رواية زواج تحت التهديد الفصل السادس6بقلم اسراء محمود
مياده: طيب معلش والله هو سؤال واحد.وخلاص
صبا بنفاذ صبر:ماهو انا شكلى مش هخلص .قولى
مياده:هو انتى كده فعلا هتتجوزى ابنهم ولا كان كلام وخلاص
صبا بحزن:ياريت فعلا دى تكون حجه .وانا راضيه وهعيش ولادى وخلاص.بس للاسف انا مضيت ورق يجبرنى على الجواز.
مياده:طيب وهتعملى ايه.هتفضلى قاعده قاعده كده حاطه إيدك على خدك،مستنيه تنفيذ الحكم
صبا بحزن: هعمل ايه يعني قدرى كده وخلاص.
مياده حزنت على صديقه عمرها جدا.وقالت.طيب ايه رايك تنزلى تشغتلى معايا.فى المدرسة هى محتاجه مدرسين .ودى مدرسه خاصه بفتره وعقد واهو تسلى وقتك.حتى لو لآخر الترم بس.وفى الوقت دخلت فريده اخت صبا عليهم.
فريده: السلام عليكم ورحمه الله وبركاته.
صبا ومياده: وعليكم السلام ورحمه الله وبركاته.حضنت فريده صبا
فريده: عامله ايه دلوقتي.
صبا: كويسه يا حبيبتي انتى عامله ايه فى شغلك وعامله ايه مع خطيبك.
فريده:كويسه.انا عاوزكى من الاوضه دى وتحاولى تقفى على رجلك عشان الولاد.
مياده:ها ايه رايك.
فريده:فى ايه.قالت لها مياده ما قالته لصبا . فريده: والله فكره حلوه
صبا:مش عارفه اشوف بابا.
مياده:لا سيبى عمو فضل ده ليا انا
صبا:سيبك بقى.ايه ياديده مش ناويه انتى ومصطفى تتجوزوا بقى
فريده: قريب قوي يا حبيبتي ان شاء الله.
صبا: وانت يا ام لسنان
(زواج تحت التهديد بقلمى إسراء محمود.سبحان الله والحمد لله ولا اله الا الله والله اكبر ولا حول ولا قوه الا بالله العلي العظيم واتوب اليك)
مياده:نعم
ضحكت كل صبا وفريده على مياده.
فريده:وانتى عارفه انك ام لسانين.
مياده: اعمل ايه اختك دايما مش بتناديني غير كده حتى احمد كمان بيناديني كده
صبا ضحكت: فعلا بس قولي لي احمد عامل ايه وهيجي امتى
مياده: هو كويس وهيجي قريب كمان قوي وعارفه انا اصلا كنت جايه اقول لك على اخبار كويسه قوي جميله جدا وافرحك بس انت قفلتيني باخبارك المهببه دي.ضحكت الفتيات على تلك المشاكسه.
صبا بضحك: طيب قولي اخبارك يمكن تهون عليا شويه.
مياده:اولا.ضحت فريده وقالت:ايه ده هى اجزاء.
مياده: طبعا يا بنتي هو انا اي حد ولا ايه لازم لما اقول اخبار تبقى كذا جزء
صبا:طب قولى وبعدين احمد جاى قريب هو كان لحق يمشى.مش كان هنا الشهر اللي فات.
مياده:اه ماهو بسب جزء من الاخبار.
صبا:طيب قولى
مياده:انا حامل .صرخت صبا بفرحه وحضنتها.صبا:بجد
مياده بفرحه:اه والله بجد.
صبا بفرحه:الف الف مبروك يا حبيبتي هتبقى احلى ماما.وهبقى خالتو.
فريده:الف مبروك يا حبيبتي هتبقى ماما مجنونه.وضحكت الفتيات.مياده: حبيبتي عقبالك لما لما تتجوزي انت ومصطفى وتقرفونا عيال.
صبا:ده اولا وثانيا بقى.
مياده:احمد خلص ليا ورق الاقامه.وهو جاى هنفضل قاعدين هنا احد العيد وهنسافر بعد العيد.حضنتها صبا
صبا: يعنى خلاص هتسافرى مع احمد ايطاليا وتستقرى هناك.
