رواية ابني ولكن
الفصل الحادي عشر11
بقلم نوسه حمد
محمد قدر سيطر على اعصاب نسرين حتى سكتت من البكا
وقلت ليها قومي نجهز حالنا مدام العرسان نازلين عندنا واتصلي لي بتاع الترحيل ينزل اولادك هنا
جهزنا حالنا ومحمد ضبح ليهم كرامه ومعمر مبسوط شديد كانو اول مره يتزوج وسبحان الله الراحه ظاهره ف وشو اظنها نهال كانت منكده حياتو
قلت لي معمر نهال عرفت زواجك وجات هددتنا الليله انا ونسرين وقالت لينا ح تنتقم مننا قال لينا م تشتغلو بيها انا ح امش اخت ليها شروط يا تحترم نفسها يا الطلاق وانا زاتي بقيت م طايقها ولا طايق خلقتها دي والتطير مني هي وأولادها انا خلاص لقيت البفتش عليها قال لي دقيقه اتصل عليها احزرها عشان وضعي م بستحمل وفدوي م ناقصه نكد وانا وعدتها اسعدها وم تضوق الضاقتو زمان معمر اتصل علي نهال وردت عليهو بقله ادب وعدم احترام بس معمر هادي م ركز معاها قال ليها شوفي ي نهال انا جاي وجايب مرتي يا تسكتي وتمسكي بيتك واولادك يا الطلاق قالت ليهو انت بتهددني بالطلاق ولا انا بسكت ليك وانا جاهزه ومستعده ليك انت وضرتي وزي م حنضلت على حياتي وجبتا فيني مرا والله احنضل عليك حياتك ولو طلقتني م مارقه من البيت لانو ديل اولادك ودا بيتهم وانت في ستين م اشوف خلقتك في بيتي وانت قايل روحك راجل ولا تامي راجل معمر خجل مني قفل الخط انا زاتي انحرجتا قومتا منو وشلت هم للبت الورطناها دي مشيت وجيت لقيت معمر وشو انقلب قال لي نهال دي م هينه وممكن تخرب اي شي المرا دي تعبت منها اهلا كلمتهم عليها زول شغال بيها مافي ولا زياره م بجوها م عارف المرا دي عملت شنو في حياتها تلقا الناس كلهم اكرهوها وانا م اكذب عليك انا عايش ستره ساي لكن بالزمن ما بيني وبينها حاجه ووقت الله استجاب لي دعواتي واداني مره هديه ورضيه نهال عاوزه تنكد علي قلت ليهو معمر انت م تبقا م عندك شخصيه كده نهال تتحكم فيك ليه انت راجل كف واحد خلي وشها العاجبها دا بالجنبه معمر قعد اضحك قال لي انا نهال دي اي اسلوب استخدمتو معاها وهي النوع الما بتخاف الكف بالكف يعني لو كفتها طوالي بتردو لي وقدام اولادي ودا السبب المخلي اولادي م احبوني واحبوها هي قلت ليهو اي والله زمان احمد كفتها طوالي رجعت ليهو الكف غايتو دي غضب الله ونزل علينا وان شاء الله الله يسترك ي اخوي قال لي والله غير الستره انا م عاوز حاجه وربنا يستر
مشيت قعدت مع فدوي وفتحت ليها اضانها قلت ليها نهال مرت معمر صعبه ابعدي من سكتها وم تدخلي عليها ولا تاكلي ولا تشربي عندها انا حزرتك
معمر وفدوي فاتو وداهم محمد ودخل قال لي نهال م ناقصين فضايح ولا مشاكل انتي بي بيتك وهي بي بيتا ومعمر م بقصر منها ولا منك امسكي اولادك وخشمك
مرت الايام وفدوي جاتني زعلانه قالت لي من يوم رحلت وم نومتا نومه هنيه قلت ليها كيف قالت لي مرت معمر كل ما اليوم اكون علي تعذبنا مره تجي تقول لي معمربتك عيانه ومره ولدك وقع وقالت هم شديدين بس مسلطين زيها والله يوم البت مثلت انها متشنجه انا قلت م بتحيا وديناها لقيناها كويسه وقالت لي بس عندها بت قاطعه قلبي نهاي م زيهم وتحسيها منكسره وم بتحب امها بتجيني بالدس وتحكي لي وحاسه انو في كلام كتير في راسها ومحتاجه زول تحكي ليهو وجابت لي سيرتك قالت لي خالتو منه مسكينه وبتها ايه محترمه وبتقرا معاي شكلها متاثره بيكم وقالت لي بس امي بتكرها ويوم سمعت امي تتكلم بالتلفون قالت ليها اي اسمها ايه بت منه ودا السبب الجابني ليك عشان اقول ليك المره دي ناويه على حاجة انا حيلي مات بتي الوحيده نهال عاوزه تحرمني منها ودموعي جرن ايه م عندها ونهال عاوزه تحرق حشاي قلت لي فدوي اسمعيني استعملو معاها اسلوب التطنيش نهال دي ولو جاتكم بليل كانكم م سامعين لو كسرت فيكم الباب م تفتحو يوم يومين تاني بتزهج وح تفارق دربكم قالت لي وايه وانتي ي منه المرا دي ناويه ليكم قلت ليها نحنا الله كريم علينا وكويس انك نبهتيني وعليك الله ي فدوي بتها دي ابقي عليها عشره وقولي ليها خالتك منه تسلم عليك وقولي ليها تعالي لينا
