رواية معجزة عشقي
الفصل السابع7
بقلم مروان فرج
انا....كملت لبست القفطان وكان طالع عليااا حلوو بالدات لما ساويت روحي ولبست الكعب🤤 سمعت الباب يدق نحاسبها ارجوان
انا...هي فتحت الباب وانصدمت لما لقيت ادم واقف قدامي🔥
ادم......قعد يشوف لعائشه وكان مش مستوعب يلي قاعد يشوف فيه قدامه قعد واقف ف مكانه استاكه
انا....اول ماشفت لادم وكان يشوفيلي معاش عرفت شن ندير بكل وخصوصا كنت لابسه ونص جسمي كان برا😳
انااا....هي ادم شن دخلك هنا اطلع براااا
ادم...قعد واقف وهوا يشوفيلي وساكت
انا....جيت نجري للباب سكرته وقعدت نغير في دبشي ماكنتش نتوقعع انا ادم يجي بكل
ادم....مشي قعمز ف الصاله وكان يحكي معا روحه وخصوصا من منظر عائشه كيف طالعه حلوه🤤❤️
ارجوان....جابت الحاجات وبتمشي لدارها لقت ادم مقعمز في الصالع استغربت😳
ارجوان....ادم شن ادير هنا انتا مش قوتلك ع حاجات نبيك تجيبهلي
ادم...صاار درتي هكي عشان نطلع من الحوش ماتبيش نشوف عائشه قصدك
ارجوان....لا مش هكي بس عائشه هك تبي
ادم....قصدك معاش تبي تشوفي والل كيف
ارجوان....لا ماتبيش ادير مشاكل معاك عارفتك وانتا من ابسط حاجه ادير منها موضوع😂🔥اطلع توا قبل لاتشوفك هنا
ادم.....قعد مش فاهم شي بكل من يلي صار
ارجوان...مشت لدارها ولقت عائشه مسكره ع روحها الباب دقت عليها عويشه انا ارجوان افتحي
انا....كنت خايفه هلبااا فتحت الباب خشت ارجوان وانصدمت لما لقيتي مش لابسه
ارجوان.....خيرك ي عويشه مالبستيش الفقطان هدا يلي عطيتهلك
انا....بصوت خائف ادم كان هنا وشافني لما لبست الفقطان
ارجوان.....بجد تحكي انتي😳🔥
انا.....اييييي
ارجوان.....تخافيش خليك هنا بس وطلعت مشت لادم عشان تحكي معاه
انا ...قعدت ف الدار ومش عارفه شن صارلي هكي خوف لما شفت ادم قدامي😂🔥
ارجوان....اددددم وينك
ادم...تي خيرك شن تبي
ارجوان...ليش خشيت لداري وبعدين انتا تعرف انا عائشه هنا صح
ادم....خيرك تعلي ف صوتك انني سكري فمك خيرها البنت
أرجوان....مش عارفه بس قاعده خايفه منك🙂
ادم.... هههههه وانا شن درتها يعني كليتها
ارجوان...لا بس ضروؤي تجي تعتدر ليها هيا ف حوشنا وماتجيش لقطه زي هادي
ادم....تحلمي شكلك مستحيل نعتذر وزياده نتعذر من عائشه وتعالي جاي انا شن درت بيش نعتذر عليه
ارجوان....بالله عليك ع خاطري قولها مش قاصد اني مخش عليك بس
ادم.....لااااا
ارجوان....وراس ادم بالله عليك هكي حسيتها خايفه وتوا قاعدع ف داري واصلا جت ع خاطري مرات مره تانيه معاش تجي وخصوصاً بعد الموقف هدا
ادم....قعد حاير وفي نفس الوقت كان يبي يشوف عائشه لانا عجباته هلبااا خصوصا اول مره يشوفها لابسه هك ادم باهي
ارجوان...تعال معاي وصلو قدام باب الدار وخشت ارجوان وقالت لادم يستني برا شوي
ادم....اففففففف