مياده:اه كفايه فراق بقى.وعشان النونو. يبقى مع ابوه وامه.
صبا: حبيبتي.ربنا يسعدك.طيب هو جاى امتى.
مياده:كمان خمس شهور.
صبا: ربنا معاه ويجى بالسلامه إن شاء الله.
مياده:إن شاء الله هتوحشينى قوى.عارفه انا اكتر حد زعلانه على فراقه هو انتى.بس اديكى انتى اللى هتمشى وتسبينى الاول .افتكرت صبا ما كانت تحاول ان تنساه وقالت
صبا:طيب يل يا اختى انتى وهى اطلعوا عشان عاوزه انام.وفعلا سابوه وخرجوا.وهى بدءت تنام لانها تقريبا ليها فتره مش بتنام كويس وخرجت مياده وفريده لهدى بره.
هدى:ها يابنات عامله ايه دلوقت.
مياده:اطمنى ياطنط بقت كويسه بس هى عاوزه تنام شويه.
هدى:طيب .وانتى تعالى هنا طمنينى عليكى..وفعلا قعدت مياده تحكى لهدى كل اخبارها
نسبهم بقي ونروح لعيسى كمان نطمن عليه.عيسى متعود يصحى دايما قبل الفجر يصلى القيام وكمان يروح يصلى الفجر في المسجد ويفضل في المسجد لحد الشروق وبعدين يطلع على اسطبل الخيل بتاعه عشان يطمن على ادهم الحصان بتاعه وبيكون محتاج يطلع اللى جواه.ويحكى معه.اه هو بئر اسرار عيسى .لان عيسى كتوم جدا.مش بيتكلم مع حد عن اللى جواه .ابدا غير ادهم..عيسى وهو داخل الاسطبل قابل العم مرعى حارس الاسطبل واللى بيرعاهم
(زواج تحت التهديد بقلم اسراء محمود اللهم لك الحمد حمدا كثيرا طيبا مباركا اللهم لك الحمد كما ينبغي لوجه جلالك وعظيم سلطانك)
عيسى: السلام عليكم كيفك يا عم مرعى.
مرعى: بخير ونعمه ياكبير.انت كيفك ياولدى.
عيسى: بخير ونعمه والحمد لله ياراجل ياطيب.ادهم عامل ايه.
مرعى: بخير و الحمد لله منتظرك جوه .هروح اجيب القهوه بتاعتك وكمان ام نور عامله شويه قرص بلدى مبسوسه من اللى بتحبها شويه وجاى
عيسى ببسمه:ماشى وقول لخالتى ام نور تسلم إيديها.
مرعى:تسلم ياولدى.وذهب مرعى ودخل عيسى للحصان اللى اول ماشاف عيسى فرح وفضل يتحرك دليل على فرحته بشوف عيسى.
عيسى: توحشتك قوي يا ادهم عارف يا ادهم في اليومين اللي فاتوا دول حياتي اتبدلت 360 درجه ضحك ضحكه سخريه تعرف يا ادهم صاحبك خلاص هيتجوز ثاني وبطريقه ليها العجب . طلقت واحده من جوزها وهتجوزها انا لا والغريب اني لما رحت عندهم علشان اطلقها من جوزها كنت غيران من جوزها لما كان بيجيب سيرتها على لسانه قدام الرجاله مع اني لسه ما شفتهاش ولا عرفتها وهى كانت لسه مراته وهو كان لسه جوزها وحسيت بنار لما راح يدخل عندها وهو رايح يطلقها وكمان اتضايقت لما قالت خرجوهم بره. حسيت بالاهانه مع اني كنت عارف ان هي ما تعرفش اني اصلا موجود وما تعرفش انا مين تحرك الحصان وكانه بيساله لما كل هذا؟ انت بتعمل كده ليه رد عيسى وقال له مش عارف بس فكره انها خلاص هتبقى مرتي مش حاجه ثاني لان الموضوع محتوم. وما فيش اختيار وقطع كلامه دخول العم مرعي ومعه القهوه والقرص.موعى: اتفضل يا ولدي.
