رواية لا انجب
الفصل الثامن8
بقلم ساره محمد
مراد كان زعلان من نفسو شديد يعني شهد الما كان برضي فيها كلمه هو بموقف بسيط ظلمها اليوم داك نام ف غرفه شهد لانو بالجد مشتاق ليها طلع تلفونو واتصل عليها كم مكالمه م ردت اخر مكالمه ردت
شهد: نعم
مراد: كده حبيبي لي الرد الجافي ده
شهد: مراد عاوز حاجه انا تعبانه عاوزه انوم
مراد: شهد انا اسف انا والله كنت معصب بس
شهد: اممم وجاي تعتذر لي بعد اسبوع من الحصل لي عشان عزة نفسك عشان اليله م جريت وراك زي م كنت بعمل زمان صاح
مراد: حبيبي والله م كده انا تعبان انا عاوزك جنمبي
شهد: وانا كلامي قلتو ليك قبيل ورقتي وبس
مراد: وانا م موافق يا شهد
فصل الخط وبقا يبكي زي الطفل وحاضن توبها لانو بشم ريحتها فيو
من جهة شهد:::
كانت مضايقه عشان م حصل اتكلمت مع مراد كده خصوصا انو حست بالانكسار ف صوتو بس م بتقدر ترجع لانو من يوم الحصل لا جاها ولا حتي اتصل يطمن عليها وقررت تعيش حياتها وترجع شغلها ف البنك
هي وقفتو قبل سنه عشان في واحد بضايقه ومراد طلب منها تخلي الشغل خلتو بس اسي خلاص زي م مراد شاف حياتو هي حاتشوف حياتها بتفكر كده جاتها مزن
مزن: شهد والله م عايزه اخليك بس امي متجرسه من عدم وجودنا
شهد: حبيبتي ارجعي وكل م تحسي بنفسك مشتاقه لي تعالي
مزن: يعني انتي جد جد م حاترجعي
شهد: لا انا خلاص حاشوف مستقبلي وارجع شغلي
مزن: بس مراد
شهد: مراد م عندو شغله بي اسي هو قريب حايبقي اب زي م بتمني يعني انا مافي حياتو
مزن: بس هو بحبك يا شهد عاوزه تخلي لي مرام
شهد: مزن حبيبتي انا كن م بعدت حانجرح زياده لان مرام معاها الكرت الرابح البخلي مراد يزيد من معاملتو الكعبه يعني اول مره شاكلني واتهمني اها لمن تجيب ليو الطفل ممكن عادي تحرشو يضربني او يطردني وانا ما عايزه اصل المرحله دي
مزن: انا زمان قلت ليك ماف ضره بتبقي اخت بس انتي كنتي مصره
شهد: كنت عايزه سعادتو بس وهو اسي مبسوط
مزن: وانتي
شهد: انت مالي انا رضيت بواقعي اني م حاكون ام في حياتي عشان كده حاخلق سعادتي بيدي فهمتي
مزن: والله يا شهد حيريتيني
شهد: وانتي سهرتيني يلا نومي عشان بكره عندي قومه بدري
شهد ومزن نامو حنمب بعض لان مزن كانت زعلانه لأنها حاتشتاق ليها
الصباح:::::
مرام صحت م لقت مراد جنبها نزلت تحت م لقتو مشت غرفة شهد وشافتو نايم وحاضن توبها هنا خلاص عايزه تولع بس مسكت نفسها ومشت صحتو
مرام: حبيبي اصحي
مراد: مممم شهد خليني حبه
مرام: مراد انا مرام م شهد
مراد: دايره شنو يا مرام
مرام: لي م جيتني امس ولي نايم هنا ودي شنو حركات المراهقين دي
مراد: مرام انا مصدع وما فاضي للكلام الكتير امشي غرفتك
مرام: انت امبارح شفت شهد صاح
مراد: اي شفتها وحارجعها كمان
مرام: طيب رجعها وانا بمشي اهلي لاني م بضمن المره الحاولت تكتل ولدي ممكن تكلتو تاني
