رواية زهرة البنفسج
الفصل الحادي عشر11
بقلم لبني طارق
أعوذ بكلمات الله التامات من شر ما خلق
لا حول ولا قوة إلا بالله العلى العظيم
سبحان الله وبحمده وسبحان الله العظيم
💗💗💗💗💗💙💙💙💙💚💚💚💚💚
سميحه بجنون : بقولك طلقنى انت فاهم طلقنى
خالد اتجمد مكانه وبصالها بصه احرجتها او فوقتها وقام وسابها وطلع على غرفتهم فى الفندق .. زعلان قوى ان سميحه بتبتدى حياتها معاه بالكلام الفارغ دا .. اخر حاجه اتوقعها فى حبها وبعد ما فضلت سنين على امل رجوعه تقوله طلقنى ... وهى فضلت مكانها تعيط ومخنوقه مش من نفسها لا منه .. وكل تفكيرها معقول يكون سمح لنفسه انه يعمل حاجه والا لاء ...طب فى واحده تانيه دخلت حياته والا لاء .. ها تتجنن من كتر التفكير قامت طلعت هى كمان دخلت خدت شاور وغيرت وتجاهلت خالد ونامت على السرير وهو كمان تجاهله ونام على السرير والاتنين كل واحد مدى ضهره للتانى .. وبعد فتره من العند والتفكير الا ها يقتلهم الاتنين لفو بعنف وفى نفس واحد
انتى غلطانه
انت غلطان
خالد بعصبيه : غلطان فى ايه بقى .. انا مالحقتش اقول حاجه ليه تخلى الغيره حاجز بينا كان زمان الخوف هو الحاجز .. دلوقتى الغيره ها تخليها حاجز يا سميحه
سميحه عيطت : حبك هو الا حاجز .. السنين الا عشتها فى بعدك وانا كل يوم بموت عليك هى الحاجز .. مية الف عريس وانا ارفض وحرمت على نفسى ان اى راجل غيرك يلمسنى هو الحاجز .. عارف يعنى ايه انت بتموت وبتلوم نفسك كل يوم صاحى شبه الاموات نايم بتدعى ماتقمش .. وانت ايه مهما كان الا حصل كنت عايش حياتك مطمن وحاطت فى بطنك بطيخه صيفى وبتنطر ايدها اهو موجودين تهزر مع دى تحضن دى والله اعلم عملت ايه تانى
خالد : مين قالك انى كنت عايش حياتى برغم كل حاجه حصلت انا كنت زيك بالظبط عايش شبه الاموات والا تعبنى اكتر انى ميت فى نظركم طول الوقت خايف تتجوزى غيرى وقصتى معاكى تنتهى وعمال اقنع نفسى بغير كدا .. بتعاتبينى على ايه على مواقف انا مليش يد فيها .. كان من حقى اعمل حاجه ومش حرام ولا عيب لان انا يجوزلى بدال الواحده .. اربعه يا سميحه .. بس انتى كنتى عندى بالاربعه دول واكتفيت بيكى وبتحذير اوعى واياكى تلومينى او تحاسبينى على افعال غيرى واه عملت زيك بالظبط حرمت على نفسى اى متعه مع واحده تانيه عشانك .. عارفه ليه عشان متاكد انى فى يوم ها ارجع والاقيكى مستنيه انا عندى ثقه فيكى برغم كل مخاوفى انك تتجوزى ولو حصل ها يبقى اجبار مش بمزاجك وانتى ماعندكيش اى ثقه فيا .. وسكت ولف وشه ..وهى عيط تانى وبحرقه .. فضلت تعيط وتقطع جوا قلبه بسكاكين . لف لها وخدها فى حضنه وضربها على راسها بهزار ..اوعى تقوليها تانى فاهمه
سميحه هزت راسها بمعنى اه ودخلت فى حضنه أكتر .. وبصوت طالع بالعافيه : عملت ايه ومين دخلت عليك الطياره
خالد ابتسم من غيرتها هو عارف انها مش ها تقدر تستنى ولازم تعرف كل حاجه زى ما سابها رجع لها زى ماهى صغيره وجميله ومجنونه وغيوره الا عدى فى حياتهم دا ولا حاجه السن عمره ما كان حاجز ابدا لأفعال او غيره او حب : انتى مش ها تنامى
