رواية ابني ولكن
الفصل الثالث عشر13
بقلم نوسه حمد
كلام محمد زعلني وكسر قلبي معقوله انا شلت هموم الدنيا وكانت ح تجنني واستحملت عشانو وعشان اولادي وعشان ستره الحال اجي اقول لي انتي السبب انا لا كنت السبب في قله ادب نهال وحملها ولا سبب في انها تنسب طفل غير شرعي لمعمر ويكبر ويحصل الحصل هسي دا لاني م كنت زاتو متوقعه يحصل كده
دخلت غرفه اولادي ورقدتا جنب ايه بتي اول م رقدتا جنبها ايه حست بي وحضنتي شديد عليها حسيت بيها كانت محتاجه للحظه دي وم صدقت انها لقتها بقت ماسكاني قوي عليها انا بوستها في رأسها قلت ليها نومي حبيبتي قالت لي امي انا سمعت بابا اكورك فيك ليه بابا بعمل كده قعدت اضحك قلت ليها ابوك دا ابوي انا زاتي قالت لي كيف قلت ليها المره لمن تتزوجت وتلد اطفال زوجها ببقا ليها اب وام لانو بتكون انحرمت من اهلها😭 وموش هسي بابا بكورك فيك عادي وم بتزعلي منو لانو ابوك انا زاتي بكورك فيني وم بزعل منو لانو هو ابوي وامي واي شي وان شاء الله بعد تكبري عادي راجلك لو كورك فيك م تزعلي وتستحملي قالت لي بس بكون زي ابوي سرحت بعيد واتزكرت طيبت محمد وحنيتو والدنيا العيشني فيها وحبي ليهو قلت ليها والله صحي م اظن اكون زي ابوك ابوك دا في اخوانو فرق م اظن زاتو امو الولدتو تجيب زيو تاني
ايه قعدت تضحك قالت لي امي انتي زاتك حنينه اكتر من ابوي لانو بابا كورك فيك قدام عمو معمر واحمد ونهال وبرضو م زعلتي منو وهسي بتقولي فيهَو كلام سمح والله حظو ابوي عندو مره زيك قعدت اضحك قلت ليها امنيتي في الدنيا تلقي راجل زي ابوك وحنيتو 😘♥️😘😘قالت لي وبعد اكورك فيني بمش احكي لي بتي بي طيبت ابوها وم بزعل منو بعمل زيك 😂فجاه سمعت صوت محمد بضحك وفتح النور وقال لي ايه انتي ايه وربنا ح يديك راجل احسن مني قالت ليهو لا لا انا دايره زيك يا بابا لانو ماما بعد شاكلتها قالت انت طيب وحنين وماف راجل زيك قال ليها امك حنينه ي ايه بس انا مرات قاسي معاها عاينت ليهو وعاوزه اقووم من جنبهم قال لي دقيقه انا اسف حبيبتي زعلتك وليك العتبي حتي ترضى انا طوالي ابتسمت وقلت ليهو بري والله م زعلانه كلمتين منو مسحن اي كلام قالو لي❤️❤️♥️♥️❤️ قال لي ساهرتي بالبت دي خليها تنوم عندها مدرسه بكره وارح غرفتنا ايه قالت ليهو بابا انا عاوزه ماما تنوم معاي مشتاقه ليها قال ليها وم مشتاقه لي انا حضنتو قالت ليهو مشتاقه ليك اكتر منها قال ليها طيب ارح ارقدي معانا انتي هنا سريرك صغير م بشيلنا انا وامك وانتي😍
سوقنا معانا ايه ورقدناها في نصها وابوها بقا يدي فيها في دروس واي حاجه اقولا ليها بتقول ليهَو ماما َورتني وقال ليها الزمن صعب ي ايه حافظي ع نفسك وانتي بقيتي كبيره وواعيه وصلاتك في وقتها وتسمعي كلام امك لانو انا مشغول بي شغلي وامك م بتقصر
قالت ليهو بابا وعد قالت لي نفسي تكون امي امك م ممكن ادفعوها لينا لانها مسكينه والاستاذات والطلبه بضحكو عليها انا قلبي انقسم علي نصين ومحمد بقا متاثر قلت ليها ايه ماف ام بترضا بتها تنوم برا منها لانو الكلام دا غلط ي ايه وانتي عندك اخوان وهي م صح تمشي قدامهم بملابس البيت ولا تقعد من غير طرحه ولا أبوك برضا بي كده زي م انا م بخليك تبعدي مني امها م ح تقبل انو بتها تنوم برا البيت
انا هسي لا عند ناس امي لا حبوبتك م بخليك تبيتي وراي الا اكون انا معاك لانو خيلانك عندهم اولاد واعمامك برضو عندهم اولاد وم صح تقعدي وسطيهم كده غلط وحرام ي ايه قالت لي طيب ي ماما نمشى ليهم كل مره نقيل معاهم زي م بنمش لي عمو احمد انا قلبي انقطع اتزكرت نهال والعدوانيه الشايلاها لينا بس الحمد لله نعمل شنو محمد قال ليها ان شاء الله بعد تاجزو نمش ليهم لانو انتي ممتحنه ولازم تجيبي نسبه كويسه وازيعوك لينا قالت ليهو ادعي لي بابا وانا ان شاء الله اجيب نسبه سمحه قال ليها دعواتي كلها ليك ولي اخوانك
