رواية زواج قاصره
الفصل الحادي عشر11
بقلم نوسه حمد
سالم قال لي ميعاد انتي طلقانه 😭💔💔قلت ليهو سالم لا م تظلمني انا مستحيل اعمل كده انا م بكشف عرضي لي زول قال لي كنتي نايمه وفي زول جا صورك ولا شنو قلت ليهو لالا م كده دي صور مدبلجه والله مدبلجاها خالده قال لي اصدقك كيف وانا شايف بي عيني غلطك وانا ماشي ي ميعاد راجع السعودية في نفس اليوم وح امش اكلم ابوك اني طلقتك وم تتكلمي بالسبب عشان شين في حقك انتي واي راجل في محلي كان عمل كده ي ميعاد اشوف مرتو في التلفونات ومصوره عريانه انا كان علي نفسي اكتلك قلت ليهو سالم اكتلني وارتاح وريحني انا حياتي من دونك احسن منها الموت وبقيت ابكي واترجا فيهو وهو م عاوز افهمني قال لي انا ي ميعاد خلاص ماشي وتاني م عندي رجعه ليك لاني م لي الشرف انو انتي تكوني مرتي بعد كنت ابكي ومنكسره ليهو قشيت دموعي قلت ليهو امش ي سالم وانا الما لي الشرف انو انت تبقا راجلي عارف ليه لانك بتسمع كلام النسوان ودايره اقول ليك ي سالم انا م كعبه ولا ح ابقا زي م انت فاهم هسي بس لمن تتزوج تاني م تفوت مرتك وراك لانها لو م كعبه ح تبقا كعبه في مجتمعنا دا وكتر خيرك ي ود عمي م سمعت منك حاجه كعبه بالعكس وقفت معاي وم ح الومك والله لانو الحصل مقصود والحمد لله دي قسمتي وحباب قسمتي والحمد لله وربنا يسعدك اول مره اشوف سالم ابكي الدمعه النزلت منو كان نفسي امسحها ليهو بس للاسف انا بقيت مطلقه وسالم فات انا قفلت الغرفه وبقيت ابكي باعلي صوت ابوي وامي جو بقو ادقو ف الباب وابيت افتحو ليهم لمن ابوي كسر الباب وبقو اتحسرو وابكو علي حالي وانا م قادره اتخيل انو سالم طلقني بالسهوله دي ودخلت في حاله نفسيه وامو وعمي احمد جونا وبسالو من سبب الطلاق قلت ليهم قسمه وانقطعت والحمد لله وحبوبتي اتاثرت شديد حتي ظهر في صحتها وانا الحمد لله الدنيا ادتني درس عمري م انساهو وبقيت اتصل ع سالم تلفونو مغلق وبرسل ف الواتس م داخل شكلَو عشت اصعب ايام في حياتي وماف لحظه بتمر علي وم بتصل فيها ع سالم وكان نفسي افتح الواتس عشان ارسل ليهو الدليل بس للاسف سالم م قادره اصل ليهو ولا اهلو قادرين اصلو ليهَو
يوم خالده جاتنا امي كانت ماف قالت لي اها تجربي الحرام وتتملي قروش ولا تقعدي تنفسني كده بعد طلقوك قلت ليها اسمعيني انا اهون لي اجن واموت وما امش وراك والعاوزاهو وصلتي ليهو تاني دايره شنو قالت لي م انا هو الدايرك قلت ليها منو قالت لي الكسرتي تلفونو قلت ليها اقسم بالله م تبعدي مني الا افضحك واسجنكم الاتنين خالده قالت لي راسك قوي ياخ قلت ليها تاني لو شفتك في بيتنا اقسم بالله اكتلك واريح الحله من امثالك
مرت الايام وجا يوم النتيجه ونحنا م عندنا تلفزيون كنت منتظرا اليوم التاني اجي عشان امش اشيلها من المدرسه وامي وابوي من يوم طلاقي وهم بقو حزينين انا قلت ليهم دي قسمتي وانا رضيانه بيها خلونا نعيش حياتنا ويوم النتيجه ابوي قال لي ان شاء الله تنجحي عشان نفرح بيك وكنا قاعدين ف الحوش والهم ظاهر في وشنا بعد شويه اخوي جا جاري قال لي ميعاد انتي زاعوك ف التلفزيون قلت ليهو انا دي قال لي اي امي بقت م مصدقه واختي البعديني جات برضها جاريه قالت لي ابوي ميعاد زاعوها ف التلفزيون وانا الفرحه دايره تكتلني فعلا النجاح طعمو براهو انا لبست توبي وامي لبست توبها وجرينا ناس حبوبتي وفعلا انا زاعوني وجيت الاولي علي مستوي الولايه وابوي دا من الفرحه لامن ببكي وماسكني وضاميني عليهو واهلل واكبر لحظه مسحت كل الحزن الجواي وامي تزغرت والناس متلمين فينا مشهد عوضني عن الالم والحزن والقهر العيشتو الايام الفاتت
والمديره جات واستاذه تهاني الكانت سبب في رجوعي المدرسه جات وقالت لي رفعتي راسي وم خزلتيني مع سالم انا لمن قالت سالم قلبي انقسم علي نصين فرحتي كانت ناقصه والحله كلها واقفين اباركو انا انسحبت منهم مشيت غرفتي وطبلتها علي وبقيت اتصل علي سالم واتصل واتصل التلفون مغلق رسلت ليهو ريكوردات قلت ليهو سالم انا م عاوزاك ترجعني انا عاوزه اشكرك انك كنت سبب في نجاحي سالم انا نفسي تكون اخوي نفسي تكون في حياتي بس م تبعد مني وبرسل في الريكورادت وببكي باعلي صوت حسيت قلبي وقف ومافي امل اني الاقي سالم واهلو زاتو م عارفين ليهو محل ميت ولا حي
