رواية زواج قاصره
الفصل الثاني عشر12
بقلم نوسه حمد
سالم بقا ابكي واعتزر لي وعاوز يمسك يدي فكيتو بكل قوتي قلت ليهو سالم انت طليقي ولا نسيت انك طلقتني من غير م تسالني او تجي تفهم مني نسيت انك اخترت البعاد وم عارف عواقبو شنو لي انا لو م اتوكلت علي ربي ونسيتك كان جنيت لانو اتزوجت زواجه م كنت فاهمه اي شي فيها غير انو اهلي قالو لي البت مصيرها بيتها لقيتك انت واستحملتني وعلمتني الحياه حبه حبه ونبهتني لي حاجات كتيره انا كنت م عارفاها انت عارف ي سالم انت السبب في اني اقيف قصاد خالده واعمل العملتو وم اخليهم اشيلو العاوزنو الفضل يرجع ليك انت م لي اهلي اي نعم هم اهلي بس التوعيه الوعيتني ليها انت هم بي بساطتهم م جايبين ليها خبر انا بشكرك اول شي علي انك فهمتني الصاح والغلط وبشكرك انك وقفت معاي وم قصرت والله ي سالم لمن اموت م اجيب سيرتك بي شينه طلاقك لي ح اكون مبهم انت لو عاوز تحكي احكي ليهم بس انا م ح اتكلم الحمد لله قدرت صديتهم وبعدت منهم بس م ح اتكلم رغم انو ابوي وامي نفسهم يعرفو سبب الطلاق بس م حبيت اصغرك قدامهم واقول ليهم سالم سمع كلام النسوان وياريت النسوان لَو امك لو اختك دي خالده الانت كولد عارف خالده هي شنو سالم قال لي اديني فرصه اتفاهم معاك قلت ليهو لمن طلقتني انت اديتني فرصه سالم انا ماشه اكبر وعقلي ماشي اكبر وبفهم كويس انت كسرت قلبي الما حبا غيرك ولامن اموت م ح اشوف ف راجل زيك لانو انت كنت اول انسان اعيش معاهو علاقه حب ومعليش ي سالم كنت غلطه حياتي وربنا بعدك مني سالم قال لي ومنو القال انو انا ح ابعد انا ح ارجعك قعدت اضحك قلت ليهو ترجع منو انا مستحيل اكون زوجه تانيه والحاجات الاتعلمتهن وم علمتني ليهن انت انا م ح اقبل اكون في عصمه راجل عندو مرا غيري عارف ليه؟ لانو خالده دي ابوها متزوج اتنين والاتنين م قادر عليهن لا في تربيه لا صرف ضاع وضيع بناتو والدنيا م معروفه وانا م ح اقبل اكون زوجه تانيه وبس سالم قال لي بطلقها وانا اصلا م دخلت عليها قلت ليهو م حرام عليك تكسر قلب بت م شفتا منها شي لا ي سالم انا م ح اوافق وعيش حياتك وانا الحمد لله عايشه وح اواصل تعليم بس م ح اقرا جامعه ح اعيش مع ابوي وامي معززه مكرَمه الدنيا م عارفاها داسه لي شنو 💔💔سالم قال لي ميعاد ك تكسري قلبي انا ولا ثانيه م نسيتك وانا غلطت صدقت كلام خالده وندمان والله انتي كنتي كل املي ولو بت خالي دي دخلت عليها ح اظلمها شديد وافقي انك ترجعي لي وانا وعد اعدل بينكم قلت ليهو لا ي سالم البت م عندها ذنب وانا دي قسمتي ورضيت بيها وم زعلانه ويلا فوتك بي عافيه ابقا عليها عشره وم تقصر منها وي سالم خالده م تسالها لانو ح تدمرك معاها عصابه انت ماشي ع زواج وحياه تانيه م تسالها عشان خاطري قال لي لو فوتها ليها ابقا م راجل قلت ليهو ح تعمل شنوو هي دمرتنا وانتهت وبت الناس العرستها م عندها ذنب وهاك ي سالم دي دبلتك اديها لي مرتك والتلفون بالدليل الفيهو ختو عندك لانو فيهو صوري انا وانت وبتوجع لمن اشوفهن احتفظ بيهو ويلا ي سالم وحياه زوجيه سعيده
مشيت بيتنا امي وابوي قالو لي كنتي وين قلت ليهم رجعت الدبله والتلفون لي سالم ابوي قال لي اصيله ي بتي وم تزعلي قسمتك كده وان شاء الله ربنا يعوضك بالاحسن لانو عوض ربنا جميل قلت ليهو لخير ومشيت
كان نفسي اصل غرفتي عشان اقفلها علي وابكي من دون زول اشوفني واتحسر علي قعدت ابكي واتحسر
مرت الايام وعايشه مبسوطه مع اهلي وسالم ساق مرتو وسافرو وبرضو ريم اتزوجت معاهو م مشيت باركت ليها لانو كنت تعبانه نفسيا
عشت حياتي وكل البتقدم لي برفضو لانو م قادره انسا سالم
يوم من الايام كنت ماشه اقفل الباب سمعت صوت مرتين جنب بابنا دايره افتح الباب اشوفهن هن مشن سريع لمحت ريم وخالده انخلعت وقلبي وقف دخلت سريع ولبست توبي وجيت ماشه وراهن اتكمكمت بي توبي عشان م اعرفني حاولت اسمع كلامهن بس م قدرت لانو بتكلمن براحه اول م وصلنا محل مقطوعه جات عربيه مظلله ادسيت ورا طوب وبقيت اعاين ريم ركبت ف العربيه وخالده م ركبت العربيه فاتت طوالي خالده جات ماشه جنبي طلعت ليها من ورا الطوب قلت ليها خالده بيعتي ريم خالده انخلعت قالت لي ريم شنو قلت ليها م تعملي رايحه ي خالده انا شفتكم من بدايه الشارع وباريتكم قالت لي انتي بقيتي تحلمي وانتي صاحيه انا والله الم فيك الناس هسي ريم شنو البيعتها قلت ليها خالده بطلي خساسه واتصلي للراجل خلي يرجع ريم قالت لي ابعدي من طريقي انتي الطلاق اثر علي عقليتك وبقيتي تتوهمي امشي اتعالجي وفاتت انا الخوف داير اكتلني والوقت كان متأخر وناس الحله لو شافوني بقولو بقيت كعبه لانو دا م وقت تطلع فيهو بت