سميحه رفعت عيونها له وهى حمرا ومناخيرها حمرا وحالتها حاله وزى الاطفال بتتشنهف : مش قبل ما اعرف احكيلى كل حاجه اوعى تاجل اى كلام تانى
خالد : خلاص كل السنين الا جايه بقت شبه بعض عملنا كل الا نقدر عليه ويعتبر مقاضين وقتنا يا بنخترع او بنحاول نخترع يا بنلعب وبنخلص يومنا فى اى حاجه
سميحه بردو قولى ومن ساعة ماكنت بتحلم بيا
خالد : حاضر وبيعلى صوته شويه بطلى زن جاب منديل مع على الكمود وبيمسح دموعها ووشها كله المتبهدل وباس خدودها وشافيهفا بشوووق فظيع . وحشتينى يا سميحه ومسك وشها بين ايديه يثبتها .. وبهمس ماحبتش ولا عارف احب غيرك
سميحه : ولا انا عارفه احب ولا اعيش مع غيرك والله إطمنى وحضنو بعض بقوووه عكس ما كانو الاتنين من شويه .. اتنين مشتاقين حابين يخطفو كل لحظه ممكن تقربهم من بعض مهما حصل سميحه بعدت عنه
سميحه : انت بتضحك عليا بقولك احكيلى
خالد ضحك جااامد وشدها عليه : تعالى عشان اى حركه كدا والا كدا اديكى روسيه منومه وبيهز راسه او مهدئه
سميحه : ابتسمت وميلت راسها .. يا سلام ياله قول يا متقال
خالد بيتخن صوته : اعقلى يا سميحه .. وبعدين سرح بخياله من تانى
فلااااش بااااك
************
خالد نايم وبيحلم بسميحه حبيبته مفتقدها قوى وكل يوم احساسه ومشاعره بتغلبه مشتاق لدرجه انه نفسه يحضنها بجد .. حس بحضنها وبالمست ايديها ومستمتع جدا .. بيشدها أكتر عليه وبيكلمها وحشتينى قوووى كان نفسى فى اللحظه دى من زمان اخيرا .. وفاق على صوووت غريب تماما عنه بيقول وانت كمان يا خالد .. بحبك وانت ولا حاسس بيا فتح عيونه ونطر الا كانت فى حضنه وهو بينهج ومش مستوعب ايه الا حصل او ايه الا كان ها يحصل اتفاجئ بنرمين ايوووا هى ..
خالد : انتى اتجننتى ايه الا بتعمليه دا
نرمين اتعدلت وبالهفه وهى على روكبها وحضنته وهو قاعد : بعمل الا المفروض كان يتعمل من زمان .. انا بحبك وانت روحت اتجوزت وسبتنى .. اتخطبت عند فيك يمكن تحس بيا بس للاسف ولا كانك بتشوفنى .. خلاص مفيش مانع بينا دلوقتى مفيش امل نخرج من المكان دا .. تعالى نتجوز ونبقى لبعض ارجوك يا خالد
خالد زقها المره دى بعنف وعلى صوته : انتى اتجننتى والا جرا حاجه لمخك .. لا عمر كان فى حاجه بينى وبينك ولا ها يبقى فى فاهمه
نرمين : ومعاملتك ليا ... روفيدا قالتلى انك نزلت الميه اكتر من 7 مرات لحد ما طلعتنى واتكتبلى عمر جديد
خالد : غلطانه انتى وهى .. انا بنزل انقذ ناااس كانت محتاجه حد ياخد بيأيدها دورت عليكى اه عشان انتى فرد من الطاقم بتاعى .. وبيشاور بايده اطلعى من هنا مش عايز اشوف وشك فى اى مكان انا فيه وبصوت رعبها ونفضها من مكانها فاهمه
نرمين عيطت : لا مش فاهمه .. انت حبيبى انا وليا انا .. خلاص لو متخيل اننا ممكن نرجع يبقى بتحلم ما تضعيش عمرنا اونطه وتعالى نبتدى انا وانت مع بعض وحتى لو رجعنا .. انت راجل ومن حقك تتجوز اربعه
خالد ضحك وبص لها وهز راسه : منا متحوز اربعه ياله بالسلامه عشان ملكيش مكان
نرمين : كدب
خالد مسكها شدها وبيطلعها برا الطياره بلا كدب بلا بتنجان قومى من هنا ياله
نرمين وقف وبصت له بغيظ وغل واضح ونزلت مشيت من المكان ..
