رواية زهرة البنفسج
الفصل العاشر10
بقلم لبني طارق
سبحان الله وبحمده وسبحان الله العظيم
بسم الله الذى لا يضر مع إسمه شئ فى الارض ولا فى السماء وهو السميع العليم
لا حول ولا قوة إلا بالله العلى العظيم
💗💗💗💗💙💙💙💙💙💙💚💚💚💚
تامر نايم وفى حضنه زهره وزهره فى حضنها زياد .. فتح عيونه بتقل واول ما شاف ابنه نايم فى حضن زهره ابتسم ودفس راسه فى راقبتها وحضنها بقوه
زهره : ابتسمت وبتحاول تفتح عيونها بس مش قادره نامت واستسلمت للنوم ... وتامر قام خد شاور يفوقه وعمل لنفسه قهوه ولبس لبس الشغل ونزل الورشه
تامر رفع ايده : السلام عليكم
كلهم : وعليكم السلام ورحمة الله وبركاته
اسماعيل نازل ليه يا عريس دلوقتى
تامر بأبتسامه : خلاص بقى عريس ايه انت كل ما تشوف وشى يا راجل يا طيب تقولى نازل ليه يا عريس
اسماعيل : ايوا امال ايه يا واد خلى عندك دم واخطف البنيه وقضى شهر عسل .. مش كل يوم شغل هو ها يطير
تامر : ها احاول بس نخف ضغط الشغل وبعدين اخطفها يا راجل يا شقى .. وفضلو وقت كبير بيشتغلو ... وبعدين التفت ليهم انتو متنحين كدا ليه ما تشوفو شغلكم وبيبص على برا لقى زهره نازله من عربيتها وملبسه زياد سلوبت جينس وببيونه وهى لابسه جيب بنفسج وبلوزه بيضه وطرحه منقوشه بوردة البنفسج وروج هادى جدا على وشها خرج بسرعه راح عندها
تامر بعصبيه وبيوطى صوته : ايه الا جابك هنا
زهره : فين تليفونك وانت تعرف انا جيت ليه هنا اتصلت بيك يجى عشرين مره
تامر : لو مليون اوعى تخطى برجلك هنا والورشه كلها شباب .. فاهمه اتفضلى اركبى وامشى وامسحى الا فى وشك دا
زهره : على فكره انا راحه الشغل ودا الا عايزا اقوله ممكن تهدى
تامر : وراحه شغلك بزياد ليه
زهره بصت لزياد : عشان شبط فيا وانا مقدرتش اسيبه يعيط وأمشى خلاص .. خلصت تحقيق
تامر طلع علبة مناديل من جيبه وطلع منديل ومسح الروج من شافيفها بسرعه وبيشاور بايده : اتفضلى وما تتكررش تانى
زهره بصتلو بغيظ ودخلت العربيه ركبت زياد وحطته فى الكرسى المخصص للاطفال وثبتته كويس .. وركبت واتحركت وهى ماشيه حركت العربيه ناحية تامر وتامر نطر نفسه لورا وبيبص عليها ويبرطم .. يا مجنونه وربنا لاوريكى يا زهره
زهره جوا العربيه بتضحك : زمانه دلوقتى بيقول وبتخن صوتها يا مجنونه وربنا لاوريكى يا زهره وبتبص فى المرايه على زياد زيزو يا عسل ها تيجى معايا الشغل يا جميل ... وصلت المكان ونزلت حاجتها فيلا كبيره ومن الواضح انهم اتعاملو معاها قبل كدا خرجت جابت زياد وشايله وهى مبسوطه
صاحبة الفيلا : ايه دا معقول انتى خلفتى يا زهره مبررروك يا حبيبتى
زهره : الله يبارك فيكى ابنى زياد ومسكت ايد زياد سلم على طنط اميره
اميره سلمت عليه وباسته وشالته من زهره : انت يا باشا بقى ها تفضل معايا لحد ما ماما تخلص شغلها
زهره بفرحه كبيره : شعله من النشاط ها تلاقيها قدامك يا فندم وبتبص لزياد بعد اذنك يا زيزو
زياد فرد ايده لزهره وعيط جااامد وزهره شالته تانى
وكشرت وشها : لا يا قلبى اوعى تعيط
