رواية ابني ولكن
الفصل العاشر10
بقلم نوسه حمد
نهال هددتني انها ح تدمر اولادي لو م سكتا علي عملتها وبقيت خايفه بس اتقويت بالاستغفار وقلت مافي حاجه بتصيبني بس لازم اكلم محمد انها جات هددتني ماسكه تلفوني بتصل علي محمد سمعت الباب بيضرب محمد ردا علي وقال لي محتاجه حاجه وانا كنت جنب الباب فتحتو لقيتا نسرين وتبكي باعلي صوت محمد بقا مخلوع مالك ي منه اولادك مالن وانا غالبني ارد وبقيت أوجه ف الاسئله لي نسرين قلت ليها احمد مالو واولادك مالن واهلك مالن قالت لي كويسين ديل بس تاني م ح يبقو كويسين قلت ليها كيف قالت لي نهال هددتني طوالي عرفت انو نهال مشت لي نسرين قلت لمحمد دي نسرين تبكي قالت نهال هددتا وانا كمان اتصلت عليك عشان اقول ليك نهال جاتني وهددتني محمد قال لي كدي دخلي نسرين دي وسكتيها واعملي قهوه انا هسي بجيكم قلت ليهو طيب
دخلت نسرين البيت جوه ومشيت المطبخ اعمل القهوه لمحمد ونسرين شغاله تجعر لي باعلي صوت زي الميت ليها زول وتشيل وتوصف يا حليلكم ي اولادي الحا تدفعو تمن شمارات امكم انا غلبني ابكي ولا اضحك قلت ليها نسرين شمارات شنو نحنا اسره واحده واي حاجه بتحصل فيها وبنتدوال الكلام فيها عشان نحلها دي م شمارات وكان دي شمارات شوفي انا ساكته بالكلام دا من متين م كلمت زول ولا حكيت لي زول لاني كانت غالباني حيله وماف في يدي حل بس حكيت لمحمد ومحمد زاتو شايف معمر مرتاح مع مرتو خفت اتكلم تحصل مشاكل ومحاكم وقضايا وننفضح علي الملا بس ربك رب الخير جاب عرس ايناس وطلعنا الشقه وشفنا عملت إياد لي اختو وانا لو م شفتك خايفه وفي عيونك الف سؤال ولو م كان قلتي لي بالنص وف عيونك دهشه معقوله ولدي بعدين اعمل لي اختو كده وانا اخوي بخجل منو وف عيونو ما بعاين؟ حسيت بيك مندهشه قلت اوريك الحقيقه عشان م تنصدمي والصدمه تخليك تتعاملي مع اولادك بقساوه زياده عن اللزوم لانك بتكوني خايفه ع اولادك من الشفتي وانهم احتمال يعملو زي اياد ووضع اياد بختلف ي نسرين وانا شهوده ع الحاجه دي واولادك م عندهم ذنب
نسرين قالت لي اولادي ح يضيعو وتشيل وتعزي صدعت بي قلت ليها نسرين انتي مؤمنه ولا ما مؤمنه قالت لي اكيد مؤمنه قلت ليها وقل لا يصيبنا إلا ما كتب الله لنا انا والله كنت زيك كده بس التجربه المريت بيها قوتني وبقيت م خايفه واي قدر من ربنا حبابو وحسبي الله ونعم الوكيل في اي زول عاوز يدمر حياتي وانا جواي م بحمل مثقال حقد ولا حسد ولا كراهيه لزول وربنا يدينا ع حسب نيتنا ويدي نهال ع حسب نيتها وانا م خايفه ي نسرين موش لو مشت لي شيخ وكتبتني ولا عملت السبعه وزمتها وانا ح اكون علي طهاره عشان كتابتها م تمش فيني وبمسك اولادي علي وربنا قادر يكشفها لانها م انسانه نهال زاتا التقول بت حرام
محمد جا لقاني اهدي ف نسرين سلم عليها وقال ليها نسرين انتي ح تبقي جبانه خليك قويه نحنا م اجرمنا نحنا عرفنا الحقيقه وعملنا الكان لازم اتعمل من زمان من غير م نقذف نهال بي كلمه وربنا قادر يكشف حقيقتها للناس وانا واحمد معاكن وسندكن وعوجه تب م بتجيكم كدي قومي قشي دموعك دي وتعالي نشرب القهوه واحمد مشا اجيب معمر ومرتو ونازلين عندي هنا حتي يمشو شقتهم وخلي نهال التواجهنا نحنا الرجال عشان نكسر رقبتها نسرين بقت تبكي قالت لي محمد نهال هددتني تعرس لي احمد محمد بقا اضحك ضحك لانو شارب من نفس الكأس قال ليها شوفي ي نسرين لو نهال بتقدر تعرس كانت عرست لي انا اغرتني بي بت جايباها من وين م عارفها بس انا ربنا بريدني هسي كان اكون زي معمر دا حاضن لي ولد حرام علي اساس انو ولدي وكانت الحايباها لي دي كسرت عيني لي قدام بس لخير لي وبعدين تعالي هنا انتي مقصره من احمد في شنو عشان يعرس فيك قالت ليهو بموت لو عرس فيني بقيت اضحك فيها قلت ليها غيره وروح شريره ي بت غيرتك دي هي البتحافظ ع راجلك لانو اي مره بتغير علي راجلها بتكون مخلصه ليهو وم مقصره منو وهو م بكسر قلبها ويتزوج فيها..