رواية ابني ولكن
الفصل الخامس عشر15
بقلم نوسه حمد
محمد اتغير مني شديد وقال لي انتي بتجيبي الكلام لنفسك وانا م مسؤول عن اي حاجه تجيك وانا اتكلمت معاك بس طيبتك الزياده عن اللزوم ح تدمر حياتنا ي منه قلت ليهو محمد انا م قصدي انو حياتي تدمر بس والله انا وعد قاطعه قلبي💔ولو بي ايدي اغير قدرها بغيرو بس للاسف م بقدر والبت انظلمت في حياتا م بقدر انا اشوه سمعتها قال لي تشوهي سمعه شنو ي منه انتي م بتفهمي دي الحقيقه البت حملت بالحرام وياعالم اكون حملها منو قلت ليهو م حملت بالحرام البت انظلمت وانا شفتا تعابير وشها لمن الدكتور قال حامل بس الله اجازي الكان السبب قال لي عامله اعتبار لمنو انتي؟ للبت الحملت بالحرام ؟ ولا لي معمر الخزلك ورفع فيك قضيه؟ ولا لي نهال العاوزه تخرب حياتك باي سبب قلت ليهو ليهم كلهم وعد مظلومه معمر م براهو في شي خلاهو ينسا وقفتي معاهو نهال مريضه ومهما عملت فيني بتمني ربنا يهديها لا دايمه لي لا دايمه ليها محمد قال لي انتي مجنونه مستحيل تكوني قلبك حنين للدرجه دي قلت ليهو لو بقدر اغير قلبي وابقا قاسيه صدقني م بتوقف نهاي بس ربنا خلقني كده قال لي تتغيري عشان الناس م بتستاهل طيبتك دي خليها لي اولادك قلت ليهو انا م شغاله بزول وطبعي م بغيرَو حتي لو اتخزلت منك انت البحبك قال لي ح تنخزلي وم تلومي الا نفسك وانا محكمه معاك تاني ما ماشي وبكلم اخوانك وفات مني
اخوي اتصل على قال لي تعترفي بالحقيقه ونحنا م عندنا بت بتدخل محاكم ولو تاني عتبتي المحكمه لا بتنا ولا بنعرفك قلت ليهو كتر خيرك ي اخوي بس الكلام دا م تقولي لي هسي كان تقولي لي من زمان كان تعلمني القسوه كان تقولو لي الناس كعبه كان تخوفوني من المجتمع وانا زي زيكم من جواي طيبه ودي صفاتي الاتربيت عليها وم بتغير ومصيرو الحقيقه تنكشف متين م معروف بس م بفضح البت ولا امها والله يسترهم ويسترنا دنيا واخره
خسرت محمد واهلي بطيبتي بس قلبي نهاي م طاوعني اني اعترف القاضي قال لي ي بت الناس انتي م شبه محاكم ولا جلسات انتي طيبه شكلك وميته بالحقيقه بس م بنصحك تكملي حياتك كده وانا بخلي القضيه مفتوحه وتاني م عندك جلسه لانو انا شايف الحقيقه ف عيونك ناهيك عن اني قاضي وانا حالف قسم اني م اضلم زول وم ح اظلمك عشان انتي اتسترتي علي البت وشكلو الموضوع اكبر من انك تحكي في محكمه وربنا يهدي سركم قلت ليهو ربنا كريم رجعت البيت وقلبي مقطوع لمتين تظهر الحقيقه ولمتين انا اسكت وانا مظلومه وسرحانه كده محمد قال لي مصره علي الفي راسك قلت ليهو الله كريم وم مقصره من واجباتك كزوج وربنا يصلح حالنا ونرجع زي م كنا محمد قال لي بعد تتغيري ي منه لانو انا غلبني معاك 😭😭😭
تاني يوم جاتني فدوي تبكي وشكلها عندها مشكله قالت لي معمر اتغير مني وكل م اجيب ليهو سيره الولاده يقول لي انا والد وم عندي مشكله احتمال انتي وقفتي من الولاده وانا صغيره ي منه واهلي كل مره اسالو فيني من الولاده قلت ليها ان شاء الله ربنا يرزقك قالت لي ان شاء الله بكره جاياك تمشي معاي لدكتور ف دريم وصفو لي قلت ليها جداااا وطلعت مني
