رواية ليس نهاية طريق الفصل السابع7بقلم ساره محمد
حازم طلع الغرفه لقاها نايمه ووشها مورم زعل شديد هو زاتو بقي يبكي بدون صوت عدت تلاته ساعات وشهد نايمه حازم مشا المطبخ عمل ليها ساندوتش وعصير وجا قعد جنمبها
حازم: شوشو اصحي
شهد: ممممم
حازم : م جعانه جبت لي سندوتشك المفضل
شهد: حازم ما جعانه
حازم: الاكل ما عندو ذنب يلا قومي
شهد قامت لمت شعرها وقلعت العبايه وبدت تاكل وحازم ساكت ويعاين ليها
شهد: ماله عيونك محمره
حازم: طارت لي شطه
شهد: علي فكره انت فاشل ف الكذب
حازم: الله يسامحك
شهد؛ هههههههههههه
حازم: ممكن ما تحرميني من ضحكتك
شهد: طيب
شهد كملت الاكل وحازم فتح فلم وجاب اندومي وشيبس ومكسرات وجهز القعده وبقو يحضرو ف الفلم شهد رقدت ف طرف حازم وبقت تحضر لحدي م نامت
حازم صحا بدري قام استحم وصلي وجهز الاكل ومشا صحا شهد أبت تصحا شالها دخلها الحمام وختاها تحت الدش لمن صحصحت وطلع وهي خلصت حمامها وصلت ولبست ليها بجامه تلت اربع ونزلت لقت حازم مجهز النسكافيه
شهد: بعيدا عن الطريقه الصحيتني بيها بس معليش المسامح كريم
حازم؛ ههههههههه طيب با كريم جلسي
شهد قعدت جمب حازم وشربو النسكافيه
حازم : اليله م طالعه
شهد؛ م اظن
حازم: ممكن اعرف السبب
شهد: بدون سبب
حازم: شهد انا اتعودت عليك انسانه قويه يعني م داير كلام عمر يأثر فيك انا م عارف قصة حبك بس من خلال كلامك أمس حسيت مروان محظوظ لانو ف انسانه حبتو كده يعني حتي بعد مات وانتي لسه بتحبيهو وعمر واحد حاقد م اكتر عشان كده م تختي ف قلبك
شهد: عمر معزرو لانو حباني لكن انا م قدرت فهمتني يعني اول مره هو كان عارفني بحب مروان وكان مصر علي والمره التانيه انا م كنت طلعت من صدمة فراق مروان يعني بحي ف اوقات انا بكون فيها م متقبله وانا م قايله شايل ف قلبو
حازم: ممكن ننسي الحصل وتقومي تلبسي ونمشي الكافي
شهد : طيب
شهد مشت غيرت ملابسها ولبست فستان بالكحلي والأبيض وطلعو مشو الكافي حازم قعد معاها شويه ومشا الماركت شويه كده وجا حسام
شهد: حوسو اتفضل
حسام: أصبحتي كيف
شهد : كويسه وبشوفتك بقيت احسن تشرب شنو؟؟
حسام: انا جعان مممن نفطر
شهد: طيب نطلب: سمك
حسام؛ ظابط
شهد طلبت الاكل وطلبت لحازم
شهد: حزوووم
حازم: عيونو
شهد: تعال نفطر
حازم: تمام شويه وبجي
حسام: شهد انا بالجد اسف لو عارف عمر لسه بالعقليه دي م كان جبتو
شهد: انسي الحصل حسام انا عاوزه امشي تركيا
حسام: كويس مع حازم
شهد: لا براي
حسام: شهد انتي جاده
شهد: مممم
حسام: اسافر معاك
شهد: لا. دايره اكون براي فتره
حسام: وحاتقعدي قدر شنوو
شهد: شهر
حسام: تمام احجز ليك
شهد : تمام
حازم جا والفطور وصل فطروا وشربو قهوه وحسام مشا
شهد: حزومي انا حامشي تركيا
حازم: طيب اظبط اموري ونمشي سوا
شهد: لا عاوزه اكون براي
حازم: مع انو صعب علي لكن امشي مدام راحتك
شهد: شكرا حزومي
حازم: انا ماشي الماركت
شهد: تمام
