رواية زواج قاصره
الفصل الثالث عشر13
بقلم نوسه حمد
بقيت اتلفت وراي والشارع فاضي والخوف عاوز اكتلني بقيت افكر اعمل شنو افوت اخلي ريم وتضيع زي خالده؟ اخليها تبقا رهينتهم بسبب قروش زايله؟ مهما كان ريم بت عمي وصغيره ف العمر وهم استدرجوها زي م عملو معاي انا اكيد انا عارفاها م بتمش بي رغبتها فلازم انا اصلها وانقذها رغم انو انا لو مشيت براي البشوفني بألف فيني الف قصه والف روايه بس ريم بت عمي م ح اخليهم اشوهو سمعت اسرتنا الحقها عشان م تغرق زي البنات التانيات وانا عارفه البييت المشبوه ف الحله الجنبنا بس بعيد قلت كلو اهون بس الحق ريم بقيت ماشه واتلفت وراي وصوت الكلاب والليل الدامس مرعب بقيت استغفر واتشهد وماشه لو. في زول قال لي أقل كلمه ممكن من شده الخوف الجواي اجن وصلت نص المسافه اتزكرت م كلمت اهلي اني طالعه وابوي بشفق علي قلت ارجع بس نفسي م سمحت لي اخلي ريم تدمر مشيت ومشيت ووصلت البيت حاولت افتحو لقيتو مقفول ومظلم والعربيه واقفه لقيت لي حجر قعدت فيهو واصلا هو البيت مقطوع ف نهايه الحله انا الخوف كتلني فجاه سمعت صوتهم طلعو وقفت ليهم في وشهم وفتحت وشي والقمره كانت مضويه المحل الاتنين بصوت واحد قالو لي ميعاد وانخلعو😲😳 الراجل اتلفت علي ريم قال ليها بتعرفيها وهي قالت ليهو انت بتعرفها قال ليها دي البت الوحيده الم قدرت اصل ليها قلت ليهو ولا ح تقدر ان شاء الله قال لي عشان قوتك دي انا دمرتك وخربت بيتك وطلقتك من راجلك قعدت اضحك قلت ليهو م بهمني بيتي اكتر من شرفي قال لي الفيديو الجاي بصل لي ابوك وبتبرا منك وبتنفضحي ف الحله قلت ليهو انتو متاثرين بالافلام الهنديه شكلكم بس احب اقول ليك نحنا م هنود انت لمن تجي تجيب فيديو لي ابوي وامي الربوني وعايشه معاهم وعارفين تحركاتي فكرك بصدقوك لا لا ياخ مستحيل واعمل العاوز تعملو انا م بنكسر ليك الا في حاله واحده تكتلني دي الحاله الوحيده البكون فيها ميته قدامك ومكسوره م بقدر اقاومك لكن انا في حالي دي مستحيل ريم بقت متوتره وخايفه قلت ليها شلتي المقابل ي ريم قال لي ريم دي شهر بالكتير ح تتملي دهب وماعندك فيها شغله قوي راسك انتي وخلي الفقر يكتلك قلت ليهو دا منو الغشاك وقال ليك انا فقيره انا غنيانه بالقناعه الكنوز الدنيا كلها م بشتروها بيها دي صفه بقسمها ربنا وانا عندي قناعه تكفي الدنيا بي حالها ورضيانه بقسمتي وفقري الانت شايفو فقر وانا شايفاهو غنا قال لي انتي فلسفتك دي ح تضيعك قلت ليهو فرز الحلال من الحرام م فلسفه ي استاذ دي حاجات امرنا بيها ربنا وشوف ي الاسمك مالي الشرف اعرفو ابعد من ريم دي اياك تقرب ليها تاني قال لي ريم م عندك فيها شغله بقت حقتي قلت ليهو دي بت عمي واخت سالم وكشفت اوراقك قدامها و لو عندها ضمير ح تمش تحكي لي سالم الظلم الانظلمتو بس اكيد واحده عرفتكم وبقت نجسه