رواية منتصف العمر
الفصل التاسع9
بقلم جمانه السعيدي
مختار...كعدت بصفها على الجربايه وباب الغرفه كان مفتوح
مختار.... انتي جوعانه
احلام...اي اني ما تعشيت امي هسه اجيب اكل اروح وياها
مختار....لا اكعدي هي هسه تجي
احلام....اني عروسه اليله بس يصير اكل مو
مختار...اي انتي عروسه
احلام....اني حلوه
مختار...اي حلوه
دخلت خالتي جايبه العشى كعدنا اني واحلام وخالتي كعدت كبالنا
مختار....بسم الله يله اكلي احلام
احلام..اي اني اكل هسه يمه اكلي ويانا
خالتي...اني تعشيت احلام حبابه تسمع كلامك
ماما احلام اسمعي كلام زوجج اي شي يكول علي كولي
صار تدلل
احلام....اي صار تدلل
كملنا اكل اني وخالتي نسولف واحلام بس تباوع علينا بعيونه
اخذت خالتي الصينيه وطلعت واني رحت اغسل
خالتي...احلام روحي للصحيات وغسلي وتعاي
احلام...اي
مختار...نزعت الدشداشه وبقيت بس بالسروال والفانيله البيضه
.صعدت اني على الجربايه وتغطيت الحد بطني
شويه ورجعت احلام خالتي دخلت وياها
نزعته الروب بقت بس بالثوب الداخلي ثوب طويل ابيض
احلام....استحي اريد البس الروب
خالتي...مايصير انتي عروس
مختار...عوفيها براحتها خليها لا بسه الروب
رجعت لبست الروب خالتي طفت الضوه وسدت الباب وطلعت
احلام....خل الضوه مشتعل اخاف
مختار....كومي اقفلي الباب واشعلي الضوه
احلام...صار
كامت قفلت الباب وفتحت الضوه رجعت كعدت على الجربايه
مختار...تنامين
احلام....اي انام هنا على الجربايه
مختار...اي هنا نامي بصفي
تمددت بصفي واني غطيتها
مختار....تعرفين شنو زواج
احلام....اي اني عروسه اني زوجتك
مختار...وبعد شنو تعرفين عن الزواج
احلام....انام هنا يمك على الجربايه اني زوجتك
مختار....حسيت نفسي من عالم وهي من عالم ثاني
بريئه كلشي ماتعرف
مستحيل أقرب عليها خطيه
مختار....نامي انتي تعبانه
احلام....اي اني تعبانه
غطيتها ماكو أقل أربع دقايق راسا نامت وراحت بسابع نومه واني بقيت اتكلب بلفراش
ياترى هذا الزواج صح لو غلط اني راح اغتصب برائة هاي المسكينه كلشي ماتعرف عن الزواج غير البدله البيضه
تكلبت بلفراش منا لمن رحت بلنوم
الصبح كعدت على صوت خالتي تسولف على صالح
فتحت عيوني شفت احلام رابحه بسابع نومه
والغطى طايح عنها وجسمها مكشف
غطيتها وكمت طلعت
جمانه السعيدي
خالتي...صباح الخير صباح العافيه هله بعريسنا مبروك
مختار...هله الله يبارك بيج
صالح...مبروك اخوي
مختار...يوم الك
دخلت للصحياة وخالتي دخلت غرفتنا بس شافت
احلام نايمه بهاي الطريقه
رفعت عنها الغطى عرفت اني ماقربت عليها ولا لمستها
طلعت من الغرفه ضايجه
طلعت اني جان توكف بطريقي خالتي
خالتي....هااا مختار شصار
مختار.. كلشي ماصار
خالتي...ليش كلشي ماصار ما سلمتك نفسها عاندت وياك
مختار....لا بلعكس كانت منتهى البرائه
خالتي... وبعدين
مختار...ليش مستعجله احلام زوجتي واكيد راح أقرب عليها بس محتاج وقت حتى اتعود عليها وتتعود عليه
خالتي.. خاف ماعجبتك
مختار....هههه شلون يعني ليش ما تعجبني
خالتي...كلت خاف غيرت رائيك
مختار....لاماغيرت رائي احلام زوجتي واني ما مستعجل على شي
كعدت احلام وطلعت من الغرفه بثوب النوم
احلام...صباح الخير
خالتي...صباح الخير يله ماما بدلي حبيبتي
احلام....اي هسه ابدل
مختار....ليش ضجتي ترا اني موجود مراح اشرد
واني ازوجتها عن قناعه محد جبرني عليها اطمني
راح يصير الشي الي تردي بس اصبري علينا
كعدنا نتريك اني وياها وصالح وخالتي
كملنا اكل اجا ابوي جايب ريوك وجاي
مختار...تريكنا نطلبك غده
ابوي...تدلل غده وعشى
دخلت ابوي بالستقبال وخالتي راحت اجيب جاي
ابوي...هااا بشر كلشي تمام
مختار...اكيد كلشي تمام اني ابنك ارفع راسك
ابوي...مبروك الف مبروك
مختار.. الله يبارك بيك
شويه وطلع ابوي وطلع صالح
