رواية العواطف تقهر العواصف الفصل السابع عشر17 والثامن عشر18 بقلم نورا محمد على

كان يضعها علي الكنبة التي حولها الشباب الي فراش  وخرجوا 

عندما كانت تفكر  في قوله    انت وزنك خفيف اوي يا حبيبتي 

نهال  في عقلها حبيبتي تاني انا متأكدة  انه قالها  امبارح  هو يقصد ايه ا ممكن يكون عادي ببقولها لاي حد  ولا  ايه  لا لا ما تخليش عقلك يروح لبعيد  انت بالنسبة ليه  مجرد طالبة  ولاعبة كويسة   اه هو كده   اكيد مش حاجة تانية 

اخرجها من تفكيرها عندما لامس جسدها الفراش   شعرت بالخجل وتلون وجهها 

ذياد ايه اللي تعبك  ثم مد يده ليمسح دمعة فرت من عينها  ولامس بأبهامه علي خدها 

نهال أ أ ابدا مفيش  

ذياد مالك يا نهال  الخابطة جت جامدة   لدرجة دي 

نهال لا  انا بس عندي  مغص من الصبح 

ذياد  طيب ليه  قبلتي اني اوجهك  ليه ما قولتيش تعبانة  

نهال خوفت لا تفهمني غلط  او تظن زي ما قولت الصبح  اني بتكبر علي المكان  ونزلت دمعة اخري  عندما تذكرت كلامه القاسي معها هي ليست ضعيفة ولكن هرموناتها مختلة الان 

ذياد  لدرجة دي  عاملك رعب انت لازم تعرفي اني بأسي عليكي عشان انت تهميني انت مميزة  ولازم تفضلي مميزة  يا حبيبتي 

نهال  في عقلها لا كده  لازم اسال هو حضرتك  بتنادي الكل  حبيبتي  

ذياد  لا طبعا  مش الكل الخاصة  تحبي اجيب لك دكتور 

وهنا ارتبكت فيما يعني 

نهال لا ايه لا انا بس عاوزة عفاف وحنان   محتاجة انام 

ذياد ابتسم بعد أن وضحت الصورة  لقد فهم ما  يتعبها   

ذياد اتصلي بيهم    ولا تحبي اكلمهم انا 

نهال لا  شكرا  انا  هتصل بيهم   كانت تمسك التلفون لترن  عندما تحرك الي الكاتل واعد لها مشوب دافي   

عفاف  انت فين يا نوشة   كل دا في التمرين 

نهال تعالي خديني انت وحنان 

عفاف مالك يا قلبي   

نهال انت عارفة 

عفاف  طيب  حالا  هكون عندك   

ذياد  اتفضلي دا مهدا هيريحك 

نهال شكرا يا كابتن  واخذت منه   كانت  تشربه وهو يتابعها    وما ان انتهت حتي شعرت بالاسترخاء  وخفت التقلصات 

ام عفاف وحنان يقفون أمام باب القاعة   

فادي اتفضلوا   الكابتن ادي تعليمات بدخلكم ونظر لحنان  بابتسامة 

عفاف نهال فين  

عاصم أشار الي غرفة الكابتن 

فادي    من هنا    وفتح الباب بعد أن طرقه  

عفاف  اقتربت منها حبيبتي مالك   

حنان قولت ليكي بلاش  كان هيحصل ايه لو اعتذرتي  كان  يعني هيطردك من الجنة 

عفاف   حنان مش وقته  طلعي الحقنة  وجهزيها  

كان ذياد يتابعها  وهي تخرج  السرنجة   فهي تبدوا محبة لصديقتها  رغم لسانها اللسليط

ذياد دا بوسكبان   هزت رأسها  

نهال وهي تحاول ان تنهض  الي الحمام    ساعدتها  عفاف   رغم رفض نهال    وخرجت  وقد خف الألم 

