رواية معجزة عشقي
الفصل الثامن8
بقلم مروان فرج
خش ادم وقعمز في المربوعه جيت انا من حنب المربوعه وكنت نبي نعرف ليش جاي ادم بس😕
صلاح... ديرونا قهوة ياعيله وقعمز جنب ادم
ادم... شن حالك ي عمي صلاح إنشاء الله بخير
صلاح ...بخير الحمد لله شن حال وشن حال بوك
ادم...الحمد لله بخير جيتك اليوم علي عشان...
صلاح...خيرها عائشه مدايره شي ولالا شنو
انا....كنت نسمع فيهم ونبي نعرف شن يقول ادم بس
ادم....لا والله عائشه كويسه ومحترمه بس انا جاي نبي نطلب منك عائشه وإنشاء الله توافق
انا...انصدمت وماكنتش متوقعتش ان ادم يدييييير هكى بكللللل وقريب فقدت عقلي وخشيت عليهم وفي اخر لحضة شديت في الباب 🔥😱
صلاح.....شن بنقولك ي ادم الحق تاخرت وفي من طلبها قبلك
ادم....بس ي عمي انتا تعرفنيي واحني جيران وجيتك من الباب واملي انك توافق
صلاح...مش عارف الحق شن بنقولك ياادم بس البنت معطيه
ادم انصدم 😨 كيف معطية وامتى صااار اصلا
صلاح .. من مدة جانى واحد صاحبي طلبها منى وانى وافقت بينى وبينك يا ولدى الراجل حالته كويسة وكلا شي قال علياا ونا وافقت عليه
ادم...عمى انى مستعد نتكلف بكل شئ واللى تبيه انى جاهز
صلاح ... لاكن انى عطيت كلمه للراجل وصعب اني نتراجع فيها
ادم ...ياعمى صاحبك كبييير عليها ومش حيسعدها صدقنى
صلاح بعد تفكير طوييل ...تمااام موافق
ادم قريب طااار من الفرحه العرس نبيه في اقرب فرصة
صلاح..بعد شهر لين تكمل امتحاناتها
ادم ... تمااام كويس
صلاح عن ادنك دقيقه نشوف القهوه ونجيك
ادم...خود راحتك ياعمي واتكي ع الصالون وكان فرحان ادم بكل🤤❤️💋
انا....مشيت نجري للمطبخ قبل لايشوفني حد وتصير مشكله
بوي....عائشه عائشه وينك
انا....طلعت من المطبخ نعم بابا
بوي ....طاستين قهوه ع السريع
انا.... تمام هي وقعدت مقعمز ف المبطخ ونفكر كيف صار هكي بس درت القهوه وجيت عالباب ناديت بابا وجي خداها وسكر الباب وقعد يحكي هوا وادم
بعد مرور نص ساعه طلع ادم من المربوعه وحي بيروح نا طلعت ووشفته بس هوا ماشافنيش ماكانش مركز عليااا طلع هوا وبوي عالباب وهنا كانت المفاجاه تلاقا هوا وريم وهيا مروحه للحوش🔥😨
ريم ...شافت ادم وقعدت مركزه عليه وهيا مبتسمه
ادم... مشي من جنبها ومباش يدورها بكل 🔥
طلع ادم وركب سيارته وروح❤️
ريم خشت تجري للحوش وعلي طول جتني وقالتي شن كان يبي ادم لما جي هنا 🤤🔥
انا ....مانعرفش الحق
ريم ....امممم باهي طول ولالا
انا....قعد ممكن نص ساعه
ريم....باهي ديري الغدي جيعانه هلبا
انا...شوي ويوته
خشت ريم غيرت دبشها وطلعت للصاله ونا قعدت نوتي في الغدي وخايفه شن رح يصير لما تعرف ريم🔥
__________&&&&__________
عند ادم
ادم ركب سيارته وكان فرحان انا صلاح وافق خش ادم للحوش وتلاقا معا امه
ادم...باركلي اليوم خطبت
نعيمة .... باستغراب تحكي بجد ي ادم وكانت مش مصدقه بكل 😂🔥
ادم ...اي بجد ياامي وتي روحك انتي بس
نعميه....ومن تكون هادي يلي جايه فرحان وخطبتها
ادم..خطبت عائشه بنت صلاح
نعيمه....العفووو يا ولدى تمشي وتخطب وادير كل شئ من راااسك انشاء الله غر تعزمنى عالعرس بس
ادم ضحك ...مش هكى يااام لاكن كل شئ صار بسرعة بسرعة والبنت جايينها خطاب وانخافها تضيع منى وانى مناقصنى شئ الحمد لله كل شئ موجود حتى الحوش واتى
نعيمه...باهى يا ولدى ربي يهنيك
