رواية ليس نهاية طريق
الفصل السادس6
بقلم ساره محمد
شهد: حزووم
حازم : مممممممم
شهد : نمت
حازم: ممممم برد عليك ف الحلم
شهد: انت لي بارد كده
حازم قام علي حيلو: بارد كيف يعني
شهد: يعني انت اليله باعتبارك طلقت بس شايفاك عادي
حازم: وانتي عايزاني انهار
شهد : علي اساس انت بتحبها
حازم: شهد اقول ليك بصراحه اناعمري م حبيته هي عجبتني بس وانا بالنسبه ليها كنت بنك
شهد؛ يعني علاقه ماديه ما اكتر
حازم: ممممم م انكر اني انبهرت بيها وحبيتها بس من وافقت علي الزواج ف السر انا بطني طمت منها واكتشفت انها استقلاليه
شهد:مممم طيب انت عمرك م حبيت بجد
حازم: لا اناكنت من بت للتانيه لاني بمل شديد لكن حاسي اني واقع ف الحب
شهد: جد ولالعب
حازم: جد الجد كمان
شهد: حاتعرفني بيها متين
حازم: لمن اعترف انا
شهد: شنووو وحارس شنو
حازم: م عايز استعجل المره دي
شهد: بالتوفيق يلااا عايزانوم
صباح الجمعه
شهد صحت وحازم لسه نايم فكرت تصحي كييييف طلعت ليو ف ضهرو
حازم : اخخخخ الوقع فيني شنو
شهد: هههههههههههه صباااحو
حازم: انزلي يا شهد
شهد: ولو أبيت
حازم : والله ارميك
شهد: هههههه كدي حاول
حازم كان حاينقلب وشهد نطت سريع في الواطه وجرت الحمام
استحمت وجات لقت حازم واقف جنمب الحمام
شهد: بتفكر ف شنوووو
حازم: اتسد حقي كيف
شهد: حزوم بطل خلاص صحيت والحصل حصل
حازم: مممممم طيب عشان مزاجي رايق بس
شهد: اوووف خلاص استحم وتعال المطبخ
شهد نزلت المطبخ عملت النسكافيه ومعاها كيك وحازم نزل اكلو وشربو
شهد: حزوووم نحن مفروض ننظف البيت ده
جازم: شوشو اطلبي خدامه
شهد:لا احناالعايشين فيو ولازم ننظفو
حازم : اووووف اليله يوم راحتي انضف فيها
شهد: حزووووم يلا نبدا
فتحو السماعه باعلي صوت وبدو النضافه وحازم كل م يقول خلصنا شهد تطلع ليو ببرنامج خلصو من النضافهة
حازم: تاني م تعرضي علي وشي
شهد:؛والفطور البعملو منو
حازم: نطلب حاجه خفيفه
شهد: لالالالالا رايك شنو ف دمعه بقراصه
حازم: طيب سويهم
شهد: قصدك حانسويهم
حازم:شوشو حرام عليك
شهد: ممممممم
حازم: طيب طيب
شهد: انا بعمل الدمعه وانت عوس القراصه
حازم: ظاااابط
سو الفطور وفطرو وحازم مشا استحم ولبس جلابية الصلاة وطلع وشهد استحمت ولبست ليها ردة وطب وصلت ورقد وخخختت الابتوب وبقت تتصفح شويه كده وحازم جا من الصلاة
شهد: حرما يا ابونا
حازم: جمعا
حازم غير ملابسو وقعد جمب شهد وهي مشغوله وهو يتأمل فيها لحدي م نام شهد خلصت وقبلت لقت حازم نايم وشكلو تعبان من النضافه هي زاته رقدت نامت صحو العصر حسام اتصل قال الشله جاياهم
حازم: خلينا نطلب فطاير جاهزه
شهد: طيب
شهد لبست عبايةاستقبال بالاسود وحازم لبس ترينق رمادي وفانيله بالاسود والشله جات وضيفوهم وبقو بتونسو
