رواية زواج قاصره
الفصل الرابع عشر14
بقلم نوسه حمد
مشيت غرفتي امي جات لاحقاني قالت لي كنتي وين ي ميعاد قلت ليها عند ناس حبوبتي قالت لي كذبتي ع ابوك م بتكذبي علي انا كنتي وين ي بتي قلت ليها عند ناس حبوبتي قالت لي م حصل كذبتي علي لكن الليله كذبتي ي ميعاد انا مشيت ناس حبوبتك وقالو م جيتيهم لمن جيت ابوك قال لي كنتي عند ناس حبوبتك وم حبيت اكذبك قدامو وبي امكاني اني اكلمو واجي ادقك بس انتي كبيره وواعيه قلت ليها امي انتي واثقه فيني صاح قالت لي اي قلت ليها انتي امي وانا ح احكي ليك والكلام كتير بدايتو من سبب طلاقي بس م تتسرعي في حكمك علي زي سالم وهسي امشي وزعي ابوي خلي انوم مع اخواتي وتعالي ننوم هنا ف غرفتي لانو الحمل كتر علي م قادره اشيلو براي قالت لي سمح والنجيب ليك العشاء قلت ليها لا لا م عندي نفس يا امي قالت لي حالك م عاجبني من عدم الاكل لمن اتغيرتي وضعفتي قلت ليها معليش امشي وتعالي بنتفاهم
امي مشت وجات قالت لي كدي قومي لو م اتعشيتي م بسمعك قلت ليها لو اكلت بستفرغو لانو م عندي نفس خليني احكي ليك وبديت احكي ليها وضربات قلبها سامعاهن حدي عندي لمن العبره خنقتني
امي خافت قالت لي معقوله دا كلو احصل من خالده قلت ليها امي انا وريت الدليل سالم وحاول ارجعني بس وضعو اتغير انا رفضت وانا زاتي سالم م عاوزاهو بصدق كلام الناس قالت لي لخير طلاقك بس خالده انا م بخليها بفضحها قلت ليها امي اي تصرف غبي بطلعوني انا الكعبه وهم السمحين انا ف لحظه متابعتي ليهن هن وريم عملت دردشه من رقم ع اساس انو دي انا ورسلت صورتي
وسالم صدق عشان كده خليني انا بفكر وبتظبط ي امي انت بس ادعي لي قالت لي قطعتي قلبي ي بتي وبقت تبكي وضاماني عليها قلت ليها سلامه قلبك ي امي وانا واثقه من نفسي وكان لازم ادخلك ف الصوره عشان تكوني عارفه وانا خلي لي الموضوع دا بتصرف وابقي عشره ع اخواتي قالت لي بري تاني انا زاتي م ما رقه مخليا بناتي براهن قلت ليها سمح ياالغاليه نومي امي نامت وانا بقيت افكر لازم اتصرف مع خالده
صحيت الصباح مشيت قلت لي ابوي عاوزه لي تلفون ابوي قال لي تلفون شنو ي بتي تسوي بيهو شنو قلت ليهو ابوي عمري م طلبت منك حاجه بس جيب لي تلفون قال لي سمح
ابوي مشا وجا جاب لي تلفون قال لي بعت لي عيش وقمح وربحت فيهن كتير جبتا ليك التلفون دا ويا ميعاد م اوصيك سامع بنات الحله قالو الشي الاسمو واتساب دا خربن وسيرتهن بقت عند الناس قلت ليهو ابشرك ي ابوي انا بعرف استخدمو كويس بس م عندي شريحه قال لي اها دي م بعرف ليها قلت ليهو اتصل لي ع محمد ود عمي اجيب لي واحده واديهو القروش قال لي ي بتي م بريد اكلف الناس قلت ليهو بديهو القروش انا لو م شالن م بشيل الشريحه ابوي اتصل عليهو واداني ليهو قلت ليهو محمد انت وين قال لي ف الجامعه والله بس جاي الخميس مالك فشنو قلت ليهو خير ان شاء الله عاوزاك تجيب لي شريحه بس م تسجلها بي اسمك بي اسم واحد من اصحابك وبعد تجي الحله تعال لينا انا بحكي ليك قال لي ابشري الخميس بجيكم المساء جهزي القهوه قلت ليهو سمح