زيكم م ح اكون عندها ضمير ضميرها ح يموت واكيد مات جاهو تلفون اتكلم وقال لي ريم اركبي سريع وفاتو خلوني اتلفت براي وقلبي وقف وزعلت علي نفسي جيت عشان انقذ ريم منهم ريم اختارت الرزيله وفاتت خلتني انا العاوزه مصلحتها بقيت ابكي وماشه فجأه في نص المسافه سمعت صوت سالم قال لي ميعاد قلت ليهو سالم الجابك شنو هنا قال لي ليه تمشي ورا هواك وليه تدمري نفسك وسمعتك وليه تطلعي وترقدي مع راجل واداني كف عمري م انساهو قلت ليهو الكف دا يستاهل........ وغلبني اقول ليهو ريم لانو ح يكتلها وح يبقا فيها البقا فيني وراجلها ح يطلقها قلبي وجعني قلت ليهو سالم انا جيت عشان..... وغلبني اقول الحقيقة لانو ريم ح تضيع وانا حسيت نفسي مكسوره سالم قال لي ح تجيبي لي عمي الكلام وتجيبي لينا الكلام قلت ليهو شوف ي سالم انا م ح اقول السبب الجابني هنا لو ختيت لي سيف ف رقبتي بس انا عمري م ح اخلي راجل المسني قال لي المره الفاتت صدقتك وانك مظلومه وخالده كذبت فيك بس الليله شفتك بي عيوني وشفت بتاع العربيه اللاقيتيهو طالع من الحله قلت ليهو انت كان فيك زره رجاله كان وقفت قصاد العربيه وطلعت الراجل وكتلتو وتاني تعال اكتلني انا وراهو لكن كلامك دا لو انا فعلا م نافعه وفاجره ما بأثر فيني وشوف ي سالم انا وقفتي معاك زاتو شينه في حقي وحق اهلي لانو نحنا منفصلين الناس اقولو علي شنو سالم قال لي بطلي تمثيل الناس تشوفك مع راجل غريب عادي ومعاي انا اقولو منفصلين انتي لو بتعايني للناس م كان طلعتي مع راجل غريب قلت ليهو انا بعاين لي الناس والحله كلها عارفاني انا شنو م تجي انت وخالده تتهموني في شرفي لانو م ح يصدقوكم والقليل ادب دا معروف والله واتحداك واتحدا خالده وعشره زيكم قال لي الناس م شافو صورك العريانه ولا شافو كلامك لي الرجال قلت ليهو سالم ياتو رجال وراني دردشه ف تلفونو بي صورتي ومكتوب فيها نتلاقي اللليله لاني اشتقت ليك انا راسي لمن صدع دي خالده بي سرعه عملت الفبركه دي قلت ليهو اعوذ بالله ياخ انا بتعوذ من خالده وانا واثقه من نفسي ممكن انت تصدق وناس بيتنا زاتهم لو وريتهم الدردشة دي واني جايه بليل وقت متاخر اصدقو قال لي لانو دي الحقيقه قلت ليهو انا بخليكم لي الله لانو البتعملو فيهو دا لا ف البال ولا الخاطر وقصر الكلام يا سالم انا بتمني من ربنا الجيت عشانو ضميرو يصحا ويقول الحقيقه وانصفني وتعرف انت الحقيقه ولو ضميرو م صحا بتمني ينكشف وتعرف الحقيقه وساعتها يا سالم م ح تعرف تودي وشك وين من الناس وح تنكسر وح تدمر واتزكر كلامي كويس وانا ماشه والفي راسك اعملو وتوكلت علي الله معاك سلامه ومشيت
وصلت البيت لقيت ابوي مقلق علي قال لي كنتي وين قلت ليهو عند ناس حبوبتي واول مره اكذب علي ابوي قال لي عارفه ناس الحله ونظرتهم للمطلقه تاني م تطلعي بليل قلت ليهو حاضر ودخلت