رواية حياة ليان
الفصل السابع7
بقلم ليان
امي مشت لخالد ف الغرفه وانا قعدت ف الصاله متوتره من ردة فعلو
عند خالد؛؛؛
يعني كيف تقول عايزاها لاخوها وهي م عارفه انها متزوجه ولي امي وليان م كلموها انا راسي ضارب اوووف يااخ فجاءة الباب دق
خالد: منو؟؟؟
عمتي: دي انا يا خالد
خالد: خشي يا أمي
عمتي: مالك يا ولدي فجاءة قمت
خالد: ماف حاجه يا أمي بس استغربت من طلب هبه يعني هي م عارفه انو ليان متزوجه
عمتي: والله يا ولدي البت م حصل سالتنا واحنا م جبناليها سيره وعشان شايفه ليان م متحتنه ولا لابسه دبله افتكرتها م متزوجه
خالد: امممم طيب
عمتي: وطيب ممكن اسالك سؤال ؟؟
حالد: اسألي يا أمي
عمتي : انت بتحب ليان؟؟
خالد: يا أمي ده كلام شنو انتي عارفاني اتزوجت ليان لشنو وبعدين انا بمرتي
عمتي: لكن تعاملك م بقول كده انا كنت شاكه واليله اثبت لي الحاجه دي لمن جيت من السفر شفت اللهفه ف عيونك عشان تشوف ليان وكمان ردة فعلك لمن هبه طلبت يدها للزواج
خالد: أمي ممكن نقفل الموضوع ده م عاوز مشاكل
عمتي: خير يا ولدي اخد راحتك انا ماشه اصلي وانوم
خالد: طيب انا حامشي مشوار واجي
أمي طلعا من غرفة خالد وهو مرق وراها وقال عندو مشوار انا دخلت غسلت العده ونضفت البيت وسويت اكل بكره الساعه بقت ٨ وخالد م جا قلت بكونن مشا لمشاعل دخلت غرفتي استحميت وصليت العشاء وكان عندي قرايه كتيره لاني نازله اختبار قعدت اقرا بعد ساعه كده الباب دقه
ليان: منو؟؟
انا خالد
ليان: دقايق لبست عبايتي وقلت ليو ادخل
خالد: م اكون ازعجتك
ليان: لالا ماف ازعاج بس كنت بقرا بكره عندي امتحان
خالد: بالتوفيق ان شاء الله ليان عاوز اديك حاجه
ليان: لي انا؟؟
خالد: ايواا خالد طلع دبلتين وحده دهبيه ووحده فضيه
ليان: د د ه شنو
خالد: مفروض من اتزوجنا البسك الدبله بس ملحوقه
خالد مسك يدي ولبسني الدبله وانا وم عرفت اتكلم وداني الدبله التانيه ولبستها ليو من فوق لدبلتو الاولي
خالد : عارفك مستغربه بس انا حبيت اعمل كده
ليان: بالجد استغربت لكن فهمتك عشان موضوع هبه انا والله هي م سألتني وانا م جات مناسبه اوريها
خالد: اششششش انا م طلبت منك تبرير اها انتي بتقري ف شنو
ليان : هندسه
خالد: طيب عاوزه مساعده
ليان : جد؟؟
خالد: جد الجد كمان انتي ناسيه ده مجالي القريتو
ليان: طيب عندي كم حاجه م فاهماها ممكن تساعدني
خالد: عيوني ليك بس عاوز كباية قهوه وكيكه من حقت قبيل
ليان: من عيوني
مشيت سويت كبايتين قهوه وختيت كيك ومكسرات وشلت الصينيه لقيت خالد خاتي الشيتات وقاعد ف الارض
خالد: م تستغربي بس انا برتاح ف الارض
ليان: هههههههههه لالا تمام
مسك مني الصينيه وقعدنا ف الارض هو يشرح لي وناكل لمن خلص وبالجد شرحو كان حلووو خلصنا من القرايه الساعه ١٠
ليان: خلصنا اخيرا معليش تعبتك
خالد: تعبك راحه
مسك يدي وباسها وانا اتجمدت مكاني
خالد: يلا انا ماشي انوم تصبحي علي خير
ليان : وانت من اهل الخير
خالد طلع وانا قفلت شيتاتي وبقيت اعاين ف الدبله واتذكرت بوسة اليد بالجد انا م فاهمه خالد بس جواي شعور حلوو
بلسان خالد:؛؛؛؛؛؛
