رواية زواج قاصره الفصل السادس عشر16بقلم نوسه حمد
خالده وريم من شافو سالم بي صوت واحد قالن سالم 😳
وطااخ سالم ادا ريم كف لمن اغمي عليها وانا بقيت ارجف قلت ليهو سالم مفتكر الضرب حل عليك الله اهدا شويه وريم بقت واقعه قلت لمحمد ارفعها معاي قال لي ميعاد دي اختو ان شاء الله اكتلها بعد دا كلو لسه حنينه معاها دي عاوزه تدمر سمعتنا خلي يكتلا قلت ليهو دا انت المتعلم ي محمد انت مفتكر القتل حل مشكلة لا لا انتو كده ح تكتلوها وتموت نجسه ادوها فرصه ترجع لي ربها والحصل هسي دا ببقا ليها عظه وخالده ح تبعد منها وانت نسيت ي محمد دا بيت ايهاب صاحبك لمن انت تشجع سالم ويتهور يكتلا انت الحا تكون متهم لانو صاحب البيت اداك المفتاح انت والحاصل هسي دا هو م عندو بيهو علم وسالم لو كتلها ح يكون م واعي تاني وح تدمر مستقبلك انت
عليكم الله الاتنين اهدو خلونا نتفاهم بي رواقه وبعد كده نشوف طريقه نصحي ريم ونمش بيتكم ي محمد وسالم بقا اعاين لي خالده وخالده ترجف زي القصبه وقالت ليهم اسمعوني دي مشاكل عائليه وانا م عندي فيها دخل حلوها بعيد مني قبلت عليها قلت ليها دي م مشاكل عائليه دي مشاكل حله كامله وانتي دمرتي بنات الحله وانا كنت ح اكون من ضمنهن بس ربنا كريم علي وانتي م بتخافي ربك والمعاك م بخافو ربهم اشترو في النسوان بالقروش وم عارفين اعراضهم الحاصل عليها شنو مفتكرين انهم ارباب بيوت بس للاسف هم نسوان زينا وانتي اكبر حيه ف الحله ياخ كان تقلي ادبك براك وم تدمري معاك البنات قالت لي هوي يختي انا م بخاف وانا الوراي اقسم بالله اقطعو راسك وراس المعاك ديل وانتو م تعملو فيها رجال كلكم م نافعين انا بقيت مخلوعه قلت ليها انتي فاتيه وفاجره وبجحه قالت لي شكرا يا الطاهره الشريفه انتي ابقي علي روحك عشره قلت ليها انا باقيه علي روحي بس الحاصل ف الحله م عاجبني ولا ح يعجبني وح اقيف قدامك لو ختيتي سكين في رقبتي سالم قال ليها شوفي يا خالده تجيبي التلفون دا وتمسحي صور ريم والفيديوهات قالت ليهو التلفون دا م بجيبو وم من حقك تشيلو مني انت م ولي امري وانا بفتح فيك بلاغ وانت نسيت نفسك ولا عاوز تعمل فيها نفسك طاهر طاخ اداها كف طوالي رده ليهو الكف كفين قالت ليهو الكف دا تديهو لي اختك وانا م بخاف منك و بفضحك انت كمان م فبركه
وفتحت تلفونها ودردشتها مع سالم وكلها كلام كعب وتبادل صور كعبه والعلاقه بينهم منفتحه شديد وانا هنا عرفت خالده بتصتاد النسوان الرجالهم غلطو مهاها و تبيعن لي الرجال وهي ماسكه رجال الحله وانا راسي شطب معقوله الناس كلها بقيت مريضه في الجنس معقوله ياخ وما بعاينو لي اي شي وصحي انعدم الحياء وريم ليها حق تدمر ي عالم سالم اخوها عمل شنو في دنيتو وربنا رداها ليهو في اختو انا حيلي مات وسالم بقا م قادر افتح خشمو خالده جرت التلفون مني وفاتت طبعا سالم بقا م عندو وش ومحمد بقا مخلوع وانا بين واعيه ومجنونه وبضحك ودموعي في عيني قلت ليهو سالم ليه وعشان شنو موش انت متزوج وعندك مره