روايةحبيبي المغترب
الفصل التاسع9
بقلم الاء
فطومه: هناء انا عمار ما ببدلو براجل تاني وانتي عارفه اني وافقت علي الزواج من عمر بسبب اصرارك ولاني عارفاك متعلقه بعمار الصغير عشان كده م تفتحي الموضوع ده
هناء: اسفه والله م قصدي
فطومه: انا نعست عاوزه انوم
هناء : طيب ممكن انوم معاك
فطومه: وراجلك
هناء: حايكون معصب شويه اخير ابعد
فطومه : تمام نومي تصبحي علي خير
هناء: وانتي من اهل الخير
عمر رجع البيت متأخر وشكلو لسه زهجان مشا غرفتو م لقا هنا قال احتمال مع امو مشا لامو
عمر: امي هناء وين
ام عمر: بتكون مع فطومه لأنها ودت ليها عمار وتاني م مرقت
عمر: طيب انا ماشي انوم
ام عمر: عاوزاك ف موضوع
عمر: م وقتو يا أمي مصدع شديد ماشي انوم
عمر مشا غرفتو حاول ينوم م قدر من الصداع بلع مسكن وبرضو م قدر قال امشي اصحي هناء تعمل ليو مساج مشا غرفة فطومه ودقا البباب فتحت ليو فطومه
عمر: فطومه كيف
فطومه: كويسه مالك انت عامل كده
عمر: مصدع شديد وكنت عايز هناء تعمل لي قهوه
فطومه : طيب دقائق اصحيها
فطومه: هنو هنو
هناء حاضنه عمار : ممممممم
فطومه: قومي عمر ده مصدع قال ليم تعالي اعملي ليو قهوه
هناء: اعملي ليو انتي م بقدر اتحرك عمار حايصحي
فطومه: طيب حاشيل عمار وانتي قومي
هناء: فطومه خلي وخليني انوم
فطومه طلعت لقت عمر قاعد ف الواطه
عمر عمر انت كويس
عمر: حيلي ميت م قادر اقوم
فطومه ؛ طيب أسند علي اوصلك غرفتك
سندتو وودتو الغرفه
عمر: فطومه راسي بتكسر جيبي لي قهوه
فطومه: طيب حامشي اسويها ليك
فطومه مشت المطبخ سوت ليو القهوه وجابته لقتو ماسك راسو وعيونو حمر
فطومه: هاك اشرب بتريحك
عمر: ممكن تخليك معاي حبه
فطومه : لكن عمار
عمر: هناء معاو بس انا م داير اكون براي عليك الله
فطومه: طيب اشرب قهوتك
عمر شرب القهوه ولسه ماسك راسو
فطومه: انت كويس
عمر: فطومه ممكن طلب
فطومه: شنو
عمر: انا لمن يحيني الصداع الا مساج بالزيت عشان يروح ممكن تسوي لي
فطومه طيب اقعد ف الارض وانا حاجيب الزيت
عمر قعد ف الارض وفطومه ف السرير وبقت تعمل ليو مساج ف راسو هو استرخي شديد من حس بالنعاس
فطومه: بقيت احسن ؟؟
عمر: مممم احسن كتير ممكن شويه كمان
فطومه قريب الساعه بتعمل ف المساج لمن نام وكان متكي ف طرفها حست بيو ارتاح
فطومه: عمر قوم ارقد ف السرير
عمر: مممم طيب
قام سندتو ورقد ف السرير غطتو جات مارقه مسك يدها
عمر: شكرا
فطومه: عفوا
وطلعت مشت غرفتها وهناء لسه نايمه طوالي نامت
عمر كان مبسوط اول مره فطومه تكون قريبه ليو كده لكن لسه بفكر ف هناء هي عارفه قصتو مع فطومه لي م عملت شي
بقي يفكر لمن نام
صباح اليوم التالي؛؛؛؛
فطومه صحت استحمت وصلت وبقت تقرأ ف القرآن لحدي م هناء صحت
هناء: صباح الخير
فطومه: صباح النور
هناء: شوفي عمار لسه نايم
فطومه: هههههههههه انتي مغتسه جوه ضلوعك
هناء: هههههههههههه احساس
حلو شكلي حاشيلو تاني ينوم معاي
فطومه: ههههههههه طوالي
هناء : صحي انتي امبارح صحيتيني لشنو
فطومه: عمر جا دق الباب كان عاوزك تعملي ليو قهوه لانو كان مصدع
هناء: انتي جاده
فطومه: صحيتك كتير م صحيتي مشيت عملتها ليو
هناء: طيب حامشي اشوفو
فطومه: وانا حانزل لخالتي تحت
هناء مشت الغرفه ولقت عمر لسه نايم دخلت استحمت وصلت عمر صحا
هناء: صباحو حبيبي
عمر: صباح النور امبارح مالك نمتي مع فطومه
هناء: كنت بلعب مع عمار وشكلي نمت
عمر: مممم كويس
هناء: وانت كيف اسي فطومه قالت كنت مصدع
عمر: اي كنت مضايق شديد بس فطومه عملت لي قهوه ومساج ارتحت ونومت
هناء : ايوا كويس انت زعلان مني صاح
عمر: اكيد زعلان
هناء: حبيبي انا اسفه والله عشان بحبك
عمر: هناء كل الحاقولو ليك انك انانيه تمام انا ماشي استحم
هناء زعلت من كلام عمر وعمر دخل استحم وصلي وبدأ يجهز للشغل هناء نزلت لقت فطومه وأم عمر واخواتو بشربو ف الشاي صبحت عليهم وقعدت وكان باين انها زعلانه
عبير: مالك اليله يا هنو
هناء : ماف حاجه
ام عمر: عمر وينو
هناء: بلبس نازل
فطومه قاعده جنب هناء همست ليها
فطومه: هنو انتي كويسه
هناء: ممم كويسه اديني عموري أصبح عليو
فطومه: هاك خليني اشرب الشاي بمزاج
هناء شالت عمار وبقت تلعب معاو عمر نزل وصبح عليهم وكان شكلو زهجان
ام عمر: اقعد اشرب شاي
عمر : م عاوز يا أمي اتاخرت
ام عمر: با ولد لسه الوقت بدري اقعد عليك الله
عمر قعد بقي يشرب ف الشاي وساكت حتي عمار م شالو
هناء : عمر حبيبي م صبحت علي ولدنا
عمر: جيبيو
شال عمار وبقي يلعب فيو شويه وختاه
عمر: انا مارق عاوزين حاجه
ام عمر: سلامتك
عمر طلع وكان نفسو يتكلم مع فطومه ويشكرها رسل ليها رساله
[ شكرا علي امس ]
ردت[ العفو]
وقفلت التلفون وانشغلت مع هناء ف الفطور وكده عمار بقي يبكي شالتو ودخلت بيو الغرفه
وبقو قاعدين هناء وأم عمر
هناء: يا ماما كن شفتي امبارح عمر جاني ف غرفة فطومه كان مصدع وفطومه حاولت تصحيني وانا أبيت اقوم مشت عملت ليو قهوه ومساج
ام عمر: يعني قربو من بعض
هناء: م عارفه لكن شكلها م باتت معاو لاني صحيت بدري لقيته نايمه
ام عمر: اها حاتعملي شنو
هناء : موقف ورا موقف حايقربو م تخافي
ام عمر: خايفه فطومه تزعل
هناء: يا ماما هي مرتو البزعلها شنو
ام عمر: لكن هي م نست عمار
هناء: عارفه يا ماما لكن ده الواقع
ام عمر : طيب