رواية ابني ولكن
الفصل الثاني عشر12
بقلم نوسه حمد
الدكتور قال لي بتك حامل ي استاذه قلت ليهو حامل شنو ي دكتور قول بسم الله وكدي دقق ف الموجات احتمال دوره متراكمه قال لي دوره شنو دا جنين وبي نبضو وليها ٤ شهور انا كرعي بردن والبت بقت مخلوعه وشكلها مافاهمه حمل زاتو شنو قالت ليهو انا ح الد زي ماما بس انا م متزوجه زي امي معمر جا جاري ورا الستاره قال ليهو يا دكتور الحامل منه ولا منو الدكتور قال لي دقيقه موش انتي جيتي مع اختك المجنونه وكانت حامل وقالت ح تطلع الجنين انا بقيت ساكته محمد جا داخل بقا اهدي ف الموضوع قال لي والله عدم التعليم والدين مشكله والبت دي صغيره تراعيها ولا تباري الفارغه قلت ليهو انا م امها معمر قال لي وعد مالا قلت ليهو وعد حامل قال لي شنو شنو قلت ليهو دا كلام الدكتور الدكتور قال ليهو انت بتقرب ليها شنو قال ليهو انا ابوها وي دكتور وعد مالا قال ليهو البت دي حامل وامها م جايبه خبر وربنا يستركم ان شاء الله
معمر ادا وعد كف وعاوز يضربها محمد مسكو وهي ماسكه ليهو بابا انا بكرهك وبكره ماما وم عاوزاكم عاوزه اقعد مع ناس بابا محمد قلت لمحمد سوق معمر وارح البيت انا سوقت البت وكانت خايفه لمن بترجف وم رجعنا للدكتور تاني لانو م عندنا وش نتكلم معاهو وبالذات انا مصيبتي كبيره وف نظر الدكتوره نحنا اسره منحله لانو دي مفتكرها بتي ونهال اختي وغايتو الحمد لله ف حاجات م بنقدر نشرحها بس الناس بفهمونا غلط
وصلنا البيت لقيت بتي واخوانها نامو ودخلت وعد في الغرفه الفاضيه قلت عشان حالتها متوتره وتاني م ح تقدر تمش المدرسه لانو تحت اي لحظه الاساتذه ح يعرفو حملها لانو قالو بتقع كتير ف المدرسه وشكلو دا الحمل قلت ليها وعوده نومي حبيبتي وانا قلبي انقسم النص بت بريئه والحصل ليها دا حاجه م ساهله قالت لي خالتو انا م عاوزه ماما ولا بابا ماما بتضربني وإياد بوريني حاجات كعبه قلت ليها طيب نومي مسافه انا امش اعمل ليك حاجه تاكليها وح اخليك تقعدي هنا مع ايه
مشيت لقيت معمرابكي واتحسر ومحمد شال هم الدنيا وانا زاتي غلبني البعملو وقلبي وجعني علي البت ولو كانت كبيره وواعيه والله كان خليتو كتلها دفاع لي شرفو بس البت ما فاهمه شي وانا الوحيده الفاهمه الحاصل ليها
معمر قال لي انا خلاص ضهري انكسر انا خلاص سمعتي اتشوهت وعيني انكسرت واودي وشي وين من اهلي وجيرانا واخواني واقبل ع وين وبقا ينوح زي النسوان والعجب محمد اتشهد واستغفر وصحي الجمره بتحرق الواطيها قلت ليهو معمر انت همك الناس البت دي م فاهمه شي وحمل يعني شنو م فاهماهو احتمال اكون في زول اغتصبها بس هي م لاقيه البتحكي ليهو انت ونهال م بتعاينو لي اولاكم والاطفال ف عمر زي دا دايرين البحتويهم وم عندها ذنب البت دي تحس بيها منكسره ودا دلاله علي انو ف زول اغتصبها ومعمر قام ودخل الغرفه وبقا يضرب في البت قال ليها الهبشك منَو وبقا يضرب بي كل قوتو لا انا لا محمد م قدرنا نمسكو واضرب فيها وهو يبكي وهي تكورك وانا ومحمد نمسكو ادفرنا بي كل قوتو والبت لمن داخت ووقعت في الارض والدم بقا جاري بي كرعينا انا حيلي مات وقدرتي انهدت البت قطعت قلبي ومحمد بقا يبكي وحالنا كلنا م بتسر والاتنين بقو سرحانين والبت تنزف قلت ليهو معمر البت ح تموت ف يدنا ونزفت كتير ارح نوديها المستشفى قال لي خليها تموت ومحمد بقا م فاهم شي وانا غلبني البعملو اتصلت لاحمد وجا جاري حكيت ليهو الحصل وهو اكعب من معمر عاوز يضرب