وقت م مكتفي بيها متزوجها ليه وهسي ضميرك م بأنبك لمن ترجع البيت وتلقاها منتظراك ياخ يخسي عليك 💔💔ومعناتا نسوان حلتنا م غلطانات انتو تغلطو وهن اغلطن والدنيا سدايه ورضايه بس الدنيا تدور بالسهوله دي ياخ انا مصدومه وبقيت ابكي قلت ليهو اكتر لحظه فرحت انك طلقتني فيها هسي سنتين وانا عايشه ف نار الفراق الاتعلمت معاهو الحب والحياه طلقني وكسر قلبي من جواي مكسوره لمن ظهر في شكلي وادمرتا وبقيت مطلقه من غير ذنب ودا كلو وم قدرت انساك ولا لحظه بس انا من اللحظه دي ح اشيلك من قلبي ولو الدنيا بترجع برجع الايام العشتهم معاك وخليتك تطلقني قبل تلمسني قال لي انتي السببب قلت ليهو انا السسبب انا عملت شنو قال لي انتي خليتيني قعدت اضحك قلت ليهو سالم انت م واعي متين انا فوتا خليتك انت طلقتني وقفلت الأبواب مني حتي م سمعت مني الحقيقه بس اقول ليك لخير عشان انا مالي الشرف ارتبط بي راجل خاين اخوني مع بنات الحله انا لمن اتزوج ح اتزوج راجل اخليني رافعه راسي في الحله وافتخر بي ارتباطي ليهو وزي م انا محافظه علي نفسي راجلي كمان يحافط ع نفسو وعلي لانو ح يكونو بينا بنات واولاد اكبرو والقو ابوهم من دي لي دي بحمد ربنا انك طلقتني وربنا كشفك لي ولو م كنا جبناك هنا من غير م تعرف انو خالده جايه كان اتهربت وكذبتنا لانك زاتك زيك وزي ريم سالم طاخ اداني كف ومحمد انفعل مسكو من جلابيتو وشالو فوق وضرب بيهو الارض انا لمن بقيت اكورك وبقو يضربو في بعض وريم صحت قالت لي سالم مالو قلت ليها اسكتي ياخ كلو منك
مسكت محمد قلت ليهو عليك الله عاين لي انا
محمد قال لي سالم ميعاد دي تاني لو عاينت ليها ساي الحله م بتشيلنا ياخ انت بعد العذاب الاتعذبتو دا كلو وانت عايش الدنيابكل رفاهيه تتزوج وتقل ادبك تجي تمد يدك عليها وانت ي سالم م راجل وانا ود عمك بقول ليك انت م راجل عاوز تباري فارغات الحله والنسوان وقالو وقلنا وريم اختك ذنبها عليك انت لانك انت لو زول محترم نفسك خالده م كانت فكرت في اختك ياخ خالده دي فعلا م براها التفكير البتفكرو بخباثه شديده مسكتك انت الراجل وباعت اختك واختك ي سالم صغيره الفي عمرها الثانوي م انتهنو لمن انت تبقا قدوتها صعلوق حله قله ادبك بترجع ليها ياخ انعل ابو جهلكم كلكم ومحمد بكورك ومنفعل قلت ليهو محمد عليك الله م تنفعل انت م عندك ذنب قال لي كيف م عندي ذنب ريم اختي وانتي اختي وسالم اخوي لمن اشوفكم بتدمرو قدامي بدمر انا قبليكم سالم بقا خجلان وطلع مننا محمد مسكو قلت ليهو خليهو يمشي وفات وريم بقت تبكي وخايفه من محمد انا ضميتا على وبقت تبكي وانا ابكي قالت لي ميعاد عليك الله م تخليني قلت ليها انا مستحيل اخليك انتي بت عمي وانا لو عاوزه اخليك كان خليتك لانك انتي قلتي لي انا رضيانه وابعدي من سكتي بس انا نوم م بنوم شايله همك قالت لي سالم بكتلني قلت ليها لا لا م بصلك ان شاء الله انتي مره راجل ولازم نفكر في حل كويس ي ريم محمد قال لي ميعاد يلا ارح عشان ايهاب دا بجي هسي