رواية انثي افعي الفصل السادس6بقلم جمانه السعيدي
ميار...رجعت علاقتي برويده بس هلمره اني وياها نفس الشي قبل كنت تابعه الها والتصرفاته
منبهره بطريقته بلتصرف والتعامل وياا الناس
متعجبه من خبرته وجرئته
اني هلمره صرت احسن منها وعندي تجارب بلتعامل اكثر منها مراح امشي وراها ولا تكدر اسيطر عليه
اني أمشي وياها بمزاجي
خلال الدوام كنا اني وياها نطلع ونمشي سوا
إلى أن يوم شفتها تحجي وياا ولد الولد صاروخ من الجمال
كلشي بي حلو طوله شكله شعرا ملامحه عيونه
اني من شفته بقيت واكفه بمكاني
الولد اكبر مني ومنها بسنتين عمرا تقريبا ٢١ سنه
شكله شدني بشكل مومعقول من اول مره شفته بيها
قررت هذا الولد لازم يكون اليه مو الها
لازم يكون حبيبي مو حبيبها
قربت عليهم
رويده...هلو ميار تعاي اعرفج ادم
ميار...نضرتله نضرة اعجاب وابتسمت هلو ادم فرصه سعيده
ادم...اني الاسعد انتم نفس المرحله
رويده...اي نفس المرحله
ميار...انت وين اداوم
ادم....اني اشتغل بمول لان تارك المدرسه من صف سادس
ميار...ليش ماتدرس وتشتغل
ادم.. ماعندي وقت
ميار...ممكن عنوأن الشغل ايجوز نصير زبائن عدكم
ادم...اكيد اهلا وسهلا
ميار...كلت بكلبي خليتك بعقلي انت اليه ومستحيل رويده تأخذك مني
طبعا هو ماعنده سياره بيومها تمشينا احنا ويااا اني ورويده مسافه بعدين اجرنا تكسي وصلوني للبيت
وهما طلعو ثنيينهم
بقيت افكر بي شلون اكدر اخذه منها
لازم اروحله للمول واجيب رقمه واتواصل ويااا
لازم اطلع رويده من عينه جمانه السعيدي
اخذ مكانها صدك هو على كد حاله مو غني
بس اني اريده لازم ارتبط بي
اول مره اصادف ولد وهلكد يشغل تفكيري
هذا غير عن كل الولد الي تعرفت عليهم قبل
لازم يكون اليه
ثاني يوم حاولت اجرجر رويده حتى اعرف معلومات عنه
ميار...اي ما كلتلي وين تعرفتي علي
رويده....منو
ميار...لا تغشمين نفسج ادم
رويده....رحنا نشتري ملابس اني وماما ومن شفته عجبني شكله انطيته رقمي صار اسبوع من تعرفت علي
البارحه اتفقنا يجي للمدرسه حتى اشوفه
ميار...هاا يعني تلعبين مثل كل مره
رويده....الصراحه هو عاجبني كشكل بس ماعنده فلوس
راح ابقى وياا فتره واشوف
اذا حبيته ابقى ويااا
بيني وبينج اني عاجبني حيل اسلوبه حلو بالكلام طريقته راقيه يمكن راح اوكع بلحب
ميار.. يعني اذا شفتي واحد مريش ما تعوفين ادم وتركضين ورا
رويده...شبيج ايجوز اخذ من هذا وانطي الهذا
ميار...شلون يعني
رويده....اخذ من الغني واصرف على الفقير
ميار....ولج انتي ابليس يتعلم منج
رويده....بعد كل هاي الخبره طبعا اعلم ابليس وكل عائلته
ميار..انتضرت ؤوم الجمعه
ميار...بابا اريد اروح اشتري ملابس اريد فلوس
بابا... يله اني هم اريد اروح للسوك
ميار...اني اريد اروح للمول بي تنزيلات وانت تروح السوق المخضر وللحم
بابا...زين اوصلج بطريقي
وصلني بابا نزلت ورحت كبل على المكان الي يشتغل بي ادم
اول مادخلت مالكيته جمانه السعيدي
اكو واحد واكف شافني كال تفضلي بشنو اخدمج
ميار...اريد ادم
....ادم بعده مجاي
ميار...يتاخر
....لا هسه على جيه هو يجي مواصلا يتاخر بسبب الزحمه
ميار.. اي انتضره
بقيت افتر بلمكان واشوف البضاعه عجبتني كم شغله
بس السعر حيل غالي رجعتهن
تقريبا ربع ساعه اجا ادام
الولد الي بلمحل كال اكو جماعه منتضرينك
التفت شافني ابتسم مو ابتسامه اخذ عقلي
ميار.. هلو ادام
ادم...هلو ميار شلونج
ميار...الحمد لله اجيت اشوف بضاعتكم
ادم...كل المحل بخدمتج
اجا يمشي وياي حتى اشوف البضاعه
ميار.. بصوت ناصي بيني وبينك اسعاركم غاليه
ادم...هههه اخذي اي شي يعجبج على حسابي
ميار...لا مو الهدرجه
ادم...زين اني راح انطيج عطر من المحل على حسابي اعتبري هديه صداقه
ميار...تمام موافقه بس يكولون العطر فراك
ادم...ياستار منو يكووول
ميار...الناس تكوول
ادم...تجين نجرب اني وياج اذا تفاركنا يعني حجي الناس صدك
