رواية حياة ليان
الفصل الثامن8
بقلم ليان
بلسان خالد ؛؛؛؛
اتصلت علي ليان اطمن عليها وقالت لي اشتغلت كويس ف الامتحان وانا قلبي ارتاح وقلت ليها بعد تخلص تتصل علي قفلت منها اتصلت علي مشاعل وسلمت علي قالت لي تعال غاشيني نرجع البيت سوا خلصت من شغلي ومشيت لمشاعل ف شغلها سلمت عليها وركبنا العربيه وشويه كده مشاعل ركزت ف الدبله التانيه
مشاعل: ده شنو يا خالد
خالد : شنووو؟؟
مشاعل: الدبله التانيه دي
خالد: دي دبلة ليان
مشاعل: عارفاها حقت زفت ولي يعني مش المفروض زواجكم شكلي
خالد: اولا م تقولي زفت وتاني اي شكلي ف حاجه
مشاعل: اي ف كتير والجد شنو.
خالد: بسبب انو ليان م لابسه دبله جاها عريس
مشاعل: كويس والله ووافقت
خالد: أوافق كيف وهي علي زمتي وريني
مشاعل: توافق عادي تطلقها وتتزوج غيرك
خالد: مشاعل ليان مسؤليتي وانا البقرر مصيرها
مشاعل: يعني؟؟؟
خالد: يعني م تدخلي ف الموضوع
مشاعل: طيب يا انا يا هي
خالد: لي الخيار قلت ليك ليان زوجتي علي الورق ليس إلا
بتكلم معاها اتصلت علي ليان وقالت منتظراني
خالد: مشاعل نتكلم ف البيت تمام
وصلت ليان وسلمت علينا ومشاعل سلمت عليها ببرود وطول السكه نحنا ساكتين وصلنا وليان دخلت شقتها وانا دخلت مع مشاعل ومن دخلنا مشاعل بدت تجوط
مشاعل: اسمع يا خالد البت دي تطلقها وتخليها تتزوج
خالد: قلت ليك م عندك شغله بالموضوع وبعدين انتي امبارح جيت افاجئك واقول ليك مشتاق ليم وانتي بكل برود بتقولي لي بايته مع اهلي
مشاعل: ايوا اخلق المشاكل عشان تمشي لأمك
خالد: مشاكل انتي البديتيها جيه امي اصلا م عاجباك شفت حركاتك وشفت تعاملك معاهم
مشاعل : خلاص عملو ليك غسيل مخ
حالد: لا غسيل مخ ولا حاجه وأخير نقفل الموضوع
مشيت غرفتي وقفلت الباب وبقيت اولع سيجاره ورا سيجاره اتصلت علي ليان قالت لي الغدا قلت ليها م عاوز وقفلت تلفوني ونمت
عند ليان:
جهزت الغدا واستنينا خالد م جا اتصلت عليه حسيت بصوتو كعب وقال م عاوز اتغدينا انا وامي وشربنا القهوه وللعشاء خالد م جا امي اتصلت عليه لقت تلفونو قافل امي دخلت نامت وانا نضفت البيت وسويت اكل بكره ودخلت غرفتي صليت العشاء وبديت اقرا للساعه ٩ خالد م جا قفلت شيتاتي ونمت
صحيت الصباح استحميت وصليت وسويت الشاي شربنا انا وامي وبرضو خالد م جا دخلت اتجهزت للجامعه والزمن جا شلت مفتاح عربيتي وودعت امي وطلعت لقيت خالد ومشاعل طالعين من شقتهم سلمت عليهم خالد رد لي ومشاعل م ردت خالد دخل يصبح علي امي وانا نازله مشاعل مسكتني من يدي
مشاعل: انتي عايزه تخطفي خالد مني صاح
ليان: شنو ولي اخطفو منك
مشاعل : طيب لي لبستي الدبله
ليان: خالد لبسني ليها
مشاعل : خالد مممممممم طيب
