رواية ابني ولكن
الفصل السادس عشر16
بقلم نوسه حمد
معمر بقا هايج وسايق العربيه بي اقصي سرعه انا وفدوي حاولنا نهديهو بقول لينا اسكتن دا كلام بنسكت عليهو انا نهال ح تكتلني وبقا يبكي وانا بكاهو قطع قلبي ودا الكنت خايفه منو اني اكون سبب في حزن زول الحاجه دي م ساهله وممكن تجنن عديل وربنا يلطف بي معمر وانا وفدوي نشيل وندعا ليهو
وصلنا البيت ومشينا شقه نهال بس الحمد لله اولادها كانو ف المدرسه قلت لي فدوي تمشي تمسكي ام معمر عشان لو سمعت الكلام دا ممكن تقع وتنجلط علينا خليهم يفهموها براحه وطلعت لحقت معمر لقيتو اقول ليها اياد ووعد وشهد اولاد منو ي نهال قالت ليهو اولادك ي معمر وبقت تتبكا قالت ليهو معقوله تشك فيني وانا الحافظاك وحافظه بيتك وحافظه نفسي طاخ معمر اداها كف لمن وقعت انا دخلت قفلت الباب قلت ليهو معمر عليك الله براحها استرها يسترك ربنا معمر قبل علي قال لي وهي ليه م سترت نفسها هي ليه م سترت اهلها وهي ليه م سترتني عاوزاني انا استرها ي منه ودموعو عشره عشره قلت ليهو معمر عليك الله م تعمل كده انت عندك سكري والانفعال بضرك كدي اقعد براحه واتفاهم مع نهال ان شاء الله ربنا يصلح بينكم قال لي يصلح بين منو قلت ليهو انت ومرتك نهال قال لي انتي طيبه زياده عن اللزوم فكرك انا مره والده تلاته اطفال بالحرام تبقا مرتي والله انا لو وقعت موتا هسي قدامكم ي منه مالي الشرف انها تنحبس علي 😭 واحده نجسه زي دي ويا نهال انتي طالق بالتلاته وحرمانه علي قلت ليهو لا حول ولا قوة الا بالله العلي العظيم م كان تتسرع ي معمر واولادك قال لي اولاد منو البيني وبينهم شهاده ميلاد ومن السجل المدني بمسحهم نهال بقت تبكي زي المجنونه قالت لي انتي السبب انتي الوريتي معمر بالفحص الاول بس ي منه حسبي الله ونعم الوكيل فيك وانا ي معمر بشرح ليك الحاصل كلو وتاني حقي يشيلو لي الله من منه انا ي معمر كنت عيانه والشيطان دي ودتني الدكتور الشيطان طبعا لي انا قالت ليهو ونتيجتي اتلخبطت مع نتيجه واحده تانيه حامل والدكتور قال لي انتي حامل وكانت معاي منه وهسي انا بوديك للدكتور عشان اثبت ليك وحسبي الله ونعم الوكيل فيكم عاوزين تدمرو حياتي معمر قال لي منه الكلام دا صحي قلت ليهو اي ي معمر طاخ اداني كف قلت ليهو شكرا يا معمر احتمال كفك دا اصحيني للدنيا ي معمر وانا والله سكت عشان قلت انت م تعرف وتنفضح َقلت هي زي م قوت قلبها وحملت بالحرام تعمل الحرام مره تانيه وتتخلص منو وانا كنت من جواي عاوزه اهديها بس نهال قالت انا مجنونه وودوني للشيخ وانا جنيت بي سببها وسبب الخبر دا لاني م اتوقعتو منها وانت ي دابك سافرت بس الظاهر هي مريضه وانت من الاول م عرفتها ودي قسمتك وقدرك قال لي لا دي م قسمتي دا غبائك ي منه فلنفترض هي م اتخلصت منو وولدتو ونسبتو لي كان تكلميني عشان انا واحده زي دي م بثق في نسبها ولا بتشرف بيهو تقومي ي منه تسكتي وتلد تلاته بالحرام لي ي منه حرام عليك انا بقيت ابكي لانو كلمه حرام عليك وجعتني جوه قلبي انا فتشت ليهم لي ستره الحال وخوف من الفضيحه بس اتعلمت درس واحده م سترت نفسها انا م استرها وبالذات وصلت مرحله انها تنسب طفل غير شرعي لمعمر 💔💔💔 وهي بقت تتبكا والله دي منه عاوزه تخرب بيتي وتدمر حياتي ي معمر انا م كلمتك الشيخه قالت لي شنو قالت لي منه دي عاوزه تخرب حياتك وم عاوزاك تعيشي سعيده وعاوزه تفضح بتنا بالكذب وتقول حملت وبتي عندها دوره متراكمه وانا وريتك تقرير الطبيب قال ليها بتك لو سمحتي م بتي انا وانا زاتي اقول عمري م غلطت علي واحده ولا لمست بت تجي بتي تحمل بالحرام ودخلتيني في صراع مع نفسي ومع اهلي وخسرت محمد اخوي الوقف جنبي وخسرت منه الكانت لي اكتر من اخت ومشيت ورا كذبك واوراقك المزوره وبتك طالعه زيك ي استاذه مالي الشرف تنسبيهم لي انا الغلطتي معاهو تمشي تنسبي ليهم وواحده نسبت اطفال حرام لزوجها مستعده تزور اي ورق اقرار طبيب او غيرو وانا م متندم الا اني مشيت وراك ورا كذبك وبتك زيك والما عارفاهَو ي نهال والحا يصدمك هسي انو انا م بلد يعني م منه القالت لي كده ومنه صدمتني هي زاتا دا كلام م بنسكت عليهو نسبتي لي ولد عاصي وشاذ الناس كلها تشكي منو اهلي والجيران وقلت دا ولدي ودي قسمتي وتربيه امو الفاشله انو ولدي يطلع شاذ و غشيتي علي في حكايه بتك ومشيتي زورتي ليك ورق وبي عين قويه مشيتي رفعتي في منه الاشرف منك قضية ولسه مواصله في كذبك ودجلك وانا من الان لا انتي لا اولادك م ح تعيشوو معاي هنا وح اكلم اهلك بالحقيقه لانو دا كلام م بنسكت عليهو
