رواية ابني ولكن
الفصل الرابع عشر14
بقلم نوسه حمد
بقيت ساكته ومحمد مرعوب من سكوتي وانا كل م اعاين لي وعوده قلبي ينقطع وحلفت م افتح خشمي ولا ادافع عن نفسي والقاضي قال لي يعني الكلام الاتقال صاح قلت ليهو الشايفو بس واعملو الدايرنو ونهال الشماته في عيونا ووعوده ساكته وعينها ف الارض ومعمر برضو م قادر اعاين لي انا اتجنبت اني م اعاين ليهم والقاضي قال رفعت الجلسه وح تكون في جلسه تاني بعد شهر
طلعنا من المحكمه وبقيت متوقعه اي رده فعل من محمد لاني غلطانه بس البت قاطعه قلبي مظلومه طالعين كده معمر جا سايق بتو ومرتو محمد قال ليهو معمر حرام عليك منه بريئه وانت عارف غلط بتك نسيت الحصل ولا عاوزين تضارو فضيحتكم ورا منه عشان لقيتوها مسكينه وضعيفه ياخ حرام عليكم اتقو الله انا عملت ليكم شنو عشان تجرجروني ورا المحاكم انا ومرتي معمرنهاي م رفع راسو ولا ردا والقاضي لو ركز ف وش وعد ومعمر بعرفني انا مظلومه
ركبت ف العربيه محمد قال لي شوفي ي منه انا م بدخل تاني محكمه وانتي تعترفي وتقولي الحقيقه ليه تكذبي ليه تغلطي تاني وهم الغلطانين م نحنا الغلطانين
منه الله يرضا عليك م تسكتي قلت ليهو بسكت ي محمد لو م كنت عارف الحقيقه انت تقول شنو قال لي ي مرا انتي مجنونه حقيقه شنو يا ام حقيقه انتي الحقيقه رافعه فيك قضية وح تجرجرنا ونحنا وشنا م وش محاكم منه بطلي طيبه زياده عن اللزوم دي عواره منك بس الحانه عليهم ديل رفعو فيك قضيه ومعمر اخوي خزلني بجد م يستاهل والله كريم علينا
قال لي منه ي تتكلمي ي اطلقك قلت ليهو طلقني ي محمد 💔 محمد انخلع قال لي خلاص هانت عليك العشره خلاص عاوزه تحرميني منك بطيبتك وهبالتك دي قلت ليهو محمد من ستر مؤمن ستره الله يوم القيامه قال لي اي نعم م قلنا شي بس دي قضيه وعاوزين الحقيقه ي منه لانو المؤمن الدايره تستري دا هو براهو المشا فضح نفسو بالمحاكم واكيد الناس كلها ح تعرف منه الله يرضا عليك م تسكتي اتكلمي دافعي عن نفسك خليك قويه م تنكسري منه انتي م عندك ذنب والحاصل دا ظلم من معمر ومرتو قلت ليهو محمد انا البت قاطعه قلبي والبت دي انظلمت من اقرب الناس ليها امها واخوها محمد حس بيها قال لي ياخ انعل ابو الاحساس والعواره بتاعتك دي ياخ
ي منه افهمي الناس ديل براهم مشو فتشو للمشاكل والفضيحه قال لي نهال عشان عارفاك عبيطه وم عندك شخصيه وح تسكتي وتستري عليهم زي م اتستري عليها زمان وخليتيها ربت ولد حرام وسطينا وهو سبب البلاوي دي كلها قلت ليهو بس انا م عندي ذنب انا المشاكل بتقع ف راسي قال لي اتفاديها وابعدي منها بالمواجهه ونهال لو لقتك قويه م بتعمل مشكله تاني ولا ح تتكلم بعد انتي تحكي الحقيقه والناس كلهم تعرف وامي تعرف قلت ليهو انا خايفه ع مشاعر امك انا عارفاها بتخاف
لو سمعت بت ولدها حملت بالحرام واجهضت ممكن تقع تننجلط انت م حسبت للحاجه دي قال لي خلاص اجلطيني انا ي منه واكتليني ما هو اصلو يا تغطسي حجري يا تسعديني وانتي الليله دايره تغطسي حجرنا كلنا واولادك اقول ليهم شنو أمكم واقفه ف المحاكم في قيل وقال
قلت ليهو اولادي عارفني كويس ي محمد وخليني في حالي الله يرضا عليك انا م ناقصه وصلنا البيت لقيت نسرين مرعوبه
محمد قال ليها منه ح تكتلني ومنه ح تدمر بيتها قالت ليهو كدي قول بسم الله فشنو قال ليها نهال اتهمت منه ورفعت فيها قضيه رد شرف ومنه م قالت الحقيقه القاضي قال ليها السكوت م كويس بس هي مصره تسكت عشان البت قاطعه قلبها وتقطع قلبي انا وتجيب لي سكري زي م نهال جابتو لمعمر وبقا اكورك وجايط لمن انحرجت مع نسرين
نسرين قالت لي منه م تسكتي لانو سكوتك بدمرك والعواقب م ح تقدري تتحمليها
محمد جاهو تلفون لقاها ايناس اختو وجايطه قالت ليهو كيف مرتك تتهم بت بريئه وانت مستحملها كيف ي محمد محمد قال ليها ايناس م عارفه حاجه م تتحشري واسكتي مني وصوتها كان عالي ومحمد اشيل ويحمر لي نظام كل منك
ايناس قالت ليهو للاسف انت م راجل والله وم عندك شخصيه م قادر تلم مرتك عليك💔 والصدمه الكانت لي قويه ام محمد زاتا صدقت وقالت لمحمد دايرين تشوهو سمعه العايله وكيف ي محمد منه بتي القلت طيبه وبت ناس تتهم بت معمر محمد قال ليها امي حتي انتي مصدقه قالت ليهَو مدام هي م قالت الكلام دا مالا سكتت لمن القاضي سالها..