قلت ليهو سمح انا بسوق ريم وبمش بيتنا ولو قدرت تعال لاحقنا قال لي لا لا انا م عندي نفس اطلع انا مصدع وبكره عندي جامعه يلا ابقو علي روحكم عشره وريم م تخافي ارجعي لي انا تلفون لو خالده تاني سالتك وراك رجال ي ريم م تخلي زول اهددك وقضي يومك مع ميعاد دي وربنا يستركن دنيا واخره طلعنا ومشينا بيتنا ريم كانت خايفه قلت ليها قومي ي ريم اتوضي وتعالي نصلي واستغفري وانا عندي خطه ان شاء الله ح تريحك شديد مشينا اتوضينا وصلينا وجيت قلت ليها وينو تلفونك قالت لي هدا قلت ليها تمسحي صورك كلها وتخلي فاضي ومسحتهم وحظرنا رقم خالده قلت ليها ف راجل عندو رقمك قالت لي لا قلت ليها يلا الخطه كالاتي تشيلي التلفون دا وتتصلي لي راجل وتبكي بكل قوتك تقولي ليهو يا تجي هسي ولا بكره م بنتظر يا تسوقني واكيد هو م بقدر اخلي شغلو وح يسوقك ي ريم وحبي راجلك واتعلقي بيهو وم تديهو فرصه انو يقدر اعيش من غيرك وتاني م تجي السودان ريم اتصلت عليهو وبقت تبكي بكا وهو بحبها شديد لمن حسيتو متوتر وبقول ليها اسكتي انا بعمل العاوزاهو قالت لي تجي قال ليها واجي اقعد عاطل واباري الجبنات والونسات ريم انا شغال عشانك وعشان اولادك وانا كنت جنبها كتبت ليها في ورقه قلت ليها قولي لي م عاوزه قروش عاوزاك انت انا مشتاقه ليك وابكي اقطعي قلبو بالبكا م تسكتي نهاي وبقت تعمل اي شي بقولو ليها انا شلت منها التلفون سلمت عليهو قلت ليهو كيفك قال لي كويس كنت بس هسي م تمام قلت ليهو ليه قال لي شايفه حال ريم والله انا ف الشغل وهسي ماسك لي شغل جوطتا السستم كلو قلت ليهو البت دي ليها يومين م اكلت وتبكي وامها احتارت فيها لمن انا جيت وجبتها بيتنا وقالت لي انا كويسه بس مشتاقه لي راجلي معقوله انت تكون مشتاقه ليك وتخليها انت بقيت سندها وتفكيرها كلَو انت لو م جيت ولا سوقتها ح تجن ولا تضيع قال لي لا لا بعد الشر عليها وانا هسي بقدم ليها لي زياره ولمن تجي هنا بعمل ليها اقامه ان شاء الله وعليك الله ي ميعاد اقيفي معاها الايام دي وانا بكلم سالم اخوها واستاذنو انها تقعد معاك انا ريم م بقدر استغني عنها ريم دي كل حياتي واديني ليها والاسبيكر كان فاتح قال ليها حبيبتي معليش اعفي لي اي دمعه نزلت منك بسببي وانا بكاك م بحبو وعهد الله انا شهر بالكتير ان شاء الله بجيبك معاي وجهزي جوازك برسل القروش لي سالم وافتحي الواتس هسي اشوفك فيديو كول وتمسحي دموعك دي واشوفك البسمه الانا بحبها قفلت الخط وفتحت الواتس واتكلمو فيديوو وانا قاعده اتبسم معاها والله كانو مسفرني انا فرحانه ليها شديد وراجلها حنين شديد قفلت منو قلت ليها ريم ياخ بالغتي هسي راجلك دا بخونوهو ولا بعاينو لي راجل غيرو شوفي الحنيه الهو فيها والرقي والزوق انا عجبني لمن قال لي استاذن سالم انو ريم تقعد معاك يومين ياخ دا نعم الرجال والله ابقي عليهو عشره وانا بخليك معاي هنا لمن اسفرك لي راجلك وخالده ان بقت مره تصلنا هنا وتسافري لي راجلك وتعيشي حياه طاهره مالك ومال الحرام