حكيت لمحمد الحصل قال لي منه نتوكل علي ربنا وانا في كل صلاه بدعي ليكم انتي واولادي ربنا يحفظكم لي قلت ليهو ايه م عندها ذنب وايه بتي الوحيده ي محمد لو جاتا حاجه انا بموت قال لي اتوكلي علي ربك وم بتجيها عوجه
بقيت اصحي بتي مع الصبح ونصلي ونقرا سوره البقره واحصنها حتي اخليها تمش المدرسه وكل يوم يدي في قلبي حاسه انو نهال ح تعمل لينا شي
نسرين ظهر ليها حمل وكان تاعبها شديد انا كنت بطلع اولادي المدرسه وبمش ليها محمد نهايه اليوم بجي يسوقنا بفطر معاها وبجهز ليها اكلها وانظف ليها وارجع بيتي
يوم ايه بتي قالت لي امي وعد بت معمر بتنوم ف الحصه والاستاذه بتدقها امس دقتا لمن وقعت وهي بليده ي امي امها م بتقريها والاستاذه قالت ليها ح ترسبي والامتحانات قربن كانو ممتحنين تأمن قلت ليها عيب ي ايه م تقولي عليها بليده ان شاء الله تبقا شاطره وقولي ليها امي قالت ليك تعالي اقري معاي انا بشرح ليها معاك البت كانت ماثراني؛ شديد من يوم حصل ليها الحصل مع اياد وبقت منكسره
يوم ايه جاتني فرحانه وجابت معاها وعد والبت شكلها متغير ونهاي م ارتحت لحالتها ومن جات نامت نهاي م رفعت راسها وم صحت الا العصر
اتصلت لمحمد قلت ليهو كلم معمر بتو معاي وشكلها عيانه لانها نهاي م صحت ولا رفعت راسها خوفتني خوف
معمر جا لقاها نايمه قلت ليهو بتك دي نايمه من جات قال لي وعوده دي قاطعه قلبي انا وياها حالا اكل م بتاكل وليها شهر البتاكلو بترجعو وقلت لي امها توديها الدكتور وقالت م عندها شي قلت ليهو احتمال اكل امها م بنفع معاها والبت دي تكون عندها معده الليله عامله ليكم غدا خفيف وان شاء الله م تستفرغو بس صلي المغرب مسافه محمد يستحماونجي ناكل
مشيت عملت الاكل وصحيتا قالت لي م دايره بستفرغ قلت ليها لا كمان لازم تاكلي حبيبتى وحنستها البت اكلت ولا قومنا من الاكل سمح استفرغتو ولمن هبطت وجسمها تلج محمد قال لي لبسيها وارح الدكتور انت ي معمرالبت دي م تتكلها علي امها وانت عارف امها م جايبه خبر ولبستها وسقناها المركز ولقيت الدكتور الما بغباني وشكلو م مركز معاي بس انا عرفتو معمر قال لينا م عندي قروش كافيه النمش اسحب لي قروش واجي ودخلنا البت انا ومحمد للدكتور قال لي دي بتك قلت ليهو اي وبقا يسال فيها وهي تجاوب قالت ليهو عندي مغص بجيني طوالي قال ليها دورتك منتظمه قالت ليهو جاتني زمان تاني م جاتني قال لي تعملو الفحوصات دي ولازم موجات صوتيه عشان نشوف المغص من شنو انتظروني تحت في غرفه الموجات وامشو اول شي شيلو الفحص مسافه انزل ليكم مشينا شيلنا الفحص ودخلنا الموجات انتظرنا الدكتور جا ومعمر زاتو جا قلت ليهو قال لينا نعمل الفحوصات دي ومنتظرين نعمل ليها موجات لانو قالت دا المغص مطمم بطنها معمرقال لي وعد مسكينه م زي اختها احتمال تكوم دايره تبلغ قلت ليهو فعلا كلام الدكتور قال لي غالبا المغص من الحاجه دي وم تخاف عليها ان شاء الله تبقا كويسه بس م تهملوها تاني قال انا تاني بعرف اادب نهال كيف
الدكتور جا وعمل لينا الموجات قال لي ي امها تعالي انا مشيت ورا الستاره قال لي بتك دي متزوجه قلت ليهو بري لسه صغيره قال لي كيف الكلام دا قلت ليهو م متزوجه صغيره البت دي بس صحتها سمحه قال لي اصدقك انتي واكذب عيوني البت دي م صغيره قلت ليهو قول م شاء الله قال لي م شاء الله وانا م قصدي صحتها ي استاذه بتك حامل....