خالد قعد تانى بيحاول يستجمع نفسه كانت ها تحصل كارثه لولا انه فاق من اوهامه .. وبيفكر فى نرمين ما اتخيلش ابدا انها تكون كدا او بالتفكير دا لسا ها ينزل لقى كاتو وعبدالله
كاتو بعد ما اتكلم او اتعلم العربى المكسر
كاتو : هالد هى نرمين كانت بتئمل ايه هنا
خالد ضحك كل ما كاتو يتكلم عربى بيضحك : هى خانت فاخره الطياغه لوحدها لما سافت هالد مشت على طول
عبدالله : 😂😂😂 وربنا انت كرهت الواد دا فى حياته حرام عليك
خالد : طب وربنا فهم وبيبص لكاتو ترجم لعبدالله الكلام الا قولتهولك انجليزى
(الحوار مترجم )
كاتو : خالد يقول ان نرمين اتت للطياره ولا تعرف ان أحدا بداخلها ولما رات خالد فضلت الرجوع فورا
.......
خالد بيسقف : الله أكبر شوفت متخلف بيفهم بالمشقلب اسمع منى ياعبدالله
كاتوووو : انا لستووو متهلف .. نرمين تقول اننى مكنون ومبتسم قوووى
خالد : بيشاور عليه اهووو البنات بتقول عليه مجنون كمان فاضحنا فى كل مكان
عبدالله : 😂😂😂😂 وهى بتقول عليك مجنون ليه
كاتو حط ايده الاتنين على صدره ورجع سنه براسه لورا وغمض عيونه وبهيام : بهبه كتيررر انا .. بعدين اتكلم عادى .. كل ما اقول انا هبك تقولى مكنون ات
خالد فضل يضحك كتيررر : انت يالا مش متجوز فى بلدك ومتنيل متجوز هنا
كاتو : فى بلدى سمانه مااات وهنا خلاص مات هو كمان
خالد : وقولت بالمره اخلص على نرمين
كاتو : والله اهبه كتير هالد ونفسى إيش مئاه كتير اوئى موت انا مس اققدر
خالد : نفسى اعرف انت ازاى مسلم ومتعرفش تتكلم عربى دا اساس قراءة القرأن يا راجل
كاتو : كنت لا اهتم للاسف بس ألاص هالد انت ألمنى كل هاجه
خالد : انا منا بعلمك كل حاجه بس انت مطلع عينى
عبدالله : اهو ينوبك ثوابه .. بس الحمد لله هنا الاطفال بقو اذكياء وبيتعملو بسرعه جدا والستات قايمه بشغل جااامد الصراحه عندهم صبر وطولة بال
خالد : الحمد لله القبيله كلها بقت حاجه تانيه ..لا وسايبن الكبار لينا مصيبه سودا لما تلاقيهم كلهم متنحين وفاتحين بوئهم وانت بتحاول توصل لهم حاجه .... بقولكم ايه ما تيجو نعمل مسابقه فى الميه
عبدالله : انت الا ها تكسب
خالد رفع ايده : كل واحد ومجهوده بقى .. ونزلو التلاته وعملو مسابقه .. وخالد الا اتفوووق عليهم زى عادته لسا طالعين لقو شيخ القبيله جاااى من بعيد .. وبيتكلم عربى مكسر بردو وقال لهم انا قولت ها الاقيكم هنا
خالد : يا اهلا .. بص انا مش قادر انزل الميه تانى خلاص
عبدالله : قول انك خايف ليكسبك
خالد : مين دا انا سايبه بمزاجى عشان هو الكبير بردو
كاتووو : 😂😂😂😂 لا هو ها يكسبك هالد
خالد بيشاور لشيخ القبيله : ارمى العصايه الا فى ايدك دى واقلع ال تكسبنى هى عشان مره خلاص
شيخ القبيله ضحك وفعلا رمى العصايه وقلع .. ونزلو الاتنين فى تحدى قدام .. خالد بيعافر طول الوقت .. وخرج على اخر لحظه وكسبه بفرف بسيط جدا .. خرج وحى شبخ القبيله وحضنه جااامد ..
خالد وهو بينهج : ماشاء الله عنده قوه بدنيه عاليه جدا جوا الميه ارموووت سمك . بران الميه سفروت يصعب عليك
شيخ القبيله : ات سفرت هالد مس انا ...
خالد : لا بقولكم ايه احنا لازم ننظم مسابقات كبيره والاطفال تتعلم بإحتراف صحيح كلهم بيعرفو يعومو بس اظن ان الناس دى عندها اكتر مننا بكتير
عبدالله : ايوا فعلا انا لاحظت ان الستات والرجاله والاطفال محترفين
شيخ القبيله : همه مئانا اكتر .. انتو أمل القبيله كتير هياتنا اتغير مئاكو ..
