رواية زواج قاصره
الفصل الخامس عشر15
بقلم نوسه حمد
اخدت وعد مع خالده ع اساس اني سعودي وقالت لي اول م ريم ترد عليها ح ترجع لي
يلا طوالي عملت اسكرن وبقيت ارسل لمحمد محمد اتصل علي ومصدوم شديد قال لي انا كنت م قادر اصدق انو في بنات برسل صورهن بالفظاعه دي ومنو كمان ريم لا حول ولا قوة الا بالله العلي العظيم قلت ليهو محمد الموضوع دا م يأثر معانا لازم نعمل خطه عشان سالم يعرف الحقيقه بس في حاجه انا لازم اعملها وعاوزاك انت تكون ف الخط قال لي شنو قلت ليهو انا اتكلم مع ريم واحاول اقنعها انها تبطل الفيهو دا لو وافقت اكون ضميرها صحا لو م وافقت نتم باقي خطتنا ونكلم سالم قال لي كويس قلت ليهو انا بتصل عليك انت اول مكالمه من تلفون ابوي وبدخلها مكالمه جماعيه قال لي قدام جريت جري جبتا تلفوني واتصلت علي محمد قلت ليهو اعمل كتم الندخل ريم قال لي سمح اتصلت علي ريم وردت علي قلت ليها ريم كيفك معاك ميعاد قالت لي اهلين قلت ليها لو جنبك ناس زحي منهم قالت لي براي قلت ليها ريم انتي ليه اتغيرتي وعشان شنو انا جيت وراك عشان انقذ حياتك ليه تعملي كده انا جيت بي كرعيني في الظلام داك عشان اكشفهم علي حقيقتهم واخليك تبعدي منهم تقومي انتي تختاريهم وتختاري الرزيله وتخليني ف محل مقطوع معقوله قلبك م صحا وفوق دا كلو خالده تفبرك لي دردشه وتكلم سالم وتقول ليهو العربيه الطلعت دا راجل لاقا ميعاد ونام معاها وفي حين انو انتي جوه مع الراجل وانتي النومتي معاهو بمقابل م خوفتي سالم اجي اوقف العربيه واشوفك قالت لي ميعاد حصل الحصل ودا كان تهديد ليك واصلا سالم مطلقك يعني لو شال فكره سيئه عنك م مشكله قلت ليها يااااه كمان بقيتي بجحه انا ما بهمني علاقتي مع اي زول اكتر مما بهمني شرفي وانا م بهمني سالم بالنسبه لي شنو اي نعم انا طليقتو بس شينه ف حقي انو افهم اني كنت نايمه مع راجل
والحار انو انا جيت انقذ اختو عرضو وشرفو انا سمعتي م بتهمو اكتر مما بتهمو سمعتك حتي لو كنت في عصمتو لانو ببساطه انا مرتو ممكن اطلقني والحله كلها بتقول بت محمد قبضوها مع راجل بس لمن تجي عندك انتي بقولو ريم اخت سالم وساعتها ح يتوجع وم ح يقدر يرفع راسو لانو انتي تربيتهم قالت لي ميعاد انا م ناقصه محاضرات عاوزه شنو قلت ليها عاوزاك تبعدي من سكتهم وتختاري تكوني شريفه موش لو هددوك تقاومي زي م انا قاومت اي كانو سبب في خراب بيتي وطلاقي بس انا ماشه راسي مرفوع وابوي راسو مرفوع ريم م تشوهي سمعه عايلتنا قالت لي انتي هددوك بي حاجه م حاصله بس انا صوروني فيديو عديل وبقو اهددوني بيهو قلت ليها لا حول ولا قوة الا بالله العلي العظيم قلت ليها برضو دا م سبب بخليك تواصلي ف الرزيله اتوكلي علي ربك واستغفري وادعي ربنا يسترك قالت لي واطلق زيك وادمر حياتي قعدت اضحك قلت ليها الطلاق م عيب والله والحمد لله انا اتطلقت ولا وطيت راس ابوي قالت لي ميعاد انا