اميره : استنى ها اجبلك لعب له عشان ما يمسكش فيكى اسألينى انا على المسكه دى العيل لما بيحس ان امه ها تسيبه بيفتح فى الزن
زهره حضنته جاااامد : لايمكن ها اسيبك يا قلبى ماما زهره معاك وجمبك وقعدته فى الارض قدامها وبدأت تشتغل وتزين المكان لعيد الميلاد .. خلصت واتفاجئت بأميره جايبه لعب كتير جدا لزياد وصممت ان زهره تاخدها وكمان مبلغ اضافى وقالت دا نقوط الولد
زهره بأبتسامه : الف شكر يا ميره ملوش لازمه
اميره : لا له .. كفايه انك من تلت سنين ما روحتيش عن بالى انا فرحت ان ربنا كرمك من جوزك كان اسمه حسام تقريبا
زهره : لا انا اطلقت من حسام واتجوزت تامر والحمد لله ربنا كرمنى بزياد وتامر مع بعض الاتنين
اميره بأسف : ربنا بيعوض يا بنتى اهم حاجه مبسوطه مع تامر دا
زهره : الحمد لله جدا
اميره : شوفتى ربنا كتبلك تتطلقنى عشان تجيبى طفل زى العسل حتى شبهك قوووى يا زهره حته من امه
زهره قلبها اتخطف وبصت وعيونها اتعلقت بزياد وما حبتش تقول انه مش ابنها بالعكس اكدت : ايوا طالعلى قوووى حتى ابوه بيغير من حبه ليا .. واستأذنت ومشيت وطول الطريق بتبص لزياد فى مراية العربيه معقول شبهى بجد بقى حته منى .. اه هو حته منى دا لو عيط انا بموت على عياطه وبتعب ازاى اتعلقت بيه كدا ازاى ... لقت تليفونها رن حطت السماعه الووو
تامر بهمس : وحشتينى اول يوم اطلع البيت ولا اشوفك ولا اشوف زيزو كدا تعملى فى قلبى دا كله
زهره ابتسمت ووشها إحمر وقلبها دق أكتر : وبهمس اكتر ثوانى واكون عندك
تامر : طيب اغمض عينى واعد من 1 ل10وافتح الباب عايزك فى حضنى انتى وزيزو
زهره ضحكت : لا مش للدرجه دى بس لو وصلت وماختنيش فى حضنك ها اخاصمك ومش ها اكلمك تانى
تامر : طب جربى كدا ... وهو بيتكلم كانت زهره وصلت تحت وطلعت فتحت الباب وهى شايله زياد ... وهو قرب عليها ضمها بشوق واضح وباس راسها
زهره حاوطت وسطه بايديها : انا بحبك اوعى تتخلى عنى او تسبنى وتحرمنى من زياد وعيطت
تامر : رفع وشها ومسح دموعها لايمكن ها افرق بينك وبين ابنك دا ابنك انتى
زهره بتبص لزياد : من قلبك والا بتضحك عليا
تامر : من قلبى وعمرى ما ها اضحك عليكى ارجوكى بطلى تفكير فى الموضوع دا ممكن
زهرت هزت راسها بمعنى اه
تامر على صوته : تعاليلى بقى انت ايه الا جابك بالمنظر دا الورشه اتجننتى
زهره : منا بمشى كدا فى كل مكان والا ورشتك يعنى الا غريبه عن الدنيا فيها رجاله والشارع مفهوش دانت غريب يا راجل
تامر : انا ما بحبش كدا عشان ممكن افتح دماغ واحد واحد فى الورشه بسببك
زهره قربت عليه وخبطته بجسمها وهى مبتسمه : بتغير عليا
تامر ابتسم : اه
زهره : خلاص ها اجيلك كل يوم وجريت بزياد من قدامه راحت على شقة سعاد
تامر : وربنا ما طبيعيه وراح وراها
**************
سميحه قاعده على شط البحر وبتتفرج على خالد الا مندمج مع موج البحر وبيطلع وينزل بإحتراف .. مبسوطه انها كل يوم بتفتح عيونها على عيونه وبتسمع كلام هو كلامه صوته الا وحشها .. طالع من الميه قدامها وقعد على روكبه وبينهج ..