اليوم كلو سرحانه وشايله هم وعد م شايله هم قضيه ولا غيرو لاني واثقه من نفسي كويس ولو الناس دي كلها وقفت ضدي انا م بقيف ضد وعد لاني انا شفت اخوها غلط معاها وحسيت في عيونها نفسها ف الاستقرار الاسري بس امها حارماها من اي شي
نهال جاتني الصباح قالت لي انا بكرهك وح اقيف قصادك في اي شي قلت ليها اخدي راحتك م بهمني شي بس ي نهال م سألتي نفسك بتك حملت من وين وغلطت مع منو ولا انتي مجرده من الاحاسيس همك كلو تعذبيني انا وم ح تستفيدي شي انا معاي ربنا وحد كذبك وغشك قريب ان
شاء الله ربنا م بظلم عبدو وانا متوكله عليهو قالت لي ليك كم سنه متوكله عليهو الحصل ليك شنو انا في لحظه قاعده اخرب حياتك يا المتوكله قلت ليها اعوذ بالله منك ذا قدري كده اعيش معذبه بس مصيري انتصر وربنا بمتحن صبري وقوه تحملي ومها الدنيا ادتني علي راسي ووقعت بقوم تاني ادعي ربنا اني اقيف علي حيلي والله كريم بس ي نهال لمن معمر يعرف حقيقه ولدك بتعملي شنو قالت لي بي استهتار بتوكل علي الله قلت ليها البتوكل علي الله م بغلط غلطتك دي ولمن اقع اقول اتوكلت علي الله انتي واحده نجسه وبتستهري بالدين ونسأل الله الهدايه ليك والله م حصل اتمنيت انتقم منك ولا اذاك بي شي لانو البتعملو ف الدنيا دي الدنيا بتلف وبتدور وبرجع ليك وانتي خليك جاهزه عشان تحصدي شرك قالت لي وانتي خليك جاهزه عشان تحصدي طيبتك وكل يوم انتي واقعه في راسك مصيبه قلت ليها امتحان وراكزه انا اركزي انتي بعدين بعد تنكشف حقيقتك
ولو سمحتي اتفضلي من بيتي
نهال طلعت ولاقتها فدوي ف الباب قالت لي الحربايه دي جات لشنو قلت ليها كالعاده تهدد فيني قالت لي البت دي عندها اثر عجيب علي الناس بتقنعهم بالكذب غايتو معمر متزوج شيطان قلت ليها ربنا عوضو بيك والله اديم بينكم الود ويرزقكم
طلعنا مشينا الدكتور ودخلنا اول ناس الدكتور اصر انها تجيب زوجها واتصلت علي معمر وجا وسبحان الله معمر اتغير نهاي وبقا سلام الله م بديني ليهو وعلى قول محمد استاهل انا وان شاء الله القاهو قدام العملتو ليهو
فدوي قالت ليهو م سلمت علي منه حمر ليها وقال ليها يلا ندخل الدكتور وارجعي ي منه م محتاجين ليك فدوي انحرجت قالت ليهو كيف ترجع وجات معاي توازرني وانت عامل فيها مشغول قلت ليها م مشكله ي فدوي انا برجع عشان اولادي بجو هسي قالت لي لا والله نرجع سوا وبقت ماسكه فيني قلت ليها خلاص تمام وانتظرتهم وعملو ليهم الفحوصات الاتنين وبقينا منتظرين النتيجه ومعمر التقول كاتله ليهو روح غايتو الله يسامحو
مشينا جبنا النتايج ودخلنا للدكتور الدكتور قال لي فدوي فحوصاتك نظيفه م عندك م يمنع الولاده بس للاسف معمر هو السبب في عدم الإنجاب معمر انخلع قال ليهو كيف وانا والد تلاته الدكتور قال ليهو متزوج غير مرتك دي قال ليهو اي قال ليهو للأسف انت م بتلد ودي النتايج بتاعت الفحوصات قدامي انا انخلعت وقلبي وقف معناتا وعد واختها م بنات معمر ومعناتا نهال والداهم كلهم بالحرام معمر قعد اجوط وبقا زي المجنون قال ليهو اياد ووعد وشهد جو من وين الدكتور قال ليهو والله م عارف بس دي النتايج الظاهره لي وفدوي قربت تقع الا انا م هزت فيني شعره ليه لاني عارفه نهال انها ولدت اول ولد بالحرام بس وعد وشهد م متاكده منهم وكانت الصدمه حاره لمعمر....