رواية طريق الحب
الفصل الثامن8
بقلم جمانه السعيدي
عباس...ممكن انكون اصدقاء
شهد...اكيد ممكن انت احسن صديق بعد التجربه الي مريت بيها....
.ماسئلتك انت شلون عرفت المكان
عباس...من طلعتي مشيت وراج جنت حاس اكو شي
يله خل ننسى هذا الموقف المزعج
ممكن طلب ثاني
شهد...تفضل كول بسرعه لان لازم نرجع راح الوكت علينا
عباس....اريد رقم تليفونج بس لاتفهميني غلط
لمن امتنعتي عن الدوام قلقت عليج
وما كدرت اسئل عنج
اذا عندي رقمج اكدر اطمن على صديقتي
شهد...اوكي انطيني رقمك واني ارمش عليك وحفظ رقمي
وفعلا تبادلنا الارقام
جمانه السعيدي
وصلته للبيت ورجعت جبت عمي من الدوام
اما بلنسبه الابو شهد المنصب الجديد كان متعب علي بشكل موطبيعي
المدير الي قبله كان ياخر المعاملات وما يمشيه اله برشوه
فا ابو شهد لكه المعاملات متكدسه بشكل موطبيعي
كان يشتغل النهار كوله
ويجيب ويا جنطه متروسه معاملات للبيت ويسهر عليها
والشغل كلش مخربط كان محتاج منه جهد اضافي للعمل
وهذا الشي متعب بلنسبه اله
والمسوليه جبيره علي
اما عباس استغل فرصة الرقم عنده
وبدا يدز
صباح الخير مساء الخير ومقاطع مضحكه
ومرات شهد تتصل علي اذا تحتاج شي من الاسواق
شهد...هلو عباس
عباس...هلو صديقتي
بس هو ماجان يحس اتجاها احساس صداقه وانما يحبها بجنون بس خله جسر الصداقه بينهم حتى يكدر يوصل الكلبه بسهوله
شهد...محتاجه شويه شغلات من السوبر ماركة فارغ تاخذني
عباس...وحتلو موفارغ افرغ نفسي علمود صديقتي
بعد عشر دقايق تلكيني واكف بلباب
شهد...اوكي
شهد بدلة بنطرون وبدي ورفعت شعرها كبايه ونزلت كذله واخذت جنطه يدويه ونزلت
عباس لبس بدي سمائي وبنطرون ثلجي ورتب شعرا وطلع للباب ينتضرها
طلعت شافت عباس وبتسمت هلو صديقي
عباس...هلو صديقتي يله نروح
شهد...يله
جمانه السعيدي
وصلنا وبديت اجمع الاشياء الي محتاجتها اقلام ودفاتر
ومعطر عجبني وطوك وشفت السانتي وذكرت ماعندي اخذت واحد
عباس اني هم محتاج شوية شغلات وشفت سوار حلو بي اسم شهد على شكل حروف فضيه اشتريته
ولكيت خشم مهرج احمر جبير يثبت بلاستيكه اخذت اثنيين ورحت الشهد
عباس شهد الله عليج تعاي نلبس وناخذ سلفي
لبسنا اثنيينه وحنا نضحك واخذنا سلفي
بعدين هي لكت قناع الساحره الشريره
وجها ازرك وشهرها ابيض ويه شفقه
لبسته واجت تخوفني
اني انطيت الموبايل الولد بلاسواق
ياخذلنا صوره
هي رافعه اديها تخوفني واني على اساس خايف طلعت الصوره تخبل
جمانه السعيدي
ورحنا للمحاسبه حتى ندفع فلوس اني اجر العلاكه من ايدها اريد ادفع
وهي خجلانه لا اشوف السانتي
اني اسحبها وهي تسحبها لحد ما انشكت والغراض
ترست الكاع
شهد....غمضت عيونها وصاحت يبوووووي
عباس... هسه انتي خجلانه من هذا
