رواية حياة ليان
الفصل السادس6
بقلم ليان
دخلت الجامعه وأي شي جدبد علي بس بحاول اتأقلم دخلت المحاضره الاولي كانت مدتها ساعه طلعت اتعرفت علي بنتين سودانيات رماز وملك وبت سعوديه اسمها عسجد مشينا الكافتيريا فطرنا واتصلت علي امي اطمنت عليها ولقيت رساله من خالد بتسألني من يومي طمنتو وقفلت التلفون ودخلت المحاضره التانيه خلصت طلعت الاستراحه وبقيت اتونس مع صحباتي اتصل علي خالد
ليان: الو خالد كيفك
خالد: كويس الحمدلله اها خلصتي
ليان: ايوا خلصت انت وين
خالد: نص ساعه واصلك
ليان: تمام
قفلت من خالد وبقيت اتونس مع صحباتي
رماز: خالد ده منو
ليان: خالد زوجي بس علي الورق
ملك : كيف ؟؟؟
ليان: هو ود عمتي المربياني من صغري وعشان اقدر احل واوصل دراستي هنا كان لازم اتزوج فاتزوجت خالد
رماز: يعني ما عندكم علاقه
ليان: لالا هو اصلا متزوج
ملك : امممم والله قصتك قصه
خالد اتصل علي وقال لي هو ف البوابه
طلعو معاي البنات لقو خالد جنب العربيه واقف
ملك: وااااي راجلك قطعه لكن ممكن اشلبو
ليان: بطلي يا بت قلت ليك بمرتو
ملك: م مشكله ابقي التالته
ليان: ههههههههههههه يلا مع السلامه
ودعت صحباتي ومشيت سلمت علي خالد وركبنا العربيه
خالد: اها يومك الاول كيف
ليان: حلو شديد كنت خايفه ف الاول بس اتعودت
خالد: وشايفك عملت ليك صحبات
ليان: اي رماز وملك سودانيات وف عسجد سعوديه
خالد: ظابط. اها نشيل اكل جاهز م حاتقدري تطبخي بعد ده
ليان: لا انا طبخت باليل اسي نسخن بس
خالد: والله ماشاء الله
ليان: الله م ضراك
خالد: عاوزه حاجه من الشارع
ليان: لالا شكرا
وصلنا البيت سلمنا علي امي وخالد مشا شقتو يغير ملابسو وانا دخلت غرفتي استحميت وصليت العصر وطلعت جهزت الغدا اتصلت علي خالد وجا كنت عامله مكرونه بشاميل وسلطة اسود اتغدينا وجهزت القهوه واخر ونسه للمغرب جات مشاعل وكالعاده م بتتونس كتير قعدت شويه وساقت خالد ومشت انا ضايرت البيت وقريت شويه ونمت عدينا شهر ونفس البرنامج خالد بوديني وبجيبني وبتغداا معانا ويشرب القهوه ويمشي بيتو اليله خالد جاني ف الجامعه وساقني محل عربات اشترا لي عربيه وانا كنت مبسوطه بس احبطني لمن قال لي مسافر شهر تبع الشغل زعلت لاني اتعودت عليه رجعنا البيت واتغدا معانا للمغرب مشا بيتو جانا تاني يوم الصباح بدري انا كنت بجهز للجامعه جا ودعنا ومشاعل وصلتو المطار وانا ركبت عربيتي ومشيت جامعتي بس قلبي كان مع خالد اتعودت انو يوصلني الجامعه ويرجعني بالجد فقدتو انتهيت من الدوام طلعت مشيت الماركت جبت طلبات البيت ورجعت لقيت امي نايمه استحميت وصليت وجهزت الغدا امي صحت وهي زاته كانت زعلانه عشان خالد عزمته هبه عشان تجي تونسها وهبه جاتنا وعملت لينا جو هي وبنتها خالد اتصل علي امي سلم عليها واطمن علينا وقفل اليوم انتهي دخلت غرفتي قريت واتصل علي خالد
خالد: ليان كيفك
ليان: تمام الحمدلله
خالد: فاقدكم والله اليوم صعب بدونكم
ليان: احنا كمان فقدناك والله اها انت كيف من تعب السفر
خالد: كويس اسي عاوز انوم
ليان: تمام اخد راحتك واكل كويس
خالد؛ من عيوني تصبحي علي خير
ليان: وانت من اهل الخير
قفلت من خالد ورقدت نمت
عدا اسبوع ونفس البرنامج وخالد كان بتصل علينا صباح ومسا لكن مشاعل من خالد سافر م شفناها يوم جيت من الجامعه بدري امي قالت لي ارح نفقدها لبسنا ومشينا فتحت لينا الخدامه وقالت مشاعل نايمه رجعنا البيت اتغدينا وشربنا القهوه وجاتنا هبه ومعاها وحده تانيه اسمها إخلاص بقينا يومي نجتمع ونتونس عدا الشهر ومشاعل م حصل جات وامي كانت زعلانه بس طلبت منها م تكلم خالد عشان م يزعل امي سألت خالد اها جاي متين قال لبها بعد يومين
صحيت مشيت جامعتي وخلصت الدوام وحيت راجعه لقيت امي نايمه الغدا ودخلت غرفتي استحميت وصليت وفكيت شعري لاني كنت مصدعه ورقدت نمت بعد فتره حسيت بيد بتلمس ف شعري قلت دي امي رفعت راسي وانا لسه نعسانه لمن فتحت لقيتو خالد م اداني فرصه طوالي حضني وانا اتجمدت م عرفت اتحرك اول مره خالد يقرب مني كده بقي حاضني مسافه وبعدها بعد
