رواية انثي افعي
الفصل الخامس5
بقلم جمانه السعيدي
ميار....اسمع بابا من هاي اللحظه لو تصدكني لو تعوفني اكتل نفسي
لا تخاف راح اكتب اني انتحرت بارادتي
ابوي ماله دخل بلموضوع حتى محد يقرب عليك
اذكر اني شهدت بصفك بقضية امي وطلعتك رغم اني اعرف انت السبب الرئيس بموت امي
امي بسبك ماتت لو تستغفر العمر كله ماتكدر تكفر عن هاي الخطئيه لا تتصور صلاتك ودموعك تغفرلك يم رب العالمين انت قتلت نفس حرم الله قتلها
بقه ابوي وأكف وصافن على كلامي
اني كنت متعجبه من نفسي اني منيين جبت هذا الكلام
وشلون رتبته بهذا الشكل مااعرف
اني صايره حيه ناعمه الدغ بنعومه محد يحس بيه
حيه دمرت حياتي وحياة الناس الي قريبه مني وأولهم نفسي وابوي
بلبدايه ابوي بقه ساكت ويباوع عليه
بعدين قرب عليه وهو يحجي بهدوء
ابوي....ليش هيج جاي ادمرين سمعتج وسمعتي انتي ماناقصج شي هذا الطريق الي جاي تمشين بي خطر
انتبهي الدراستج انجحي صيره انسانه متفوقه محترمه
هاي السوالف ماتفيدج
اني مريض ويمكن اموت ماابقى وياج
سلاحج بهاي الدنيا دراستج انتبهي الدراستج حققي نفسج
شوفي انت اذا احترمتي نفسج
راح تفرضين احترامج على الناس
ليش هيج ابن عمج يحجي عنج اني اريدهم يفتخرون بيج مو يحجون عليج جمانه السعيدي
ميار....هذا محمود انسان مريض يريد يفرض سيطرته عليه
بكل طريقه اذا انت ما توكفه عد حده اني اوكفه
مااريده يدخل بحياتي اني مو زغيره جبيره وافتهم
راسا ابوي وهو واكف كبالي لزم راسه يمكن ضغطه صعد
بسبب هاي المشكله
ميار...هااا يابه
ابوي ...ضغطي ضغطي صعد راسي راح ينفجر
ميار...قربت علي لزمته واخذته الغرفته انطيته حبايه
ضغط اتمدد وغطيته رحت للمطبخ عصرت ليمون وجبتله
شرب نص الكلاص تمدد وغطيته
بهاي اللحظه مافكرت بتأثير تصرفاتي على ابوي يمكن راح يموت بسببي
لا فكرت بمحمود وحقارته ليش يحجي عليه هو شنو دخله
اني حره بتصرفاتي هو مو وصي عليه
الاولى اني بهاي اللحظه افكر باابوي الاولى اهتم بي وبصحته واعدل اسلوبي حتى لا افقده لان ماعندي احد غيره اذا مات بسبب تصرفاتي منو اليه من بعده
حضرت نفسي بس اشوف محمود اتعارك ويااا
اريده يطلع من حياتي هو مو مسؤل عني ابوي موجود ويكدر يحاسبني
السنه مادخلت بكلوريا السادس صعب محتاج جهد وقرايه
واني عقلي ابد مو عندي اريد اطلع واتونس
ابد ماكنت اقرا رسبت بكل المواد جمانه السعيدي
من رجعت فكرت شلون راح اكول الابوي مادخلت بكلوريا
هسه يحجي عليه هو اصلا ساكت عني بسبب المدرسه
قررت مااكول اني مادخلت بكلوريا
واستمر اطلع وادخل بحجة المدرسه وبعدين افكر بحل الهاي المشكله
كل يوم اروح بحجة المدرسه يكون عندي موعد اتونس وارجع للبيت
اقفل الغرفه عليه بحجة جاي اقرا واني كاعده اراسل بلتيفون
وابوي خطيه شكد تعبان بس كلشي ما يخليني الزم
ماكو على السانه غير اقري انتبهي المدرستج لازم تنجحين
شنو تريدين كولي اجببلج
ميار... يابه لا تخاف اني جاي اقرا وراح أشد حيلي
لازم انجح
الحجج كثرت والاعذار ما تنتهي
اليوم راح ادرس وياا صديقتي
راح اجيب ملزمه مهمه
اليوم عدنا درس تقويه بلمدرسه
صرت محترفه بلجذب وخلق الاعذار
وابوي المسكين مصدكني وعايفني براحتي
خلصت فترة الاستراحه وبدينا بلامتحانات
كل يوم اطلع افتر لو اطلع وياا واحد لو اروح مكان اتونس وارجع للبيت وياا طلعت البنات من الامتحان
ابوي.. هااا زينه بلامتحان
ميار...اي زينه ادخل انام لليل اكعد اتعشى واقفل غرفتي
عليه بحجة جاي ادرس
واني اليل كله اراسل الولد
عندي خدمه واراسل اليل كله اكو ولد هم يدزولي رصيد
انام والصبح ابقى نايمه للعشره لان الامتحانات بين يوم ويوم ومرات يومين يله نمتحن
بقيت على هذا الحال منا لمن خلصت الامتحانات
وابوي ماحس بيه ابد
هسه صعبت عليه الطلعه قبل اطلع بحجة المدرسه