خالد : ها تفضلى قاعده كدا الميه تجنن يا بنتى
سميحه : لا ياعم الله الغنى خليك انت فى ميتك وخلينى انا فى تفكيرى
خالد قعد جمبها وضمها : وحبيبى بيفكر فى ايه
سميحه ابتسمت فيك طبعا .. هو انا اقدر افكر فى غيرك .. ما زهقتش من الميه
خالد : لا دى كانت واحشانى قوووى ما صدقت اعيش يومين تانين فى الميه وجمالها تعرفى اننا كنا بنعمل مسابقات كبيره هناك وكاتو كان ها يموت ويتفوق عليا مره
سميحه : 😂😂😂 معقول محدش قدر يتفوق عليك
خالد : فى طبعا وضحك شيخ القبيله الله يسامحه وكان يخرج يرقصلى رقصه غريبه كدا ويطلع لسانه ليا الا طوله مترين
سميحه : 😂😂😂😂 دا طبيعى دا
خالد : ايوا دا نوع من انواع الفرح والانتصار بالنسبه له
سميحه : هما ماكنش عندهم اكل وجعانين وكدا
خالد : لا دول وضعهم طبعا احسن بكتير من اى مكان فى العالم فيه مجاعه لانهم كانو قادرين يعيشو والطبيعه هناك كانت بتساعدهم كتير عسل نحل حواليهم حوز الهند والسمك ودا كان كفايه يعيشهم بس لا دين ولا تعليم ولا يعنى ايه عوره ولا بيوت ولا ميه بإثتثناء مية الامطار الا كانو بيخزنوها وياترى ها تيجى والا لاء كمان
سميحه : انت قدرت تعيش وسطهم وتتأقلم وتشوف ستات عريانه ورجاله عادى
خالد : غصب عنى ها اعيش واتأقلم بس احنا دواينا موضوع العرى دا وفكرنا فى فكره مجنونه شويه لان هدومنا عمرها ما كانت ها تكفيهم كلهم او ممكن احنا نستغنى عنها
سميحه : عملتو ايه كمل الحكايه وقولى
خالد : لازم تجرينى كل مره واكمل عااادى .. تعالى نروح المكان بتاعنا ونكمل وراحو وهو نام على رجل سميحه ... كنا وقفنا لحد الاتفاق الا لازم يكمل بأى تمن وشكل وركاب الطياره الا خدتهم كلهم بعد تفاهم مع شيخ القبيله يسيبنا براحتنا ويدينا الحريه ودا كان على ضمانة كاااتو
فلاااااش باااااك
**************
خالد : كلكو ها تيجو معايا عشان اكيد كل واحد عارف حاجاته واسمه والا نسيتو اساميكو
كاتو : ساتمشون بهذا الاتجاه وراء بعضكم ومش عايز اى تهور من اى حد
كلهم قبلو الكلام واتحركو ورا بعض وصلو عند الطياره بعد وقت كبيرررر جدا من المشى وكلهم اترمو فى الارض تحتها من التعب واستغربو لوجود طياره قديمه جمبها وواقفين جمب بعض كانهم فى المطار وحد موقفهم
روفيدا : كابتن ايه الا انا شايفه دا
خالد : مش وقته يا روفيد
عبدالله : خالد لو سمحت تعالى معايا
خالد : خير يا بشمهندس
عبدالله : كاااتو تعالى لو سمحت
كاتووو : نعم
(الحوار مترجم )
عبدالله : انا عايزكم معايا نبص على الطياره القديمه دى لاننا ممكن نستغلها فى حاجات كتير
خالد : زى ايه انت شايف البروما والصدا بياكل فيها
عبدالله : مش كلها لسا بحاله كويسه بردو مش متاثره تاثير كبير احنا ها نقطعها
كاتو : انت تعقل هذا الكلام ..