خالد: اسف بس والله اشتقت ليك
ليان: انت قلت جاي بعد يومين
خالد: قلت اعملها مفاجئه
ليان: واحلي مفاجاءة لاحظت لنفسي لابسه قميص جريت الملايه علي وخالد قعد يضحك
خالد: هههههههههه انا ميت من الجوع
ليان: طيب اطلع وانا البس عبايتي واجهز الغدا
خالد: تمام م تتأخري
انا جسمي كان بارد ولسه صدمة الحضن فيني قمت لبست عبايتي وطلعت لقيت خالد ماف
ليان: أمي خالد طلع
عمتي: مشا يسلم علي مرتو
ليان: ايواا تمام انا حاجهز الغدا
بلسان خالد :؛؛؛؛؛
انا اتعودت علي وجود ليان ف حياتي اوصلها الجامعه وارجعها واتغدا معاهم والقهوه والونسه بالجد انا بقيت حاسس حياتي اتغيرت جاتني سفريه فجاءة لمدة شهر جبت لليان عربيه عشان م تتعب ف الجامعه وودعتهم كان نفسي احضنها بس مشاعل كانت واقفه سافرت وكان اسوا ايام حياتي زمان كنت متعود لكن السفره دي تعبت شديد كنت بتصل عليهم صباح ومسا بس م كان كافي اما مشاعل كل م اتصل عليها يا نايمه يا مشغوله عدا الشهر وكانو سنه امي سألتني جاي متين قلت ليها بعد يومين وانا كنت حاجز لبكره صحيت انتهيت من شغلي وركبت الطياره وانا متشوق لأمي وليان وصلت البيت فتحت لي امي سلمت عليها وسالتها من ليان قالت لي نايمه قلت افاجئها دخلت غرفتها ولأول مره اشوفها بدون عبايه وطرحه كانت لابسه قميص مفصل فيها وشعرها مفرور ف المخده قعدت جمبها واتأمل فيها مسافه ولقيت يدي بتلمس ف شعرها فتحت عيونها براحه ولمن لقتني انا قامت بسرعه وانا م اتمالكت نفسي حضنتها بكل قوتي انا زاتي م كنت واعي وهي شكلها اتفاجئت لأنها م اتحركت وانا دايخ من ريحة شعرها وعطرها وم كنت عاوز افكها ابدا فكيتها وسألتني انت كنت جاي بعد يومين قلت ليها حبيت افاجئكم قالت لي احلي مفاجاءة ولسه مصدومه لدرجة انها نست انها م لابسه عبايه جرت الملايه عليها وانا ضحكت فيها لأنها بريئه وقلت ليها جعان قالت بتجهز الغدا طلعت مشيت بيتي عشان افاجئ مشاعل م لقيتها اتصلت عليها
خالد: حبيبتي وين انتي
مشاعل: خالد كيفك انا عند ناس ماما
خالد: انا جيت وحبيت افاجئك
مشاعل: كنت ماله حبيبي وجيت ناس ماما حمدلله علي السلامه
خالد: الله يسلمك اها حاتجي متين انا مشتاق ليك
مشاعل: م بقدر اجي اليله عشان معانا خالتو حابيت هنا
خالد. : وانا ؟؟
مشاعل: معليش حبيبي بعوضك
خالد: خييير
قفلت الخط وزهحت خلاص يعني اقول ليها جيت من السفر تقول لي عاوزه تبيت قفلت تلفوني ودخلت استحميت وصليت وشلت الهدايا الجبتها لأمي وليان ومشيت لقيت ليان مجهزه الغدا ويا سلام عامله الأكل الأنا بحبو عامله لي مصقعه وكبسه وانا كنت جعان ضربت ضرب صاح وسوت لي عصير الكركدي وجهزت القهوه ياخ بالجد عيشه فل
عمتي: يا خالد مرتك وين ما عارفاك جيت
خالد: عند ناس امها كلمتها بس قالت خالتها معاهم وعايزه تبيت
عمتي: مبالغه انت غايب من البيت شهر وم تحي تستقبلك
خالد: خليها علي راحتها هي كانت بتجيكم لمن انا ماف
عمتي: والله يا ولدي م حصل شفناها ومشينا مره انا وليان الخدامه قالت نايمه وتاني م لاقيناها
خالد: ولي م وريتيني
عمتي: ليان قالت لي م ازعلك
خالد: خير يا أمي
بنشرب ف القهوه جات هبه وسلمت علينا وقعدت
هبه: والله يا خالد بركه انك في عايزاك ف موضوع
خالد.: اتفضلي يا هبه
هبه: انا كنت عايزه اطلب يد ليان لأخوي
خالد: شنووو ؟؟
هبه: مالكم اتخلعتو كده اختك ماشاء الله كبيره وحلوه وعجبتني
خالد : أمي أنا ماشي غرفتي
هبه: انا غلطت ف خاجه
عمتي: يا بتي ليان مرت خالد م اختو
هبه: والله يا خالتي م عارفه انا علي اساس خالد متزوج وبعدين م شايفه ليان متحننه
عمتي : هو زواج لظروف معينه
هبه: اسفه يا خالتي واسفه يا ليان
ليان: حصل خير
هبه حسيت بيها انحرجت مرقت طوالي وأمي مشت لخالد ف غرفتو وانا بقيت ف الصاله متوتره ومستغربه من ردة فعل خالد لانو زعل