م بقدر وانتي لو بعدتي عني ماف زول بعرف وخالده حريصه انو م يشوفني زول قلت ليها بهموك الناس اكتر من ربنا ريم خالده ممكن تدسك من عيون الناس بس م ممكن تدسك من ربنا لانو ربنا موجود في كل مكان قالت لي كلام ربنا دا انا لسا م وصلت ليهو وانه غفور رحيم قلت ليها لكنه شديد العقاب قالت لي بعد اكبر بحج وبعمر وبستغفر وبتوب قلت ليها ضامنه نفسك تصبحي للصباح قالت لي ان شاء الله ويلا ي ميعاد انسيني وشيلني من راسك وم تكلمي زول لانو انا عندي حاجات بتدمرك انتي قلت ليها الفبركه دي بلوها واشربو مويتها انا م بتهدد وانتي بت عمي ومن الاصول اني انصحك بس شكلو ماف فايده وربنا يسترك وقفلت الخط ف وشي محمد بقا اكورك واسب وقال لي بكتلا الليله الفاجره قلت ليهو محمد ممكن تهدا محمد بقا سمو فاير خفتا منو قفلت الخط وجريت بيتهم لقيتو طالع بي سكينو مسكت منو السكين وقلت ليهو محمد م تهدم العملتو خلينا نحل الموضوع بهداوه القوه م تنفع وفاءاختو جات داخله قال ليها شوفي ي وفاء قسما عظما اسمع ف الحله ساي عاينتي لي ولد سكيني دي بضبحك بيها قلت ليهو محمد وفاء زوله عاقله وفاء بقت مخلوعه انا حكيت ليها ودخلتها ف الصوره عشان محمد بقا منفعل قلت ليهو استجدت بيك بس م قايلاك احمق زي رجال الحله ودي كانت رده فعل سالم لمن سمع عني قال لي ف فرق انتي فبركه وريم حقيقه سمعتها بي اضاني وسجلتها ي ميعاد عشان البت دي لازم نشوف ليها حل قلت ليهو يلا اهدا خلينا نحل الموضوع برواقه لو كتلتها ح تضيع انت
مشيت البيت لقيت خالده متصله لي رسلت ليها ف الواتس قلت ليها موش قلت ليك م تتصلي رسلي بس قالت لي معليش انا بس كنت عاوزاك توصف لينا المكان لانو ريم وافقت وح اجيبا ليك المساء قلت ليها اي تجيبيها وتجي انا م بجيكم عشان انا غريب وبنكشف قالت لي خلاص اها نجي وين قلت ليها برجع ليك النشوف لي محل قالت لي القروش جاهزه قلت ليها وبالدولار اتصلت علي محمد ووريتو خالده قالت لي شنو وقلت ليهو دايره بيت اكون فاضي عشان نجيب ريم وخالده فيهو وفي نفس الوقت انت تجيب سالم وانا بجي معاكم قال لي ايهاب صاحبي مرتو ف الولاده النشيل منو المفتاح لمن اكون هو ف الشغل قلت ليهو ظابط رسل لي الوصف رسل لي الوصف شلتو ورسلتو لي خالده
واتصلت علي سالم قال لي عاوزه شنو ي بت عمي الدايره تبقينا ملطشه قلت ليهو عاوزه اثبت برائتي بس ح تشوف حاجه م ح تعجبك قال لي شنو قلت ليهو الساعه كده تجي في بيت ناس ايهاب صاحب محمد قال لي كمان بتعرفي ايهاب صاحب محمد قلت ليهو اي عاوزاك تجي عشان تشوف حاجه قال لي كويس اتصلت لمحمد قلت ليهو عاوزه اجيب سالم البيت عشان اثبت برائتي واوريهو عمايل اختو يا رباها يا كتلا وف الحالتين نحنا م عندنا شغله بس اتهمني انا ف شرفي لا والله بقيف ف وشو قال لي انا زاتي بقيف في وشو اختو الفاجره واتهمك انتي الجريتي عشان تنقذي اختو قال لي خلاص ع الميعاد بمش انا اول وانتي تعالي وراي ونجيب سالم عشان م اعرف انا ف الموضوع الا لمن اتفاجاه بي هناك قلت ليهو ظابط
