رواية معجزة عشقي
الفصل التاسع9
بقلم مروان فرج
.
انا...مشيت نجري وفتحت الباب انصدمت من الشخص يلي لقيته ع الباب🔥😱
ادم....اطلعي بسرعه ي بنت مش فاضي بنوصلك بسرعه وبنطلع عندي مشوار
انا ..خليني نمشي ع رجليااا مش ضروري نمشي معاك اصلا🙂
ادم....شافلي بنظره وقرن حوابجه عائشه مانبيش نحرق دمي ع الصبح خيرلك راهو وقالي هيا بسرعه
انا...افففف باهي مشيت ركبت معاه وسلمت ع ارجوان وكانت تشوفيلي وتضحك وهيا خايفه من ادم
ادم....طلع بسرعه لانا كان مستعجل ع الموعد متاعه وطول الطريق وهوا راقيله من ارجوان لانها تضحك من غير سبب
ادم.... ارجوان ي كلبه سكري فمك والله مغير نروح بس لما نوريك فاهمه
ارجوان...خيرك عاد حتي الضحك حرام اصلا مش عليك نضحك
ادم...سنونك دسيهم مانبيش نشوفهم بكل وهيا انزلوو بسرعه
انا ....اوووف وجيت بنفتح الباب
ادم...اليوم مش رح نجيكم روحو بروحكم
انا....احلي يوم ❤️😍وفتحت الباب ونزلت
ادم....باستغراب وكان يشوفيلي بس نا مدورتاش خشيت نجري للمدرسه
ادم...ارجوان...فكينا من الجو ييلي اديري فيه نا رح نغيب 3ايام ونجي امشو وروحو بلاش جو تاني
ارجوان....تي باهي ع اساس انا ندير فيه ونزلت ارجوان وخشت للمدرسه وطلع ادم للمقابله متاعه وكان يجري شوي لانا تاخر والمسافه طويله شوي🔥
__________________________
ارجوان...جتني وقاتلي احكيلي شن صار وكيف صار هكي وانا اخر من يعلم ي عويشه😂❤️
انا ...انا بروحي مانعلم بشي بكل وقاعده مش مصدقه يلي صاار
ارجوان... قصدى نا مش مصدقة انك رح بتتزوجي خوى ادم تى انتم تكرهووو بعض في الدمم لاكن صدق اللى قال ما بعد عداوه الا حب
انا..ارجوان وحياااتك الا العداااااوه مزاااال مستمرة تى اصلا خووك ينحب هواااا وبعدين متنسيش كل يوم يديرلي ف مشاكل ويحب يحرقيلي دمي وبعدين هوا دار هكي عشان يبي يخليني ديما نتعاركو ما وياه بس رح يشوف شي مش رح يعجبه بكل🙂🔥
ارجوان .... يلايلا تحشمى على وجهههك خيره وخى غزاااال وبعدين انتى اللى طولتى لسانك
انا....انا يلي لساني طويل والل هوا يلي مايقدرش يمسك اعصابه عليااا
أرجوان....بس تعرفي انا ادم كان فرحان امس وخصوصا لما بوك وافق مش عارف حسيته هك فرحان
انا....اي ماهو يبي شي وداره ويبي يحرقيلي دمي
ارجوان... ههههه تي اسسس خليني نخشو نكملو قرايتنتا وفي حاجات بنقولك عليهم بعدين 😂❤️
انا.... باهي هي وخشينا وقرينا وكملناوالحصص وكان مره مره يخطر عليااا ادم مش عارفه ليش ممكن من عصيبته وحرق دمه ليا هكي مره مره نضحك ضحكه لااردايا وكانت ارجوان تشوفيلي وتضحك حتي هيا😂🔥
كملنا الحصص وطلعنا قعمزنا برا تحت الشجره وقوتلها هاتي ي ارجوان شن بتحكيلي
ارجوان...احكيلي قبل كيف امس ادم جي وخبطك وقولي شن ردت فعلك لما سمعتي انا هوا طلبك من بوك
انا...جي امس ع طول لما روحنا ونا نبي نعرف من قال اني انخطبت بس اكيد انتي ي ارجوان صح🙂
ارجوان.....اي بس ماكنتش متوقع انا ادم يدير هكي استغربت لما حطتني وطلع ع طول قولت اكيده عنده موضوع مهم
انا....اي قصدي نا مستغربه ليش خطبني وكيف رح يصير بس لما نتزوجوو🙂
ارجوان....يستر الله مايصير ماصه من اول يوم نقولك ع شي ادم هدا كويس بس انتي ماتحرقيش دمه بس وتوا تشوفي طبعه كيف
انا...وحتي هوا مايحرقليش دمي بس ويشوف طبعي 😐
