رواية لا انجب
الفصل التاسع9
بقلم ساره محمد
مراد رجع البيت سلم علي امو ومشا غرفتو لقا مرام نايمه دخل استحم وصلي ونزل تحت امو ختت ليو الاكل
ام مراد: مالك يا ولدي وشك تعبان
مراد: والله يا أمي أنا حياتي بقت معكسه
ام مراد: انا السبب يا ولدي لو م اصريت انك تعرس م كان ده كلو حصل ومرام انا قايلاها مسكينه بس م طلعت كده
مراد: الحصل حصل يا أمي بس انا م قادر استوعب انا كيف قسيت علي شهد والله كل م اتذكر مزن وعلي لمن ضربو لي وحكو.لي بحالتها واني م مشيت شفتها قلبي بوجعني
وبقول اريتني كن مشيت كان اسي بتكون معاي
ام مراد: والله انا زاتي فقدتها كانت بتلم الناس للقهوة والونسه انت عارف من يوم مشت ونسوان اخوانك تاني م جو للقهوة وكلو بسبب مساخة مرام
مراد: اااه يا أمي والله انا مشتاق ليها
ام مراد: الله يلين قلبها وترجع
مرام: منو الحاترجع ؟؟
مراد: شهد
مرام: ولشنو ترجع العاقر
مراد: مرام احترمي نفسك
مرام: م بحترم نفسي وانا الحامل بولدك يعني مفروض تكون معاي انا فاهم
ام مراد: يا بتي م تعملي مشكله ساي
مرام: يا خالتي انتي م تدخلي انا بتكلم مع مراد
مراد: انتي كيف تتكلمي مع امي كده جنيتي
مرام: لمن تتكلم عن مرتك التانيه بالسمح وانا تطلعوني الكعبه دايرين اعمل شنو
مراد: م تعلي صوتك
مرام: بعلي عايز تعمل شنو تضربني
ام مراد: يا بتي روقي م تعملي مشكله
مرام: انتي السبب ف المشكله انتي البتملي ليو راسو عشان يرجع شهد
ام مراد م استحملت كلام مرام وقعت من طولها ومزن ومراد حاولو يصحوها م صحت ودوها المستشفي والدكتور قال الضغط مرتفع وجاتها جلطة
مراد ومزن قالو متجرسين ومرام كانت خايفه من ردة فعل مراد بس هو كان ساكت
عند شهد ؛؛؛:::
شهد كانت بتحضر ف التلفزيون قالت تتصل علي مزن تتونس معاها
شهد: ألوو مزونه كيف
مزن: شهد أمي أمي يا شهد
شهد؛ ماله أمي
مزن: أمي ف المستشفي تعالي
شهد : طيب طيب
شهد قامت لبست عبايتها سريع وساقت امها وطلعو المستشفي ومن دخلت شافت مزن متجرسه وحضنتها وبقو يبكو
ومراد ومرام واقفين بعيد شهد هدت مزن
شهد: حبيبتي أمي حاتبقي كويسه روقي
مزن: شهد أمي كن حصل ليها شي انا بموت
شهد: اشششش اهدي خبييتي
جا للدكتور وقال ليهم كويسه خشو ليها وأم مراد من شافت شهد حضنتها وبقت تبكي
وشهد اتجرست لأنها بتحبها زي امها
قعدو مع امهم ف الغرفه شهد ومزن جنمب ام مراد ومراد واقف بعيد معاو مرام
الدكتور جا وقال ليهم يكون معاها مرافق واحد مزن قالت بتقعد معاها ومراد
شهد: طيب يا أمي أنا خامشي بجيك الصباح تمام
ام مراد: طيب يا بتي فيك الخير
شهد: مزن خلي التلفون جنمبك حاتصل اطمن عليكم
مزن: طيب
شهد: يلا يا أمي
شهد ساقت امها وطلعت طبعا م اتكلمت مع مراد ابدا وهو م اتكلم معاها