ذياد  هترجعي السكن تحبي اوصلك 

نهال لا عندنا محاضرة مهمة  حضرتك هتحدد   المنهج 

ذياد روحي ارتاحي يا نهال  وانا هحدد ليكي بعدين  

عفاف  بجد  شكرا يا دكتور 

نهال بس انا بقيت كويسة  

ذياد  ابتسم بطلي عند يا بنت المجري  

نهال  مش عند انا  ارتحت هخلص المحاضرات ولو تعبت هروح   بس مش هاجي الجيم النهاردة  وكمان التمرين بكرة 

ذياد  مش مشكلة  المهم انت   سارت مع  زميلاتها  الي الخارج وهو يتابعها بعينه 

فادي  سلامتك يا كابتن  

نهال ابتسمت له 

عاصم لا اجمدي كده البطولة  قربت  

نهال ان شاء الله  

ام فادي ابتسم لحنان    فادعت انها لم تراه ولكنها كانت تشعر برعشة بين ضلوعها 

وما ان خرجت معهم حتي قالت حنان 

حنان هو في ايه  ما الكابتن حلو اهو وبيلطف    وروحي وهحدد ليكي بعدين   دا انا لولا اني اعرف  كويس انه جد ومش  ليه في اللوع كنت قولت   ولا بلاش 

عفاف  فعلا 

حنان امال  محسسني  انه هولاكو ليه   

نهال انا قولت كده  ابدا    دخلت معهم المدرج  وجلست مكانها  

ام هو أخذ يشرح   وهو ينظر لها بين الحين والآخر 

بعدها بدأ يحدد  النقاط المهمة  في الترم   

سألته سؤال  فابتسم لها ورد عليها  ورد علي غيرها   

نهال يعني النقطة دي مش هتيجي 

ذياد  لا   حاجة تانية   حد عنده اي سؤال   وبعد قليل انتهت المحاضرة  

خرج الجميع  ولكنه نظر لها بأن تبقي   وما ان خرج الجميع  حتي سال  انت كويسة  الوقتي 

نهال اه  تمام  

ذياد  طيب محتاجة حاجة 

نهال لا  شكرا يا دكتور   بس ممكن ما عرفوش اجي  التمرين  بكرة  زي ما قولت لحضرتك

ذياد  مش مشكلة  خلي بالك من نفسك  ثم  خرج 

حنان والله الموضوع في أن

نهال لا ان ولا كان 

عفاف  دا اللي يشوفك الوقتي ما يشوفكيش  من ساعتين 

نهال كنت بموت  

حنان بعيد الشر 

انتهي اليوم وغيره  وانقطعت ثلاثة أيام عن التمرين   والجامعة  ولذي رجعت الي البيت  

 قضت عدت أيام   في دفئ عائلتها  واهتمامها  كانت تقضي اليوم في المذاكرة  والاسترخاء    

اتصل بها ليسأل عنها    يوم الجمعة  كانت تعد حقيبتها 

ذياد الو و  نهال 

نهال أيوة يا دكتور 

ذياد انت كويسة الوقتي  صحتك عاملة ايه 

نهال اه الحمد لله تمام 

ذياد  مش حضرتي  محاضرات  من يومين   قلقت عليكي  كنت عاوز اطمن عليكي  من يومها بس قولت اسيبك ترتاحي 

نهال اصلي لما لقتني تعبانة  سافرت  واكيد هركب النهاردة القاهرة  

ذياد  طيب يعني انت كويسة   

نهال اه انا كويسة

انهت المكالمة وهي تفكر  ما الذي تشعر به لما تشعر بالخجل كلما كلمها   لما تفكر  في كلمته  وترددها بين نفسها 

حبيبتي كأنها تتزوق الكلمة علي شفتيها 

ام هو كان بين الحين والآخر بنظر الي صورتها في محفظته 

اجل تلك الصورة  التي أخذها منها منذ شهور  وقت ما  عمل لها كارنية اشتراك الجيم 

ومن وقتها وهي لا تفارق جيبه  هو نفسه لا يعرف ماذا حدث له  منذ متي يتصرف كمراهق غر ربما منذ أن رأي ابنت المجري   وتباري معها 

