رواية انثي افعي
الفصل السابع7
بقلم جمانه السعيدي
ميار....ثاني يوم حبيت اشوف رويده خاف جاي تتواصل ويااا
ميار...رويده شو ادم بعد مااجه للمدرسه
رويده....اي ذيج المره اني لحيت علي يجي وهو مايرفضلي طلب
ميار...اكو بينكم تواصل
رويده...اكيد جاي يتصل عليه ونحجي كل يوم
ميار...هاااا زين
رويده....ليش تسئلين علي شعندج ويااا
ميار....شعندي وياا اني اصلا مااعرفه بس هيج اجا ابالي
وكلت اسئل
رويده...خاف عاجبج
ميار....شنو اذا عاجبني تعوفينه اليه
رويده....لا ممنوع تقربين علي فهمتي لولا
ميار...اي فهمت
بليل دزيتله رساله
ميار...هلو ادام اذا عندك وقت ممكن نحجي سوا
انتضرت شويه بعدين رد عليه
ادم....هلو ميار كل الوقت الج
ميار...بس عندي سؤال وأريدك تحاجيني بصراحه
ادم....اي كولي
ميار...ممكن اعرف شنو نوع العلاقه بينك وبين رويده
ادم...ليش تسئلين
ميار.. هيج اريد اعرف
ادم.... مجرد صداقه
ميار...يعني ما تحبها
ادم....يعني حب من اي نوع
ميار...علاقة حب ارتباط هيج شي
ادم....اكيد لا ترا اني اعرف رويده واعرف شكد عدها علاقات ومستحيل احبها بس تكدرين تكولين علاقة صداقه
جمانه السعيدي
ميار...اكو تواصل بينكم
ادم....اي بس كلام عادي
ميار...ممكن تكطع علاقتك بيها
ادم...ليش اكو شي
ميار....اخاف عليك منها انت ما تعرفها بكدي انت خوش انسان وهي انسانه رخيصه وممكن اتاذيك
ممكن تعوفها
ادم....شكرا للنصيحه اي ممكن اكيد بس انتي ليش هيج خايفه عليه منها
ميار....مو كتلك انت ما تعرفها بكدي اخاف عليك
ادم... ماجاوبتي على سؤالي ليش
ميار...اذا احجيلك اصدكني
ادم...وليش مااصدكج مثلا
ميار.. اني معجبه بيك من اول مره شفتك بيها واخاف علبك منها
ادم...اني هم معجب بيج
ميار...تحجي صدك انت معجب بيه
ادم....ليش هيج متفاجئه انتي شنو ناقصج مثلا
اصلا انتي احلا منها ومريحه اكثر وبسيطه
ميار...الله يجبر خاطرك مثل ماجبرت خاطري
ادم...اصلا انتي عسل ماكو منج
ميار....فديت الكلام الحلو
ادم...فداج الكون كله
ميار...عندي طلب
ادم...اطلبي عيوني تاخذيهن
ميار...ممكن تحضر رقم رويده وبعد ما تحجي وياها
ادم....بس هاي مو تدللين دقيقه خل اطلع الرقم
هاااءه حضرته مو يدلل الحلو عليه
ميار...انت احلى واحسن شخص عرفته بحياتي
ادم.... انتي الي ماكو منج حلوه وعاقله
ميار....لا هيج اصير مغروره
ادم...انتي الي يلوك عليج الغرور
ميار استمريت احجي وياا ادم كل ليله وبعد ما سئلت رويده
عنه خاف تشك بيه
مااريد علاقتي بي تخرب الاي سبب
اذا عرفت رويده اكو بينا علاقه اكيد راح تخرب كلشي
وتحجي الاادم عن علاقاتي السابقه
خاف يعرف ويعوفني اني اريد ابطل من كل الولد
وابقى بس وياا ادم
لان حيل عاجبني
بعد شهرين من هاي العلاقه حيل اتعلقت باادم
كمت مااطلع واي اي احد ولا اروح الاي مكان خاف ادم يعرف ويعوفني
الشهر الثالث بهاي العلاقه بس خلص اختفى ادم
أربع أيام اتصل ومايرد عليه
تخبلت لايكون صاير وياا شي ليش مايرد عليه
اتصلت على رويده وجرجرتها بلكلام
كالت اني من زمان كطعت علاقتي بي ومااعرف عنه اي
شي جمانه السعيدي
استأذنت من ابوي اروح اشتري شغلات للدارسه
أقلام وارواق علمود القرايه
رحت المكان عملهم لكيت المحل مقفول
سئلت اصحاب المحلات منا ومنا كالو صارريومين
ماكووو ومايعرفون اي شي
اجيت اتخبل دزيت اكثر من خمسين رساله
اريد بس اعرف شصار ويااا ليش هيج مختفي
اليوم الخامس دزلي رساله
ادم....هلو حبيبتي اسف اذا ماارد عليج عندي مشكله وجاي احاول احله
ميار...شنو هاي المشكله الي تبعدك عني كل هذا الوقت
تعرف رحت المكان عملك
كلبي اجا يوكف من الخوف عليك
ادم...سلامت كلبج حبيبتي
ميار...شصار احجي
ادم...لا تشغلين بالج مشكله وإنشاء الله راح الكالها حل بأسرع وقت ممكن