عيسى:تسلم ايدك يا عم مرعى.وخرج مرعى واكمل عيسى كلامه مع الحصان. سال عيسى الحصان تفتكر يا ادهم هي هتبقى حلوه يعني هتبقى حلوه ولا وحشه طيبه ولا عفشه وسكت شويه واتحرك الحصان كانه بيقول له كمل كلام سكت عيسى شويه ورجع قال له ما انا لازم اقول كده ما هي خلاص هتبقى مراتي وما فيش رجوع ومن حقي اعرف. فضل عيسى فتره مع الحصان يتكلم معاه وبعد كده اخذوا وطلع بيه جوله ما بين الاراضي الزراعيه ورجع مره ثانيه دخلوا الاسطبل وخرج عيسى علشان يرجع بيته تاني ويغير هدومه ويروح شغله في المصنع.
لما دخل البيت لقى امه وابوه قاعدين مع بعض يتناولون الافطار عيسى: السلام عليكم ورحمه الله وبركاته كيفك يا امي وراح باس على راسها وباس ايديها ،كيفك يا ابوي وباس ايد ابوه وراسه.
ابوه وامه وعليكم السلام ورحمه الله وبركاته.
وهيبه: كنت عند ادهم يا حبيبي.
عيسى: ما انت عارفه اني ما بقدرش ابعد عنه وبحسه كانه ابني او صاحبي او اخويا.
وهيبه: ربنا يا ولدي ان شاء الله يرزقك ويكون ليك ولد من ظهرك ويكون سرك وكمان يفضل معاك ادهم.
عيسى: ان شاء الله يا امي
وهيبه:انت ناوي تعمل ايه يا حاج مهران
مهران: في ايه يا حاجه
وهيبه: مع اهل البنيه اللي هيتجوزها عيسى
مهران: انا سايبهم شويه يعني علشان البنيه تهيا نفسها ولسه العده قدامها شويه.
جلس عيسى مع امه وابيه على ترابيزه السفره
وهيبه وانت رايك ايه يا ولدي في الموضوع ده
عيسى والله يا امي انا سايب الموضوع ده لابويا امال فين ورد الجور
ورد :واه سامعه حد بيسال عليا مين عاد
عيسى: وهيكون مين يعني يا ورد الجور وجريت عليه ورده وحضانته.
وقالت له ربنا يخليك ليا يا اخويا وما يحرمنيش منك ابدا.
عيسى مقبلا راسها ويخليكي ليا يا ورد الجوري
ورد: فطرت يا اخوي ولا اجيب لك فطار
عيسى: لا يا حبيبتي الحمد لله فطرت مع ادهم انا هطلع علشان اغير هدومي واروح الشركه اللي هنا عشان بقى لي فتره ما رحتش ومحمد هو اللي شايل الدنيا فوق راسه امبارح اتصل بيا وقال لازم تاجي.
مهران: ماشي يا ولدي ربنا يوفقك
وهيبه: ربنا يفتح في وجهك الابواب المقفله يا واد بطني ويرزقك من واسع فضله ويرزقك بزوجه تكون صالحه مطيعه وتبرد قلبك وتنور بصيرتك ويرزقك منها بالولد الصالح.
عايزه اللهم امين يا امي وقبل راسها ويديها وصعد الى الاعلى
وهيبه: وانت يا ورد الجور عامله ايه في امتحاناتك
ورد :الحمد لله ياما فاضل يومين وخلاص ونتخرج عاد
يا جماعه هي اسمها ورد بس بينادوها ويقولوا لها يا ورد الجور تمام
مهران: ربنا يوفقك يا بنتي
ورد :ربنا يخليك ليا يا ابويا ادعي لي على طول وان شاء الله هنجح
وهيبه ومهران: ربنا معاك يا بنتي وبالنجاح ان شاء الله.
ورد هو انا يا ابوي ممكن اسالك يعني كم سؤال كده
مهران طبعا يا ست البنات قولي يا ورد الجور عايزه تسالي على ايه
ورد:بسال يا ابوي هو كده فعلا عيسى اخوي هيتجوز الست اللي قلت عليها وهتكون مرته رسمي بس بعد ما تتم عدتها كيف ما قلت
مهران ايوه يا بنتي هي خلاص اتطلقت وهتم عدتها واحنا هنروح علشان نتقدم لها رسمي.