مراد ساق مرام وداها بيت عمها ولحدي الان م اتكلم معاها لانو كان معصب
ورجع المستشفي طبعا هو ومزن علاقتهم متوترة
مراد: مزن مدام أمي نامت ارح الكافتيريا اكلي
مزن: م عايزه
مراد: مزن عليك الله م تزيديها علي ارح
مزن طلعت معاو ومشو الكافتيريا وكانت ساكته طول الوقت
مراد: مزن انا عارف نفسي غلطان
مزن: بعد شنو لو انت م عملت العملتو م كان مرام اتمادت وعلت صوتها في أمي ياتو يوم شهد اتكلمت معاها بالطريقه دي
مراد: شهد ماف منها وانا عاوز ارجعها البيت
مزن: هههههههه ضحكتني
مراد: مزن انا جادي عاوزاك تسامحيني انتي اول
مزن: انا م زعلت منك انا زعلت عليك
مراد: حتساعديني ؟؟
مزن: طيب
مراد: مزونه حبيبتي
مراد انبسط عشان اختو سامحتو اكلو ورجعو نامو مع أمهم
الصباح ::::::
شهد قامت استحمت ولبست فستان كحلي بالأبيض وركبت عربيتها اول مشت المستشفي دخلت الغرفه لقت مزن وأم مراد صاحين
شهد: أمي أصبحتي كيف
ام مراد: كويسه يا بتي
شهد: يلا شدي حيلك عشان تطلعي من هنا
ام مراد: ان شاء الله يا بتي
شهد: مزونه انا طالعه الشغل بجيكم المسا تمام
مزن : طيب حبيبتي موفقه
ام مراد: حاستناك انا
شهد: وانا ما بقدر اتأخر علي امي يلا معاكم سلامه
شهد طلعت ف الممر لقت مراد شايل الشاي
مراد: صباح الخير
شهد......
شهد م ردت عليو ومشت طوالي ومراد زعل ومشا الغرفه لامو
ام مراد: اريتك كن بدرت شهد اسي كانت هنا
مراد: اي شفتها
مزن: قالت بتجي المسا
مراد: تمام
مراد تلفونو ضرب وكان دي مرام
مراد: الو
مرام: حبيبي كيفك
مراد: تمام
مرام: وخالتي كيف
مراد: كويسه
مرام : حبييي الحمل تاعبني لو م كده كان جيت
مراد: خير انا مشغول حاقفل
مراد قفل الخط
مرام: شفتي يا عمتي احرجني
عمتها: تستاهلي انتي بدل قدرتي تطفشي شهد كان تبقي زيها
مرام: يا عمتي هم بحبوها انا اعمل شنو وانا اسي خايفه من مراد لانو انا السبب ف خالة امو وهو لحدي اسي م اتكلم معاي
عمتها: الله يستر ما يطلقك
مرام: لالا م بطلقني بس حايرجع شهد
عمتها: اها وخاتسكتي
مرام: اها اعمل شنو
عمتها: اتحججي بالحمل وانك تعبانه عسان يكون جنمبك
مرام: طيب يا عمتي
عند شهد:
قاعده ف مكتبها وشغاله جاها زميلها من زمان وكان معجب بيها
خالد: اوووو شوشو ليك وحشه
شهد: بلاكتر والله كيف انت
خالد: والله تمام قلنا م بترجعي
شهد: والله قلت الشغل اولي بي
خالد: زين م عملتي اها زوجك كيف
شهد: كويس حاننفصل
خالد: يا زوله لي؟؟
شهد: مشكله طويله
خالد: لو حابه احكي لي حاعزمك غدا
شهد: تمام
خالد: طيب بجيك بعد ساعه تمام
شهد رجعت لشغلها للساعه ٣ وخلصت جاها خالد
خالد: خلصتي
شهد: اي ارح
خالد وشهد مشو كافتيريا وطلبو الغدا