مشاعل مسكت اصبعي بقوه جرت الدبله ودفرتني ف السلم خالدجا مارق شاف المنظر وانا وقعت ف السلم لمن انصدمت بحيطه وفقدت وعي
بلسان خالد؛؛؛؛؛؛؛؛
بعد نقاشي مع مشاعل دخلت غرفتي وانا زهجان اتصلت علي ليان للغدا وقلت ليها م عاوز وطوالي قفلت تلفوني ونمت للصباح صحيت استحميت وصليت وعملت كباية شاي وجهزت للشغل مارق لقيت مشاعل جاهزه م اتكلمت معاها وطلعنا من الشقه لاقتنا ليان طالعه سلمت علينا انا رديت ومشاعل أبت ترد دخلت أصبح علي امي وحيت مارق لقيت مشاعل ماسكه اصبع ليان جرت الدبله ووقعتها من السلم انا حيلي مات عديل وانا شايف ليان بتقع قدامي والدم وهي فاقده الوعي وامي بتكورك شلتها وجريت بيها المستشفي وعملو اللازم بس ليان دخلت ف غيبوبه وم معروف تصحي متين انا قلبي وجعني عليها وبقيت م عارف اعمل شنو وامي متجرسه ماسكه المصحف وقاعده جنب ليان انا رجعت البيت م لقيت مشاعل مشيت بيت أهلها وكلمت أهلها بالحصل وأهلها وقفو معاي وانا قلت ليها ليان لو حصل ليها شي م بحصل خير ورجعت المستشفي اسبوع وليان علي حالها وانا الدنيا ضلمت ف وشي ف يوم دخلت لقيت امي بتصلي قعدت جنب لينا ومسكت يدها وبقيت ابكي زي الطفل
خالد: ليان ليان اصحي عليك الله انا فاقدك يا ليان فاقد اكلك وقهوتك وونستك عليك الله اصحي يا ليان من يوم رقدتي انا وامي زي الشفع الامهم ماف عشان خاطر امك امك بقت لا بتاكل لا بتاخد علاج م عايز افقدكم الاتنين فتحي عيونك ليان عليك الله
كنت ماسك يدها وببكي فجاءة حسيت بيدها اتحركت رفعت راسي عاينت ليها لقيتها بتحاول تصحي
ليان: خ خ خالد اا امي خالد
خالد: ليان ليان انتي كويسه
ليان: اا ا امي امي
امي جات جاريه وبقت تبكي وانا م مصدق جريت ناديت الدكتوره وفحصت عليها وقالت الحمدلله انو الضربه ما أثرت علي الراس بس حاتكون ف المستشفي لمدة أسبوع تحت الملاحظه الدكتورة طلعت وامي اتوضت وصلت ركعتين شكر وانا قعدت جنبها
خالد: ليان انا اسف
ليان: انا كويسه يا خالد
خالد: م عارف لو كان حصل ليك شي كنت حاللوم نفسي كل يوم
ليان: اششششش امسح دموعك م بحب اشوفك كده
خالد: الحمدلله انك بخير يدك واجعاك؟؟
ليان: اي وجعاني شديد
خالد: طيب حاطلب ليك مسكن
جات الممرضه ومعاها ضابط وقال داير يستجوبني علي الحادث
الضابط: حمدلله علي السلامه
ليان: الله يسلمك
الضابط: ممكن تحكي لي الحادث حصل كيف
ليان: انا كنت نازله السلم والعباية عترت لي
الضابط : يعني م مشاعل الوقعتك
ليان: لا مشاعل كانت عايزه تمسكني عشان م أقع
الضابط: طيب شكرا عليكي عافيه يا استاذ خالد تعال معاي نقفل المحضر
خالد مرق مع الضابط وامي جاتني
عمتي: لي م قلتي مشاعل الوقعتك
ليان. : يا أمي خالد زنبو شنو بعدين هي زعلت مني وليها حق
عمتي: زعلت منك كيف