ميار... لا اسم الله انشاء الله ما نتفارك
ابتسم وكال
ادم....ليش هيج خايفه من الفراك
ميار...هواي ناس عزيزه فاركتهم بحياتي ومااريد افارك بعد احد وخاصه انت
ادم...ليش اني بلذات
ميار...مبين طيب خوش انسان كلبي ارتاحلك من اول ماشفتك
ادم...انتي الي ماكو اطيب منج
ميار....لا تحجي هيج وياي خاف احبك
فتح عيونه حيل وكال بطريقه حلوه تحبيني
ميار...اي احبك
ادم....وليش ما تحبيني
ميار...مو انت تحب رويده
ادم.. منو كال اني احب رويده
ميار...اني حسيت هيج حسيتك تحبها
ادم....لا رويده مجرد صديقه لا أكثر ولا اقل
ميار....صديقه انت متاكد
ادم...اي متاكد قابل شعندي وياها مجرد صديقه لا أكثر
ولا اقل
ميار...لعد ليش اجيت للمدرسه وراها اذا مجرد صديقه
ادم...هي الي بقت تلح حتى اجي للمدرسه يمكن رادت البنات يشوفني
ميار...اي هي عدها هيج سوالف تحب تتفيك كدام البنات
كلت بكلبي تريد تحرك كلب البنات عود شوفن حبيبي شكد حلوو
زين ممكن اخذ رقمك
يعني اذا جبتو بضاعه جديده حتى اجي
ادم...بس بضاعتنا غاليه انتي كلتي
ميار....ايجوز اجيبون بضاعه رخيصه
ادم....تدللين من عيوني
باوعت بعيونه يخبلن كلت بكلبي انت اليه وبعد تحلم رويده تشوفك جمانه السعيدي
اخذت الرقم منه وانطاني عطر كلش طيب هديه
وما اشتريت اي شي من المحل
لان فعلا اسعارهم نار
رحت افتريت بلسوك اشتريت كم شغله
اتصل عليه بابا
ابوي.....هاا حبيبتي خلصتي حتى نرجع للبيت سوا
ميار...اي خلصت تعال منتضرتك
اجا ابوي صاعد تكسي وكفلي صعدت وياا ورجعنا للبيت
بليل دزيت رساله الادم
ميار....هلو ادم شلونك وياك ميار
مارد عليه بقيت منتضره للساعه ١١ يله رد عليه
ادم..هلو ميار جنت طالع
ميار....زعلت صار ٣ ساعات انتضر
ادم....حقج عليه بعد ماتنعاد ما انتبهت للتليفون
ميار....وين جنت
ادم...وياا اصدقائي
ميار....خاف وياا رويده
ادم....لا وياا اصدقائي
ميار...حبيت اشكرك العطر كلش طيب
ادم...العفو تدللين خليتي منه
ميار... اي شنو الريحه ما وصلتك
ادم.....هههههه الله وصلتني تخبل بعد شنو تكولين فراك
ميار...اتاخرت بلرد عليه ٣ ساعات كلت خلاص هذا تأثير العطر اكيد تفاركنا
ادم....اكو واحد يفارك هذا الوجه الحلو
ميار...انت الحلو قلب وقالب
ادم....شكرا اليوم الكلام كله غزل
ميار....احجيلي شويه عن نفسك
ادم....اني عايش وياا امي واخواني ثنيين وعندي اخت وحده اني الجبير مسؤل عن عائلتي
عدنا راتب بابا الله يرحمه
كان موضف بدائرة الكهرباء مات بحادث سياره
من بعد ما مات ابوي اني عفت الدراسه وكمت اشتغل
المحل الي شفتي اليوم اني وصديقي شركاء بي بلنص
الحمد لله عيشتنا ماشيه وانتي؟؟؟؟
ميار....اني حيدة اهلي اني متوفيه وعايشه اني وابوي بلبيت وضعنا المادي زين ابوي عنده محل قطع غيار سيارات
ادم.... اريد اسئلج بما انتي وحيده
زين يكون واحد وحيد اهله يعني مدلل كلشي يريده يحصله
لو الوضع مو مثل ما أتصور لان ماعنده احد اقصد ماعنده اخوان عايش وحيد
ميار....لا موزين الوضع حلو واحد عنده اخوان وخوات
تعرف الام والاب ما دايمين على الاقل الاخوان سند بهاي الحياة
ادم....اني متوقع الوحيد عايش ملك
ميار...الحياة معاشره ناس شنو فائدة الدلال والانسان وحيد
ادم...ليش ابوج مايزوج ويجيبلج اخوان
ميار...مايقبل يزوج بعدين هو مريض وتعبان ونصدم بعد وفاة امي
ادم...ليش امج شلون ماتت
ميار...هااا لا هيج حادث هو يحبها وبقا مصدوم بعد وفاته
وما قبل يزوج
ادم....زين تمام اكو واحد بعد وفي الزوجته حتى وهي ميته اكو نسوانهم يخبلن وشاطرات وتعبانات وياهم
يعوفوهن ويزوجون
ميار...كلمن ومبدئه كل واحد بكيفه
ادم...اي صحيح كلامج
ميار...ليش ماعندك سياره شعجب
ادم....كل الفلوس الي عندي فتحت بيهن هذا المحل
ماصار سنه من فتحت المكان
انشاء الله ناوي اخذ سياره بلقسط
ميار...انشاء الله