رواية منتصف العمر الفصل الخامس5بقلم جمانه السعيدي
مختار....الناس ملتمه على الباب تريد تفتهم شكووو
ابوي شمرني وطبك الباب
بقيت كاعد واباوع بلكاع
صدكوني اني خجلان من منضر هديل بس بوقتها ما فهمت
هي ليش هيج سوت
اني عقلي مابي اشياء سخيفه
ولا عمري فكرت هيج تفكير
الناس التمت عليه شكووو شكووو شصاير
وكفت على حيلي نكتت ملابسي ومسحت وجهي بايدي
وعفتهم مارديت عليهم
رحت البيت جدي
دخلت جانت بيبي توها طالعه من الصحياة بس شافتني انرعبت من منضري
بيبي...هااا يمه مختار شكوووو تعاركت
مختار....حضنتها وكمت ابجي
على صوتي وصوت بيبي طلعو عمامي ونسوانهم
عمي...هااا تعاركت منو وياك
مختار...ابوي ضربني
عمي...ضربك ليش شصاير
بيبي...تعال اغسل وجهك اليوم انعل والدي شلون يمد ايده عليك
غسلت وجهي ونكتت ملابسي
عمي راح جابلي بجامه من ملابسه لبست بيبي انطتني بدي اليه باقي عدهم شويه زغير عليه لان اني طولان
كعدت بغرفة بيبي
عمي... احجيلنا شنو الي صار بلضبط ابوك هذا صار العقله شي شلون يضربك
مختار.....عندي فلوس ابوي ينطيني مصرف ومجمعهن
اشتري اي شي محتاجه منهن
وطلعت وياا ولد صاحبي بعت علاليك كم يوم
ضميته جوه جيس الطحين
اجيت لكيت فلوسي ماكو ماخذتهن هديل
بيبي....مرت ابوك
مختار...اي كتله ذني فلوسي اريدهن
سألتني منيين كتلها مصرفي واشتغلت ولميتهن
جان تكول اذا انت تشتغل ليش تأخذ مصرف من ابوك
عوف المدرسه واشتغل وانطيني بمكان ماكاعد بهذا البيت
البيت ابوي بدفع الاجار والمصرف
وهي تريد تاخذ مني فلوس السكن بيت ابوي
بعدين ابوي انطاني مصرف بس طلع ابوي اخذت مصرفي
كتله عوفيني لحالي لا اكول الابوي على سالفة الذهب
عمي... ياا ذهب
مختار... ذهبه قبل ضمته يم امها وكالت على عماتي اخذنه
حتى تعزل وحدها وامها الي ساعدتها
من سمعتني اهددها اليوم سوت بيه مصيبه
بيبي....لا يا حراميه يابت الحراميه
عمي....شنو احجي
مختار...اني كاعد صاحت عليه كالت اوكف هنا عندي وياك شغل وكفتني باب الحمام الخارجي
تروح للباب وترجع اتشوف ابوي اجا لو لا
واني واكف مااعرف هي شتررد مني
الحد ماشافت ابوي قرب على الباب كالت اوكف
دخلت الحمام نزعت ملابسها وصاحت عليه بس قربت لزمتني وفتحت باب الحمام
دخل ابوي كالتله اني بلحمام وابنك يباوع عليه
جمانه السعيدي
ابوي صدكها وضربني اقسم بكلشي عزيز من شفته بدون ملابس بقبت مدنك استحي منها وهي ابد ما استحت مني
عمي... هاي مو مره غضب
بيبي....واحد يروح ايصيح سليم اريد احجي ويااا
طلع عمي من البيت شويه ورجع كال هسه يجي وراي
شويه ودخل ابوي عيونه بكصته
بس شافني زمخ عليه
ابوي...انت كاعد هنا امشي اطلع برا حيوان
بيبي...أتت ما تستحي ولك هذا مختار تربيتي شلون اصدك هاي الحيه الي عندك
شلون اصدكها شكلت الربك من ضربته
ابوي...اصدكها لو اني شفت بعيني دافع عليها الباب وهي
تعيط