ام هي انهت  ما تفعله وخرجت من غرفتها لتقبل امها وجدتها التي دعت لها بالزوج الصالح  ثم قبلت اخوتها الاصغر  وذهبت مع والدها الي السيارة  التي قادها الي المحطة  وهو يتكلم معها ويتبع عليها أن تتصل به في اس وقت ان احتاجت شئ 

فتحي نهال  عاوزك تخلي بالك من نفسك وتهتمي  بصحتك اكتر 

نهال  حاضر يا بابا  ما تقلقش 

فتحي  ازي عاوزني ما قلقش انت كنتي معايا  النهاردة  بكرة رجعتي تعبانة  

نهال بابا انت عارفني كويس   ارهاق وتعب البطولة وكمان   تعبت  مش اكتر 

فتحي  سلامتك  من التعب  يا حبيبتي اوصلها الي حيث مقعدها  وقال  ابقي سلمي علي ذياد 

نهال هزت رأسها وابتسمت له  

مر الوقت وكانت تصل الي السكن تحمل حقيبة ال طعام  وتجر حقيبتها 

جلست تنتظرهم حتي يأتون    أخرجت  كتاب لتزاكر  

بعد وقت كانت يجلسون جميعا يتناولون الطعام   وبعدها سهروا ليذاكروا معها لقد اقتربت امتحانات  الترم 

وفي الصباح  استيقظت  مبكرا  صلت  وأتجهت الي صالة التمرين  

كانت تتمرن عندما دخل  اخذ ينظر لها  لا لم يكن ينظر بل كان يأكلها  بعينه   اقترب منها 

ذياد حمدلله على السلامة  نورتي المكان 

نهال  ابتسمت له وقالت الله يسلمك  المكان منور بيكم 

ذياد شايفك نشيطة  النهاردة  

نهال ابتسمت له وقالت بحاول اعوض الايام اللي فاتت    فقال كملي  دخل الي مكانه الخاص  ابدل ملابسه  وخرج يتمرن  

بعد وقت دخل اياد القي السلام  واتجه ليتمرن   وهو يتكلم مع ذياد 

اياد صباح الخير يا أسطورة  ايه  ليه ما صحتنيش 

ذياد  وهو يتمرن  حبيبي قولت اسيبك تاخد كفابتك من النوم 

اياد  حبيبي   ازيك يا كوتش  

كان الكلام لنهال التي اخذت تعمل علي الرسن ولم  تستمع له 

اياد   ايه يا كوتش مش قولنا  خلاص    عندما لم ترد   قال نهال انا بكلمك علي فكرة 

نهال انا معلش ما سمعتش  في حاجة  

ذياد  بيقولك ازيك 

نهال الحمد لله شكرا حضرتك  وأكملت ما تفعله    وما ان انتهت  حتي اعطها ذياد   تعليمات  اخري  فعلتها وبعدها استعدت لتذهب

مرت الايام ما بين التمرين والدراسة وبدأت الامتحانات   وكان يناقش معها  ما أجابت  به 

ذياد  برافو  هايل 

نهال  يعني كويس 

ذياد طبعا يا حبيبتي هتقفلي المادة  ودا اللي لازم  في كل المواد التانية 

نهال ايه 

ذياد  انا مش هقبل اقل من الامتياز  

دخل اياد والقي  السلام   وقال هو ذياد كده يحب   كل حاجة كامل   

نهال  لم ترد عليه  

اياد قلبك ابيض  واللي فات مات 

نهال  هزت رأسها  ولم ترد ثم قالت تمام يا كابتن انا هستاذن

ذياد ابتسم لها وقال اتفضلي  بس ركوب في المادة اللي جاية 

مرت الايام وانتهت الامتحانات  

رجعت الي بيتها هي في إجازة  لمدة ١٥ يوم 

ولكن  هل يستطيع ذياد علي  البعد. 