البت والبت بقت ساكته وتعاين ليهم وحيلا انهد من البكا قلت لي احمد حرام عليكم دي روح وانتو م عارفين الحصل ليها دا حصل كيف عليك الله ساعدني نوديها الدكتور قلت لي احمد نمش ام درمان وتقول انت راجلها وامسك نفسك ننقذ البت قلت ليها وعوده لو سالوك راجلك وين قولي ليهم هدا راجلي لي احمد عمها قالت لي دا عمو يا خالتو قلت ليها واي انا من برائتك القاطعه قلبي دي💔💔 مشينا ودينا البت ومسافه وصلنا دمها كلو اتصفا واغمي عليها ودخلناها المستشفى وقالو حاله إجهاض واحمد مثل انو زوجها وانا لبستها دبلتي واسعفوها وقالو لينا مالا قلت ليهو انزلقت ف الحمام وقالو لينا دا اهمال والدكتور انصح فيني ع اساس دي بتي وصغيره وم جايب خبر المهم مسافه الدكاتره طلعو احمد شالا وطلعنا لانو خوفنا ننكشف وتبقا لينا سين وجيم وقضيه ووصلنا البيت والبت م صحت احمد جاب ليها العلاجات و اديتا درب وحقنه حتي البت فتحت ومعمر قال لي كان تخليها تموت بت امها الزمن دا كلو م سالت منها اكيد كانت بتطلع من وراي وعوده قالت ليهو والله ي بابا م بطلع انا بتطلع امي وبتخليني مع اياد وانا بكرهم وبكره إياد وم عاوزه اعيش معاهو انا طلعت معمر برا قلت لو م كتل وعد ح يكتل اياد ودي مصايب وقعت علينا ونهال اتصلت تبكي قالت ليهو وعد م جات من المدرسه قال ليها وعد انتي لو شغاله بيها دا كلو م كان حصل قالت ليهو حصل شنو قال ليها وعد جات مع ايه وتعبت ووديناها الدكتور وبتك حامل ي المربيه الجليله قالت ليهو بتي حاشاها وانتو عاوزين تتهمو بتي في شرفها وبقت تلعلع وهي م جايبه خبر معمر قال ليها م القاك ف البيت انتي طلقانه
خمسه دقايق ولقينا نهال في وشنا وجات جاطت فيني قالت لي انتي واحده كذابه وبقيتي سبب في زواج راجلي وفي طلاقي وتتهمي بتي بالحمل قلت ليها انا لو بتهم كان قلت الحقيقه خليها الاتهامات دي وبتك حامل وانتي م جايبه خبر وربنا ستر والجنين طلع قعدت تكورك في معمر قالت ليهو تصدق واحده زي دي ي معمرالجنين شنو الطلع وقالت لي كيف تتهمي بتي في شرفها وانا برفع فيك قضيه رد شرف وحاولت تضربني احمد اتمغس عليها مسكها من يدها قال ليها القضيه م اترفعت فيك انتي وبتك تجي ترفعيها في واحده اشرف منك وطاخ اداها ليك كف لمن الغرفه قالت صننننننن انا قلت ليهو احمد عليك الله خليها في بيتي هي قالت لي اي مثلي الطيبه ومثلي المثاليه وانتي اوطا خلق الله محمد قال ليها حدك هنا ي نهال و معمر سوق مرتك وبتك وتاني م تدخلو بيتي ومحمد منفعل قلت ليهو عيب ي محمد دا م طبعك قال لي منه تسكتي ولا تطلعي معاهم ياخ كفايه جوطه ياخ الحاصل دا العقل البشري م بستوعبو وانا م لي الشرف اولادي يسمعو القصص دي معمر شال بتو وطالع بتو تبكي قالت لي خالتو منه م تخليني امش خالتو انا عاوزه اعيش معاكم وانا دايره اشيل البت من معمر محمد قال لي منه فكي البت باعلي صوت انا لمن قلبي وجعني وحسيت بمعمر منكسر والبت تبكي وفاتو احمد قال لي محمد براحه ع منه كفايه الصدمه الهي فيها قال ليهو طيبه منه ح تدمرنا واحد ورا التاني قلت ليهو كيف ي محمد قال البت مالك ومالا تقولي لي ايه جيببها معاك انتي بتلقطي لينا ف المشاكل ولو مسكتي بيتك وخشمك دا كلو م كان حصل انا قلبي وجعني شديد قلت ليهو بيتي ماسكاهو وخشمي ماسكاهو وانا اهلي انحرمت منهم عشان م اقصر فيك ولا في اولادي وماف داعي للكلام الشين ي محمد انا م عندي ذنب بس ذنبي انو المشاكل بتقع في راسي وكتر خيرك ي محمد...