت لي مسكن بلعتو اتصلت علي مشاعل قالت بايته عند اهلها طوالي رقدت ف طرف امي زي زمان م كنت برتاح الا ف حضنها وتقريبا نمت صحتني وقالت لي امشي نوم ف الغرفه دخلت واترميت ف السرير نمت لكن جاتني صحيه م قدرت اقوم محموم وحيلي ميت لقيت نفسي بتصل بليان وطوالي جاتني عملت لي مكمدات لمن نمت صحيت لقيتها راقده ف الكرسي الجنبي شكلها وهي نايمه حلو شديد اتاملت فيها ومسكت يدها عشان تصحي وفعلا صحت وكانت قلقانه اطمنت علي ومشت سوت الشاي شربت وطلعت وكنت مبسوط يعني الاهتمام القدمتو لي ليان من جات مشاعل ربعو م قدمتو لي انتهيت من شغلي بدري رجعت لقيت ليان مجهزه الغدا اتغدينا وشربنا القهوه اتصلت علي مشاعل قالت اليله برضو م جايه قفلت الخط واتذكرت انو بكره ليان نازله الجامعه قلت لي امي وليان اجهزو مارقين
لبسو طلعنا وديتهم المول اشتريت لأمي توبين وملابس بيت واشتريت لليان عبايتين ونقابات واسبورتات حسيتها انبسطت انتهينا مشينا كافي شربنا عصير ورجعنا البيت الساعه ٩ وكل زول مشا غرفتو وانا مسكت تلفوني جاتني رساله من ليان
[ شكرا علي الحاجات الحلوه وشكرا علي كيس امس اي حاجه جبتها لي انا بحبها ]
خالد: [ ماف شكر بينا تستاهلي اكتر من كده ]
ليان[ تصبح علي خير ]
خالد[ عاوزه تنومي ؟؟]
ليان : [ بصراحه لا ]
خالد[ تحضري معاي فلم؟؟]
ليان[ طيب ]
خالد[ تجي غرفتي ولا اجيك ]
ليان[ ف الصاله ]
خالد[ هههههههههههه مالك خايفه مني]
ليان[ لا م القصد خلاص بجيك ف غرفتك]
شويه كده ولينا جات قعدت ف الكرسي وانا ف السرير فتحنا الفلم وبقينا نحضر للساعه ١٢ قبلت لقيتها نامت شلتها ورقدتها ف السرير وانا رقدت ف الطرف التاني
بلسان ليان:
صحيت الصباح لقيت نفسي نايمه جنب خالد اتخلعت طوالي مشيت غرفتي استحميت وصليت وجهزت حاجات الجامعه وطلعت سويت الشاي شوبه كده وخالد صحا استحم وجا يشرب الشاي وانا متوتره من الحصل امس شربت الشاي ومشيت غرفتي لبست عبايه بالكحلي وطقمت النقاب بالأبيض مع الاسبورت والشنطه
وطلعت لقيت خالد جاهز نزلنا ركبنا العربيه وانا ساكته
خالد: مالك متوتره كده
ليان: انا لالا ماف حاجه
خالد: م تخافي امبارح نمتي ف الكرسي ورقدتك ف السرير
ليان: انا انا اسفه شالتني نومه
خالد: عارف ليان نحن اصحاب صاح
ليان: اي
خالد:يعني م تخافي مني واحكي لي اي حاجه بضايقك تمام
ليان: ان شاء الله
خالد: طيب وصلنا الجامعه لمن تنتهي اتصلي بي وانا اجيك
ليان: تمام
خالد: بالتوفيق
ليان: شكرا
حالد نزلني وانا بعد كلامو حسيت براحه كبيره دخلت الجامعه وانا متوتره شويه لانو اول يوم
بلسان خالد؛؛؛؛؛
جاتني ف الغرفه وقعدت ف الكرسي م حبيت اضايقها فتحنا الفلم وكنا ساكتين الفلم انتهي قبلت لقيتها نايمه شلتها رقدتها ف السرير ورقدت بالجهه التانيه لمن صحت الصباح قامت مخلوعه انا عملت نفسي نايم عشان م تنحرج قامت مشت غرفتها وانا صحيت بعد زمن استحميت وصليت وجهزت ومشيت اشرب الشاي حسيتها متوتره طلعنا العربيه حسيتها لسه متوتره فهمتها الحاصل حسيت بيها راقت شويه ونزلت جامعتها وانا مشيت الشغل