مرت عليه الايام وانت عصببته  

كان يخرج من الفيلا عندما أوقفته امه  

عزة  ذياد  مالك 

ذياد  ما فيش 

عزة متاكد 

ذياد أيوة يا ست الكل بس ضغط شغل

عزة  طول عمرك عندك ضغط شغل  اللي انت فيه دا ضغط  حب  

ذياد  ايه 

عزة مش ايه  الإجابة  مين يا زيزو  اللي شقلبت كيانك 

ذياد  بعدين  يا زوزة 

عزة ما تهربش مين 

اياد  اقسم بالله ما قولت حاجة 

ذياد ههههههه 

اياد بتضحك 

ذياد  اصلك لسه قابلها الوقتي قال أقسم بالله ما قولت   

عزة  يعني هو عارف وانا لا  

ذياد  الموضوع انها  لسه صغيرة 

عزة قد ايه 

ذياد  ١٩ 

عزة وفيها ايه  انت في عز شبابك  ومليون واحدة تحلم  انك تبص ليها مش تتقدم  

ذياد  الموضوع اني مش عاوز استعجل  

الام تستعجل ازاي انت عندك ٣١  سنة يا زيزو وانا عاوزة افرح بيك  

ذياد  اصل ..

الحلقة الثامنة عشر 

العواطف تقهر العواصف 

بقلم نورا محمد علي 

عزة  انت عندك ٣١ سنة  وهي بتقول ١٩ يعني الفرق مش كبير  اوي زي ما انت  شايف  

ايلد وبعدين ايه يعينك انت راجل في عز شبابك  ومليون واحدة  تتمني بس بصة منك 

الام اه قوله  دا انت قمر ولا نجوم السينما  ومليون واحدة  تتمناك

ذياد  اصل  انت مش  فاهمة يا ست الكل   انا مش شايف حد في المليون دول  وبعدين  انا لسه  معرفش مشاعرها 

عزة  ايه  

اياد  بس حاسس اسلوبها معاك مختلف   وكمان أوقات بيبان الخجل في عينها لم تبص عليك 

ذياد انا مش مستعجل 

الام نخطبها بس 

ذياد  يا ماما نهال من المنصورة   وبعدين بابها كابتن فتحي المجري  يعني لو قولت عاوز اخطب بنتك  هيمنعها تتمرن معايا  وانا بصراحة مش هقبل انها تسيب التمرين 

الام  مش هتقبل ولا ومش هتقدر 

ذياد الاتنين  يعني مش هكدب وتخلي بدل عرفتي الموضوع 

الام طيب ايه  اللي يخليه بعمل كده  المفروض يطمن انك هتخاف عليها  

ذياد حسيت ان عارف اني بحبها  كأنه بيبص جوي قلبي وشافها مكتوبة فيه  ومش عارف رد فعله  ولا رايها وبعدين انا ممكن استني   حتي  لو السنة دي 

الام ماشي السنة دي تنتهي ونخطبها  ونتجوز  بعدها   علي طول 

ذياد مستعجلة يا زوزة  عاوزة تخلصي مني 

عزة  عاوزة افرح بيك يا قلب زوزة

كانت نهال  تشعر بالوخم فلقد اعتادت علي التمرين  مع ذياد  ولا تدري ما وحشها أكثر التمرين معه ام هو  نفسه 

كانت كل ما وجدت نفسها تفكر فيه تنهر حالها   وتقسوا عليها في التمرين   وعقلها  يسأل لما هو  دون غيره 

ولكن هي تعرف انه ليس قرار عقل 

ولا انبهار بصورة  ولا نجم عالمي في مجال تعشقه  

انها تلك الخفقة المختلفة كلما تكلم معها بهدوء كلما تبهها الي شئ   او كلما تلاقت نظرتهما 