ليان: شافتني لابسه الدبله وافتكرت اني دايره اخطف منها خالد
عمتي : هي خالد بتعرف ليو شنو
ليان: أمي دي حياتهم وهم حرين فيها
عمتي: طيب يا بتي
جوني صحباتي رماز وملك كفرو لي واتونسو معاي للمغرب وجات هبه وقال لأمي تمشي معاها ترتاح وخالد قال ليها اي يا أمي ليان كويسه وانا معاها
صحباتي مشو وهبه ساقت امي وبقي معاي خالد
جا قعد جنبي وحضني
خالد: ليان بالجد انا اسف
ليان: انا الاسفه يا خالد بسبب الزواج مني حياتك الزوجيه ف خطر وانا م عايزه ده
خالد بعد مني شويه وبقي ماسك يدي
خالد: اششششش انتي م ليك ذنب مشاعل انانيه وبتفكر ف نفسها وبس وانتي لي م اعترفتي عليها
ليان: خالد انا م برضي مره تخش السجن وبعدين هي بتخصك وانا م بقدر اذي زول بخصك
خالد: وم فكرتي لو كنتي متي كان بحصل شنو
ليان: انا كويسه قدامك اهدا
خالد : انتي طيبه شديد يا ريت مشاعل تتعلم ربع أخلاقك
ليان: الله يهديها
ليان: خالد ممكن تنادي لي الممرضه
خالد؛ ف شي واجعك؟؟
ليان: عاوزه اخش الحمام
خالد: ممكن اساعدك انا
ليان : طيب
قمت من السرير ووقفت حسيت بنفسي عايزه أقع خالد سندني ودخلني الحمام ووقف لي بره خلصت وفتحت الباب لقيتو واقف سندني قعدني ف السرير
خالد؛ كويسه عاوزه حاجه تاني؟؟
ليان: جعانه
خالد: ههههههه طيب حامشي اجيب ليك اكل
خالد نزل الكافتيريا جاب لي سندوتش وعصير وجاني عايزه اقوم
خالد؛ اششششش مكانك انا حاكلك
ليان: انا بيبي
خالد: واحلي بيبي اعتبري نفسك بيبي وبعدين ناسيه يدك اليمين مكسوره م حاتقدري تاكلي خليها علي
ليان: ههههه طيب
خالد قعد جنبي واكلني وشربني العصير لحدي م خلصت بقي ماسك يدي ويقرا لي ف القرآن لحدي م نمت
عدا الاسبوع وكل يوم امي وهبه وصحباتي بجو بقيلو معاي وخالد ببيت معاي واليله خلاص الدكتور كتب لي خروج وخالد طلب من امي وهبه انهم م يجو ويجهزو البيت
لمه لي شنطتي وانا مستنيه الممرضه عشان تلبسني م جات
خالد: ممكن اساعدك
ليان: لكن
خالد: م تخافي بغمض عيوني
لينا : ههههههه طيب دخلت استحميت ولبست القميص بتعب وطلعت خالد سندني قعدني ف السرير سرح لي شعري ولبسني العبايه ولبسني الاسبورت والطرحه والنقاب وجاب لي كرسي متحرك شالني ختاني فيو لحدي م وصلنا العربيه ركبني ف العربيه وهو السكه ماسك يدي لحدي م وصلنا البيت ونزلني براحه وانا اول م دخلت وشفت السلم اتذكرت الحادث حسيت بدوخه خالد شالني وبقيت مدسيه ف حضنو لحدي م وصلنا الشقه ودخلني ورقدني ف السرير
خالد: كويسه اسي ؟؟
ليان: مممم كويسه
خالد: خليني اساعدك
خالد طلع لي الاسبورت والعباية وغطاني
خالد: جعانه؟؟
ليان: لا بس عايزه انوم
خالد: طيب انا مع امي لو احتجتي شي كوركي لي
ليان: طيب
خالد طلع وانا نمت طوالي لاني كنت تعبانه