ارجوان...حبيبتي عويشه اسفه علي ياي صار بس ادم ماكانش يعلم بيك انك هنا
انا....اها عادي مااصار شي😉
ارجوان....ادم قاعد برا ويبي يخش يعتذر منك تمام
انا....باهي
ارجوان....خش ي ادم ❤️
ادم....خش وقعد مرتبك عشان اول مره ادم بيتعتدر من حد
ادم....معليشي انا خشيت بالخطا كنت نحساب انا ارجوان قاعده هنا بس
انا...عادي صار خير
ارجوان....هههههه خلاص عاد وانتو الزوز اديرو ف روحكم متحمشين من بعض
انا...ضحكت ضحكه خفيفه ونزلت راسي🤤😂
وادم....كان يشوفيلي ومبتسم قعد ادم شوي وجي بيطلع من الدار
ارجوان...ادم جبت علي يلي قوتلك عليه من السوق ولالا
ادم...لا توا بنمشي نجيبه
ارجوان....شن رايك نمشو انا وانتا وعائشه للسوق ندهورو شوي
انا....ع طوول لااا
ادم....عادي مافيش مشكله
ارجوان....خيرك ياعويشه نغيرو جو ساعه بس ونروح ومزال الوقت ع المغرب اصلا
انا....لا نخاف
ادم....من منو بتخافي بتخافي مني اصلا ماتخافيش مش رح ناكلك فاهمه
انا....لما تبدا تخوف نخاف منك وقتها🙂🔥
ادم....ههههه وتوا لما شفتك قريب متي من الخوف ترا تحركي من مكانك بالك درتها تحتك
انا...قربت ع ادم وكنت نغلي بكل دمك ثقيل راهو
ارجوان...هيا ادم ولع السياره شوي ونجوك
ادم...شافلي بنظره 🙂 وطلع وقال ماتعطلوش
ارجوان...وراس عويشه هيا امشي معاي نغيروو حو بس هيا ساعه ونروحو بيك قبل المغرب وراسك وراسك
انا..ااوووف ي ربي باهي هي وتيت روحي انا وارجوان ومشينا لقينا ادم يستني فينا ركبنا ومشينا للسوق وادم كان يشوفيلي من علي المرايه
انا...كنت قالبه وجهي عليه من اول ماخش علياا وشافني
أرجوان.... ادم نزلنا ع المحل هدا شوي نطولوش
ادم...باهي هي نزلت انا وارجوان وخشينا وكنت كم لينا معاش مشيت للسوق بكل خاطري فيه هلباا خشينا للمحل وقعدنا نلفوو فيه وعجبتني هلباا حاجات بس ماكانش عندي فلوس😔
ارجوان....عويشه شن رايك ف الفقطان هدا كان لونه ازرق ملكي وقصير حلو بجد 😍❤️انا يهبل
ارجوان...هدا هديه مني ليك خوديه تمام
انا...مستحيل هادي😳
ارجوان...ولا حرف استني شوي نمشي لادم تمام
انا ...باهي
مشت ارجوان لادم ف السياره ونزل ادم وجاب معاه لفلوس وخش للمحل عطيته ارجوان الفقطان وقاتله بنعطيه هديه لعائشه
ادم....شاف الفقطان ولقاه قصير كان يبي يشد ارجوان ويوريها بس تحشم قدام صاحب المحل خلصه ونا نشوفله ونضحك😂❤️
طلعنا من المحل وقعدنا نلفو في محلات تانيه وكنت فرحانه هلباا عشان غيرت جوي لعند ماارجوان كلمت ادم وقاتله نبي ناخد عطر من المحل هدا دقيقيتن ونجي
ادم...اخر محل راهو
ارحوان....هيا دقيقه بس ونجي مش رح نطول
انا....ننزل معاك ارجوان
ارجوان....لا عادي خليك ف السياره مش رح نطول تمام
انا...باهي نزلت ارجوان وقعدت نا وادم ف السياره
ادم...حلو الفقطان يلي واخديته اكيد رح يطلع عليك زي يلي شفته بكري عليك🤤