الصباح كلمت امي وقالت لي ستين يمين م بتمشي قلت ليها امي لو م مشيت ابقا ماف حلل ريم ح تدمر اكتر قالت لي مالك ومالا ان شاء الله تحرق قلت ليها ريم وغيرها وغيرها ح يبقو ضحايا لو م كشفت خالده لازم ابلغ فيها واطلب رد شرف امي قالت لي بررري ي بتي كمان محاكم وشرطه لا لا نرحل بس قلت ليها نرحل ونخلي بنات الحله ادمرن امي انا م بسكت واديني رضاك وم تجي لاحقاني تخربي الخطه وخليك واثقه اني م ح اعمل غلط لبست لي عبايه ونقاب ومشيت
محمد فتح لي الباب دخلت واتصلت علي سالم جا لقاني انا ومحمد قال لي محمد معقوله انت تكون مع ميعاد ومعقوله انت تخوني وتحب طليقتي محمد قال لي طليقتك شنو ميعاد دي بت عمي لو دايرها م بلاقيها ورا اهلها بمش اطلب يدها من عمي وبعرسها عديل ولي الشرف انو مرتي تكون ميعاد لانها بالف راجل بس الحاجه الحاصله غير كده محمد فتح التسجيل العملو لي ريم وسالم بقا مخلوع قال لينا دي ريم اختي وبقا خاتي يدو في راسو وبقا اكورك واسب وخنق محمد قرب اكتلو قال ليهو انت وقت عارفها كده بتسجل كلاما كان تجي تكتلَا قال ليهو اكتلا وتموت بالحقيقه وميعاد في نظرك تكون سمعتها مشوها لا م بعمل كده وانا واقف مع ميعاد لانو ميعاد اشرف منك ومن اختك وانت ظلمتها وطلقتها وم وقفت علي كده تاني رجعت اتهمتها في شرفها وفي حين انو هي مشت تنقذ اختك ويا سالم الانفعال م بحل شي نحنا جايبنك هنا عشان تصدق وهاك شوف الدردشات دي ميعاد دخلت علي خالده ع اساس انها راجل سعودي و ح تشتري اختك بالدولار وخالده م صدقت باعت اختك بكل بساطه وهسي جايين ف الطريق وامسك اعصابك سالم قال ليهو بكتل خالده مسكتو من يدو قلت ليهو وليه م كتلتها لمن رسلت ليك صور مفبركه وانا عريانه ح تكتلا لمن وصلت اختك المن لحمك ودمك موش قلت ليك لو عرفت الحقيقه م ح تعرف تودي وشك من الناس وين لانو ريم عرضك وشرفك انا قدرت طلقتني بس ريم م ح تقدر تطلقها لانها اختك وح توجعك حقيقتها بتكلم معاهو كده خالده اتصلت علي انا طوالي تخنت صوتي وغيرت لهجتي قالت لي انا برا الباب ومعاي ريم ح اسلمك ليها واشيل قروشي واطلع وتاني هي وشطارتها تشيل حقها منك بعد تجيك قلت ليها بشري العاوزاهو بديك ليهو سالم بقا متوتر قلت ليها ادخلي اول باب ع يدك اليمين فيهو غرفه ادخلي محمد بقا واقف برا الصاله عشان لمن ادخلن اقفل الباب وانا وسالم ف الغرفه فعلا دخلن ولقني ف وشهن وسالم كان ورا الستاره قالن لي ميعاد الجابك شنو قلت ليهن جابني الجابكن ريم قالت لي م قلتي الشريف الرضي لمن الدفع بقا بالدولار جيتي قلت ليها الدولار بختلف من الجنيه والسعودي بختلف من السوداني قالت لي اي كده اظهري ع حقيقتك قلت ليها اتفضلو انا ورديتي انتهت اول م دخلن سالم ومحمد ظهرو ليهن وبصوت واحد قالن