خالتي...اني مراح اطمن اذا ماتاخذ احلام اخاف تغير رائيك
مختار...خاله شبيج البنيه بريئه كلشي ماتعرف
اريدها تتعود عليه اني وين رايح هياتني كبالج
الساعه ١١ اجو عليه جماعتي من المدرسه يباركولي
طلعو قبل الاذان بشويه
تغدينا كلنا سوا رجعو اجو عليه جماعتي من بعيد
منا للمغرب يله طلعو بس تعشينا اجو عمامي يباركولنا
طلعو الساعه عشره بليل
بس طلعو رحت دخلت صحياة رجعت للغرفه
لكيت احلام لابسه سيت احمر وفاتحه الشعر وخالتي كاعده يمها بس دخلت خالتي طلعت
التفت على احلام وكالت مثل ما وصيتج
احلام...اي
مختار...اجيت أسد الباب اطلعين تغسلين
احلام...لا غسلت
طبكت الباب اجيت اطفي الضوه
احلام...لا اطفي الضوه اني اخاف من الضلمه
مختار...تمام راح ابقي بس الضوه الاحمر
احلام...اني طالعه حلوه
مختار...صعدت على الجربايه اي طالعه كلش حلوه
احلام....امي تكول لازم انام بصفك
مختار.. تعاي نامي بصفي
احلام...ريحتي طيبه
مختار...اي
جمانه السعيدي
قربت عليه كلش صارت بصفي
احلام...امي تكول لازم تنطينه نفسج هيج اني انطيتك نفسي
مختار....اي بلضبط هههه
احلام....هاك الزم ايدي حتى تاخذ نفسي
مختار....هههههه وين اخذ نفسج
احلام.... اي شلون تاخذني غير تلزمني امي تكول مو اني اروح اصيح امي تفهمك شلون تاخذ نفسي لان اني ما افتهمت منها بس هيه تحجي حجي عيب اني مااقبل واحد يحجي حجي عيب
انت حباب ما تحجي حجي موحلو
مختار... جيبي ايدج لزمتها
فتحت ايدي تعاي نامي على ايدي هيج اني اخذتج
هسه اني اخذت نفسج تمام مرتاحه
احلام...اي مرتاحه ريحتك طيبه
مختار...انتي هم ريحتج كلش طيبه
كانت مستسلمه تمام يمكن لو احركها هم تبقى منتضره أشعل عود الكبريت وهي تباوع عليه مستسلمه بشكل مو معقول
قربت عليها بدون مااذيها
بس هي خافت مني كامت تبجي
كمت طلعت برا صحت خالتي تجي تشوفها
بقت خالتي تهدي بيها حتى ماخلتها تشوف الدم
غيرت ملابسها بسرعه
ماتريدها تشوف الدم حتى لا تخاف
اخذتها للحمام سبحتها ورجعتها للغرفه
غطتها حتى تنام واني هم نمت خالتي طفت الضوه وطلعت
جمانه السعيدي
ثاني يوم الصبح خالتي الضحكه شاكه وجها
كانت خايفه لا اتندم واعوف احلام
بس هسه اطمنت كلشي تمام
اني هم لازم اتعود على هذا الوضع خالتي مراح تبقى
تدخل حتى بلعلافه بينا لازم تطمن كلشي تمام
جمانه السعيدي
بدت احلام تتعود عليه وما تخاف مني اول ماادخل من برا
تجي تركض عليه تاخذ ايدي وتبوسها
واذا جايب وياي شي مسواك او دفاتر حتى اصححهن
او جنطه تأخذها مني
اجيبلي الاكل بس اكول جاي دقيقتين الجاي جاهز
تخدر جاي عالمي أطيب جاي شربته بحياتي
يوميه تغير جرجف الجربايه
الغرفه كل الوقت مرتبه ونضيفه
احلام ٢٤ ساعه نضيفه ملابسها نضيفه شعرها ريحته طيبه
ولا اذكر مره اجت تنام بليل بنفس ملابسها الي لابستهن بلنهار لازم تلبس شي مال نوم
وتخلي عطر وتتمكيج
كمت اشوف الأشياء الحلوه بشخصيتها
كمت اتعود عليها وتتعود عليه
زوجه كامله متكامله ماتفرق اي شي عن باقي النساء
فقط ماكو لغة حوار بينا
حجيها مثل الاطفال حنينه وطيبه
روتينيه وتلقائيه ومطيعه الابعد حد
بعد مرور تلث اشهر على زواجنا طلعت احلام حامل
رجعت من الدوام وجان خالتي تكول احلام مريضه العصر
اخذها للعياده
طبعا خالتي كانت شاكه بموضوع الحمل لان هي عدها خبره
بهيج شغلات
وهم تعرف موعد الدوره الشهريه
العصر اني بقيت نايم وخالتي اخذتها وراحت للعياده
من رجعت اول مادخلت للبيت خالتي كامت تهلهل
رفعت راسي طشت عليه جكليت
خالتي...مبروك الف مبروك انشاء الله الولد الصالح
مااعرف شنو شعوري بهاي اللحظه
فرحان بس خايف اي ليش انكر كلش خفت
خاف يطلع ابني مثل احلام
بمكان ماتكون عندي احلام خاف يصيرن ثنيين
دعيت ربي من كل كلبي يطلع ابني معافى وماعنده تخلف عقلي
كلشي بيد رب العالمين هو القادر على كل شي