واه منه عندما يقول حبيبتي   

كانت تتمرن كونغوفو عندما رن هاتفها    كان هو وكأن تفكيرها به انتقل إليه  

نهال الو و  كابتن ولكنها هذه المرة لم تكتفي باللقب  وأكملت  ذياد 

ذياد اخذ نفس طويل  وكأن  نطقها باسمه  جعل قلبه يرقص جعل خفقاته  تختل 

نهال كابتن ذياد انت  معايا 

ذياد  أيوة يا حبيبتي معاكي  بتنهجي ليه  

نهال يتمرن  

ذياد برافو  مع المجري 

نهال لا  بابا مش هنا  

ذياد سلمي عليه وشدي في التمرين شوية  

نهال   حاضر  كنت عاوزني 

ذياد طبعا عاوزك   بقولك النتيجة من الكنترول   ممتاز  كل المواد 

نهال بجد احلف 

ذياد  وحياتك 

نهال   وكأنها تحولت من تلك الطفلة الي حواء هي لن تكتفي بالقلق والأرق  الذي تعيشه

 هي تريد شئ اي شئ يأكد لو من بعيد علي اهتمامه بها  كانثي  وليست لاعبة  فقط 

نهال علي أساس أن حياتي تهمك  

ذياد انت عارفة 

نهال عشان  لاعبة كويسة بس 

ذياد لا  مش بس عشان لاعبة كويسة 

نهال طيب  ليه 

ذياد انت عارفة يا نهال  

نهال لا مش عارفة  

ذياد  طيب مش حاسة يا قلبي 

نهال قلبك 

ذياد بتسألي يا بنت المجري  سكتت ولم ترد 

وكان قلبها يرقص بين ضلوعها   

ذياد  رحتي فين يا  حبيبتي 

نهال  هقفل 

ذياد  دا رفض 

نهال  لا طبعا  اقصد   ا ا   يعني 

ذياد خلاص يا قلبي بلاش ترتبكي   انا بس حبيت اطمن  عليكي  وبلغك النتيجة 

كانت تتنطط من الفرحة  فهو يشعر بما تشعر به  

ولكنها انتبهت الي نفسها واخذت تكمل التمرين  

دخل فتحي  الي المكان    وقف يتابعها  ثم قال  شدي شوية  

نهال  حاضر  بابا كابتن ذياد كلمني  من شوية وبيسلم عليك  وأكد اني اتمرن  

فتحي ابتسم لها  وعقله يقول وبعدين يا ابن المسلماني  البنت مش قدك  ثم قال   مممم

نهال وقالي النتيجة  من الكنترول 

فتحي  فيه الخير  استاذك ومدربك  بقي ومهتم  ها  التقدير كام 

نهال يعني 

فتحي ايه 

نهال  ممتاز  

احتضنها والدها    بحب مبروك يا قلب بابا    بعد وقت كان يرجع معها الي البيت 

فتحي  يا لولا 

عالية  أيوة  يا حبيبي 

فتحي  هو اللي ينجح بامتياز  دا نجبله هدية ايه 

عالية أطلقت  وغروطة وهي تحتضن نهال وتقول مبروك يا نور عيني دي لازم ليهاا هديه كبيره 

فتحي طبعا عايزه ايه يا نوشه 

نهال كفايه عليه فرحتكم

فتحي طب ياله غيري هدومك علي ما ماما تخلص الاكل هنروح مشوار صغير يا للولا 

وبعد وقت كانت ترجع مع والدها تزين يدها تلك الاسورة الذهبيه من لازوردي  

وذلك الخاتم  الذي لا يليق الا لعروس  وتذكر عندما همت ان تعترض وقالت  كفاية حاجة واحدة   فرد والدها وقال  الخاتم  للبطولة  والاسورة لأمتياز

عاليه مبروك حلويين اوي

نهال يعني عجبوكي  زوقي حلوة 

عاليه اه حلوين اوي وبعدين انت زوقك بيعجبني 

نهال اصل بابا جبلنا زي بعض وانا اللي اختارت

عاليه ليه يا فتحي انا عندي وبعدين شكلهم غاليين  اوي 

نهال فعلا  اوي اوي كمان  

فتحي وانا معنديش اغلا منكم  ووضع الخاتم في اصبعها والاسورة في معصمها  وهو يقبل خدها 