ورد: واه يا ابوي طب وهي كانت عامله كيف لما عرفت قرارك
مهران :كيف اي ام يا بنتي حنونه على ولادها هتضحي بروحها وبحياتها وبكل شيء في سبيل ان هي تحمي ولادها ويفضلوا في حضنها .
ورد:طب قول لي يا ابوي هي حلوه بقى على كده
ضحك مهران: وقال والله يا بنتي ما اعرف هي لابسه نقاب بس لو على ادبها فهي فعلا جميله ومؤدبه. ده غير طريقه كلامها المحترمه وكانت تتكلم بصوت واطي واحترام وادب ودموعها نازله من عينيها من غير صوت وتكون لو سمحت بعد اذنك من فضلك يعني كده متربيه بصحيح. هي فعلا زينه البنات وبكره انا وامك وانت عندها وتعرفي هي حلوه ولا لا.
ورد:جد يا ابوي يعني هتاخدني معاك عنديها. بس تعرف يا ابوي طالما قلت عليها كل اللي قلته ده يبقى فعلا هي زينه لان باثق في رايك وحكمك على الناس. طيب معلش يا ابوي اخر سؤال
وهيبه: ايه يا ورد عامله كيف رئيس المباحث ليه اكده سؤالات سؤالات سؤالات.
مهران :سيبيها يا حاجه تسال
ورد :واه ياما عاد مش بطمن
مهران :قول يا ورد عايزه تسالي ايه
ورد: اسمها ايه يا بوي
مهران :اسمها صبا
ورد:الله صبا اسمها حلو ما شاء الله
وهيبه: خلاص كده كفاكي بقى اسئله عاد روحي قومي ذاكري.
ورد: وخلاص انا كده كده ورايا مذاكره
وهيبه :ربنا معاكي يا بنتي ومع كل زيك
ورد :يا رب يا ست الكل. وذهبت ورده الى مذاكرتها ونزل عيسى من على السلم سلم على ابوه وامه وخرج ركب سيارته وذهب الى شركته وكان عيسى في الوقت ده يرتدي بدله سوداء انيقه وكان كل من يراه ينبهر بوسامته وبشياكه لانه كان شديد الوسامه وكان الجميع ينظر له براهبه وهيبه وخوف.
(زواج تحت التهديد بقلمي اسراء محمود اللهم صل وسلم على سيدنا محمد وعلى اله وصحبه وسلم عدد كمال الله كما يليق بكماله)
وصل عيسى لشركته وكل قوه وشجاعه وشموخ كان كل الموظفين بينظروا له نظره حب وخوف ورهبه ركب عيسى المصعد الشركه المخصص له وعندما دلف الى مكتبه وقف السكرتير احتراما له عيسى السلام عليكم ورحمه الله وبركاته كيفك يا احمد
احمد وعليكم السلام ورحمه الله وبركاته يا بيه حمد لله على سلامه حضرتك
عيسى الله يسلمك خليهم يعملوا لي قهوتي وابعت خبر لمحمد خليه يجي وهات لي كل الملفات المتاخره عشان اشوفها
احمد حاضر يا عيسى بيه. ودلا في عيسى الى مكتبه الذي كان يتميز بالرقي والتقدم والاساس العصري. فضل عيسى شويه حاطط ايده على راسه وهو منتظر في الاوضه في اوضه المكتب لحد ما دخل محمد .
