رواية منتصف العمر الفصل السابع7بقلم جمانه السعيدي
مختار....كلش عجبني الوضع بيت خالتي
ماخذ حريتي على الاخر
وفرحان بنفسي لان دخلت معهد وبديت اداوم
على فكره صالح تارك مدرسه من ثالث متوسط ويشتغل
مايحب المدرسه
ولأن هو الولد الوحيد وابو شهيد معفي من الخدمه العسكريه
كل يوم ارجع الكه خالتي منتضرتني تخلي الاكل كدامي
والكه ملابسي مغسوله ومعلكه بلكنتور
اني طبعا ماعندي مكان اروحله غير ببت خالتي
بيوت عمامي بيهن بس نسوانهم هما يداومون بلعسكريه
ومااروح البيوتهم ابد
وعماتي كامن مايجن من انباع البيت وتوزعت الحصص
كل وحده عدها كومه جهال ومشغوله بحياتها الخاصه
اما ابوي بس من ينزل مجاز اروح اشوفه حتى ماابات بيتهم
اشوفه وارجع بيت خالتي
كمت مااكدر انام بمكان ثاني غير ببت خالتي
كنت طاير من الفرح لان لكيت مكان آمن اعيش بي
لو شكد مااحجيلكم على وضعي قبل ما تصدكون
جنت ضايع زغير وماعندي خبره ومااعرف
وماعندي بيت ماعندي سكن ارجع انام بي
لا سكن ولا اهل حنان عليه
محد يعرف اني وين وشنو وضعي
اتحسر على كلمة هله اتحسر على احد يحبني يحضني
انام خايف واكعد خايف من المصايب الي شفتهن
جمانه السعيدي
بيت خالتي كان مثل كنز ولكيته
كلشي متوفر كدامي وبلاش
الحب والحنان والعطف والسكن والاهتمام كلهن موجودات
بمكان واحد
تعرفون شنو من ادخل وخالتي تكول هله
يمه شو اتاخرت
اكعد وتخلي الاكل كدامي
لو اسمعها تكول اني اليوم طابخه فلان اكله
لان مختار يحب هاي الاكله
هاي عندي تسوه الدنيا ومابيها كل يوم من انام ادعي رب العالمين لا يحرمني من هاي النعمه ابد
كعدت اتغدا خالتي كالت اخدر الجاي واجيك
كعدت كبالي
خالتي....يمه انت مرتاح عدنا
مختار...وين جنتي خاله انتي من زمان
خالتي....سوده عليه يابعد خالتك
مختار....الضيم الي شفته ماكو مثله ضيم انتم رحمه دزه رب العالمين اليه
خالتي....عمت عيني لو ادري بيك هيج متبهذل
جان من زمان دورت عليك
من اشوفك جني شايفه امك
مختار...الله يرحمها ويغفر له
خلصت سنتين مهعد كبرت وحتى شكلي صار كلش حلو
اني طولي تقريبا ١٨٠ بشرتي حنطيه شكلي كلش مرتب
عندي فلوس اشتري ملابس شكلي انيق ونضيف
جاي احلى بعيون كل الناس وخاصتا خالتي
الي جانت ترسم ازوجني احلام
احلام على هذا وضعها محد يقبل يزوجها
وحتى إذا ازوجه واحد لازم يكون انسان فقير وغير متعلم
واحتمال يااذيها
هي نضيفه وشكلها مرتب وتعرف شغل البيت
بس مثل ما كتلكم استيعابها قليل كلش
جمانه السعيدي
شغل البيت متعوده علي لان شغل روتيني ومكرر
مامحتاج ذكاء
بس هي حتى بلمدرسه ماكدرت ادبرها صف اول
وعافت المدرسه كلشي ماتعرف
لا تقرأ ولا تكتب
عقلها مشتت ماتكدر تركز
بس خالتي تعلم بيها ومداريتها وتسولف وياها
تحاول تدمجها وياا الناس
اني ابد ماكان ابالي خالتي تخطط الهيج شي
وجاي ازيد عليه الدلع والاهتمام حتى اوصل المرحله مستحيل ارفضلها طلب
فعلا اني كنت ما مصدك كمية الاهتمام الي نزل عليه ببت خالتي كل يوم اكول بعد كل ذاك الحرمان
