رواية طريق الحب
الفصل الخامس5
بقلم جمانه السعيدي
عباس... كملنا غده وطلعت بس ماشفته ابد رجعت للفندق وابو شهد قرر يشوفلي مكان قريب عليهم
واكدت علي اذا يحتاجني بس يتصل عليه واجي فورا
على العموم النهار خلص
لان نهار الشتا قصير
رجعت للفندق سبحت وغسلت ملابسي وكويتهن ونمت
ثاني يوم نفس الوقت الساعه بلسبعه اني بلباب
طلع ابو شهد وطلعت ويا ست الحسن
لابسه تنوره قصيره اسود وقميص ابيض وشعرها رافعه نص وتاركه نص بس طالعه تخبل
اني اباوع عليها من جوه ليجوه
وهي ولا دايرتلي بال
وصلت ابو شهد ورجعت وصلته هي راسا بس نزلت ابتعدت عن السياره خاف يصير بيها مثل ماصار امس
جمانه السعيدي
استمر نفس الروتين يوميه اكعد والبس قاط كامل والساعه والعطر واروح اوصلهم وارجعهم
الا ان يوم واحنا راجعين جان ازدحام موطبيعي حاولت ادخل بلافرع حتى اتخلص من الازدحام
دخلنا الشارع وجان اكو عركه كدامنا بنهاية الشارع وصار اطلاق ناري
شهد كامت تصرخ ونرعبت واني حاولت اهديه
التفتت عليه لكيته مدنكه وخاله اديها على اذانها وخايفه
اشتد اطلاق النار
نزلت راسها بايدي وبديت ارجع السياره ليوره
عباس...لاتخافين هسه نطلع من هذا الشارع
شهد..بسرعه فدوه انت ليش جبتنا منا
عباس...ردت اطلع من الازدحام ابقي مدنكه لمن اطلع من هذا الفرع
وفعلا رجعت السياره وكدرت اطلع من الفرع
وهي مامصدكه باقيه اديها على اذانها ومدنكه لمن وصلنا للبيت ووكفت السياره
عباس...يله انزلي وصلنا حتى اكدر اروح اجيب عمي
شهد...وصلنا الحمد لله ما اكدر اتحرك من الخوف
عباس...اساعدج
شهد...لاشكرا اكدر انزل
جمانه السعيدي
عباس نزلت ودخلت للبيت بس بساعته حسيت بلذنب اتجاها
لان خافت حيل
ورجعت وجبت عمي وحجيتله الي صار
زين ماعلق هواي بس كال الحمد لله الله ستر وعدت على خير
بعد يومين رجع سيف من السفر وخابر شهد
سيف...هلو شهوده شلونج حبيبتي مشتاقلج موت
شهد...واني اكثر يمته رجعت
سيف...البارحه بلاربعه الصبح واليوم كله كضيته نوم
حيل تعبان من السفر
شهد...الحمد لله على سلامتك كلش مستاحشه عليك وضايجه
سيف...حبيبتي هسه اعوضج وجتلج وياي هديه تخبل
يمته نطلع حتى انطيج هديتج
شهد...وين نطلع بعد
عدنا سايق ياخذني ويجيبني
سيف...من يمته هاي الشغله
شهد...من سافرت بابا صار مدير عام وخله سايق
سيف...شنو يعني بعد ما اشوفج
شهد...اصبر حبيبي بين مالكالي حجه لان اني حيل مشتاقه اشوفك
سيف...زين باجر انتضرج قريب المدرسه بس اشوفج
شهد اوكي حبيبي
ثاني يوم وصلني عباس وعلساس دخلت للمدرسه ولمن تاكدت مشت السياره
رجعت طلعت وشفت سيارته ورحت علي سلمت وانطاني هديتي كلاده فضه بيها اول حرف من اسمي
وعطر وراح واني بقت عيني ورا
جمانه السعيدي
اجا عباس يرجعني للبيت كعدت بلسياره واني بغير عالم اباوع على الكلاده واضحك وما اعرف شلون وصلنا للبيت
عباس...اباوع شهد بغير عالم ابد مو يمي ولاتدري شنو وضعي ابد
يمته تبطل شيلت الخشم هاي وتكعد تحجي وياي
كلش اشتاقيت الاهلي
صار شهرين مشايف اهلي وقررت انزل جمعه وسبت اشوفهم وارجع
وفعلا نزلت يومين ورجعت ولكيت ابو شهد ما جرلي مشتمل قريب عليهم
حلو ومرتب غرفه وهول زغير ومطبخ كلش زغير وصحيات
وبديت انقل غراضي للمشتمل
ورحت اشتريت طباخ زغير وكم غرض محتاجهن
وبيت ابو شهد هم جهزوني فراشات وغطا ومواعين
شهد كان يوم خميس وخابرني سيف
سيف...حبيبتي ادري باجر عيد ميلادج ومحضرلج مفاجئه
حاجز بلمطعم
وسويت ترتيبات تخبل
وحجزتلج كيكه رهيبه لازم تجين
شهد...بس شكول الهم لازم حجه مرتبه
سيف...دبري نفسج اذا خربتي هاي الترتيبات ازعل عليج
شهد...خل افكر بحجه وارتب اموي وخابرك
شهد بديت افكر بحجه اطلع بيه ويه سيف
شهد...ماما حبيبتي باجر صديقتي عيد ميلادها ومسويته بلمطعم وعازمه صديقاتي كلهن وعزمتني فدوه لاتفشليني
خل اروح وياهم
ام شهد...بس ابوج باجر بلبيت
شهد..انتي كوليله ماما فدوه
... خل اشوف يقبل لا
الصبح كعدت متحمسه واخذت الاوكي من ماما بس شرطت عليه عباس ياخذني ويجيبني
هاي شلون خاف يشوفني ويفضحني
لا ماما هي تجي تاخذني بسيارة اخوها
ام شهد اوكي بس لاتتاخرين
وما اريد ركص وهوسه
خاف يصورون وتعرفين منصب ابوج
شهد...اوكي يا احلى ام بلدنيا
شهد...هلو سيف انتضرني براس الشارع على موعدنا واني اجيك
سيف...اوكي حبيبتي لاتتاخرين انتضرج
سيف خابر جماعته
هلو الشله التعبانه جبتلكم طير كناري راح اضلون تشكروني للصبح ونسه مابعدها ونسا
انتضروني بلشقه الي متعودين نسهر بيها
طير بلباكيت فد شي خرافي
جمانه السعيدي
شهد حضرت فستان ضيك وقصير كوحلي وحذاء اسود
ورتبت شعري ومكياجي
وطلعت من البيت ماما جانت بلمطبخ وبابا يخابر
اني فتت بسرعه وصلت للباب وكتلهم اني رايحه
طلعت اتمشى الراس الشارع
وسيف كلساع يخابرني
عباس طلعت للاسواق براس الشارع
محتاج شوية حاجات ومن رجعت شفت شهد مبدله وكاشخه عبالك عروس وتمشي سريع
الفضول كام يقرا عندي الف
هي وين رايحه وليش هيج كاشخه
وليش ماكالت وصلني
عباس...هلو شهد اوصلج
شهد...شكرا اخو صديقتي جاي يوصلني
عباس تخبلت هاي الكشخه والمكياج واخو صديقتي يوصلني
يعني راح تصعد ويه ولد غريب
لا ولله ما اعوفه اله الحكه واشوفها وين رايحه
كلبي مامطمن ابد
رجعت بسرعه شغلت السياره ولحكتهم