هسه لازم حجه قويه يله اطلع
مااكدر اطلع يوميه كل أسبوع اطلع مره
بقيت افكر بلنتيجه لازم الكه حل اكيد ابوي راح يسئلني عنها
ميار...بابا محتاجه فلوس اريد اشتري شغلات مال بنات
تعرف صار هواي ما طالعه ومحتاجه كم شغله
ابوي.. اني اخذج للسوك
ميار...لا اطلع وياا بنيه صديقتي نشتري بعدين شغلات بناتيه عيب انت تشوفها
ابوي...اي بس مو تتاخرين ساعه وترجعين
ميار...اي انشاء الله مااتاخر
طلعت للسوك ورحت الأصحاب التجهيزات واشتريت
نتيجه فارغه واشتريت كم حاجه ورجعت للبيت
كتبت بيها أرقام بكيفي بس خليت أربع مواد رسبت نفسي بيهن حتى اكول معدلي موزين اريد اعيد
هيج ابوي مراح يشك اني مادخلت بكلوريا
بقيت انتضر يوم اعلان النتائج
ميار...يابه اليوم النتائج اروح اجيب النتيجه ادعيلي لان تعبت هواي بلسادس
ابوي...خل اجي وياج
ميار...لا اني راح أمر على صديقتي ونروح سوا انت تعبان هسه ارجع بسرعه لا تخاف عليه
طلعت اني كنت متواعده وياا واحد نروح نفتر بلسياره
اجاني الراس الشارع صعدت ويااا
هذا الولد تعرفت علي بلجديد
واحد غني مريش صاحب علاقات ماكو بنيه مامسوي وياها علاقه
بس صعدت بلسياره كال وين نروح عندي مكان يجنن
ميار...شنو قصدك مافهمت
...يعني نروح عندي مكان نتونس عندي شقه تخبل ناخذ راحتنا
ميار....لا اني حدي وياك بلسياره بكوفي مطعم بس شقق لا
....شو صرتي شريفه براسي لعد ليش واعدتيني
ميار...اتونس براسك تصرف عليه
....هيج بدون مقابل
ميار...انت شو مقلل من قيمتي اني صاعده وياك شنو هذا قليل
...راسا عفط ( العفو على هذا اللفظ) صاعده وياي
اذا اريد هسه ١٠٠ وحده تصعد وياي شنو قحط كحاب
انزلي الله وياج يله صايره شريفه براسي
نزلني الحيوان وطلع بلسياره
وكفت ااجر تكسي راسا وكفت سياره نزل منها محمود
واجه عليه
محمود....ليش صاعده وياا هذا انت وتاليته وياج لازم تتعلمين الادب
ميار...باع محمود طلعني من عقلك لا ولله اشتكي عليك وادخلك سجن اكول يتحرش بيه ترا اني بايعه ومخلصه
واحد مثلك مايخوفني انت شنو كل شويه طالعلي
ماكو غيري بحياتك ابتعد عني وارحمني
اطلع من حياتي احسلك
قرب عليه ضربني راشدي فر راسي فرا
كمت اعيط وتجمعت الناس علينا هو لازمني من ايدي من الجتف يريد سياره توكف حتى يصعدني
اني كمت اعيط اكثر قربو الناس علينا
كتلهم يريد بخطفني
الناس لزمته
محمود.. بت عمي اجذب احجي الحقيقه ادبسز
ميار...مااعرفه جذاب
محمود....ولله ابن عمها ختولي لا اصدكون بيها
ميار. أشرت للتكسي من وكفت وردت اصعد كتلهم عوفو
ابن عمي عندي مشكله وياا واتهمته
راسا صعدت ومشت بيه السياره
خلي يولي حاسب نفسه ولي امري
جمانه السعيدي
رجعت للبيت دخلت كمت ابجي
بجي حقيقي مو اكللكم حيه ناعمه ومؤثره
ابوي بس شافني
ابوي..هاا ياستار ليش تبجين اني ماطلعت للشغل منتضرج
ليش تبجين
ميار...طلعت باربعه ومعدلي موزين مايسوه التعب
كل تعبيى وقرايتي ضاعت
ابوي. ميخالف امتحني دور ثاني
ميار.. معدلي قليل مراح انقبل شي
ابوي.. شنو الحل خل اشوف النتيجه شلون معدلج قليل
طلعت النتيجه اني مرتبتها حسب الاصول حتى التواقيع
كلشي ماعدا ختم المدرسه
بس هو ماانتبه ماكو ختم
ابوي....هاي صدك درجاتج قليل
ميار...صعب السادس محد يكدر يعبره شلون مجان
ابوي...ميخالف لا اضوجين عيدي السنه الي تجي حتى تحسنيين معدلج
ميار....شكرا بابا انت فهمتني
ابوي...لا اضوجين انتي ماعندج رسوب عادي عيدي السنه
بس اريد معدل زين
ميار.. اكيد بعد هاي الفرصه لازم استفاد منها
بعدها بديت اتحجج اريد دروس خصوصيه حتى انجح
كل صديقاتي دخل دروس خصوصيه
اخذ فلوس الدروس اروح اتونس ببهن
ولا اسجل دروس ولا اروح
يامدرسه يابطيخ خل اتونس عليمن حاركه دمي علمود المدرسه
السنه رويده نجحت واجت وياي للسادس علاقتي بيها رجعت شويه شويه تتحسن الحد مارجعنا مثل قبل