هيج رب العالمين التفت عليه وكرمني هيج كرم
خالتي مهتمه بيه اكثر من ابنها وبتها
اذا اتأخر الكاها لازمه الباب واكفه شعوري مابنوصف
ابد
بعد سنين الحرمان الي عشتها قبل
سنيين المعهد مرن عليه مثل الحلم
بلعطله اشتغل اني وصالح واجمع فلوس
والدوام اصرف من ذني الفلوس على نفسي
بطلت اخذ مصرف من ابوي
لان بدا يبني بيته ونص الراتب يروح للقرض
حتى مرات انطي فلوس من شغلي اساعده خطيه تعب حيل بهذا البيت
اني اشتريتله أبواب البيت على حسابي حتى اساعده شويه
كلما افرغ اروح اساعده بلبناء
اخذ جماعتي ونروح نشتغل بلبيت
كمل بناء طابق واحد غرفه وهول ومطبخ واستقبال
عاف الطايق الثاني لان الفلوس مابكفن
رحنا اني وصالح ساعدنا من انتقل البيت الجديد
ورتبنا الغراض بلبيت
ابوي....مختار تجي تكعد هنا بيتنا ويانا ترا هذا هم ببتك
مختار....لا هي غرفه وحده وانتم خمسه مااريد اضايفكم
اني كلش مرتاح بيت خالتي
ابوي....اي وكت تريد هذا بيتك تعال واكعد ويانه
مختار...شكرا اذا تحتاج شي اني موجود
ابوي...عينك على خوانك اذا اني التحق خاف يحتاجون شي
مختار...انشاء الله
طبعا النظام السابق ٣ سنوات بلجيش وتخلص الخدمه
بس بسبب الحرب الي استمرت ٨ سنوات
مكان اكو تسريح اله للضروره القصوى
سنة ٨٨ خلصت الحرب وكان هذا احلى خبر سمعو العراقيين
الاحتفالات ترست الشوارع
وابوي اتسرح من الجيش واخيرا ابوي راح يرتاح
من العسكريه
واني خلصت معهد بعدها بسنه وحده ولله الحمد
كان اكو نضام اسمه بدل خدمه تدفع فلوس وتنعفي عن الخدمه العسكريه
اني ملزم اخدم بلعسكريه سنتين لان اني خريج
واذا واحد مو خريج يخدم ٣ سنوات
اني قررت ادفع فلوس اخلص من هاي الخدمه
اني كنت مجمع مبلغ زين وخالتي ساعدتني هي وصالح دفعت المبلغ ونعفيت من الجيش
جمانه السعيدي
قبل ااتعيين موجود والراتب زين هذا الحجي قبل
الحصار قبل لا تسقط العمله العراقيه وتصير قيمتها قليله
اتعينت معلم بمدرسه قرببه علينا ابتدائيه
بعد كل هاي الاحداث اني كنت مستقر ببت خالتي
وحتى اهلي مااروح عليهم اله بلصدفه حتى اشوف ابوي
بدت خالتي تلمح الزواجي من احلام
اني هاي الفكره ابد مو على بالي ولا مفكر ببها اصلا
حتى موضوع الزواج شايله من بالي
شلون افكر بلزواج واني كاعد بيت خالتي
بعد وكت هواي على الزواج
بداية سنة ٩٠
كنت كاعد يوم الجمعه عندي أوراق اصححهن
خالتي جايه عليه حتى صالح مجان موجود
واحلام نايمه
خالتي....يمه مختار اني اليه عندك طلب واتمنى ما تفشلني
مختار....طلب واحد امريني امر لو اطلببن عيوني تاخذيهن
فضلج مااكدر انسى
خالتي.....يعني ماتردني
مختار...ماعاش الي يردج عيوني اللج
خالتي...عيونك سالمات
انت عشت ويانه وشفت وضعنا اني خالتك تعبانه
واتمنى أأمن حياة احلام قبل لا اموت
البنيه عقلها عقل اطفال وتصدك بكلشي والدنيا موحلوه
صالح زين الها
بس مااضمن باجر اذا ازوج راح يبقى زين وياها لو تخربه
مرته
اني مجاي انام اليل بس افكر بيها