ارجوان...امممم باهي إنشاء الله يصير خير
انا.... إنشاء الله
عند ادم
ادم...وصل وخش للمقابله متاعه دارو معاه وطلبو منه انا يقعد 3ايام غادي عشان في كم من شي رح يديروه ويبوه يقعد معاهم غادي لانا المسافه طويله وهكي فالاحسن انا ادم يقعد غادي
وادم..كان في نفس الوقت يبي يروح ويشوف عائشه بس ماكنش قادر بكل 🔥
قعد في الشقه غادي وهوا ع ناااار بكل مش قادر يحتمل كان يتخيل انا عاىشه مروحه هيا وارجوان وهما فرحانين ويناشبو ف الشباب 😂❤️
تي ادم لما كان يفكر هكي قريب ينوض ويطلع يروح بكل بس قعد ع اعصابه وكان كل تفكيره امتا يروح ويشوف عائشه🔥🤤
كلمنا هدرزه انا وارجوان وقوتلها هيا نروحو وقت علينااا واحني كيف طلعنا من المدرسه مشينا زي قبل وفجاه طلع شاب وقعد يقلح علينا وجي بي يحكي معاي وقعد يتقرب مني
انا... ارجوان هيا بسرعه راهو قريب يوصل فيناا
ارجوان....ووووه من وين طلع الحيوان هدا بس اخخخخ لو كان ادم قاعد ماكانش يقدر يدير شي بكل
الشاب...غير استونو شوي ياحلوين نبو الرقم وقعد يجري وراءي لين خلاص حسيتا بييوصلني خلاص كنت نشوف في ظله وراي معاش قدرت نمشي وقفت في مكاني والتفت عليه
ارجوان....شن تبي فيه ي عويشه هيا نروحو بسرعه خيرك انتي
انا...استني بس نربيه الكلب هدا انتا شن تبي مني
الشاب....امممم مانبي شي نبي رقمك ونمشي ي حلوه
انا....ماعنديش تلفون تقدر تقلب وجهك من هنا
الشاب ...مش ماشي وحاول يقرب عليااا اكثر واكثر قعد نرعش في مكاني وفي لحظه يلي كنت فيها انا وارجوان خايفين جي امير بالسياره ودرس ع طول🔥🥺
انا ...شفت ولد خالي امير وفرحت هلباااا
امير...ع طول شد الشااب وبده فيه ضرب في كل مكان وتعاركو عطاه كفوف ولزه من بحدانا بكل
انا ..كنت نشوف لامير وعيوني يلمعو ماكتتش متوقعه انا يجي في اللحظه هادي بكل
ارجوان....تشوفيلي وهيا مستغربه هي منو هدا ومن وين تعرفيه ي عويشه🙄❤️
انا....هدا ولد خالي ي ارجوان اسمه امير
امير...جي بحداي وقالي إنشاء الله ماداركلمش شي الكلب هدا
انا...لا كويس جيت في الوقت المناسب يا امير بجد كان يبي يدير شي بس انتا في وقتك ديما 😂❤️
امير....هههههه باهي كويس بكل 🔥
انا...بس غريبه كيف درتها وجيت هنا ماعمريش ريتك من قبل في المكان هدا شن في ليش جيت اليوم ي امير😐
امير....ارتبك لا اااء عادي بس كنت مار من هنا وصدفه ريتكم وريت الشاب هدا يلي كان متعرضلكم
انا...كويس بكل شن حال خالي وحال مرح وريان ❤️😂استاحشتهم🤤
امير.....هههههه كويسسن كلهم وشاف لارجوان هادي اخت ادم يلي يروح بيك
انا ..اي واسمها ارجوان
امير....امممم وسلم ع ارجوان وقالي هيا اركبو نوصلكم لحوشكم
انا...هي ركبت نا وارجوان معا ولد خالي امير وحط ارجوان قدام حوشهم ووصلني قدام حوشنا وكنا طول الطريق نهدرزو هدرزه ضحك وبصاره لاني كنت متعوده ع وامير من زمان لاني عشت معاه وكنت مدايرته زي خوي الكبير ❤️
خشيت للحوش وغيرت دبشي ولقيت الغدي واتي لاول مره لانا كان بابا ومرت بوي بيطلعو مش عارفه لوين ماشييين
خشيت للمطبخ وتغديت ونسمع في مرت بوي سميه تقول لريم ديري بالك ع الحوش توا بنروحو في اليل
ريم...تمام ياماما
انا...كملت غداي وخشيت دوشت وخشيت لداري سكرت ع روحي ورقدت مانبيش ندير مشاكل معا ريم وخصوصا انا هيا ع سبله 😂🔥