حازم مشاا الماركت وكان زهجان من موضوع سفر شهد وخايف عليها
حسام اتصل علي شهد وقال ليها طيارتك الساعه ١٢ص
شهد وحازم مشو البيت وجهزت شنطها وحازم طول الوقت صاري وشو
شهد: حزومي فر وشك ده
حازم: حاحاول
شهد: خلي بالك من نفسك تمام
حازم : ممم طيب اسي الساعه ٩ خليني انوم ف حضنك حبه تمام
شهد : تمام
مشو الغرفه ورقد ف حضنها وهي مررت يدو علي شعرو لحدي م نام كان ماسكها قوي الساعه بقت ١٠ونص حسام اتصل
شهد: اي حسام
حسام: جاهزه انا تحت
شهد: طيب بنزل
شهد: حزوم حزوم
حازم: مممممم
شهد: مواعيدي جات
حازم: م غيرتي رايك
شهد: حزوم يلا حسام حارسني تحت
حازم قام مشا الحمام استحم وغير وطلع معاهم مشو المطار خلاص طيارتها حازم حضنها شديد
شهد: حزومي كلها شهر واجي
حازم : طيب خلي بالك من نفسك واتصل عليك تلفونك يكون جنمبك
شهد: طيب ودعت حسام ومشت طيارتها
حسام ساق حازم وحسه بيه مضايق ساقو المحل البطلع فيو الجواو
حازم: نحن وين
حسام: انزل
حازم نزل وكان مستغرب المكان
حسام : حازم انا بجي هنا بطلع الجواي بكورك بصرخ عشان ارتاح يلا اعملها
حازم: انا انا
حسام : حازم يلا
حازم فجاءة بقي يبكي ويصرخ لمن قعد ف الارض وقال باعلي حسو انا بحبك يا شهد بحبك وحسام كان واقف بعاين لي مسافه وحازم ارتاح وحسام ساقو شقتو دخلو الغرفه حازم نام طوالي وحسام مشا غرفتو ونام
بعد ٥ ساعات شهد وصلت تركيا ومشت الفندق البتنزل فيه نامت طوالي
الصباح : حازم صحا ولقا حسام بسوي ف الشاي
حازم: صباح الخير
جسام: حزوم صباح النور
حازم اتصل بشهد تلفونه مغلق
حسام: م تقلق بتكون نايمه
حازم: ممكن أسألك سوال
حسام احكي
حازم: شهد لي مشت تركيا
حسام: لان تركيا هي اتعالجت فيها وهناك دكتورتها وف نفس الوقت صحبتها فأنا متاكدةانها حاتكون كويسه
حازم: يا ريت ياخ
حسام: لكن طلعت بتحبها شديد
حازم: بحبها وبس ياخ انا بقيت مدمن وجودها م عارف الشهر ده حاعيشو كيف
حسام: وهي عارفه انك بتحبها
حازم: لا خفت اعترف ليها افقدها
حسام: بعد تجي حاول اعترف ليها هي بحاجه للحب
حازم : خير انا حامشي الماركت
حسام: طيب ممكن الشهر ده تعال اقعدوا معاي هنا
حازم : ممكن لاني م عايز ارجع البيت وشهد مافي
حسام: تمام دي نسخة مفتاح
حازم: تمام
حازم طلع الماركت وحسام طلع شغلو والاتنين كانوفاقدنها
شهد صحت اتصلت علي حازم واتونست معاها واتونست مع حسام وعدا الشهر وحب حازم كل يوم بيكبر وشهد ارتاحت ف تركيا واليله هي جايه حسام وحازم صابنها ف المطار من الساعه ٨ وشهد جايه الساعه ١١
حازم من شاف شهد جايه جرا عليها وحضنها وشالها ولف بيها والمطار كلو بقي يعاين ليها
شهد: ههههههههههه فضحتنا
حازم؛ م عندي شغله بزول مشتاق شدبد
شهد: بالاكتر والله
حسام: نزلها اسلم عليها
حازم : ابييييييت
شهد: ههههههههههه يا مجنون نزلني
حازم نزلها وسلمت علي حسام وطلعو الشنط حسام استأذن مشا بيتو وشهد ركبت مع حازم وكان مبسوط وماسك يدها وما مصدق انها رجعت