انا .. تحشم ع وجهك ماليكش علاقه ولولا ارجوان ماشدشتش فياا ماكنتش خديته من الاساس
ادم....هههههه ماكنش متوقع انك تكوني هك كنت نحسابك اخيي بس طلعتي حلوه🤤😉
انا.....ههههععع برا برا ي مريض انتا شن تبي مني وديما ادور ع المشاكل بيني وبيك
ادم....هكي لانك تحرقيلي ف دمي وبس
انا....امشي دور معا منو تحكي معاها فاهم
ادم....هههههه من قالك ندور ف حد نحكي معاه واصلا يلي نبيها تجيني بروحه
انا....وشفت ارجوان طالعه من المحل وقريب توصل للسيارع قولت فرصتي🙂باهي نقولك ع شي
آدم....نعم ؟
انا ...برا كمل هدرزتك البنت يلي تحكي معاها ف اليل نسمع فيك راهو
ادم ....😳🔥
ارجوان..... فتحت الباب وركبت طولت
انا....هههههه لالا طولتش
ادم...قعد يشوفيلي وهوا راقيله بكل وكان يلقي يشدني ويعطيني طريحه لين يقتلني🔥
انا...هيا نروحو وقت علياا
ارجوان...تمام اطلع ياادم
ادم....باهي طلع ادم ورح بياا وحطني ع طول قدام الحوش نزلت وودعت ارجوان وخشيت للحوش وكنت فرحانه من جهه حرقت دم ادم ومن جهه فرحانه لاني مشيت للسوق خشيت لداري ودسيت الفقطان يلي شريته عشان ماتشوفاش ريم وموده وشوي ماقعمزت نسمع في مرت بوي سوميه تكلم فياااا بصوت عالي
سميه...عائشه ي كلبه وينك
انا...نعم شن في😳
سميه...تعالي نبيك
انا...باهي مشيتها وقولتا شنو في
سميه ...نا نعرفك راهو بوك ماخليك ع راحتك الايام هادي ومعاش يديور فيك ادوري وين ماتبي مش ع كيفك امشي ديري العشي توا وبعدين ف موضوع نقولك عليه ومانبيش اي اعتراض بكل فاهمه ي كلبه
انا....باستغراب شن هوا 😳
سميه...برا للمطبخ توا وديري العشي بوك قريب يروح
انا.....وووووك باهي مشيت للمبطخ وحطيت الطنجرة ع النار ومن داخلي نبي نعرف ف شنو تفكر سميه هادي بس شن تبي اديرلي لعند وين تبي توصل معاي
بديت نطيب في العشي وشوي وخشت علياا مرت بوي وسكرت وراها الباب
انا....كنت مستغرب فيها شن تبي وشن هوا للموضوع
سميه....رح نقولك ع الموضوع ومانبيش اعتراض والل شي بكل
انا ... نعم
سميه ... راجل اختي عنده صاحبه راجل عمره 40 سنه ويبي يتزوج واختي قاتلي عليه ونا وافقت ورح يجي يطلبك من بوك رسمي وبوك وافق 🔥
انا..شن تقووولى تبصري انتى صح مستحييييل
سميه..: علاااااش مستحييييل الرااجل كويس وما يعيبه شئ علاش مش موافقه
انا .. اولا الرااجل كبييير عليا يعنى شيييباااانى وفرق هلباا في العمر وتانيا نبي نكمممل قرايتى
سميه...بووك عطى للراجل كلمة وبعدين الراجل فلوووس بتعيشي معاه وبنتفتكو من وجهك
انا...اه قووولى هكى من الاول تبي تفتكي منى وعلى بووي اللى بيبيعنى بالفلوووس انتم هدا همكم لفلووس وبس 🥺💔
سميه ... سكري فمك بوووك موافق والعرس بعد ماتكملى امتحاناتك وطلعت من بحداي
انا قعدت نبكي ف المبطخ ومانبيش بكل نتمتي يصير اي شي ومانتزوجش بكل قعدت نبكي بس بدون صوت