ريم ...كانت ف الصاله وكنت نسمع فيها شاده التلفون وتحكي بيه بس مادورتاش بكل قعدت في داري وخلاص
_______________________
#عند امير
روح امير للحوش متاعهم وكان مش متقبل فكره زواجه من عائشه بكل وخصوصا انا هيا كانت متربيه معاه❤️
قصدي يحس في روحه انا مش متقبل الموضوع وفي نفس الوقت مش رافضه مايبيش يكسر كلمه بوه
وكان متوقع انا عائشه رح ترفض الموضوع بكل وصل امير وخش للحوش ولقي الغدي واتي والعويله متلمين
جي امير وقعمز جنب بوه وخوه المعتصم وامه وخواته الزوز
عبدالجليل....بكره إنشاء الله رح نخبطو لامير وفي حاجات بما انا متلمين توا نبو نحكو فيهم ترتيبات وهكي شن رايكم
نعيمه ...عادي مافيش اي مشكله مغير شوف امير موافق ولالا
امير ...سكتت وشاف لبوه بدون مايحكي
عبدالجليل....امير موافق المهم يامرح ردي بالك تتصلي بعائشه بكل خليها مفاجاه لغضواا فاهمه❤️
مرح ...تمام بس رح نمشي معاكم غضوا اني باهي
عبدالجليل...اي رح نمشو كلناا وبادن الله رح يصير كل الخير
المهم...زي ماقوتلك ياالمعتصم غضوا الصبح تمشي تاخد الحاجات يلي قوتلك عليهم بيش نرفعوهم معناها تمام
المعتصم...كون هاني يابوي هادي خطوبه امير راهو مش حد تاني
امير...ابتسم وناض خش لدراه واتكي ع السرير وكان يفكر في عائشه وكان مش حاب الموضوع بكل🔥❤️
جت العشيه ونضت غسلت وجهي وطلعت للصاله لقيت ريم قاعده مقعمزه ع الصالون وتحكي بالتلفون وتشوفيلي وبس وكان مش مدورتني بكل😐
طلعت من حنبها ومشيت قعمزت براا وشويه ولحقت عليااا وجت بحداي وكانت تشوفيلي بنظره حقد بكلل وكره ليااا
انا...خيرك ياريم في شي😐
ريم....شن رايك انتي تراا
انا....مانعرفش نا نسال قولي لو في شي
ريم...اعترفي قوليلي انك تحكي معا ادم ومعاش نبيه بكل بس كيف هكي هوا كان يحبني كيف يمشي يخطبك بالسرعه هادي
انا....انصدمت😳كيف ادم يحبك وخطبني سكتت لو يحبك كيف يخبطني
ريم...مش عارفه بس شن تحسابي روحك بتاخديه بالساهل تحملي راهو ي حلوه رح تشوفي شن ندير مش معاك بس رح تشوفي ومشت وسيبتني ونا نفكر كيف صار هكي وهل زعمك ادم يحب ريم والل دارت هكي عشان تحرقيلي دمي وخلاص😐🔥
قعدت مقعمزه ف مكاني ومش قادره ندير شي بكل لو عندي تلفوني كنت نقدر نكلم ادم ونفهم منه بس ماعنديش قولت خليه يروح ونفهم منه الموضوع كله
قعدت مكسده العشيه كلها برا وجي المغرب خشيت ودرت عشي وروح بابا ومرت بوي يلي من الاساس مانعرفش وين كانو درتهم العشي وحطيتاا وطلعت من جنبهم وسميه كانت بتاكلني بعيونها كانت مش مواقف ع ادم بكل وكان تلقي شيباني يتزوحني
خشيت لداري اتكيت ونا نفكر في ادم وكلام ريم لين خداني النوم
وادم... كان قاعد غادي ع اعصابه واليوم الاول مشي معاه بالسيف 😂🔥ماكانش متعود ع انا يقعد من غير عرايك ومشاكل معا عائشه
اما ...امير فكان يفكر في غضوا وكيف رح يمشي بكل الأحداث يلي رح يكونو فيه ❤️✨
__________________________________
تاني يوم نضت زي العاده فطرت وصليت وتوتيت روحي وطلعت ومشيت لقيت ارجوان تستني فياا قدام حوشهم مشت معايا وسالتها ع ادم امتي بيروح🥺🔥استاحشت العرايك معاه
ارجوان...قاتلي ممكن بعد يومين يروح
انا...اممممم تمام مشينا وخشينا للمدرسه وكملننا الحصص وروحنا وكان الجو مكسد مافيش اي جو زي قبل
