رواية بت انجلترا الفصل السابع7بقلم نور
بلسان حسام ؛؛؛؛
نزلت الصباح لقيت نور لابسه وطالعه الجامعه حاولت اخليها ترتاح بس هي كانت مصره وابت تاكل مسكناها واكلناها بالجد كان شعور حلو وانا باكل فيها طلعت مشت الجامعه وانا مشيت الشغل لقيت نفسي بفكر فيها طلعت من الشغل حجزت ف مطعم ومشيت اشتريت ليها سلسل وحبيت افرحها مشيت الجامعه ولقيت مراد جنبها لقيت نفسي سايقاها وطلعنا العربيه وهي كانت مستغربه منني لاني كنت ماسك يدها واتمنيت اني م افكها ابدا وصلنا المطعم واتونسنا وكان مزاجنا رايق لحدي م جا امين وخرب مزاجي وهي حست بي اضايقت رجعنا البيت ولقيت حور ملخبطه كلام كتير واتهمت نور انها عاوزه تخطفني منها وحسيت بنور اتوترت ناديت مصطفي واديتو شوكلت ورسلتو ليها ف الغرفه وكنت عايز اخربها مع حور الاامي وابوي ادخلو وهي نزلت كم دمعه واعتذرت بعديها سويت عصير وكنت خايف من ردة فعل نور لمن لقيتها هادئه الساعه ديك قلبي ارتاح شديد
عند نور ؛؛؛؛
قاعده فاتحه لابتوبي بقرا ومره مره فكر ف حسام وقدر شنو هو مظلوم مع حور اتذكرت السلسل شلتو ولبستو بالجد عجبني شديد الباب دقا
نور: مييييين
: ياةعسلنا
نور: وسيمي اتفضل
جاسر.: قيلتي كيف
نور: كويسه انت كيف
جاسر: تمام كيف كان الغدا
نور: ظريف وشوف حوسو جاب لي شنو
جاسر: ووواااو رهيب
نور: لكن جا امين خربو علينا
جاسر: كييييف
نور: كنا مبسوطين انا وحسام جا امين ورما ليو كلمتين ولمن جينا البيت لقينا حور عملت مشكله وقالت انا عايزه اخطف منها حسام
جاسر: البت دي مريضه وحسام وضعو شنو
نور: حاسي بالذنب طبعا انت عارف انا من جيت م شفت حسام مبسوط اليله لمن جانا ف الجامعه وساقني الغدا كان حسام تاني خالص كان بضحك من جوه قلبو
جاسر: حسام قلبو ابيض وبحب الهظار والضحك لكن ضغوط الشغل وكمان الخطوبه دي أثرت عليو شديد لكن معاك برجع حسام القديم
نور: بتمني والله نفسي اشوفو سعيد
جاسر : ممكن اطلب منك طلب
نور: اكيددد
جاسر: ممكن تخليك جنمب حسام انتي الوحيده التقدري ترجعي حسام القديم
نور: بوعدك لكن خايفه
جاسر : من شنو
نور: حور تعمل مشكله تانيه وامك وابوك يفهموني غلط
جاسر : م تخافي انتي بس خليك جنب حسام
نور: طيب
جاسر رايك شنو نطلع
نور. : جد حاتوديني وين
جاسر: مممممممم ناكل ايسكريم
نور : طيب
جاسر : طيب اجهزي وانا حامشي اكلم باقي العصابه
قمت استحميت وصليت المغرب ولبست عبايه بالكبدي
عند حسام:::::
جاسر: يا حبيب
حسام. : تعال تعال
جاسر: ده شنو الحصل ده
حسام: الحكا ليك منو
جاسر: نور سألتها من الغدا وكانت بتحكي ليو ومبسوطه فجاءة حكت لي الحصل
حسام: والله خفت عليها تتعب تاني م شفت اسلوب حور
جاسر : حسام انت بتحب نور ؟؟
حسام: بصراحه بس اوعدني م تكلم زول
جاسر: سرك ف بير
حسام. : بحبها حبيتها من اول يوم شفتها فيها وحبيتها لمن كانت بتحاول تخفف علي وحبيتها يوم عيت انا كنت بموت حسيت انو روحي راحت مني بحبها يا جاسر بحبها
جاسر. : طيب وحور؟؟
حسام : انت عارف طبيعة علاقتي بحور
جاسر: طيب لي م تفسخ الخطوبه وتخليك صريح معاها
حسام : خايف خايف تاذي نور انت عارفها مجنونه وخصوصا لمن يتعلق الموضوع بي
جاسر : والله دي مشكله لكن بتتحلا انت بس خليك قريب من نور
حسام : خير
جاسر : انا حسي اقول ليك طالعين ناكل ايسكريم داير أصلح لنور مودها لكن شكلك م عندك طريقه
حسام : السمممك انت جنيت ولا شنو تقعد انت وامشي انا
جاسر: ههههههههههههاي طيب ارح
عند نور ؛؛؛؛؛
كنت بتكلم مع ماما ةبحكي ليها عن يومي واسي مارقين ناكل ايسكريم الباب دقا
نور: مينننن
جاسر: اغير رأي
نور: جايه جايه
شلت شنطتي ونزلت لقيت العصابه منتظراني
نور: اووووووو لمه ف الحرم
حسام : جمعا اخرتينا