اصلا اني اشتري الاخواتي من يخلصن ثاني مره بس كولي الويز واني اجيبلج
شهد...اسكت يمعود ولله عيب جاب علاكه وجمعهن وحاسب ودفع الحساب
وصعدنا بلسياره ومشينا
عباس...اني جبتلج هديه بس ممنوع ترفضينه
شهد...فوك الحساب الي دفعته جايب هديه
عباس... تفضلي
شهد....الله حلوووو مكتوب اسمي شكرا ياصديقي
عباس...العفوووو
شهد وصلنا للبيت ودعته وصعدت الغرفتي جان يدزلي الصور الي اخذناهن
يموووتن ضحك
ثاني يوم نزلت اروح للدوام جان اخر يوم قبل العطله علمود نقرا للامتحانات صف سادس
صعدنا اني وبابا وصل بابا
وبعدين وصلني للمدرسه وكتله اني هم جبتلك هديه بمناسبة صداقتنا ونطيته عطر
عباس...شكرا جزيلا
شهد...على فكره اليوم اخر يوم باجر تبدي نعطل علمود القرايه
عباس....لا بعد ما اشوفج قصدي تعودت عليج
شهد...راح نبقى نتخابر واعزمك على الغده او العشى بكيفك
عباس... موافق اوكي
شهد ثاني يوم اشتاقيتله ما اعرف ليش رغم جنت اضوج منه كولش احسه متخلف
بس من نحجي اني ويا احسه قريب على روحي
هاي اول يوم وشاقيتله
مااعرف يجوز تعود ويجوز لان قريب مني
لليل سويت بتزا ولحم بعجين وكلت الماما راح اعزم عباس ماكان عدها مانع
دزيلته رساله هلووووو
البتزا بنتضارك هيا تعال
عباس...شني اليوم قريش عازميني
شهد...نعم يارجل ان لم تاتي ستفوتك الوليمه
عباس...وهل احضر معي الشراب هههه
شهد معاذ الله يارجل نحن لانحتسي الشراب
احضر معك الببسي فهو غير محرم
عباس...حسنا ساحضر على متن حصاني
شهد....اياك ان تتاخر عجل يارجل
عباس...اني قادم يا امراءه ولم العجله
شهد....عيوني كتلنه الجوع ترا ناكل ونعوفك
عباس...دقايق انتضري ام بطن شويه وجاي
واشويه واجا عباس وجايب ويا ببسي وكعدنا كولنا ناكل
ونضحك وجانت احلى كعده
بقيت هاي الفتره بلبيت اقرا وعباس بين يوم ويوم يجينا
ومرات يجيب حلويات واجباس وعصاير
علاكه الاحمد ومحمد وعلاكه اليه يكول علمود يصير عندج واهس للقرايه
وبدت الامتحانات وداومت نمتحن يوم ونكعد يوم
عباس يدزلي بس صباح الخير يكول ما اريد اعطلج عن القرايه
وبليل تصبحين على خير
عباس تعلقت بشهد بشكل مو طبيعي بلبدايه جنت ماخذه شغلت عناد لان هي شايله خشمه
بس بعدين من تقربنا من بعض تاكدت اني احبه
واحبه بشكل موطبيعي
ليليه اخلي عطرها على المخده واحضنها وانام
اما بلنسبه الاهلي طول الفتره الي اشتغلت بيه بيت عمي ابو شهد
كل شهر انزل يومين الاهلي اليومين الي يكون بيهن عمي مجاز
ثالث امتحان وصلت شهد ورحت اخذلي فره وارجع عليها علما تخلص امتحأن
جان تخابرني ام شهد تكول شهد مفروكه رجله وواكعه بلمدرسه
ممكن تروح اجيبه
لان هي ماتكدر تعوف الجهال وحدهم
ادارة المدرسه متصله بيه علمود تحضر تاخذ بته للمستشفى
اني راسا شغلت السياره ورحت للمدرسه اشوف شنو الي صار وياها