محمد و عيسى بيه بجلاله قدره وصل الشركه خلاص الحمد لله على السلامه والله نورتها
عيسى حضرتك بتتريق ولا ايه
محمد لا والله مش بتريق بس فعلا ليك وقت كبير ما جيتش الشركه
عيسى ماشي انت خابر ما جيتش ليه. وبعدين بطلت وتعالى يلا علشان نشوف ايه الشغل المتاخر وايه الملفات اللي عايزه تكمل
ونسيبهم بقى شويه يشوفوا شغلهم المتاخر يا جماعه تمام
بعد مرور شهر على ابطالنا فضلت الاحداث زي ما هي مفيش حاجه جديده بس صبا خرجت من الاوضه بتاعتها وبدات تساعد مامتها في شغل البيت وعلى فكره مياده لسه في دماغها فكره ان هي تخليها تخرج تشتغل معاها تمام كمان صبا رجعت تهتم باولادها مره ثانيه وبمذاكرتهم وعرفتهم انهم مش هيرجعوا يعيشوا عند باباهم ثاني
وفي يوم من الايام كانت صبا خلصت شغل البيت مع مامتها وعملوا الغداء وكانت قاعده في اوضتها بعد ما ولادها كانوا موجودين وراح حاتم يوديهم علشان يقعدوا مع باباهم شويه جات مياده ولما سالت هدى عليها قالت لها ان هي جوه في الاوضه بتاعتها فدخلت مياده لصبا في الاوضه.
مياده: السلام عليكم يا اهل الدار انا جيت
هدى: ضحكه اهلا يا حاجه مياده نورتي يا حبيبتي. وسلمت عليها وحضنتها عامله ايه يا مياده وحملك عامل ايه يا حبيبتي دلوقتي
مياده: والله يا طنط بخير والحمد لله انت بس ادعي لي. قولي لي بقى يا طنط هدى فين الحاجه صبا.
هدى :والله يا بنتي صبا دخلت الاوضه بعد الغداء وبعد ما اولادها مشيوا
مياده :مشيو مشيوا راحوا فين
هدى: مشيو راحوا يشوفوا باباهم علشان اتصل على عمك فضل وقال ان هو عايز يشوفهم ويفضلوا معاه النهارده وكمان يباتوا
مياده: اه طب وهي عامله ايه دلوقتي.
هدى :ما اعرفش والله هي دخلت الاوضه وقافله على نفسها
مياده :طيب ماشي انا هدخل لها.
دخلت مياده الاوضه على صبا وسلمت عليها وفضلوا يتكلموا مع بعض وبعدين مياده سالت صبا
مياده: بقول لك ايه انت قلتي لعمو فضل على موضوع الشغل في المدرسه
صبا: يا بنتي هو انت عندك زهايمر مش انت قلتي ان خلي الموضوع ده ليكي انت وانت اللي هتكلميه
مياده: والله عندك حق خلاص هو فين
صبا: ما اعرفش بس تقريبا بره . بس بقول لك على فكره بابا مش هيوافق
مياده: ليه بقى ان شاء الله
صبا :انا عايزاكي ما تنسيش اني لسه في فتره العده
مياده :يا بنتي انا بقول لك هتشتغلي هو انا بقول لك هتتسرمحي
صبا سرمحه ايه وهبل ايه والله انت اللي عملك مدرسه ظلمك. بس براحتك
مياده :طب خلاص انا هخرج اسال عليه واتكلم معه
خرجت مياده وسالت هدى على فضل وقالت لها هدى ان هو جوه وندهوا عليه وخرج فضل
فضل: اهلا ازيك يا مياده يا بنتي عامله ايه وازي الحمل معاكي
مياده: اهو الحمد لله كويسه يا عمو والحمل تاعبني جدا
فضل: معلش يا بنتي ربنا يقومك بالسلامه
مياده: بقول لك يا عمو انا عايزه اتكلم مع حضرتك في موضوع
فضل اتفضلي يا حبيبتي موضوع ايه
مياده: انا بقول اخد صبا معايا المدرسه تشتغل فتره بعقد علشان ما تكونش قاعده لوحدها كده وهي تخرج من اللي هي فيه.
فضل: هي اللي طلبت منك كده
مياده: لا والله يا عمو انا اللي بقترحك وخصوصا ان المدرسه فيها عجز وعايزين مدرسين وكمان نزلوا المنشور بكده
فضل ندى على صبا. وصبا خرجت من الاوضه وقالت نعم يا بابا
فضل: بصي يا مياده يا حبيبتي انا حبيت ارد عليك وصابه موجوده انا مش ممانع انه صبا تشتغل ولكن يا حبيبتي صبا دلوقتي مطلقه وفي فتره عده فمش هينفع ابدا تخرج بره البيت لحد ما تخلص العده بتاعتها بعد ما تخلص العده نبقى نشوف ايه اللي ممكن يحصل
مياده: طيب يا عمو ايه اللي هيحصل يعني لو خرجت دلوقتي
فضل: يا حبيبتي احنا مسلمين ومش هينفع .