خالد : ان شاء الله ... ما تقلقش
مرت سنه ورا التانيه ورا التالته لحد ما مر عل وجودهم فى هذا المكان سنوات كتير جدا هما مش قادرين يحسبوها ..كل شئ اتغير اغلبية الا معاهم اتجوزو بعض حتى محى الا كان مش طايق القبيله اتجوز منها وبقى عايش فى سعاده اتأقلمو على المكان كتير جدا يعد ما كل شئ اتغير والعيشه بقت سهله جدا ماعدا خالد اتأقلم اه بس مش قادر يأسس حياه او بيت زى الباقين عنده ايمان انه راجع حتى لو بقى عمره 100 سنه .. كان ساعات ها يستسلم بس مش قادر فى حاجه بتمنعه اتعرض للمخاطر كذا مره فوق الجبال الا كانو بيطلعوها عشان يشوفو اى حاجه ممكن تبقى أمل جديد وكان بينجى من الموت بأعجوبه طول الوقت عايش مع سميحه بأحلامه وحاسس انها جمبه فى همزة وصل بينهم مش عارف هى ايه .. لحد مافى يوووم فاقدو فيه الامل ان حد ينزل اول يجى على ارضهم دى .. اتفاجئو كلهم بطياره خاصه صغيره نازله فى مكانهم ونازل منها ااتنين والكل اتجمع حواليهم واولهم خالد
*****************
بااااك
سميحه : ايه كمل معقول جابوك انت لوحدك وسابو الباقى
خالد : لا قعدت تقريبا سنه كمان عشان الناس دى تبلغ بوجودنا ونقدر نرجع من تانى
سميحه : ليه سنه اشمعنا يعنى
خالد : حاجات كتير يا سميحه بعدين ها اقولك بقى
سميحه خلاص براحتك وابتسمت اهم حاجه اطمنت انك فعلا بتحبنى وماقدرتش تلمس واحده غيرى
خالد ابتسم : كنتى بتدعى عليا
سميحه : عمرى كل لحظه وكل دقيقه بتعدى كنت بدعيلك واتحولت تانى هى زفت الطين الا اسمها نرمين دى رجعت معاك
خالد ؛ 😂😂😂😂 اتجوزت كاتو الحمد لله
سميحه خدت نفس : الحمد لله ربنا رحمها منى
*************
تامر قاعد ما والدته وابنه وزهره بتعمل لهم حاجه يشروبها .. خلصت وطلعت قعدت جمبهم .. فضلو يتكلمو فى حاجات كتيررر جدا .. وزهره بتلاعب فى زياد باللعب الا اميره ادتهاله ..
تامر : كل دى لعب جبتيها يا زهره
زهره : لا يا تامر .. وبدئت تحكى كل الا حصل
تامر كشر وشه : انتى واخده ابنى تشحتى عليه
سعاد بصتله وكشرت : يوووه .. دى مش شحته بابنى دا تقدير من الناس لبعض ايه الا انت بتقوله دا يا تامر
تامر : ما بحبش كدا انا .. يا انا اجيب لابنى كل الا هو عايزه وبيشاور على زهره الا زعلت وبان عليها الزعل يا امه هى الا تجيبله
زهره قامت ودموعها نزلت لوحدها : واجيبله له ماهو ابنك انت لوحدك الا انا واخده وبشحت عليه .. وما ادتوش فرصه للكلام وخرجت من الشقه بسرعه راحت شقتها وقفلت على نفسها .. رمت نفسها على السرير وفضلت تعيط .. كانت خلاص ها تصدق انه فعلا انه ابنها بس كلام تامر وجعها قوووى
سعاد ضربته : طول عمرك مدب يابنى افهم كلامك انت بتقول ايه
تامر : والله ما قصدى حاجه هى زعلت ليه انا فعلا ما بحبش اخد حاجه من حد مش عايز واحد يكسر عينى ويقولى انا اديتك او عملتلك
سعاد : ودا ماله ومال ان واحده تقدر زهره وتعبها وبتحبها ونقطتها لابنها .. خليك كدا كاسر بخاطرها ها يبقى عندها حق لو كرهت صنف الرجاله كله
تامر : انا بموت فيها مش بحبها وبس وفعلا زياد ابنها وانا بتكلم بعفويه مش قصدى الا هى فهمته
سعاد : خلى زياد معايا وروح صالحها اتفضل
تامر راح شقتها وفضل يخبط .. يخبط ما بتردش ويرن الجرس مفيش فايده .. دخل شقته ونط فى البلكونه .. وبلكونتها مقفوله خبط عليها بردو مابتردش فضل يزق فى باب البلكونه مفيش فايده بيرجع تانى من على السور .. ومره واحده وقف