خالي... ناض الصبح وكلم نعيمه تكلم ولدها المعتصم عشان يمشي يجيلي الحاجات ويتربو كل شي لانا بعدين في اليل بيمشو وكان يبي كل شي كامل مكمل
نعيمه...مشت لحوش ولدها المعصتم وكلمه طلع المعصتم وجاب كل شي
وريان ومرح كانو يوتو في دبشهم عشان بيمشو معاهم ومش عارفات شن بيلسبو بكل 😍❤️
اما ...امير ف قعد راقد لعند الظهر وبعدها ناااض وطلع ومعاش روح بيمشي يقعد ف الحوش طلع من اصحابه وهكي وكان كل تفكيره انا عائشه ترفض لانا مايبيش يتزوج
روح عبدالجليل بعد الظهر ولقي كل شي واتي ولا احلي من هكي خش دوش وغير دبشه ووتو كل شي وجي المغرب ولعو سيارته هوا وولده ومشوو وطلعو لحوش عائشه
وصل خالي ونا كنت مقعمزه في داري ونقرا وجتني موده وقاتلي خالك جي هوا وعيلته
انا...فرحت وطلعت برا عشان نستقبلهم وكانت المفاجاه هنا لقيت حتي ريان ومرح جايات معاهم❤️😍🔥وجايين معاهم هلباا حاجات استغربت الحق بس قولت ممكن خالي جابهم ع خاطري لانا يحيني
مشيت حضنتهم وسلمت ع مرت خالي وخشينا لداري طبعا ماكنتش نعلم بشي بموضوع خطوبتي والبنات ماقالوليش كان يبو يخلوها لياا مفاجاه
خش خالي هوا والمعتصم للمربوعه معا بابا صلاح ونعيمه معا مرت بابا في غرفه الاستقبال
#عند بابا
خالي...شن حالك ي صلاح
صلاح ...الحمد لله بخير نورتونا بزياتركم مش متعودين عليها
خالي.... والله اهو ظروف بس نا جايه في شي وإنشاء الله ماتردني فيه بكل
صلاح....تفضل وإنشاء الله لو نقدر عليه مايكون الا الخبر
خالي...نبي نخطب بنت اختي عاشه لولدي امير ونبي منك الموافقه ❤️
صلاح....بس البنت مخطوبه
خالي....كييييف مخطوبه ومنو يلي يكون خاطبها
صلاح...خاطبها ادم ولد عادل
خالي....بس البنت بنتنا ولدي امير ولد خالها واولي بيها وبعدين هادي كانت وصيته اختي قبل لاتتوفي صح ي صلاح ولالا
صلاح....اي بس هدا يلي صار ونا عطيت كلمه للولد ومعاش نقدر نرجعه فيها
خالي....امتي كلمته انتا ترا
صلاح ....ليه يومين بس جي وخطبها من رسمي 🔥
خالي....اها تي كويس بكل نحساب ليها فتره انتا اتصل بيه وقوله البنت يبيها ولد خالتها وماعندكش فيها نصيب ونا مستعد من توا نروح بيها لحوشي وتتريح منها بكل شن رايك ي صلاح
المعتصم....كان يسمع ف كلام بوه وهوا ساكت ماقدرش يقول شي
صلاح....والله ماني عارف بس حسيت انا الولد يبيها قرار صعب الحق
خالي....عندك رقمه انتا ادم ولالا
صلاح...اي عندي
خالي....خلاص توا تنصل بيه وقوليه ماليكش نصيب في البنت لانا ولد خالتها يبيها وتم الموضوع عاد
صلاح....باهي طلع صلاح تلفونه ورن ع ادم🔥
ادم...كان مكسد ف الشقه يلي قاعد فيها ويتفرج ع فلم كساد يعني فاليل شوي ورن تلفون ادم استغرب لما لقاه صلاح بوه عائشه
ادم...رد عليه ايوا عمي صلاح
صلاح....ادم شن حال وشن حالك بوك
ادم.... تمام ي عمي بخير
صلاح...بنقولك ي ادم عائشه ماعندكش فيها نصيب لانا ولد خالتها يبيها رسمي وتوا هما بحداي وماقدرتش نقول شي قدامهم
ادم.....انصدم بس كيف صار هكي انتا عطيتني كلمه ولالا وقريب يتفجر من الغضب...🔥
صلاح....هدا يلي صار البنت ماعندكش فيها نصيب سامحني وهيا السلام عليكم وسكر الخط في وجهه ادم
ادم....ع طول كسر تلفونه وطلع يجري ولع سيارته وطلع بسرعه جنونيه......🔥🔥😱🔇