صبا: والله يا بابا انا قلت لها كده
مياده: بقى كده يعني انا اللي في الاخر طلعت وحشه قالت كده بعياط مصطنع . وبعدين ما انت هتخرجي مستخبيه في البتاع اللي انت لابساه
فضل :بصي يا مياده يا بنتي انا اكتر واحد محتاج صبا تخرج ان هي فيه ده بس برده ما ينفعش دلوقتي لحد ما تخلص عدتها وبعد كده تخرج انما دلوقتي من غير والدتها لا وكمان انت عارفه ان الناس مش بترحم.
صبا :فعلا يا مياده انا فعلا مش مستعد اتعامل مع حد حاليا صدقيني وجودي جوه البيت مع نفسي واولادي هو ده اكتر شفاء لي.
مياده :بتمثيل انا كنت عايزه بس اساعد
صبا :والله يا اختي
مياده :خلاص سيبونا بقى من الموضوع ده بقول لك ايه يا هدهد يا حبيبتي انت عامله غدا ايه النهارده
صبابضحك: يخرب بيتك انت من يومك وانت مفجوعه
مياده: واعمل ايه يعني ده كمان موضوع الحمل زود الموضوع وبقيت اجوع اكثر
ضحك الجميع عليها وقالت لها هدى: تعالي يا حبيبتي ده انا عامله محشي هتاكلي صوابعك وراه
مياده: الله يا هدهد محشي حبيبتي انت والله . وحطه هدى لمياده طبق محشي علشان تاكل وفعلا اكلت وفضلت مياده تتكلم مع هدى وفضل وصبا ويضحكوا كثير جدا وفضلت مياده ترخم على صبا
صبا: عارفه يا مياده وحياه ربنا لو ما قمتي وخدتي بعضك ومشيتي دلوقتي لا هنفخك وهتصل على احمد كمان اخليه ينفخك
مياده: لا وعلى ايه يا اختي اقوم انا امشي بقى بكرامتي وخلي الطيب احسن
هدى بضحك :طب ما تخليك يا حبيبتي هنا وتباتي معانا النهارده
مياده: اه شكل حضرتك عايزه حماتي تقوم عليا الحرب العالميه الثالثه لا انا الحق بقى لاحسن تشم خبر اني خرجت يلا تصبحي على خير
الجميع وانت من اهله يا حبيبتي وخرجت مياده وذهبت الى منزلها على فكره يا جماعه بيت مياده يعتبر جنب بيت فضل وهدى يعني هم جيران اصلا
وظلت الاحداث كما هي على جميع ابطالنا كلا منهم منهمك في اعماله وحياته وبعد مرور شهرين ونصف تفاجا فضل برقم غريب يتصل به فرد عليه
فضل: الو السلام عليكم ورحمه الله وبركاته مين معايا
مهران: وعليكم السلام ورحمه الله وبركاته كيفك يا حاج فضل اني الحاج مهران الجبالي
فضل: اه اهلا وسهلا بحضرتك خير يا حاج مهران في حاجه
مهران: خير ان شاء الله انا قلت بس اتصل اطمن عليكم واستاذن يعني انه احنا ان شاء الله نيجي عندكم نقدم شبكه ومهر لبنتكم عشان تبقى خطوبه لحد ما باقي الفتره تعدي وكمان الحاجه مرتي عايزه تشوف العروسه وتتشرف بيكم يعني
فضل :والله يا حاج مهران الشرف لينا تشرفونا وقت ما تحبوا طبعا
مهران: ربنا يبارك فيك يا حاج فضل يعني لو مش هضايق حضرتك ناجي بعد بكره ان شاء الله انا والحاجه وولد عيسى وكمان ورد بنتي
فضل: هتنورونا ان شاء الله يا حاج مهران منتظرينكم
مهران: تشكر يا ولد الاصول
واغلق الخط وذهب فضل لكي يخبر زوجته بامر مجيء هؤلاء الناس
هدى :ودول جايين ليه بقى ان شاء الله وجايين يجبرونا على ايه تاني
فضل: ما ينفعش تقولي كده احنا اهل كرم ونرحب باي حد مهما كان هو مين
هدى: ماشي عارفه كده طبعا وان يجي بيتي على راسي من فوق لكن دول بيجوا يكبرونا وخلوا بنتي اتطلقت وسابت جوزها وكمان اجبروها تتجوز ابنهم ويا عالم ابنهم متجوز ولا لا كبير ولا صغير كويس ولا مش كويس
فضل: الراجل بيقول جايين يقدموا شبكه ومهر لبنتك ونشوف الولد ويشوفونا ونتعرف كمان جايب مراته وبنته معاهم
هدى: مرات مين
فضل: ام الولد واخته وتشوفه لو القمر ما عجبناش نحاول نحل الموضوع بشكل ثاني ما يضرش بنتي
هدى: اما اشوف
فضل: طب هتعملي ايه
هدى :هشرفك وهخليهم يعرفوا انهم جايين بيت كرم وبيت اصل كمان
فضل: ربنا يبارك فيك يا ام صبا
هدى: ويبارك لنا فيك يا حبيبي.