عمي.. وانت صدكتها بابا هاي حيه مسمومه
خل يحجيلك مختار كلشي صار ويااا
مختار... حجيت كلشي بلتفصيل
ابوي... وانت ليش تشتغل
مختار...لان المصرف الي اخذه مايكفيني
اني حتى مرات اشتري منه اكل بيبي تعبانه ومااريد ازيد الحمل عليها
من هددتها بسالفة الذهب خافت وارتكبت عليه
تكول بطل واشتغل وانطيني فلوس
ابوي....شجابك للحمام
مختار.. هي كالت تعال عندي وياك شغل وكفتني وبقت مراقبه الباب منا لمن انت وصلت راسا نزعت ولزمتني
ابوي....الله لا يوفقها اذا هذا الكلام صدك
كوم تعال وياي واجها بهذا الحجي
عمي.. كوم روح وياا ابوك واحجي كلشي لا تخاف ابد
طلعنا اني وابوي وصلنا ابوي دفع باب الشارع ودخل عصبي
جمانه السعيدي
ابوي...هديل صحيح هذا الكلام
هديل...اي كلام هااا غسلو مخك حرضوك عليه مو انت شفت بعينك كلشي
ابوي....لا بينت لعبتج والذهب الي ضامته ووين فلوس مختار
هديل...اي فلوس اي ذهب انت صدكت بهذا هذا واحد حاقد بس ماكو غير رب العالمين ياخذ حقي منكم
ابوي....روحي جيبي الذهب احسلج لو ترحين بيت اهلج وتوصلج ورقة الطلاك
راسا هي واكفه سوت نفسها ماعت روحها
هي حامل بلساس
ابوي عباله ماتت بعده مايعرف هي أكبر ممثله حتى شاديه ما تلحكها
بقه يوعي بيها انخبص خبص كعدت وكامت تبجي
هديل...انت مالك امان بسرعه اصدك كلشي عليه
ماطلعت هاي عيشه صاينتك وصاينه ببتك
اهلك ما يحبوني من زمان
صوجي ما اشتكيت عليهم وسحلتهم بلمركز انتم الطيب
ما يجي وياكم
بقت تبجي وتحجي ابوي عافه وطلع
واني طلعت ورا رحت غيرت ملابسي وطلعت كتبي وكمت اقرا
يومين واني بغرفتي ابوي يجيبلي اكل اكل واروح المدرستي لا احجي وياا اي احد
حتى ابوي ما يحجي وياي
خطيه ابوي مسكين طاح بين نارين
زوجه مكاره وحياله وانانيه وعدا منها ثنيين والثالث جاي بلطريق مايكدر يعوفها ويضيع جهاله
وابن يتيم لا حول ولا قوه وماله احد بلدنيا غيره
بعد ٣ ايام التحق ابوي للجيش
مارجعت للبيت بيومها رحت يم بيبي تغديت وكعدت اكتب دروسي بغرفتها عندي امتحان كعدت اقرا
بيبي...مختار يمه لا تأكل من هديل لا اذا ابوك موجود
خاف تسمك وحدا مثل هاي كلشي توقع منها
مختار... هي اذا ابوي مو هنا تخلص الوكت كله ببت اهلها
بيبي.. ميخالف دير بالك منها
ثاني يوم دكيت الباب على بيت جدي محد فتحلي الباب
كلت خل ارجع بيت ابوي اني عندي المفتاح
فتحت ودخلت لكيت الببت فارغ
رحت الغرفتي لكيت كل الغراض مطلعتهن برا ومغركه الغرفه نفط
حتى مااكدر انام بيها
الكاع بس تفط شلون هاي شغله
هاي الحرب ما تخلص
حتى ملابسي كلهن نفط مااكدر اغير ملابسي
طلعت رجعت البيت جدي ادك بلباب محد يفتحلي
النوب اني كمت اخاف خاف وحده من نسوان عمامي
ملابسه حجاب لو شي هم تجيني مصيبه ثانيه
طفرت الباب ومشيت على كيف لمن وصلت غرفة بيي
بيبي جانت نايمه من سمعتني كعدت
بيبي...هاا اجيت تغديت
مختار....لا ما تغديت جوعان