نسرين الصباح جاتني وترجف قالت لي منه صحي بت معمر حامل قلت ليها منه خلاص الناس ديل نشيلهم من راسنا لانو انا بي سببهم امس محمد كورك فيني وتاني وعدت نفسي م اشتغل بيهم لي بي حياتي اسمع بهنا وافضي بهنا والدنيا دي علمتنا ي نسرين نبقا ع اولادنا عشره م نهملهم والله كريم ع اولاد معمر من الولد الاسمو إياد
قالت لي بتكون حملت منو؟ ولا بتكون غلطت تاني؟ قلت ليها والله ي نسرين عشان م نظلم البت كلمه حمل زاتو م فاهماها وقالت لي انا بكره إياد اخوي لانو بوريني حاجات كعبه وم سألتها ي نسرين لانو البت دي قاطعه قلبي وقالت لي انا بكره ماما وبابا يعني البت دي مظلومه ووقعت ضحيه لغلطه امها ولو كانت بت معمر زي م قالت نهال ربنا بيسالها بي حقها دي أمانه في رقبتها مفترض تربيها وتوعيها الصاح من الغلط البت دي كانت بعدت من ولد الحرام دا بس امها م فاضيه ليهم من قله ادبها وقوتها وفصاحتها غايتو الله انتقم منها قالت لي غايتو معمر مصيبتو كبيره قلت ليها والله امس سكريهو اكون ف السما وضرب البت دي جنس ضرب بس الضرب لخير البت جاهت نزيف واجهضت قالت لي كلمني احمد وقلبي انقطع عليها ي حليلا وامها ح تزيد العليها
نتونس انا ونسرين الباب طقه . مشيت لقيتو عسكري سلم علي وقال لي انتي منه قلت ليهو اي قال لي مطلوب حضورك ف النيابه قلت ليهو سجمي في شنو قالت لي بعد تجي بتعرفي عندك جلسه بعد ساعه دخلت نسرين قالت لي دي نهال بتكون ي منه والله استرك منها
قلت ليها انا اهلي لو عرفو بموتو م عندنا بت بتدخل محكمه حتى لو شالو حقها تعفي بس م تدخل محكمه واتصلت لمحمد كلمتو وقال لي اجهزي انا بجيك هسي لبست ومحمد جاني ومشينا النيابه والاتوقعتو ياهو نهال رفعت فيني قضيه رد شرف وقالت انا اتهمت بتها بالحمل واني كذابه ياخ انا عاينت للبت غلبني ادافع عن نفسي واقول اي بتها حامل بالحرام وقلبي بقا مقطوع القاضي قال لي الزوله دي وجهت ليك تهمه انك اتهمتي بتها في شرفها هل الكلام دا صاح والبت واقفه ونهال ومعمر انا بقيت قلبي مقطوع غلبني اقول ليهم الكلام حقيقه وانو نهال كذابه وانا ع حق والبت فعلا حامل القاضي قال لي ردي وانا دموعي في عيني م قدرت ارد والصدمني معمر انا الوقفت معاهو امش معاها والله صحي الاختشو ماتو والدنيا م عندها ضمان محمد بقا وشو احمر وبقول لي منه اتكلمي قلت ليهو م عندي كلام قال لي كيف م عندك كلام احكي الحقيقه وم تكذبي إياك قلت ليهو حقيقه شنو قال لي انو وعد حملت والجنين طلع سكتا بقيت م قادره القاضى قال لي سكوتك بثبت عليك التهمه فرجاء ردي بالحقيقه نهال قالت ليهو دي واحده كذابه وبقت تبكي وانا م ح اسكت ليها عاوزه تشوه سمعت بتي الما بتخاف الله انا بقيت محمره ليها وممغوسه
القاضي سكتها قال ليها م سألناك م تتكلمي القاضي قال لي اخر سؤال تاني م بسالك وبقفل القضيه وبحكم عليك لانو السكوت بثبت الكلام عليك لانك م دافعتي عن نفسك محمد قال اتكلمي قلت ليهو خليني ف حالي وابيت اتكلم محمد بقا اقول لي معمر اتكلم انت انو سمعت الدكتور قال ليك بتك حامل وانت ضربتها لمن اجهضت ومنه وقفت معاك عشان الفضيحه ومعمر خشمو م فتحو محمد بقا اقول لا حول ولا قوة الا بالله العلي العظيم
طيب وعوده حبيبتي احكي الحصل ليك ووعوده حلفت م تفتح خشمها ونهال مبسوطه وانا من جواي قلبي موجعني اسكت واتستر ع البت والتهمه تثبت علي ولا اتكلم افضح البت البريئه والانا الوحيده عارفه قصتها من الاول مع إياد اخوها واغلط تالت مره؟؟؟