رواية زواج قاصره الفصل العاشر10بقلم نوسه حمد
شلت هم الدنيا والعالمين وبقيت افكر والليل كلو غلبني انوم قفلت تلفوني عشان م عندي نفس اتكلم مع سالم بقيت ابكي واصلي وادعي ربنا يسترني دنيا واخره معقوله اكون ضحيه من غير ذنب ودي اكتر حاجه كانت مشجعاني اني اواصل في عنادي لي خالده والليل كلو عديتو صلاه لغايه م نعست ونومتا ف الصلايه صحيت الصبح لقيت ابوي واقف ف وشي ودموعو في عينو قال لي ميعاد مالك ي بتي انتي عارفه انا جيت فيك قريب العشره مرات وم وعيتي بي وامك جات تصحيك بس م صحيتي قلت ليها خليها التنوم وانا بحرسها ونومتا معاك هنا انا كان نفسي ابكي واترمي في حضن ابوي واحكي ليهو لانو هو سندي بس انا ح ازيد الطين بله وخالده ح تنتقم مني اكتر واكتر قلت ليهو ابوي انا كويسه بس شالتني نومه وهم الامتحانات في راسي قال لي هسي كدي قومي صلي الصبح انا ماشي الجامع وح ادعي ليك دعوه فجريه وان شاء الله ربنا استجيبا قلت ليهو ابوي ادعي ربنا يسترني دنيا واخره قال لي والله في كل صلاه بدعي ليكم بالستره انتو بناتي الربنا بسالني منكم ومن سترتكم والحمد لله انا عيني قويه بيكم ومستور والحمد لله انا اتزكرت الدبلجه بتاعت خالده من غير م اشعر بقيت ابكي واترميت في حضن ابوي ابوي بقا ارجف قال لي ميعاد مالك ي بتي احكي لي انا سكاتك دا قاطع قلبي فشنو ي بتي مخليك شايله الهم في زول غلط عليك بكلمه قلت ليهو لا قال لي سالم مزعلك قلت ليهو لا لا ي ابوي ماف شي بس لو امتحنت برتاح قال لي ي بتي الامتحانات شنو الحا تجننك علي قولي بسم الله قلت ليهو بسم الله ي ابوي ماف شي وامشي صلي ومسافه تصلي انا بكون صليت وتعال سمع لي قعد اضحك قال لي هو انا بعرف اقرا زي الناس قلت ليهو بتعرف ومعاي. تعرف ان شاء الله
كلام ابوي وجع قلبي بس كمان انا م عندي ذنب بالخساسه بتاعت خالده انا ضحيه ولو استسلمت مشكله لازم اقاومها وبي كلو
صليت وبقيت اقرا ابوي جا بقا اسمع لي وانا الحمد لله كنت ماشه ف القرايه ميه الميه وبقرا اول بي اول عشان سالم افخر بي نجاحي لانو هو السبب في رجوعي للمدرسه لو م هو كان كنت من ضمن الجاهلين بس الحمد لله
الواطه صبحت ابوي شرب معاي الشاي وقال لي اخدي ليك نومه سمحه قلت ليهو لا لا بقوم اساعد امي والمدرسه مواعيدها قربت واخواتي ولبسهن ماف طريقه ارقد
اليوم داك كان يوم حلو شديد جيت راجعه من المدرسه لقيت خالده ف الشارع م سلمت عليها نهاي بطني طمت منها قالت لي افتحي الواتس عندي ليك مفاجأه جريت جري فتحت الواتس لقيتا تاني مدبلجه لي صور كعبه شديد انا لمن اعصابي باظت اتصلت عليها قلت ليها التكنولوجيا لمن تصل لي ناس جاهلين اكيد ح يستخدموها غلط زي استخدامك انتي دي قالت لي ناس غلط منو ي بت انتي متين جبتي التلفون عشان تتفلسفي علي وتكنولوجيا وزفت قلت ليها جبت التلفون امس والحمد لله بستخدمو الاستخدام المفترض يستخدموهو ليهو م زيك انتي مستخدماهو للتهديد وقله الادب قالت لي هوي احترمي نفسك قلت ليها نفسي محترماها احترمي انتي نفسك قالت لي اسمعي اها وافقتي ولا نعمل الفيديو قلت ليها اعملي الفيديو وانشريهو عليك الله وانا م ناقصاك وعندي امتحانات وح اقفل تلفوني زاتو وفعلا قفلت الخط فيها وحظرتها وقفلت تلفوني وسالم اتصل ع امي قلت ليهو ما فضل لي كتير شهر وامتحن وانا صراحه عاوزه اخلي بالي ف القرايه واتصل علي في تلفون امي قال سمح ربنا يوفقك
مرت الايام والاسابيع والامتحانات جات وسالم نهاي م اتصل على انا احترت سالم مالو م اتصل عشان اشجعني للامتحان والحمد لله شجعت نفسي براي وابوي كان مشجعني شديد لي درجه انو بلقاهو في الشارع منتظرني اخلص الامتحان واخر امتحان لي امتحنتو وكنت مبسوطه شديد لانو اشتغلت فيهو سمح بس كنت محتاره سالم م اتصل علي وابوي اخر يوم في الامتحانات م جا انتظرني كالعاده ف الشارع وماشه علي البيت وكنت حاسه احساس م حلو نهاااي قلبي موجعني لاقوني اخواني ف الشارع قالو لي ميعاد سالم جا من السعودية انا انخلعت سالم جا ولشنو وم كلمني وانا مبهدله وبقيت اعاين لي نفسي جريت جري البيت لقيت امي وسالم فعلا جا وابوي قاعد وسالم نهاي م عجبني شكلو بقا مبهدل انا خوفت عليهو وجيت سلمت عليهو بس سلم علي بي برود انا قلبي قعد ادق قلت سالم اكون عيان وكلام خالده م ختيتو في بالي والشي المحيرني سالم م جا بي شنط انا غلبني اسالو قلت ليهو سالم ارح بهناك استحما وصلي مسافه اعمل ليك اكل م اتكلم معاي وعيونو كانت شرار انا احترت وي ربي سالم مالو فيهو شنو مشيت وراهو دخلت وقفل الباب اداني ليك كف حسيت انو الدنيا كلها م شايلاني وقلبي لمن وقف وم سالتو ولا كوركت فيهو قال لي وقت بتتصوري عريانه وبترسليهن للأولاد م فكرتي فيني انا م فكرتي في سمعه ابوك م فكرتي في نفسك وشررفك انا بقيت م شايفه وفتح لي التلفون ووراني صور مدبلجه انا لو م واثقه من نفسي كان صدقت انو دي انا زي سالم ما صدق سالم قال لي ميعاد انتي طلقاانه