خالد: اها يا ستي احكي لي
شهد: ف الاول خليني انا اها كيف مع الزواج وعندك كم بيبي
خالد: شهد انا طلقت
شهد: لي ؟؟
خالد: انا اصلا م بحبها اتزوجها عشان انسي بيها بت حبيتها وم حبتني وبعد سنه من الزواج اتضح اني عقيم
شهد: لا حوله ولا قوه الا بالله
خالد: وهي لمن عرفت كده طلبت الطلاق وطلقتها
شهد: زعلتني والله معليش اصلو الدنيا م بتدينا كل السعاده البنتمناها
خالد: خليك مني انتي الحاصل عليك شنو
شهد: تقدر تقول نفس الشي انا عقيمه بس زواجنا استمر ٦ سنين بس كلام الناس كتر واصريت عليو اتزوج وفعلا اتزوج وبعد مرتو حملت حصل كم موقف واتهموني اني عاوزه اقتل الطفل فما استحملت رجعت بيت اهلي واسي رجعت شغلي
خالد: زعلتيني والله معليش كل شي قسمه ونصيب
شهد: خليك من دي دي منو الحبيتها وم حبتك
خالد: ههههههههه ما تدققي ف الكلام قصه وانتهت
شهد: امممم عجبني اسلوب التهرب
خالد: ههههههههه دايما بتكشفيني
شهد: خالد انا لازم امشي أمي ف المستشفي حاغشاها وامشي البيت
حالد: امك ماله؟؟
شهد: لا ما أمي أنا ام مراد
خالد: يعني رغم المشاكل بتواصلي اهلو
شهد: علاقتي مع امو في كفه وعلاقتي بيو ف كفه يلا عشان م اتأخر
خالد: طيب جيبي رقمك
شهد: طيب سجل عندك
خالد سجل رقم شهد واتصل عليها وهي ودعتو وركبت عربيتها واتحركت وصلت المستشفي. شافت علي ومراد جنمب البوابه
سلمت علي علي ودخلت
مراد: شفتها دي المره التالته تتجاهلني
علي: روق ده م وقتو
مراد: اووووف
علي: انا حامشي اتكلم معاها تمام
مراد: تمام
شهد دخلت سلمت علي ام مراد ومزن واتونست معاهم وحا علي بقو يتونسو للمغرب
شهد: يا اخوانا انا استأذن يلا يا أمي خلي بالك من نفسك بأي يا مزونه
علي: خليني اوصلك
شهد: ماف داعي ارتاح
علي : لالا ياخ ارح
شهد وعلي طلعو
علي: شهد ممكن نتكلم
شهد: علي كن حانتكلم ف موضوعنا ماف داعي
علي: اديني فرصه ارح الكافتيريا م باخرك
شهد: طيب
علي وشهد مشو الكافتيريا وطلب ليه قهوه
علي: شهد ممكن م تفكري ف الطلاق
شهد: والله اتاخرت لاني اخدت قراري
علي: بس ده م قرارك براك مفروض تدي مراد فرصه
شهد: وهو لي م اداني فرصه ادافع عن نفسي وريني
علي: م بنكر انو م غلطان بس محتاج انك تسمعي
شهد: علي مراد لقي سعادتو مع مره تانيه وبعد كم شهر سعادتو حاتكبر بولادة طفلو الكان بتمناه
علي: بس هو محتاجك انتي يا شهد م شفتي حالتو بقت كيف
شهد: علي عاوز تصل لشنو
علي : تدي فرصه يتكلم معاك
شهد: وانا م بقدر واسي بستاذن لاني اتاخرت
شهد طلعت من الكافتيريا ولقت مراد ف وشها عاوزه تمشي مسك يدها
مراد: والله بحبك
شهد فكت يدو ومرقت طوالي وصلت العربيه وبقت تبكي لانها كانت متمنيه انها تحضنو الساعه ديك مسحت دموعها واتحركت طوالي