ومرت الايام ومرت الشهور وانا قنعت من سالم ومن الرجعه ليهَو وخالده بعدت من طريقي بس بعد م دمرت حياتي وبقيت محتفظه بالاسكرن شوت الشلتو من تلفون الراجل
انا دخلت الثانوي وبقيت واعيه وعاقله وحتي شكلي اتغير والحمد لله بقيت ماسكه البيت مع امي وجاني عريس ود خالت امي بس رفضتا قلت اكمل دراستي خلاص اخدت نصيبي من الزواج واكتفيت وامي وابوي اتعظو قالو لي نهاي م بنغصبك علي حاجه ولسه سالم مختفي م منو خبر وانا زاتي شيلتو من راسي وبقيت قادره اعيش من دونو وكملت سنه اولى وكنت الاولي ف المدرسه والأستاذة مبسوطين مني
في يوم من الايام ابوي قال لي سالم شايفو ف الحله سلمت عليهو من ضمن الناس قلت ليهو ابوي سالم ود اخوك م تعاين لي انو طلقني عمروالضفر م بطلع من اللحم قال لي سالم طلقك وقطع قلبك قلت ليهو قسمتي دي ف النهايه وانا معاي ربنا وانتو تاني سالم زاتو م بلزمني حتي لو جا ارجعني انا م عاوزاهو قال لي م مشكله ي بتي اصلي م بغصبك
تاني يوم حبوبتي جاتنا وقالت ليناسالم داير اعرس بت خالتو ف الصعيد وقالت لي ابوي لو مشيت معاهو انا م عافيه ليك قال ليها انا اصلا م ماشي وقالو العروس اخت الولد الداير اتزوج ريم اختو م اشتغلت بالموضوع كتير كنت عاوزه سالم اعقد والاقيهو بي اي طريقه واوريهو كلام خالده والدليل
عندي ود عمي اسمو محمد صاحب سالم اتصلت عليهو قلت ليهو محمد عاوزه منك طلب سالم بعد اعقد انا عاوزه الاقيهو عندي ليهو حاجه مهمه لازم اعرفها قال لي خلاص انتي فوتي علي بيتنا يوم العقد وانا بجيبو وبجيك يوم عقد سالم انا كنت مبسوطه م زعلانه عشان ح ابرر نفسي وم اكون قليله ادب في نظر سالم واكشف خالده ليهو بعد الناس جو من العقد محمد اتصل علي قال لي امشي بيتنا جايبو وجاي انا مشيت ولقيت اختو وفاء قاعده قلت ليها انا منتظرا سالم قالت لي انسيهو ي ميعاد قلت ليها نسيتو بس سالم ظلمني ولازم اعرف الحقيقه بتكلم معاها كده سالم ومحمد جو داخلين انا لمن شفت سالم والحنه في يدينو قلبي انقطع وكان نفسي اكورك بس انا لازم اكون قويه ف اللحظه دي سالم قال لي ميعاد كيف قلت ليهو في احسن حال والف مبروك ليك وربنا يسعدك ي سالم بس انا جبتك عشان اوريك حاجه قال لي خير ان شاء الله فتحت ليهو الاسكرن واديتو ليهو وحكيت ليهو بالحصل وقلت ليهو انا عملت اسكرن وكسرت تلفون الراجل وم قدرت احكي ليك لانك انت ح تشاكلني وم ح تصدق بس اظن بعد تشوف الاسكرن دا والبنات الضحايا لي خالده ح تصدقني انا حاولت اتصل عليك بس انت طلقتني وقفلت بابك مني وانا م زعلانه دي قسمتي وكان وراي مصحف قلت ليهو سالم انا متوضيه وبحلف ليك ف المصحف ثلاثه مرات انا ماف راجل شاف عورتي ولا اتصورت عريانه لي راجل واقرا كل الاسكرنات وشوف التهديد والرعب الكنت عايشه فيهو انا واستحملتو وبي كل قوتي رفضت اني ابيع نفسي م عشانك انت عشان ابوي التعب فيني ووثق فيني م استاهل اني اشوه سمعتو لانو الناس م بلوموك انت بلومو ابوي لانو هو الرباني َ وانا هسي واقفه قدامك وبقول ليك انا مبسوطه انو انت طلقتني لانو الزمن الجاي علينا صعب انت مدام سمعت الكلام فيني بعدين م معرووووف الظروف احتمال تسمع كلام في بناتك وانت تصدق وساعتها م بعرف رده فعلك قصاد بناتك تكون شنو انا بتطلقني بس لو كانت بتك بتكتلا من غير م تسالها وتعرف الحقيقه وتبرر ليك وح تموت بالحقيقه لانو نحنا في مجتمعنا المره مقهوره وربنا يصلح الحال ويسعدك ي سالم سالم بقا مخلوع ودموعو في عينو قال لي ميعاد اعفي لي انا ظلمتك واتهمتك في شرفك انا مستعد اموت قدامك هسي قلت ليهو لا لا انت لازم تكون قوي وتتعلم من الدرس دا م تصدق كلام في زول حباك واحترمك وعمل المستحيل عشانك وانت عريس هسي البت العقدتا عليها م عندها اي ذنب ربنا يتم علي خير وخلي بالك منها ي سالم ونصيحتي ليك م ترميها في حلتنا بعد العرس وتسافر لانو ح تعمل الما عملتو انا وح تكسر ضهرك وساعتها القروش البتجيبن م ح ينفعنك