عمر: يا شوشو م قلتي لي راجلك كان متزوج قبل كده
شهد: م جات مناسبه وانا اصلا عارفه من قبل م اتزوجو ولو ما كان وكلتك تجيب لي الورقه
حازم: يعني عمر الجابه
شهد؛ ممممم
حازم: شكراياعمر ياخ
عمر: العفو
حسام: شباب خلونا نلعب لعبه
لينا: جراءة وصراحه
شهد: اللعبه دي بتجيب المشاكل
لينا: ماف اي مشاكل خلينا نبدا
حسام: طيب نبدا بلينا انتي اليامات دي بتحبي؟
لينا: اي بحب بس انا م جاده وهو جادي وانا بخاف من مسؤلية الحب
حسام: اتوكلي لو هو جادي زي ما بقولو حب البيحبك
لينا: عمر البت الكانت معاك ف الكافييه منو عمر: دي وحده بتحبني بس انا م فاضي للقصص دي
لينا: ولي م فاضي
عمر: انا حبيت وحده زماان وف زول خطفها مني وتاني حاولت معاها وبرضو جا زول خطفها مني ومن الزمن داك عاهدت اني م احب
هنا الجو اتكهرب وحازم مسك يد شهد وعارف انو هي المقصوده
حسام: هي مدام شافت حياتها شوف حياتك
عمر: بحاول . دور شهد يا شهد انتي نسيتي مروان
حسام: عمررر
عمر: دي لعبه ساي م قصدي حاجه
حسام: شهد م ملزمه تحكي
شهد فكت يد حازم ووشها اتغير حازم قال ليها م ملزمه تري علي السؤال
شهد: انا حارد عشان انا م ضعيفه انا يا عمر عمري ما حانسي مروان لان مروان ف قلبي وزكرياتي واسي حاليا انا بحس بوجودو جنمبي وانا اتزوجت حازم لانو فيو طباع من مروان وانا لمن رفضتك اول مره لأنك كنت عارف انو انا ومروان بنحب بعض ورفضتك والمره التانيه رفضتك عشان عمرك م حاتشبه مروان واكبر دليل سؤالك ده اثبت انك اناني وم بتحس بالقدامك ويا جماعه البيت بيتكم انا حاطلع غرفتي
شهد باين عليها زعلت دخلت غرفتها
وحسام شاكل عمر وعمر طلع
حسام: حازم ممكن امشي ليها
حازم: اتفضل
لينا: حسام اجي معاك
حسام : لا
حسام طلع لشهد ودق الباب
شهد: خش يا حسام
حسام دخل وقعد جنبمها ف السرير
حسام: شهد ابكي
شهد: م عاوزه
حسام ؛: صرخ فيها شهدددد ابكي
شهد بقت تبكي بهستيريا وحسام حضنها وكان بشجعها انها تبكي عشان ترتاح
شهد تدريجيا بدت تهدأ ونامت حسام رقدها وغطاها ونزل
حسام : حازم نحن نستأذن
حازم: شهد ؟؟
حسام: م تخاف نامت يلا يا لينا ونعتذر تاني
حازم: ولا يهمك
لينا وحسام مرقو وحسام كان زهجان لمن م قدر يسوق لينا ساقت العربيه وودتو حته كده فاااضيه
لينا: حسام انزل
حسام: نزل واول م نزل بقي يصرخ ويبكي باعلي حسو وليناواقفه تعاين ليو هو بصرخ لمن ارتاح وقعد ف الارض ولينا جات قعدت جنبو
لينا: احسسسن ؟؟
حسام: ممممم احسن
لينا: يلا ارح اوصلك وحابيت معاك
جسام: طيب
حسان ولينا مشو شقة حسام دخلتو غرفتوو وهي مشت الغرفه التانيه لأنها متعوده لمن حسام يكون مضايق بتودي المحل ده يطلع غضبو وترجع معاو بيتو عشان تكون مطمئنه