بقيت منتظرا محمد بي فارق الصبر عشان الشريحه محمد جاب الشريحه وجا قلت ليهو انا ح احكي ليك قال لي معليش ي ميعاد انتي بت عمي وانا بحترمك بس قبل م تحكي تكوني صاادقه معاي قلت ليهو والله اي حرف اقولو بكون صادقه معاك قال لي احكي وحكيت ليهو بالكلام من طق طرق لي السلام عليكم محمد انخلع وبقا اتمتم قال لي ميعاد شفتي واحده من اخواتي معاهن قلت ليهو محمد فالنفترض شفتها ح اكلمك يعني عشان تمش تكتلها بس انت خليك واعي وحزر اخواتك واحكمهن وتلفون في يدهن م اشيلنو لانو ناس حلتنا جاهلين بستخدمو التلفون بغباء م عادي وبقعو ضحايا ناس ولا من حلتنا عشان اقولو الحله الفلانيه بناتا كلهن م نافعات وهم البكونو سبب اغرو البنات بي قروشهم وبي قله ادبهم واغرقن ف الحرام والرجعه منو صعبه قال لي صدقتي والله بنسمع كتير بقولو نسوان حلتنا كعبات وم بنصدق بس الحكيتي لي دا م هين وخالده دي خليها علي انا قلت ليهو خالده الله انتقم منها بس انا ريم قاطعه قلبي ح تدمر قال لي والله دي قصه ريم صغيره ياخ وسالم حكي لي بس قال لي ميعاد بقت كعبه وكان جايط واليوم داك سكر بي سببك قلت ليهو ان شاء الله السكر نفعو قلت محمد انا م حبيت اقول ليهو ريم لانو م ح يصدقني وانا بشوف ريم لو عاوزه تمش ف الطريق دا انا بتصرف معاها وم ح ارحمها قال لي سمح ختيني ف الصوره عشان نقضي علي خالده والزيها وكان م دمرتها ابقا م اسمي محمد قلت ليهو محمد.م تتهور الناس ديل متحدين ياخ ف ثانيه فبركو لي دردشه وفي حين انو انا تلفون م عندي قال لي طيب دي الشريحه وماف زول عندو رقمك غيري انا واي شي يحصل تكلميني امي جات داخله قالت ليهو دي مصيبه ي محمد خالده قلبت حلتنا فيلم هندي الله انتقم منها قال ليها دا كلو بسبب الجهل بنات حلتها جاهلات وعرسوهن صغار وشايلات تلفونات م فاهمات فيهن شي واهلن بسيطين مافاهمين اي شي بس ميعاد واعيه قالت ليهو ميعاد عرضت حياتا للخطر ومصره تقيف قصادهن قال ليها ميعاد م تخافي عليها واعيه طالما اتصرفت التصرف دا وصدتهم منها وانا معاها وان شاء الله عوجه م بتجيها وفوتكم بي عافيه
محمد فات امي قالت لي ح تعملي شنو قلت ليها اصبري بس وم تركزي معاي ي امي انا ربنا معاي م تخافي
جبتا رقم خالده وبديت الدردشه معاها علي اساس اني راجل وقلت ليها جبت رقمك من فلان وانا عاوزك انتي وريم وبديكم بالدولار رايك شنو قالت لي لو علي انا موافقه النشوف ريم واديك رقمها اتصل عليها قلت ليها لا لا طبعا انا م بتصل اقومو اقبضو تلفونها وتبقا ليها مشكله وفضيحه انتي جيببها لي وتعالي وعندي بيت في حلتكم بخليكم تجو فيهو قالت لي ع شرط اسلمك ريم تديني القروش قلت ليها جدا من عيوني انا عاوز اشوفك انتي في ثانيه رسلت لي صور اشكال وانوع وبديت اتغزل فيها عشان تصدق وقلت ليها انا م سوداني انا سعودي قالت لي انا زاتي نفسي اتعرف علي اجانب انت ريم خليها خليك معاي انا قلت ليها انتي لا لا م دايرك علاقاتك كتيره وانا م بحب كده قالت لي طيب مره قلت ليها سمح ورسلت لي صور ريم صور مبالغه انا لمن حيلي مات قالت لي الصور دي بنهددهن بيها لمن ترفض قلت ليها شاطره والله عقلك مبالغه قالت ليهو ابقا علينا فقر وبهدله وم عندنا شي نبيعو النبيع نفسنا احسن قلت ليها لو جبتي لي ميعاد بديك الف دولار قالت لي ميعاد قويه وبت الدنيا واقعه ليها م قدرنا نستدرجها وهددناها وابت
انا طوالي عملت ليها ريكورد وبقيت اتخن في صوتي واغير في لهجتي عشان تصدق وتطمئن وتحكي وترد لي بي ريكورد عشان امسك لي دليل وفعلا م صدقت رسلت ليها ريكورد طوالي ردت لي بي ريكورد قالت لي ميعاد قويه وكانت ح تفضحنا وتفضح بنات الحله لغايه م دمرناها واليوم داك بليل شافتنا انا وريم كيف م عارفه قلبها قوي لحقت ريم لو م اتصلت علي كمال فبرك لي درذشه وفتنتها في ود عمها الكان راجلها واخو ريم م كانت سكتت قلت ليها لا لا لا دي انا م بتنفع معاي انا رجل أعمال كبير اقومو ارفعو فيني قضيه قالت لي اي اخير ليك ريم بتخاف وبتتهدد وبتجيك في اي زمن لانو راجلها في دبي هم زاتو استاهلو رجالهن اتزوجوهن وافوتو اخلوهن عروسات