عبدالله : طبعا .. معدات الحفر الا موجوده هنا فيها كل الا ممكن نحتاجه من تقطيع وفك وتركيب ولحام كمان والمعدات انتو حافظتو عليها جدا ودا احيكم عليه .. دورنا بقى نوفر لولازم تانيه تسهل علينا المعيشه هنا ودخلو جوا الطياره .. الكراسى كتير زى ما انتو شايفين وحالتها تمام قوى نستغلها وناخدها ونعمل منها قاعدات فى الخيم بتاعتنا الا مش خيم اصلا .. الاجهزه والسلوك الا فيها من جوا ها نسوى منها الهوايل ودى شغلتى بس لازم مساعده منكم كلكم كل حاجه فيها ممكن نستغلها
خالد : طيب همتك انا معاك وضامن ان اهل القريه كلها معاك
كاتو : ممكن نستغل الطياره الاخرى انها بحاله جيده اكثر من هذه
خالد باعتراض وصوت عالى : لا محدش ها يقرب منها .. ها تفضل كدا يمكن ربنا يخرجنا من هنا والطياره ترجع الشركه تانى .. وكمان انت ممكن تيجى معايا وتحاول تعرف ايه العطل الا حصل فيها
عبدالله : اكيد طبعا .. بس حاجه حاجه كل ما نبقى فاضين انا وانت نيجى هنا ندعبس فيها شويه يمكن نوصل لسبب عطل دى ودى وبص لكاتو هو الطيار معاكو هنا
كاتو : للاسف لاء لم نعثر عليه منذ وقوعها هو والطاقم بالكامل .. وباقى الركاب جميعهم موجودين معانا
خالد : غريبه دى اشمعنا طاقم الطياره الا اختفى يعنى
كاتو : بعد ان تم اخرجنا جميعا من الطائره الى المياه فقد فات الاوان على خروجهم من الطائره ووقعت بهم جميعا واختفت الطائره فى لحظات وبحثنا عنهم كثيرا ولم نجد لهم اثر .. حتى بعد ظهور الطائره لم نجدهم
خالد : لا حول ولا قوة إلا بالله العلى العظيم
عبدالله ابتسم : انت بتتعامل مع عالم خفى موجود معانا على سطح الارض وهو عالم البحار والمحيطات .. ما علينا ربنا يكتب لنا النجاه من كل ما هو خفى وشر .. كاتو فهم الناس دى ان الايام الجايه كلها شغل وبس .. وها نشوف التانك بتاع الطياره دى محافظ على الوقود جواه والا لاء وفعلا اتاكد ان وقود الطياره التانيه ما زال موجود ... دلوقتى بقى ها نسحب من الوقود دا عن طريق الخراطيم الموجوده مع المعدات .. طبعا ها ناخد منه كل ما نحتاج له واحمدو ربنا ان الطيارتين محافظين على الوقود الا فيهم
كاتو وخالد : الحمد لله
خالد : ياله بقى ناخد حاجتنا من الطياره الحمد لله قلبى كان حاسس وعاملى شنطه ايه وبيبوس صوابعه فل مليانه من خيرات ربنا
كاتو ضحك : وانا كمان يا كابتن
خالد : لا انت تتركن على الرف بأم الا انت لابسه دا يابنى عيب انت كبرت على البامبرز الا انت لابسه دا
كاتو وعبدالله : 😂😂😂😂
عبدالله : خالد لازم نتصرف فى هدوم للناس دى منظرهم صعب الصراحه
خالد : وانا ها اتصرف منين سعتك .. اخرهم ورق الشجر نعمل لهم كسوه صيفى وشتوى
عبدالله : والله فكره
خالد : اركن افكارك دلوقتى بدال ما نتقلب فى حاجتنا وها نلبس فى الشجر انا وانت زيهم بالظبط .. وراحو كل واحد طلع الشنط الا تخصه
كاتو : كل هذا لك وحدك
خالد بضحكه : اه مش بقولك قلبى حاسس سميحه قالتلى انت راجع اخر النهار ها تاخد دا كله ليه ... قولتلها راجع اقعد معاكى شويه وها اسلم وامشى عشان عندى كام رحله ورا بعض وها يطولو ... قالتلى يعنى مش هما يومين .. قولتلها لاء ممكن يكونو أكتر الله أعلم اد ايه .. مشيت وانا قلبى مقبوض من مجهول ماكنتش عارف هو ايه بس واحنا بنقع وبتشاهد فى اللحظات الاخيره عرفت ان رحلتى فعلا طويله اد ايه ويا ترى ها ارجع لعيونها البرئيه وعفويتها من تانى والا لاء معرفش طبعا