وفي الصعيد في بلد سوهاج نادى مهران على خادمتهم
مهران: جليله انت يا جليله. جاءت هذه السيده مهروله اليه
جليله: نعم يا سيدي
مهران: فين الحاجه وكمان فين سيدك عيسى
جليله :ست الحاجه فوق في اوضتها وسيدي عيسى لسه داخل دلوقتي من بره وطلع الاوضه وهو كمان.
مهران: طب اطلعي نادم عليهم وعرفيهم اني عاوزهم هنا في المكتب
جليله: حاضر يا سيدي الحاج
ذهبت هذه السيده مهروله لتفعل ما طلب منها بعد وقت قصير جاءت كلا من وهيبه وعيسى الى مهران في المكتب
وهيبه :خير يا حاج في حاجه
دخل عيسى :السلام عليكم ورحمه الله وبركاته
وهيبه ومهران: وعليكم السلام ورحمه الله وبركاته
عيسى :خير يا بوي في حاجه
مهران :خير يا ولدي انا عاوزكم تجهزوا حالكم بعد بكره ان شاء الله وكمان ورده عشان نروح نشوف عروستك يا عيسى ونقدم لها الشبكه والمهر وعشان دي الاصول ولا ايه يا حاجه
وهيبه: طبعا يا حاج هي هتكون اي حد دي هتبقى مرت عيسى الجبالي.
عيسى: طب وانا لازمتي ايه يا بوي في المشوار ده روح انت وامي وورد وبلاش
مهران: وه وه انا بقول هنعمل الاصول يا ولدي ومن الاصول تكون اول واحد رايح ولا ايه
وهيبه :لازم تروح يا ولدي لازم وبعدين انت ليك حق تشوفها وتشوف وشها مرتين من غير نقاب قبل الجواز علشان القبول
رد مهران: وقال موضوع القبول ده منتهي وان شاء الله هيكون في قبول وحتى لو ما فيش هي امراه وهو راجل والجواز عايز كده وبس.
عيسى: اللي تشوفه يا ابوي حاضر
مهران: ربنا يرضى عليك يا ولدي روح شوف ايه اللي وراك وخلصوا علشان تكون مستعد يوم السفر
وخرج عيسى يفعل ما طلب منه والده
مهران :وانت يا حاجه كمان عايزك تجهزي حالك وكمان تجهزي زياره تليق بعيله الجبال وبلغي ورد تجهز حالها عشان هتروح معانا
وهيبه: حاضر يا حاج طمن بالك.