ميار...اني مو حبيبتك
ادم....انتي مو بس حبيبتي انتي النفس الي يصعد وينزل
ميار...خلاص احجيلي يمكن اكدر اساعدك
ادم...لا مراح تكدرين واني اصلا مااريد اضوجج
كل الدنيا خل تحترك وانت لا اضوجين
ميار...بداعتي عليك احجي شصاير لازم اعرف ليش هيج صوتك تعبان
ادم....لا مااحجي كلشي تمام وهاي اخر مره ابتعد عنج هيج انتي ما تعرفين شكد عزيزه عليه
ترا كوه لازم نفسي مااتصل عليج
بسبب هاي الشغله
ميار...زعلت الضاهر اني مو عزيزه عليك ليش أضم عليه
اني لازم اشاركك بكل شي
ادم....لا خلاص اني مااكدر على زعلج راح احجيلج
هذا الولد الي مشاركني بلشغل يريد يطلع من الشغل
ويريد حصته مني واني ماعندي ادفعله المبلغ
قدمت قرض على راتب ابوي بس يطول علما تجي الموافقه ويطلع القرض وهو مستعجل يريد يسافر
لا تشغلين بالج باجر اروح اشوف بلكت الكا واحد يقرضني المبلغ منا لمن يطلع القرض واسدد
شفتي موضوع بسيط وماردت ادخلج بي
ميار...ياحبيبي ليش ماتحجيلي
ادم....اني اكدر احل الموضوع لا تخافين عليه اني ماردت تعرفين حبيبتي ازمه وتعدي
ميار....الله يسهل امرك جمانه السعيدي
سدينا التليفون ورحت طلعت الذهب مال امي
كلاده ثكيله كلش وتراجي كبار ومحبس وحلقه واني هم عندي تراجي
ومحبس مالابستهن ضامتهن
قررت ابيعهن واساعده واسويله مفاجئه
اكيد اذا اني وكفت وياا بهاي الازمه راح اكبر بعينه ومراح يعوفني ابد
الصبح اخذتهن وياي خليتهن بجنطة المدرسه
وطلعت مارحت للمدرسه طلعت للسوك كبل
بقيت انتضر للساعه تسعه يله بدو الصياغ يفتحون
قيمتهن عدهم وصلن سبعه و١٠٠
بعتهن وأخذت الفلوس ورجعت للبيت
ابوي ماموجود طالع للشغل يعني ضربت المدرسه اليوم ماداومت
رجع بابا لكاني محضره الغده كعدنا ناكل اني ويااا
ميار...بابا اريد احجي وياك
ابوي...اي كولي
ميار.. اكو مادتين كلش صعبات مجاي افهمهن صديقاتي كلهن دخلن بيهن دوره بس اني بقيت
ابوي...اي ادخلي شنو منتضره
انتي مو دخلتي دورات بداية السنه
ميار..بس ذني المادتين مادخلت بيهن
ابوي...اي شكد الفلوس
ميار...كل درس ٥٠٠ الف وانت بكيفك اني مااجبرك
ابوي... اي بسيطه اني انطيج سهله اهم شي اطلعين معدل عالي وترفعين راسي
ترا اني هليام صحتي كلش موزينه
جاي اكعد بليل راسي يوجعني ضغطي صاعد
البارحه رحت قست ضغطي الممرض يكول ضغطك جاي يصعد لازم تنتبه النفسك
اني مادايم اللج اريد اشدين حيلج وتنجحين اريد اطمن
علبج
ميار...لا تخاف اني درجاتي السنه كلهن زينات بس ذني المادتين صعبات عليه
طبعا اني راسبه بكل المواد ولا ماده ناجحه بيها
ومراح ادخل بكلوريا السنه ومااعرف شلون راح احله
انطاني ابوي المليون
رحت اتصلت على ادم
ميار...هلو حبيبي
ادم...هله يروحي انتي
ميار .. مفاجئه
ادم...شنو المفاجئه
ميار...اني كدرت ادبرلك ثمانيه مليون و١٠٠
ادم...مافهمت
ميار.. اني بعت ذهب امي وذهبي وأخذت مليون من ابوي
يله صارن ثمانيه و١٠٠ لو اكدر جان دبرلتلك اكثر
ادم.. لا مستحيل مااخذهن ليش بعتي الذهب
ميار...فداك الذهب وصاحبته
ادم...لا مستحيل شلون اخذ منج الفلوس
ميار....ضروري اشوفك باجر وتاخذهن مني لازم اساعدك
اذا اني حبيبتك وشريكة عمرك مااوكف وياك لعد منو يوكف وياك
ادم....لا مو هيج شلون راح اجازيج
ميار...اني وياك واحد ماكو فرق بينا من نزوج عوضني عن كلشي
اصلا وجودك بحياتي اكبر تعويض اليه من رب العالمين
ادم...شكرا حبيبتي أقرب الناس محد وكفلي هيج وكفه
ميار.. تستاهل حبيبي باجر تعال باب المدرسه الصبح حتى انطيك المبلغ
ادم.. تمام شكرا جزيلا
ثاني يوم من طلعت للدوام لكيته منتضرني باب المدرسه
انطيته الفلوس وكتله روح بسرعه خاف تشوفك رويده
اخذ الفلوس وصعد تكسي وطلع
واني دخلت للمدرسه
همزين بيومها رويده ماكانت مداومه