بيبي.. هسه اجيبلك غده اني مااعرف يمته ترجع حتى انتضرك وخاف اعوف الباب مفتوح
تاخذني النومه ماادري بروحي
مختار.. ميخالف بيي
ضليت مشرد طول الفتره الي ابوي بلجيش
ملابسي غستلهن والبس ببهن وكلهن ريحة نفط
لمن نزل ابوي هلمره مستلم انطاني مصرفي وزوده شويه
اجاني البيت جدي واخذني ويااا
لكيت غرفتي نضيفه ومرجعه الغراض
هاي وحده مريضه نفسيه ومايفيد وياها لا تهديد ولا ضرب
عشت مرتاح لمدت سبع ايام مادام ابوي موجود اني كلشي تمام
التحق ابوي رجعت للبيت متوقع هي ماكووو
اتفاجئت لكيتها بلبيت
دخلت كلشي ما حجيت
بس دخلت الغرفتي وبدلت ملابسي اجت وراي
هديل....تريد غده
مختار...بقيت صافن عليها شعجب مو من عوايدها
مختار....شكرا
هديل...مركة فاصوليا انت تحبه احنا تغدينا وبقت حصتك
مختار....تسلمين
عافتني وراحت جابتلي ماعون تمن وماعون مرك بس بيهن
اكل قليل
حسيتها تلح بزياده شعجب اليوم باقيه بلبيت
وشعجب طبختي اكل اذكرت كلام بيبي
مختار...اي هسه اكل شكرا
هديل.. من تكمل اغسل المواعين وراك اني رايحه بيت اهلي
مختار.. اي نمام
كلبي ما مطمن ابد
شعجب شنو اليوم شسامعه هاي مو هديل اذا تطبخ وتنطيني
هي كل شويه تخطف من كدام الغرفه تشوفني اكل لو لا
سويت نفسي اكل
بعدين طلعت من البيت
اخذت الاكل وشمرته بلشارع
اجن دجاجات الجوارين يأكلن منه دخلت غسلت المواعين ورجعتهن المكانهن
رحت اشتريت علبة لحم معلب وخبز واجييت
طبخت وتغديت
جمانه السعيدي
للعصر صار صوت صياح بلشارع
طلعت شفت الجواربن يحجون دجاجتهم ماتت
شفت هديل جايه من بعيد
هي ماترجع للبيت يمكن اجت تتأكد اذا اني متت لو بعدني
حتى تخفي آثار الجريمه
بس شافتني واكف بلباب راسا دارت وجها ورجعت البيت اهلها
عشت حرب اني مو كدها ابد
خلصت كل الوقت واني اطفر من مكان المكان واحاول امشي الايام
احس نفسي هلكد ما شفت ضيم كبرت ١٠٠ سنه
وكمت اعرف كل الدروب وكل اامصايب
بس بقيت محافظ على نفسي
نحجت من الاول متوسط للثاني
هلمره قررت بلعطله اشتغل عماله لان بيها فلوس اكثر
بلكوه يله قبلو يشغلوني وياهم لان زغير
بلبدايه ما متوقعين اكدر اشتغل
بس من شافو شغلي الكل كام يطلبني بلاسم
مرات استلم شغل وحدي
لو اصعد سياره طابوك لو ادخل كميه سمنت هاي احصل عليها فلوس اكثر
فلوسي كل يوم اغير مكانهن لان هديل تعرف اني اشتغل
حتى ابوي يعرف
واذا حصلت فلوسي تاخذهن
أثناء شغلي بلعماله تعرفت على شخص مقرب اليه
ولد شاب اكبر مني باربع سنوات
يشتغل عماله مثلي
اول يوم شغل بس يباوع عليه
ثاني يوم اجا وسئلني ..... انت مختار
مختار....اي اني مختار
صالح....اني ابن خالتك
مختار.. خالتي
صالح.. اي اني ابن خالتك مهديه
مختار....اهلا وسهلا
صالح..من شفتك البارحه شبهت علبك بعدين سئلت وتاكدت واجيت اتعرف عليك
مختار....اني ماعرف احد من اهل امي
صالح...لازم تجي وياي خالتك تريد تشوفك
مختار...انشاء الله خير