انا هبه لمن طلبت يد ليان لاخوها انا حسيت بحرقه ف قلبي م قدرت ارد دخلت غرفتي وانا معصب وقلت كيف ليان وامي م فهموها انها متزوجه جات امي وتقريبا كشفتني حاولت ابررر بس اي ام بتفهم جناها نكرت الموضوع وطلعت ولفيت بالعربيه م عرفت امشي وين لقيت نفسي قدام الصائغ اشتريت دبلتين كان لازم اعمل كده مشيت البيت لقيت امي نايمه وليان شكلها صاحيه لان نور غرفتها فاتح دقيت الباب ودخلت شكلها بتقرا لقيت نفسي بلبسها ف الدبله واديتها التانيه لبستها لي من فوق دبلة مشاعل م فكرت في العواقب بس حبيت اعمل كده وعشان اكسر الحاجز واطلعها من التوتر قلت ليها اساعدك ف المذاكره وهي وافقت لأنها ف حاجات م كانت فاهماها طلبت قهوه وجابت لي قهوه وكيك ومكسرات وبديت اشرح ليها وانا كنت سعيد شديد ومره مره اركز ف ملامحها الحلوه انتهينا مسكت يدها وبوستها ليها حسيت يدها تلجه بس ومشيت غرفتي وانا لسه بفكر فيها بالجد انا حبيتها بس خائف من العواقب لو مشاعل عرفت بقيت افكر لم نمت
صباح اليوم التاني ؛؛؛؛؛؛؛؛؛؛
صحيت بدري قمت استحميت وصليت الفجر وقعدت اراجع حبه لحدي الساعه ٦ قمت سويت الشاي وخالد صحا شرب معانا وانا دخلت اتجهزت للجامعه لبست عبايه بالبمبي ونقاب بالكبدي والا سبورت والشنطه بالكبدي طلعت لقيت خالد منتظرني
خالد: مشينا؟؟
ليان: انا كنت ماشه بعربيتي
خالد: يعني استغنيتي عن خدماتي
ليان: لالا م قصدي خلاص يلا
ودعت امي ومرقت ركبنا العربيه خالد طلب مني افتح وشي فتحتو ومره مره القا بعاين لي لمن اتوترت وصلنا الجامعه عاوزه انزل مسك يدي
خالد: ممكن احصنك
ليان: ممكن
ختا يدو ف راسي وبقا يحصن فيني خلص بأس لي راسي
خالد: خلي بالك من نفسك وركزي ف الامتحان
ليان: ان شاء الله مع السلامه
نزلت منو وانا قلبي شغال دلوكه دخلت الجامعه لاقيت صحباتي راجعنا ودخلنا الامتحان
بلسان خالد؛؛؛؛؛
صحيت الصباح حاسي نفسي مبسوط استحميت وصليت طلعت لقيت ليان جهزت الشاي شربت معاهم ومشيت بيتي غيرت ملابسي وجيت لقيتها جاهزه مع انو عندها عربيه بس حبيت اوصلها انا وطلعنا وطلبت ترفع النقاب لاني بحب اشوفها رفعتو وانا اتجهجهت غايتو لمن جات نازله خفت عليها وطلبت احصنها ختيت يدي ف راسها وهي كانت منزله عيونها وانا بقرا ومركز ف وشها لمن خلصت ونزلت ليها النقاب ونزلت
وصلت الشغل اتصلت علي مشاعل قالت لي ف اجتماع بديت ف شغلي وانا بفكر ف الحايحصل
عند ليان ؛؛؛
خلصت من الامتحان والحمدلله اشتغلت كويس مشيت الكافتيريا وفتحت تلفوني حاني اتصال من خالد
خالد: ليان كيفك
ليان: الحمدلله وانت
خالد: تمام حبيت اطمن عليك اشتغلتي كيف
ليان: والله تمام التمام
خالد: الحمدلله بتطلعي متين
ليان: عندي محاضرتين تاني
خالد: تمام بعد تخلصي ارجعي لي
قفلت من خالد وطلبنا الاكل البنات ركزو مع يدي
ملك: ليان اول مره اشوفك لابسه الدبله
ليان: اي لبسني ليها خالد امس
رماز : ههههههههه ومالو فجاءة
ليان: جاني عريس
ملك ورماز: ههههههههههههه شنو
ليان: والله جد جات جارتنا امس وخالد كان في قالت لخالد دايره اطلب يد اختك ليان لأخوي
ملك: وردة فعل خالد شنو
ليان: م رد وزعل ودخل غرفتو وجا المسا جاب دبلتين لبسني وحده ولبس وحده
رماز: وووااااااي خالد السرور الراجل غار عليك
ليان: يا بت انتي هبله دي حاجه شكليه عشان سوء التفاهم الحصل
ملك: والله انتي الهبله خالد بيحبك يا بت
ليان: عاينو قفلو الموضوع ده انا م ناقصه
رماز : بكره تعرفي اننا علي حق
ليان: يلا ارح المحاضره
دخلنا المحاضره وانا كلام ملك وملاذ ف راسي
انتهيت من الدوام اتصلت علي خالد وقال لي بصلك اسي بقيت منتظره وجا لكن م براو معاو مشاعل سلمت عليهم وطبعا سلامه بارد وشكلهم متناقشين لان طول السكه ساكتين وصلنا البيت دخلت شقتنا وخالد دخل مع مشاعل
مشيت سلمت علي امي ودخلت استحميت وصليت وبديت اجهز ف الغدا
عمتي: خالد م جا
ليان: جا ودخل مع مشاعل
عمتي : اهاااا اخير اتزكرت راجلها
ليان: يا أمي خليهم براحتهم
عمتي: الدبله دي جات من وين
ليان: دي جابه خالد امس
عمتي: كويس والله
بديت اجهز ف الغدا وانا م عارفه خالد حايجي ولا لا