ادم...وتي روحك لايام الجاي بيش تمشى وتحددى لبيان الاسبوع الجاى لان العرس بعد شهر
نعميه...قاعده مش فاهمه شي بكل امتي صار الكلام هدا كلا وبعدين قولت بوك مرات يكون مش موافق وتصير مشكله
ادم....هههههه صار اليوم ماتخافيش بكل خلي بوي علياا مش رح يقول لا بكل
نعيمه...باهي إنشاء الله خير
وتخش ارجوان
ارجوان ...عرس منى اللى بعد شهر
ادم بهزوه ...عرس بوي
نعيمة.... ضربت ولدها على ظهره : نووض تحرك من مكانك يافرخ 😂هدا يلي ناقص
ارجوان تضحك .. جوووو معناها بولى عندى مرت اب
نعيمه... تخبط على وجها : حييي علييييك يا نعيييمة صغاااارك يبو بووهم يتزوج واجيبلهم مرت اب يا كيتى كييية وشمتت عدوينى فيا
ادم وارجوان ميتين بالضحك
نعميه....اسكتو توا يجي بوك يحاسبهاحقها ويديرها بعد هالعمر😂
ارجوان هههههه لالا ماتخافيش ياماما باابا مستحيل يديرها
ادم...اي صح بوي مايفكرش ف الزواج بكل
ارجوان ... حقااا مقلتوليش منو اللى عرسه بعد شهر
ادم..عرسي انى 🤤
ارجوان ضحكت وعلى منو انشاء الله واهم حاجة متنساش تعزمنا عالعرس بسس
ادم...بنتزوج عائشه
ارجوان انصدمت من عائشه😳
ادم....شن من عائشه عائشه صاحبتك بنت عمى صلاح
ارجوان... وتنفلق بالضحك
ادم تعفلق : خييىر جدك تضحكي زي المهبووولة
ارجوان.. تضحك وتخبط على رجليها : مش متخيله انكم تتزوجو تى انتم هكى واربعة وعشرين ساعة تتعاركو يبال تتزوجو انحس ان الحوش بيصير فيه عرايك كل يوم
ادم ..تعرفي تسكتى والا نجى نوريك توا
ارجوان...قلبت وجهها ودارت روحها زعلت😕
ادم... مشي خش داره واتكي ع السرير وجي بيرقد وعلي طول خطرت في باله عائشه وجت بين عيونه صورتها
(ادم اخخخخ منهاا البنت هاادى بتهبلنى في جرتهاا لاكن انى شن صاايرلى شن جي على بالى وخطبتها بالسرعه هدا بس فيها عيوون مشاااااء الله استغفر الله خيرك هبلت يا اادم بس احلي شي درت اليوم ❤️💋)
في خوش صلاح
انا...وتيت الغدي وكل شي وقعدت خايفه هلباا ورجلياا يرعشو مانبيش نطلع قدام مرت بوي سميه استغليت الفرصه حطيت الغدي في الصاله وناديت ع بابا ومرت بوي سميه وريم وموده ورجعت نجري للمبطبخ.مانييش نتلاقا ماهو
سميه.....قعمزت وبدا تتغداا شن كان يبي منك ادم ي صلاح توا نسمع فيه تقوله يصير خير
صلاح.... ادم وطلب من عائشه
ريم... انصدمت في مكانها ومعاش عرف تاكل بكل 🔥😳
سميه.....شنووووو شن تحكي انتي وانتا وافقت ماتقوليش وافقت بس
صلاح.....اي وافقت وهدا يلي صار
سميه.....كيف وافقت عليه مش عطيتك كلمه الراجل وعلي اساس كلم فيها وكل شي كيف ادير هكي انتااا من عقلك ي صلاح
صلاح....ماعنداش فيها نصيب وحسيت انا ادم يبيها وهكي خاطره ف الموضوع وبعدين الراحل هداكا كبير وعاىشه قاعده صغير ماتجيش نجوزها لواحد كبير
سميه....قصدك انتا ادور فيها توا عيب راهو الراجل عطيته كلمه اتصل بي ادم وقوله مافيش عندك نصيب
انا...كنت نسمع ف الكلام بيناتهم وخايفه يصير شي ونا نسمع وفجاه خشت عليااا ريم وكانت تبكي عيونها دموع🥺
انا....شفتها بصدمه وخفت منها الحق اديرلي شي بس خدت طاسه ميه ومشت للدار متاعهاووقعدت تبكي💔🔥
صلاح....كلمه وعطيتها لادم مش رح نؤجع فيها وهما حالتهم كويسه ورح يعيشها البنت ومش رح ندفع شي وتتريحي منها مش معاش نبيها ف الحوش