اريد واحد زين وأمين يصونها ويحافظ عليها يعني من اموت مطمنه عليها
هي نضيفه وتعرف كل شغل البيت
وماتطلع من الباب وحلوه بس اني مااكدر انطيها الاي احد غريب
ايجوز يضربها ايجوز يااذيها ايجوز ما يتحملها
اني مااكدر أأمن على احلام اله وياك
انت احسن واحد تكدر تحافظ عليها وتحميها
كون اني خالتك ولي خاطر عندك
تزوج احلام اريد أأمن عليها قبل لا اموت
وكلشي لا تخسر عليها ابد لا تخسر ولا فلس
اني اجهزها من كلشي
واشتريلها غراض وغرفة نوم وملابس
حتى قاط عرسك عليه
اني سجلت قطعة الأرض الي طلعت النا باسمها ضمان للوكت
كتلك اخوها حنيين بس ما نضمن الوكت
خاف يزوج ويتغير عليها
وانت شفتها بعينك وتعرفه وهي هم تعرفك
اذا اني خالتك وتحبني من صدك وتريدني اموت
مرتاحه
تنفذلي هذا الطلب وداعتك اني وياها ومراح اخليك تحس باي نقص
كل يوم تلكه غرفتك نضيفه وتلكاها عروس كدامك
جمانه السعيدي
اروح فدوه الهلوجه الحلو طلبتك لا تردني
بروح امك عليك لا تردني
اني مراح الكه واحد أأمن منك على بتي
اني هسه مااريد الرد منك على كيفك فكر زين
وقتنع يله ترجعلي الجواب
اني متاكده انت خوش ولد نشمي ومراح تفشلني
مختار..... كامت خالتي من يمي واني عبالك واحد ركع راسي
بلحايط
كلشي متوقع من خالتي بس اتريدني ازوج احلام
شلون اني ازوج احلام
اكبر مني بسنتين عقله مو تمام
هسه خالتي موجوده وراح اتسد النقص بتصرفاتها
اذا صارو عندي جهال وخالتي ماتت
منو الي راح يتحمل هاي المسؤليه
شلون راح اكدر اسيطر على هاي الوضعيه
بنفس الوقت مااكدر ارفض
خالتي صار اكثر من أربع سنوات شايلتني شيل
عوضتني عن الحب والاهتمام والحنان
حتى فلوس البدل الي طلعت ببهن من العسكريه دفعت قسم منهن
اكل واشرب وعايش ببتها ولا عمرها حسستني هي ضايجه مني
اذا رفضت هاي الزواجه يعني اخسر خالتي وصالح للابد
يعني اطلع من هذا البيت
يعني اشوف مكان ثاني اعيش بي
مستحيل اعيش وياا هديل مره ثانيه
راتبي مايكفيني مصرف واجار توني تعينت وراتبي قليل
شلون ورطه هاي ياربي ولله لو عقلها كامل مستحيل ارفضها
بس هاي انسانه مامسؤله
شلون اذاصار عدنا جهال توكع مسؤليتها ومسؤوليتهم عليه
اني صرت ببن نارين
لو اعوف هذا البيت وارجع اضيع مره ثانيه
واخسر خالتي وابن خالتي الي ماقصرو وياي بشي ابد
لو ازوج احلام وابقى محافظ على هاي العلاقه
هذا اكبر امتحان شفته بحياتي
من كد التفكير ماكدرت انام بليلته شلون بيه الاختيار صعب عليه
اذا عفت هذا البيت ارجع اضيع مره ثانيه
ارجع للحرب وياا هديل مستحيل ترحمني ابد
ارجع افقد خالتي وحنيته عليه
شلون مصيبه هاي خالتي مالكت غير هاي الفكره
وين أودي وجهي
منو الي راح يفهمني ويساعدني
كلما اتخيلها زوجتي اضوج يعني اني صمت كل عمري لا حبيت ولا نحبيت
تالي اخذ احلام ليش مكتوب عليه ابقى بدون حب
يمتى راح ألكه ناس تفهممني
مااكدر اعوف خالتي ومااكدر اخذلها
وصالح شلون راح اخسره
معقوله احلام تكون زوجتي وأم جهالي
لا مستحيل لازم اكو مخرج بس شنو مااعرف