مراد: مرام احسن تخفي من وشي
مرام طلعت وكانت زهجانه ومراد قام استحم وصلي ونزل صبح علي امو وقعد معاها
عند شهد:::::
صحت استحمت وصلت وطلعت ليها اسكيرت وبلوزه واكسسوار ومكياج خفيف وركبت عربيتها جاتها مزن قالت ليها وصليني البيت اول وصلتها ومشت البنك
مزن دخلت لقت مراد وامها ف الصاله سلمت عليهم
ام مراد: الجابك منو من الصباح كده؟؟
مزن: جابتني شهد
مراد: شهد وماله م دخلت
مزن: وتخش لشنو ؟؟
ام مراد:اجي يا بتي ده مش بيتها
مزن: بيتها قبل م تتهموها وم تخلوها تدافع عن نفسها وكمان انجدعت تلاته يوم ف المستشفي وم كلفتو نفسكم تصلوها
ام مراد: لكن يا بتي الحصل حصل وشهد طيبه وسامحتنا
مزن: هي سامحتكم بس م حاترجع
مراد: هي قالت كده
مزن: اي وانا ايدتها ترجع لشنو عشان الاتهامات المن مرتك ولا غشان تزله وتنضف ليها غرفتها وتغسل ليها ملابسها شهد اليله راجعه شغلها وحاتبقي اقوي من الأول وانت الله يهنيك بمرتك ووطفلك عن اذنكم ماشه غرفتي
مزن طلعت وف الممر لاقت مرام م اتكلمت معاها وطواليمشت غرفتها ومرام نزلت لقت مراد وامو ببكو لأنهم زعلانين من العملو
مرام: ف شنو مالكم
مراد: أمي أنا طالع الشغل
مرام: وانا بتتجاهلني يا مراد
مراد: لا بتجاهل ولا شي خلي بالك من نفسك
مراد طلع وكان زهجان طوالي مشا الشركه
عند شهد ::::
مشت البنك والمدير عشان من زمان بعزها وافق انها ترجع الشغل وحاتنزل من بكره مشت المكاتب وسلمت علي الموظفين البتعرفهم وبقو يتونسو مراد اتصل بيها بس أبت ترد وتاني حظرت رقمو زملائها قالو لبها نعزمك عشان نحتفل برجوعك وفعلا مشو كافتيريا جنمب البنك وفطرت معاهم واتونسو وبعدها رجعت البيت وكلمت أهلها انها حاترجع شغلها ووافقو لأنهم عاوزنها تغير جو
عند مراد ف الشركه ::::
علي: يا زول انا بتصل عليك وين انت
مراد: عاوز شنو
علي: مالك ؟؟
مراد: زهجان وقرفان من نفسي
علي: يازول قول بسم الله الحصل شنو
مراد: تتذكر الحصل من شهد داك
علي: الانت صدقتو صاح
مراد: علي انت زاتك بتتهمني
علي: اي لاني عارف شهد شنو وشهد انا بعرفها من قبلك وواثق انها م بتعمل كده ولمن حكيت لي غلطتك
مراد: اووووف ياخ يعني انا الغلطان
علي: وستين غلطان كمان انا لمن جيتك وقلت ليك شهد ف المستشفي تعبانه وبتهلوس باسمك انت عملت شنو طنشت تتذكر
مراد : واسي انا ندمان لانو شهد طلبت الطلاق
علي: كيف ؟؟
مراد: لاقيتها امس ف عرس اختها بس م كانت شهد البعرفها اتكلمت معاي بكل برود وفي نهايه قالت عاوزه ورقتها
علي: والله ما عارف اقول ليك شنو
مراد: علي م ممكن تقابلها وتقنعها ترجع لي
علي: ومرام حاتخليك
مراد: م عندي شغله بمرام ان شاء الله كن اجر لشهد شقه بس عايزها جمنبي
علي: طيب بحاول معاها
مراد: تسلم حبيبي ياخ
علي: انا طالع انت عليك شويه
مراد: اي عاوز اتأخر حبه
علي: طيب مع السلامه