وعوده جات تبكي بكا شكلها سمعت الكلام والبت بقت منططه عيونها كلام اكبر منها قالت لي ابوها انا م ح امش معاها انا ح اعيش ف الشارع لاني بت شوارع ومكاني م مع اسره مكاني الشارع وانا ما لي الشرف امي تكون نهال ورغم انها دي الحقيقه الوحيده الفي حياتي انها امي لانها شالتني تسعه شهور بس ي عالم ابوي يكون منو بس ي نهال دمرتينا انا وإياد وشهد وما جايبه لينا خبر اياد ولدك هو الغلط معاي انا ماف زول لمسني غيرو ومن صغيره كان بتحرش بي وهو العلمني علي حاجات كتيره ذنبي شنو انا اتربا في اسره وفجاه القا اخوي بعمل معاي حاجه م بتحصل بين الاخوان وكيف شهوتو تتحرك لي انا كبرتيني قبل أواني انا عشت في صراع داخلي وانا طفله وجيت كلمتك ي نهال وانا طفله بريئه قلت ليك إياد عمل لي حاجه غلط انتي كنتي مشغوله بي فارغتك قلت لي بهظر معاك وهو كان مندسي ورا الباب خايف من رده فعلك بس رده فعلك كانت بااارده ودا السبب الخلاهو يواصل في الحاجه دي من دون خوف ولا اعتبار ودا السبب الخلاني اشوف الحاجه دي هظار وحتي لمن عرفت انها هي غلطت م سمعت الكلام دا منك سمعتو من خالتو منه مره قالتو لينا انا وايه م نخلي زول يلمسنا في الحته دي حتي الدرس الاتعلمتو بالصدفه انتي كسرتيهو بي كلمه هظار عرفتي السبب الخلاني اريد خالتو منه ي نهال وكنت بقول ليك كوني زيها كنتي بتضربيني لانك حاسده وحاقده وعلي الاقل نحنا اولاد حرام ونسبتينا لراجل كان تحترميهو وتربينا تربيه سمحه عشان م نغلط غلطتك بس للأسف انا غلطت غصبا عني وولدك مدمن وشهد بتك في المدرسه نمبر ون في قله الادب والفصاحه والبجاحه وجايه زيك وانا من هسي بقول ليك م عندك فيني شغله اطلع اموت انحرق م تدخلي فيني والحاجه البنخاف عليها ف البت شالا ولدك اللهو اخوي ود امي ولو كان اخوي ود امي بالحلال م كان برضو عمل معاي كده بس هو ابن زنا منتظرا منو شنَو يعني البت بتتكلم وانا ابكي ومعمر يبكي ونهال زاتا تبكي واول مره احس بيها منكسره وفعلا اي اول ليهو اخر معمر بقا ما قادر يصدق والصدمه كانت حاره عليهو ووقع ف الارض وانا بقيت اكورك واسعفناهو المستشفى وجاتو جلطه. رقدتو في السرير. محمد جا مخلوع المستشفى قال لي قدام الناس كلهم جلطتي اخوي ي منه مالك ياخ عاوزه تدمريني انا واسرتي وانا كنت ابكي علي حاله معمر لانو كسرتو الدنيا فدوي قالت ليهو هوي ي محمد منه دي احسن مني ومنك ومعمر م قالت ليهو حاجه نحنا مشينا نعمل فحص عشان الولاده اتاخرت والدكتور قال لي معمر انك انت عقيم ودا السبب المعمر عرف بيهو مرتو نهال انها خاينه وناسبه ليهو اولاد بالحرام والمشكله ما هنا الصدمت معمر وعد قالت إنها حملت من إياد اخوها ومعمر وقع ومنه الوحيده الاسعفتو م تظلمها انتو ظلمتوها كتير وهي صابره وبتدعي ربنا انو اكشف الحقيقه وربنا استجاب لي دعواتها هي الخلت معمر يتزوجني وانا امش افتش للولاده ومعمر يعرف انو م بلد ويعرف انو ديل م اولادو وربنا كشف الحقيقه الجننت منه وتجي انت العارفها وعايش معاها تظلمها وايناس اختك ظلمتها وكسرت خاطرها كتير وبرضو منه جواها م تحمل الا الخير ودا من طيب اصلها وخسرت اهلها عشان سترت البت وكانت علي امل انها تكون بت معمر م بت حرام عشان م تنكسر وتنحرم من الزواج بسبب غلطه ود حرام ليها
ام معمر بقت تبكي وتعتزر لي قلت ليها امي انا م زعلانه بس كنت منتظرا ربنا ينصفني لانو الناس م بتصدق زي م انتي صدقتي لمن نهال جات اتهمتني بالكذب ورفعت فيني قضيه قالت لي نهال غشتنا بي ورق مزور وانا خوفت علي بت معمر بس م كنت قايلاها هي زاتا م بت معمر ومعمر ولدي مصيبتو كبيره
ووعد من لحظتها ديك م لقيناها ونهال ساقت اولادها وفاتت....