ردت ندا تلك الطفلة الصغيره التي لم تتجاوز  الثامنه وانا مش غاليه عليك يا بابا 

فتحي هو يحملها بين يديه انت حبيبيت بابا 

ناجي انت بتحب البنات اكتر بتحب ابلة نهال وندا وانا لا 

عالية مين  دا دا انت  حبيب الكل 

فتحي خلاصة الحوار  عاوزين ايه انتو الاتنين   وانا اجيبه 

ندا اما مش عاوزة  

ناجي انا عاوز اتمرن معاك  

فتحي دا اكيد  المفروض من بدري  بس انا سيبك تدلع  يا حبيب ماما 

ندا وانا  

فتحي يا سلام   عيوني 

ام الجد اتت ذلك اليوم من بيت أبنها الاخر   وما ان أرتها نهال الاسورة والخاتم 

الجدة عقبال بتوع العريس  

نهال ابتسمت لها   ولم تعترض كما كل مرة 

مرت ايام الاجازة ثقيلة  علي ذياد الذي يرهق نفسه في التمرين  وما بين الوقت والثاني يتصل بها 

 اول يوم لها في التمرين بعد  الاجازة  

كانت تدخل  ترتدي بنطلون من الجينز الابيض  وعليه بلوزة  زرقاء وحذاء ذو كعب متوسط   يامع الخاتم في أصابعها والاسورة في يدها وترفع شعرها علي هيئة ذياد حصان  تفر بعض الشعيرات  علي جبهاتها لأول مرة تضع  ميك اب وعطرها يسبقها 

كانت غاية في جمال وأناقة وثقة   تضع نظارة شمسية من  لاكويستا    تخفي جزء كبير من وجهها

وصلت متأخرة لانها سافرة في الصباح   دخلت من الباب تلقي السلام  بصوت هادئ  يغلقه الخجل 

اياد  وعليكم السلام    حضرتك غلطانة  في العنوان 

لم يعرفها أحد الا هو  كان يأكلها بعينه يملئ عينه الحب الذي تحول الي غضب  من جمالها الذي ينظر له الجميع واولهم اخوه 

ابتسمت بخفه ونظرت لذياد بابتسامة  ودخلت الي  المكان  

فادي يا  انسة  ممنوع البنات  تدخل هنا   

اياد  لذياد  بس  ايه صارووووخ  مزة شوف البنات مش اللي عجباك  ومطبخ النوم من عينك  وهي دكر 

نهال استمعت الي همس اياد   ولم ترد 

ذياد اياد   كات يضغط علي حروف الاسم 

خلعت  النظارة وقالت  في ايه يا رجالة   دول ١٥ يوم بس اللي غبتهم  نستوني

حسين  واو   نهال  

اياد والله ما عرفتها   انا اسف يا زيزو  

نهال معلش يا كابتن  اتأخرت   اصل ركبت الصبح 

ذياد  حاول أن يسيطر علي غيرته  وقال  مش مشكلة حمدلله على السلامة 

ابنوب  نورتي  يا كابتن 

نهال شكرا يا كابتن   عن اذنكم   هستعد

ذياد اتفضلي يا ريت تغسلي وشك   ولمي شعرك   كان يضغط علي الحروف 

فابتسمت   انه يغار عليها  هي لم تضع الميكب  لتتجمل الا له 

نهال  حاضر كابتن ذياد 

بعد قليل  خرجت وقد ابدلت ملابسها الي لبس التمرين  ثم بدات  تتمرن معه    

كان جاد وحاد  

وما ان انتهي من تمرينها  حتي قال لها 

ذياد  مستنيكي في مكتبي 

نهال هزت رأسها  وبدلت ملابسها وتبعته 

نهال   ممكن ادخل 

ذياد اخلي و اقفلي الباب  

نهال  وقفت تنتظر أن يتكلم  ولكنه ظل ينظر لها بغيرة  

نهال  كابتن فلم برد  ذياد 

ذياد آخر مرة  عارفة يعني ايه اخر مرة  هقولك الكلام دا  

نهال كلام ايه 

ذياد  لا ميك اب  ولا  تعملي شعرك كده  تاتي 

نهال  لبه شكلي  وحش ولا مش  عاجبك  

ذياد  نهال متجننيش  انا مش شايف قدامي 

نهال  انا 

ذياد  وبعدين الروج دا تمسحيه ولا همسحه انا 

نهال  فغرت فمها 

ذياد  دي دعوة  

نهال  ايه 

ذياد وحشتيني 

             الفصل التاسع عشر من هنا      

 لقراءة باقي الفصول من هنا