روح بوي في اليل وحطيت العشي ومشيت لداري قعدت نبكي وفي راسي هلباا حاجات نفكر فيهم
#في حوش خالي
خالي....تعال ي امير نبي نحكي معاك ف موضوع وياريت تفهمني
امير ... مستغرب من بوه شن في إنشاء الله خير وقعمز
خالي....نبو نتزوجوك توا لانك مااشاء الله عليك قريب تسكر 30سنه وسادك من العزوبيه
امير....عادي 😂فيش مشكله بس ليش قوتلهلي يعني توا
خالي...نبيك تاخد بنت عمتك عائشه
امير....انصدم كيف عائشه 😳
خالي....وقعد يحكي لامير القصه كلها وقعد يقنع فيه بالشوي
امير....باني يابوي افرض انا البنت ماتبينيش شن رايك بعدها
خالي....كانهدا خلاص مش رح نحبرك عليك تمام
امير....مش عارف بس ع خاطرك كلمه مش رح نقولك لا
خالي....ع خير إنشاء الله
امير....طلع من حنب بوه وفي نفس الوقت ماتوقعش يصير هكي بكل عائشه يلي كان يحس فيها زي خواتها رح يتزوجها مش متقبل انا تكون مرته من الاساس كيف رح يصير هكي بروحها مش عارف بس خله الموضوع بيد بوه
__________________&&____________
تاني يوم الصبح
نضت وكان جوي متعكر بكل ونفكر في الكلام يلي قاتهلي مرت بوي بدلت وفطرت وصليت وطلعت لقت ادم يراجى فيها هوا وارجوان
انا ركبت السيارة .. صباح الخيير
ارجوان : صباح النوور
انا.... وجعتي كيف ادم ماردش عليا
ادم.. كان مزال طايرتله من عائشه وبالاخص من الكلمه يلي امس عائشه قاتهل ف السياره
وصلهم المدرسة ومشي
انا...خديت ارجوان ع جنب وقعدت نبكي بحرقه مضايقه ي ارجوان
ارجوان...خيرك عويشتي شن في احكيلي بس
انا ..مرت بوي تبي تتزوجي بالسيف لواحد عمره40سنه ونا مانبيش نتزوج بكل تبي تبطلني من القرايه ونا حلمي نكمل قرايتي تبي وتبي ليش هكي ادير فيااا بس لييش🥺💔
ارجوان....اسسسس حبيبتي وضمنتي ليها توا نحكو بعد مانطلعو تمام
انا ..باهي
ارجوان...هيا نخشوو وقت علينا وخشينا للحصص وفي المرواح طلعنا وجيت بنحكي لي ارجوان علي يلي صار بالتفصيل لقيت ادم برااا ركبنا وروحت معاه وكنت مضايقه بكل وادم حس بياا حطني ادم وطلع
ادم .....خيرها عائشه ياارجوان حسيتها زي باكيه صح في حد مضايقها
ارجوان....لا بس بوها يبي يزوجها لواحد كبير هلبااا وهيا ماتبيش
ادم....كيف هكي كيف بس
ارجوان...هدا يلي صار ومن الصبح وهيااا تبكي 🥺💔
ادم....بوها مايفعمهش شكله مستحيل يصير هكي
ارحوان...لا رح يصير واليوم قالت في اليل رح يجي الراجل
ادم.....كيف اليوم😨
ارجوان.....اي
ادم..... تمام وصل ارجوان لحوشهم وقاللها انزلي بسرعه
نزلت ارجوان وطلع ادم ع طول
انا خشيت الحوش غيرت دبشي وخشيت بندير العشي بس شوي نسمع في بابا يقولا تفضل خش ياادم
خش ادم وقعمز في المربوعه جيت انا من حنب المربوعه زكنت نبي نعرف شن جايه ادم بس
ادم....انا حايه ياعمي صلاح عشان....🔥
انا.....انصدمت 😨🔥