سميه....كانت تغلي من داخلها ماتبيش عائشه تتزوج واحد صغير تبي تعطيها لشيباني وتتريح منها بس ادم قدر انا يقنع صلاح
سميه....ناضت من جنب راحلعا ووهيا قالبه وجهها وخشت لدراها
انا...ماقدرتش نطلع خطوه من المطبخ كنت خايفه بكل 🔥
قعدت ف المبطخ وبابا كمل الغدي وشرب الشاهي وخش عشان يرقد ف الدار متاعه مشيت خديت السفره عشان نغسلها ونبدا ف المبطخ بديت نغسل في الطواسي حسيت بحد شدني من شعري بالقويه
ريم...تعالي هنا ي كلبه كلا منك اديري في روحك ماتكلميش ف ادم وانتي اكبر خاينه اعترفي ي كلبه كم ليك تحكي معاه ليش درتي هكي وتبدا تضرب فيا في كل مكان
انا....وسعي حول يديك انا مادخلني في شي وقعدت نعيط بصوت عالي
موده....جت تجري وقعدت تحاول تفكنا عن بعض
ريم ...وهيا تبكي كلا من الكلبه هادي هيا يلي فسدتي عليااا خليني عليها بس
موده...خلاص ريم توا ينوض بابا توا ويسمعك وريم ونا نضت نجري ومشيت لدراي وقعدت نبكي عشان ريشتلي شعري بس في نفس الوقت كنت فرحانه عشان ماخشيتش تاخد يلي نبيه🔥🙂
ساويت شعري ورقدت ع السرير خداني النوم ع طول
#في حوش ادم
روح عادل من العمل متاعه وخش للحوش حطيته نعيمه الغدي وقاتله في خبر اليوم بس مانعرفش هل رح تتقبله ولالا
عادل...بوه ادم شن هوا الخير ي نعيمه😳
نعيمه....ادم خطب راهو اليوم
عادل ......كيف صار وبنت منو هادي
نعيمه....بنت جارنا صلاح وقال جت ع فجاه لانا البنت تقدمه شخص ونا كلمت بوها ووافق
عادل....بس ع الاقل مفروض كلمني وخدي راي صح
نعيمه....صح بس حسيت انا ادم فرحان ماتكسرش بخاطره والبنت كويسه نعرفها انا وصاحبته ارجوان وارجوان ديما تشكر فيها فيها
عادل...باهي ع خير إنشاء الله خليني نتريح توا وبعدين نحكي معا ادم ونشوفو شن يصير
نعيمه....تمام
ناض ادم العشيه غسل وجهه ودار دوش لقي بوه مقعمز برا في الجنان ويشرب في قهوته مشي قعمز جنبه وكان يبي يحكي معاه ع الخطوبه
ادم...جي وقعمز جنب بوه يحاسبه قاعد مايعلم بشي
عادل ...قاتلي امك شن درت البوم انا المره هادي رح نوافق بس المره الجايه قبل لادير خودي راي قبل باهي
ادم....فرح تمام واسف المره هادي بس جت ع فجاه
عادل.....ربي يتممم ع خير
ادم... إنشاء الله ورن تلفونه رد ادم ع المكالمه وطلع من ادراه الشركه طااليين ادم في مقابله عشان يديرو معاه بسش يوقع ع الخدمه وضروري ادم يجي الصبح بكري يعني غضوا مش رح يرفع ارجوان وعائشه
ادم....طارتله بكل مايبيش يمشي يبي يشوف عائشه غضوا الصبح بس مكانش عنده حل كلمه اخته ارجوان وقاللها غضوا الصبح نحطك قدام حوش عائشه وامشي انتي للمدرسه وبعدين روحو بنغيب متاع 3ايام وبنجي تمام
ارجوان....تمام
#تسريع الأحداث
مشي الوقت وكنت نا خايفه اكثر شي من ريم انها ادير فيااا شي ومرت بوي كانت مش مواقفه بكل ع ادم هكي تبي نتزوجوشيباني وتتريح مني🔥🙂
اما خالي فقاعد مايعلمش شي بخطوبتي وكان يرتب لخطوبتي من ولده امير رتب كل شي انا رح يجي بعد يومين لحوشنا وكان يبي يديرلي مفاجاه حلوه وجاب كل شي لازم يبي يفرحني وكان مقرر يجي بعد يومين
تاني يوم الصبح نضت فطرت وبدلت ووتيت روحي وكنت نستني في ادم امتا يجي وكيف رح يكون اللقاء بيناتنا بعد خطبني امس من بابا قعدت مقعمزين وشوي وطق الباب
انا...مشيت نجري وفتحت الباب انصدمت من الشخص يلي لقيته ع الباب.......🔥😱
الشخص......🔥