كاتوووو : سوف ترجع لا تقلق
خالد : تصدق يا كاتو انا مش قلقان غير منك وبيتريق عليه سوف ترجع لا تقلق .. بطلت انا قلق كدا وراجع فى السكه اهوووو
كاتوووو : 😂😂😂😂 اننى اصبرك على هذا الوضع انا اعرف انه صعب فى البدايه
خالد : ما تصبرنيش يا جدع أل لا تقلق وبيزق كاتو روح يا جدع
كاتو : لماذا انا اريد شنطه
خالد : مش بقولك مش مرتحالك وربنا . . عينك على شنطى يالا ما فى شنط كتير قدامك اهوووو وبزعل ملهاش صحاب للاسف
كاتو : انا لا احب انا البس مكان الاموات .. اريد من الغرائض التى تخصك
خالد رجع خطوه لورا : وحياة امك
كاتو قرب على خالد : نحن نفس الطول والجسم
خالد بهزار : اه بس مش نفس اللون انت اتشكليته سودا وانا تشكليته بيضه .. ها تبهت على هدومى
كاتو مسك فى خالد وبيعيط عياط مصطنع : ارجوك خالد اريد انا البس ملابس ارجوك
خالد : 😂😂😂 خلاص يا كاتو صعبت عليا وربنا .. ها اديك طقم .. ومفيش اكتر من طقم .. وراح على الشنط الا ملهاش صاحب وجاب شنطه كبيره جدا خد دى اسمع منى مكتوب عليها اسم راجل اهو ها تتنعم يعنى
كاتو : لا خالد انا لا احب اشياء الاموات
خالد : ياد دانت ها تعمل فيهم ثواب تخيل كل ما تلبس حاجه من بتاعتهم وتستر البلاوى دى هما ها ياخدو حسنات اد ايه ... وبيكلم الناس الا معاه مش لازم تاخدو كل حاجه نبقى نرجع وقت تانى وناخد بقية حاجتنا عشان مش ها تقدرو ترجعو بدا كله
كاااتو ضحك : لقد اتت القبيله بالكامل انهم يفرحون جدا بالاشياء الجديده
خالد بيعلى صوته : كله يتبت على حاجته .. احنا ها نتقلب يا جدعان
كلهم ؛ 😂😂😂 واترمو على حاجتهم ومسكو فيها جامد
شيخ القبيله بيكلم كاتووو : نحن نريد من هذه الاشياء لنا
كاتو بيكلم خالد وقاله
خالد : ياولاد التربنتين .. انا قولت جاين يقلبونا وبص بمكر للشنط الا ملهاش صاااحب وكلم كاتو وقاله قوله زى ما ها اقولك بالظبط .. قوله ان جميع الركاب اتنازول عن الشنط دى لافراد القبيله كانوع من الشكر ليهم عشان استقبالهم وثقتهم فينا
كاتووو ضحك : انت ماكر كبيررر .. وكلم شيخ القبيله وفعلا فرح جدا والناس الا معاه جريت على الشنط وساعدو بقية الركاب انهم يرجعو بكل حاجتهم من غير ما يسيبو اى حاجه تخصهم
عبدالله وكاتووو وخالد طول الطريق يضحكوووو ماشين مش شايلين حاجه وقلبوها مسخره مع بعض
وبعد مرور يوم صعب على الجميع ومهازل من الكل على الشنط وكل واحد خد حاجته وافراد القبيله فرحو جدا بالملابس الا لبسنها حتى ركاب الطياره القديمه كل واحد طلعلو بطقم والناس برضو ساهمت واتبرعت من عندها فى الا اتبرع بطقم وفى الا اتبرع باتنين وبقى شكل الناس كلها بالملابس افضل واحلى بكتير
مر اكثر من سنه وهما فى شغل ليل ونهار والمهندس عبدالله واتنين مهندسين غيره كانو على متن الطياره القديمه واحد معمارى والتانى نفس تخصص عبدالله اشتركو معاهم ورجعو يشغلو دماغهم الا ركنوها على الرف سنين وسنين .. وحولو المكان لشئ تانى القبيله كل يوم بتتعلم شئ جديد من كل الناس الا موجوده وخالد حكم على كل كبار السن والستات انهم يعلمو افراد القبيله القراءه والكتابه ويعرفوهم بوجود ربنا سبحانه وتعالى الدين ومعنى الحياة