نور: انا لابسه لي ساعه انتو الاتاخرتو
جاسر: طيب مرقنا
طلعنا ومشينا محل الايسكريم وكان محل ظريف طلبو لينا ايسكريم وفشار ولاتي وبقينا نتونس شويه كده ومراد جا وسلم علينا وقعد يتونس حسام قال لي نور ممكن دقائق مشينا وبقينا ماشين وهو ساكت
حسام: مراد كلمتي انتي انو نحن هنا
نور: لا م اتواصلت معاه اليله مالك اضايقت من وجودو
حسام : بصراحه اي
نور: لي هو ظريف
حسام : ساي بس م بحبو يكون قريب ليك
نور: ههههههههههه طيب
حسام: نور انا عايز افضفض ليك ممكن
نور: اخيرا احكي
حسام : طيب تعالي نقعد هنا المكان هادئ
نور: طيب والعصابه
حسام : ههههههه حاتصل بجاسر
حسام: الووو جاسر انا نور م بعيدين بنجيكم بعد شويه
جاسر: ظااابط
حسام: اها نقعد
نور.: يلا قعدنا والمكان كان حلو شديد وهادي حسام لاحظ اني لابسه السلسل
حسام : السلسل حلو عليك
نور : ههههههه شكرا
حسام : طيب يا ستي حاعتبرك دكتورتي النفسيه واحكي ليك
نور : وانا سامعاك
حسام: انا من قمت وانا بسمع كلام ابوي امكن تقولي علي انسان م عندو شخصيه لكن بخاف من عواقب اني أرفض حاجه بطلبها مني. وخصوصا انا الكبير درست المجال الاختارو لي واشتغلت ف الشركه الاختاره هو وحتي حور لأنها بت صحبو م وراني الا بعد اتفق مع ابوها وانا كان علي البس الدبله وحور زي م انتي شايفه شكاكه وبتغير
نور: طيب انت بتحبها؟؟
حسام: الصراحه لا م بحبها وقدر م حاولت م قدرت
نور: طيب لي مستمر ف علاقه فاشله لحدي اسي الزواج م لعبه وده عمر حاتعيشو مع بعض يعني اخير تنفصلو اسي ولا بعدين لمن يكون ف اطفال ف النص
حسام: تصدقي اني حاولت اكتر من مره بس هي بتلجا لابوها وابوها بضغطني وخصوصا شغلنا مشترك
نور: ماف مره بقيت صريح معاها اكيد هي م حاترضي تعيش مع واحد م بحبها
حسام: المشكله انها عارفه اني م بحبها واني حاتزوجها عشان خاطر ابوي
نور: طيب لي م تكون صريح مع عمي
حسام: خايف خايف اخسرو
نور: حسام كونو عمي يدخل ل اي حاجه ف حياتك ولحدي اسي هو م ضراك لا ف دراسه ولا شغل لكن حياتك الشخصيه مفروض تكون اختيارك انت
حسام : كلامك صاح وانا حاحاول
نور: وانا معاك م تقلق
حسام مسك يدي وبقي قريب لي وانا اتجمدت
حسام: نور شكرا لانك دخلتي حياتي اوعديني انك حاتبقي جنمبي لحدي م اتخلص من المشكله دي
نور: اوعدك يلا نرجع للعصابه
حسام : خلينا حبه
نور: طيب
قاعدين كدا وتلفون حسام رنه طلع التلفون لقاها حور رد عليها
حسام: ايوا كيفك
حور: انت وين ومع منو
حسام : انا ف شارع النيل مع اخواني وحاليا قاعد مع نور
خور: اوووووف نور نور انت نسيتني
حسام: حبيت أصلح العملتي نور بسببك مضايقه وانا حبيت اغير مودها
حور: العملتو طبيعي
حسام: حور م عندي مزاج للمشاكل تمام مع السلامه
نور. : حسام م. كان لازم تقول ليها نحن سوا كده حاتذيد ف تفكيرها
حسام: انا م بحب الكذب وخصوصا مع واحده شكاكه زي حور يعني ممكن اكضب والقاها ف وشي فهمتي
نور: ممممممممممم فهمت
حسام: المهم دكتورتي الحلوه م حتكتب لي دواء
نور: ممممممم تاكل شوكلت كل ٦ ساعات حاتساعدك وتخليك هادي
حسام: ااااخ قلبي احلا دواء
اتصل جاسر
حسام: اها يا عارض
جاسر: كتر خيرك ياخ يلا نمشي
حسام؛ طيب جاين
حسام : نمشي ؟؟؟
نور: يلا
رجعنا للعصابه ولقينا مراد ماف شكلو زعل ركبنا العربيه حسام وقف جنب صيدليه قال ف دواء عايز يجيبو نزل جا شايل كيس ملان شوكلت
جاسر: ده شنو يا مان
حسام: ف دكتوره نصحتني بالشوكلت وانا صرفتها
لينا: اديني معاك
حسام: ابييييييييت
نور: ولا حتي انا
حسام: انتي عند اللزوم
نور: هههههههههه طيب
رجعنا البيت وكل زول مشا غرفتو وانا استحميت ولفيت شعري ومسكت الابتوب بقيت اتونس مع اصحابي وانجيلا تسأل من حسام اتونست معاهم وقفلت ويا النوم جاك زول