وفعلا مر اليومين دول دون احداث على ابطالنا ولكن في اليوم الثاني بالليل طلبت هدى من صبا
هدى: يا صبا يا بنتي ساعديني
صبا :حاضر يا ماما ايه ده كله
هدى :بدون تفسير دي عزومه لناس وكمان عماتك واعمامك جايين
صبا:يا كل ده طيب حاضر
وبالفعل انصاعت صبا لاوامر امها وانهو كل الطعام او بالاصح قامت صبا بتجهيز كل الطعام بمفردها بمساعده امها ليها
هدى: كده الحمد لله الاكل كله خلص مش فاضل غير على التسويه ان شاء الله بكره نسويه علشان يبقى سخن وطازه وانت حبيبتي قومي يلا نامي علشان تقومي بكره فايقه كده
صبا بتعب: حاضر يا ماما وبالفعل قامت صبا اخذت شاور وصاله فرضها ونامت على طول بعدما اطمئنت على اولادها اللي ناموا من فتره وفي صباح اليوم الجديد اشرقت شمسه على ابطانا
قامت هدى من الصباح الباكر وايقظت فريده لكي تساعدها في تنظيف المنزل
هدى' بصوت واطي قومي يا بنتي ساعديني
فريده بنوم :يوه يا ماما بقى سيبيني
هدى: يا بنتي وطي صوتك مش عايزه اختك تصحى
فريده: وليه بقى ان شاء الله
هدى طب تعالي معايا بره وانا اقول لك
خرجت فريده مع امها وحكت لها هدى عن مجيء هؤلاء الناس وانها تريد صبا تنام لفتره لتنعم بالراحه حتى يصبح منظرها غير مرهق امام الناس وبالفعل انصاعت فريده لامر والدتها وقامت بتنظيف المنزل معها حتى ينهي العمل قبل ما صبا تقوم. وفعلا خلصوا ترتيب المنزل وكمان سعد فريده امها في تسويه الطعام وبعد فتره طويله قامت صبا من النوم وخرجت لامها وهي زعلانه انها نامت كل ده
صبا :ايه ده مين اللي نظف البيت كده
فريده: انا وماما
صبا: طيب وانت مش صحتيني ليه يا فريده عشان اساعدك
فريده: ماما ساعدتني وخلاص
هدى: خلاص بقى يا صبا يا حبيبتي انا سبتك ترتاحي عشان انت اتاخرت امبارح معايا واحنا بنعمل الاكل وكمان حسيت بيكي ساعه الفجر وانت قايمه تصلي وانا عايزاك تكوني فايقه وشك رايق لما الناس تيجي
صبا :ناس ناس مين دول يا ماما
هدى: الصراحه بقى يا صبا الناس اللي جايه النهارده دول الناس اللي هتتجوزي ابنهم وقالوا جايين علشان يقدموا شبكه ومهر ونتعرف عليهم ويتعرفوا علينا
صبا بعصبيه: وانا بقى المفروض اعمل ايه اتحزم وارقص انا مش هقابل حد يا ماما ويا ريت ما حدش يجبرني وكفايه قوي لحد كده وبعدين انا مش عاوزه لا شبكه ولا مهرولا اي حاجه.
هدى بحزن: طيب بالراحه يا بنتي معلش اهدي مش انت اللي وافقتي على الجوازه دي احنا مش اجبرناكى عليها.
صبا :اه وافقت مجبره عشان احمي ولادي بس مش اكتر من كده
هدى :يا بنتي دي الاصول لازم يجوا ويقدموا الشبكه ومهر ولازم تكوني موجوده بلاش تصغريني انا وابوكي انت عمرك ما عملت كده. وفي الوقت ده دخل فضل عليهم وكان تقريبا سمع اغلب الكلام واقترب فضل من صبا وحضنها
فضل: انا مش هجبرك على حاجه بس الاصول بتقول ان الناس جايه بيتنا يبقى لازم نقابل الناس باحترام ومحبه كمان وانا متعود منك انك انت اللي دايما بتخليني اتنازل عن كل حاجه بتعصبني او بتضايقني وتقولي لي هي دي الاصول حضرتك ربتني عليها دلوقتي بقى انا اللي بقول لك مش هتقابليهم .تمام خلاص مش مشكله بس ما تزعليش نفسك واجبهم انا هقوم بيه انا وامك لان الناس دي اتصلت واستاذنت والراجل جاي وجايب مراته وابن وبنته معاه وانا قلت لهم اتفضلوا ومراته عرفت انها مش بتروح لحد بس هي جايه هنا عشان تشوفك وتتكلم معاكي بس الموضوع منتهي ابقي روحي عند مياده وافضلي عندها لحد ما يمشي وانا هتصرف.