الانسانيه ... قدرو يطلعو من نفق مظلم لطريق واسع وكبيررر مليان امل ونور من جديد .... فحرو اكتر من بير ميه على عمق كبير جدا لحد ما وصلو للميه العذبه الا يقدرو يعيشو منها صحيح بطريقه بدائيه بياخدو الميه بس خلاص بقت متوفره وافراد القبيله الا بيجيدو فن الفخار وبيمشو مسافات كبيره جدا عشان يقدرو يوفرو خامته ونوع الطينه بتاعته الا موجوده من الطبيعه بدئو يعملو ازيار كبيره يحفظو فيها الميه ويشربو منها فى اى وقت ميه نضيفه ونقيه وبتروى عطشهم .. خلعو كراسى الطياره القديمه وعملو منها قاعدات كبيره لهم بتجمعهم مع بعض بعد يوم شاق ومتعب جدا .. وبدئو يتجولو فى المنطقه لمسافات بعيده ويستغلو اى شئ ممكن يفدهم .. عملو عشش متينه جدا وشكلها تحفه فنيه ودا بمساعدة المهندس المعمارى حتى اضاءة المكان لاول مره فى حياتهم يضئ هذا المكان ودا كان عن طريق الطاقه الحركيه الموجوده فى الرياح القويه عندهم ..المهندسين قطعو قطع كبيره من جسم الطياره القديمه وعملوها على شكل مراوح وثبتوها كويس جدا على مكان عالى فى اتجاه تيار الهوار واستخدمو سلوك وكبلات الطياره ووصلوها ببطاريه الطياره القديمه عشان تشحن واضائو المكان بالمبات الطائره ايضا .. كل حاجه ممكن يستغلوها بيستغلوها كويس جدا وبدون تردد ... خالد بيشتغل زيهم من غيرر ملل كل الا فارق معاه بعده عن حبيبته وعن اهله بقى العيشه نوعا ما مريحه عن الاول كتير جدا زى ما الانسان اتحول واتطور على مر العثور هما كمان بيعلمو الناس دى تتطور وتعيش ودا اكتر شئ بيسكن كل المه وفراقه الفرحه الا شايفها فى عيونهم الامل الا بيطرح ارض جديده للانسانيه .. حتى اللغه العربيه خلاص اتعلموه صحيح مكسر بس بقى فى لغه مشتركه بينهم
وفى جديد ومختلف خالد قام الصبح راح للطياره بتاعته زى ما كان كاتو بيعمل .. ويفضل وقت كبير جواها وبيستخدم كل شئ فيها الحمام دا شئ اساسى وساعات بينام جواها .. قلع التيشرت الا بدء يبان عليه انه قديم ونايم على كرسى الطياره مشتاق لسميحه وبيحلم بيها نفسه يضمها ويشاسكها .. لقى ايد بتسحب على جسمه بطريقه مثيره وحد بيضمه بشوق واضح
******************
بااااك
سميحه : انت سكت ليه : بعد ما حلمت بيا حصل ايه
خالد بيضحك : حصل مصيبه والطياره وقعت بيا تانى او ممكن تقع على حسب رد فعلك اصلك مش بتتفاهمى
سميحه انتبهت : ايوا يعنى ايه سعتك .. قول حصل ايه وشهقت جااامد اوعى يكون عملت حاجه ومسكته من رقبته اتجوزت عليا يا خالد .. اه اكيد روفيدا هى مفيش غيرها
خالد : وربنا ما حصل انتى فاهمه غلط بقوللك ايه كفايه كدا قومى خلينا نطلع فوق
سميحه بعصبيه : مش قبل ما تكمل انت عايز تجننى .. دا انا اروح اجرجر روفيدا الزفت دى من شعرها وافرج عليها الناس وبتقرب وبتجز عل سنانها انت ماتعرفنيش انا شرانيه ومحدش يقدر عليا وبغير من نفسى
خالد بيرجع لورا : كاتو قالى وانا ماكنتش مصدق ودلوقتى صدقت .. ولف ايده حوالين رقبتها وقعها قدامه .. اهدى يا سميحه ما تتهوريش
سميحه : بتشد نفسها سبنى بقولك دا ليلتك مش ها تعدى يا خالد هى راحتلك الطياره اعترف قول
خالد : والله ما هى وبعدين سكت لما حس انه عكها اكتر
سميحه : نطت عليه وبتضربه خونتنى يا خالد وانا الا حاربت الدنيا عشانك .. اه يا خاين طلقنى يا خالد طلقنى